O‘zbekiston Prezidentining 2026-yil 24-martdagi PQ–107-sonli qarori bilan sport sohasini moliyalashtirish mexanizmlarini takomillashtirishga qaratilgan yangi chora-tadbirlar belgilab berildi.

Qarorga ko‘ra, 2026-yil 1-apreldan 2029-yil 1-aprelgacha bo‘lgan davrda Superliga va Proligada ishtirok etuvchi futbol klublari futbolchilari jismoniy shaxslardan olinadigan daromad solig‘ini to‘lashdan ozod qilinadi.

Shu bilan birga, mazkur futbolchilar uchun ijtimoiy soliq stavkasi 1 foiz miqdorida belgilanadi. Bu choralar professional futbolni moliyaviy jihatdan qo‘llab-quvvatlashga qaratilgan.

Mazkur qaror bilan Sport vazirligi huzurida Sport sohasida tashabbuslarni qo‘llab-quvvatlash jamg‘armasi tashkil etilishi belgilandi.

Shuningdek, sport federatsiyalari faoliyatiga xususiy sektor ishtirokini kuchaytirish ko‘zda tutilgan. Xususan, yillik xarajatlarning kamida 20 foizini qoplagan tadbirkorlar federatsiyalar ijro organlariga kiritiladi.

Professional futbol klublarida esa kamida 20 foiz homiylik mablag‘i kiritgan tadbirkor yoki guruhga klubni ishonchli boshqaruvga berish amaliyoti joriy etiladi.

Source link

Toshkentda FIFA Series 2026 xalqaro futbol turniri boshlandi. 1-turda O‘zbekiston va Gabon bellashdi. Eldor Shomurodov, Jahongir O‘rozov va Alisher Odilov gollari milliy jamoaga irodali g‘alabani keltirdi.

Toshkentda FIFA Series 2026 xalqaro futbol turniri boshlandi. Unda O‘zbekistondan tashqari Gabon, Trinidad va Tobago, shuningdek, Venesuela ham ishtirok etmoqda.

O‘zbekiston milliy jamoasi 1-turda Afrika qit’asi vakili Gabon bilan o‘ynadi va 3:1 hisobida g‘alaba qozondi.

6-daqiqadayoq mehmonlar Averlant goli evaziga hisobni ochdi. Biroq, Fabio Kannavaro shogirdlari o‘yinda burilish yasab, Eldor Shomurodov (14-daqiqa), Jahongir O‘rozov (59) va Alisher Odilov (90+4) gollari evaziga irodali g‘alabani qo‘lga kiritdi.

IFA Series 2026

27 mart, Toshkent, «Bunyodkor» stadioni

O‘ZBeKISTON – GABON 3:1

Gollar: Teddi Averlant, 6 (0:1), Eldor Shomurodov, 14 (1:1), Jahongir O‘rozov, 59 (2:1), Alisher Odilov, 90+4 (3:1)

O‘zbekiston: O‘tkir Yusupov, Hojiakbar Alijonov (Behruz Karimov 76), Rustam Ashurmatov, Otabek Shukurov (Umarali Rahmonaliyev 90+2), Odil Hamrobekov (Akmal Mozgovoy 76), Aziz G‘aniyev (Doston Hamdamov 76), Oston O‘runov (Alisher Odilov 76), Sherzod Nasrullayev (Farruh Sayfiyev 90+2), Eldor Shomurodov (Igor Sergeyev, 88), Umar Eshmurodov, Jahongir O‘rozov.

Gabon: Fransua Bekale, Nze Bagnama (Noa Lemina 82), Yohan Obiang, Teddi Averlant (Edlin Matouti 82), Urie Mbula, Shevi Babika, Omfia Mik, David Sambissa (Ben Kabinambele 46), Jyeremi Oyono, Dide Ndong.

Ogohlantirish: Kanga (69)

Turnirning yana bir o‘yinida Venesuela 4:1 hisobida Trinidad va Tobagoni yengdi.

Yakuniy tur o‘yinlari 30 mart kuni o‘tkaziladi.

– 15:00 Gabon – Trinidad va Tobago («Paxtakor» stadioni)

– 19:00 O‘zbekiston – Venesuela («Bunyodkor» stadioni)

FIFA Series 2026 turnirlari o‘rtoqlik o‘yinlari o‘rnini bosishi nazarda tutilgan va butun dunyo bo‘ylab o‘tkaziladi. Erkaklar o‘rtasidagi bahslarga O‘zbekistondan tashqari, Avstraliya, Ozarboyjon, Indoneziya, Qozog‘iston, Yangi Zelandiya, Puerto-Riko, Ruanda mezbonlik qiladi. Ayollar o‘rtasidagi musobaqalar Braziliya, Kot-d’Ivuar va Tailandda bo‘lib o‘tadi.

Turnirlarda ishtirok etayotgan beshta erkaklar milliy jamoasi – Avstraliya, Kabo-Verde, Kyurasao, Yangi Zelandiya va O‘zbekiston 2026 yilgi jahon chempionati ishtirokchisi sanaladi.

Source link

Eron hukumati eronlik futbolchi Sardor Ozmunning mulklarini musodara qilishni rejalashtirmoqda. Bu haqda Erondagi Fars agentligi xabar tarqatdi.

Eronning G‘uliston viloyati prokuraturasi Tehron «dushman» deb hisoblagan tashkilotlar va davlatlarni qo‘llashda gumonlanayotgan 16 kishining «mulklarini aniqlash va musodara qilish jarayoni»ni boshlagan. Fars o‘z manbasiga tayanib yozishicha, bunday shaxslar ro‘yxatida eronlik hujumchi Sardor Ozmunning ham nomi bor.

Avvalroq Ozmun o‘rtoqlik uchrashuvlari uchun yig‘in o‘tkazayotgan Eron milliy jamoasi tarkibidan chetlatilgani xabar qilingandi. Bunga u ijtimoiy tarmoqdagi sahifasida Dubay amiri Muhammad ibn Rashid ol-Maqtum bilan tushgan suratini joylashi sabab bo‘lgan – Tehrondagilar buni «sadoqatsizlik akti» va BAAni qo‘llab-quvvatlashga ishora deb baholagan.

Ozmun futbolchilik faoliyatini Eronning «Sipohon» klubidan boshlagan, keyinroq Rossiyaning «Rubin» va «Zenit» klublarida o‘ynagan. 2022 yilda uni Germaniyaning «Bayyer» klubi transfer qilgan, u bir muddat Italiyaning «Roma» klubiga ijaraga berilgan, 2024 yilda esa BAAning «Shabob Al-Ahli» klubiga kelib qo‘shilgandi va hozir ham shu klub safida to‘p surmoqda.

Source link

Ukraina, Uels, Irlandiya va yana besh jamoa turnir bilan xayrlashdi.

26 mart oqshomida Yevropa yashil maydonlarida JCh-2026 saralashi o‘tish bosqichida yarimfinal o‘yinlari bo‘lib o‘tdi. 16 jamoadan sakkiztasi mundial uchun imkoniyat saqlab qolmoqda. 31 mart kuni Italiya, Turkiya, Polsha, Shvetsiya, Chexiya, Daniya, Kosovo va Bosniya jamoalari to‘rt yo‘llanma uchun kurashni davom ettiradi.

Italyanlar finalda Bosniya bilan o‘ynaydi: Tonali va Jyeko qahramon

Italiya – Shimoliy Irlandiya 2:0

Gollar: Tonali, 56 (1:0). Kin, 80 (2:0)

Italiya: Donnarumma, Bastoni (Gatti, 63), Kalafiori, Manchini, Lokatelli, Tonali (Palestra, 83), Barella, Dimarko, Politano (Pizilli, 83), Retegi (Espozito, 63), Kin (Raspadori, 88)

Shimoliy Irlandiya: P. Charlz, Hyum, Makkonvill, Makneyr, Spenser (Magennis, 79), Devlin (Smit, 68), Gelbreyt, Sh. Charlz, Prays (Marshall, 83), Devenni, Donli (Rid, 79)

Ogohlantirish: Bastoni, 58

Uels – Bosniya va Gersegovina 1:1

Gollar: D. Jyeyms, 51 (1:0). Jyeko, 86 (1:1)

Penaltilar seriyasi: Demirovich – (0:0)(darvozabon). Uilson – (1:0). Tabakovich – (1:1). Harris – (2:1). Bashich – (2:2). Jonson – (2:2)(xato). Hojiahmetovich – (2:3). Uilyams – (2:3)(darvozabon). Alaybegovich – (2:4)

Uels: Darlou, Loulor, Rodon, Dasilva, Uilyams, Ampadu, Uilson, J. Jyeyms (Kallen, 56), Jonson, D. Jyeyms (Tomas, 84), Bruks (Harris, 74)

Bosniya va Gersegovina: Vasil, Muharemovich, Katich, Kolashinats (Bashich, 62), Dedich (Gigovich, 112), Tahirovich (Alaybegovich, 62), Shunich (Tabakovich, 78), Memich (Burnich, 74), Bayraktarevich, Demirovich, Jyeko (Hojiahmetovich, 91)

Ogohlantirishlar: Kallen, 70 – Memich, 5. Demirovich, 37. Kolashinats, 39

Italiya Shimoliy Irlandiya to‘sig‘idan o‘tdi – 2:0. Lekin o‘yin mezbonlar uchun oson kechmadi. Faqat 56-daqiqaga kelib Sandro Tonalining uzoq masofadan to‘pni to‘xtatmasdan yo‘llagan zarbasi amalda o‘yin taqdirini hal qildi. U 80-daqiqada Moyze Kin urgan ikkinchi golda ham asosiy ishni bajardi.

Italyanlar o‘yin davomida jami 19 zarba berishdi (Shimoliy Irlandiyada beshta) va haqli g‘alabaga erishdi. Ikkinchi gol ham vaqtida urildi va muxlislar asabiy yakundan qutulib qolishdi. Italiya bu safargi saralashda yoki g‘alaba qozonmoqda (yetti marta), yoki yutqazmoqda (ikki marta Norvegiyaga).

Bosniya esa Uels maydonidagi o‘yinda kambek amalga oshirib, penaltilar seriyasida final yo‘llanmasini qo‘lga kiritdi – 1:1 (4:2). Uelsliklar butun ikkinchi bo‘lim davomida hisobda oldinda borishdi: Deniel Jyeymsning ikkinchi bo‘lim boshida kutilmaganda 25 metr masofadan yo‘llagan zarbasi mezbonlarga g‘alabani kafolatlashi mumkin edi – bu vaziyatda kiper Nikola Vasil to‘pni yaqin burchagidan o‘tkazib yubordi. Bosniyaliklar deyarli vaziyatlar yaratishmadi, ammo so‘nggi daqiqalarda hisobni tenglashtirishga erishishdi – 40 yosh arafasida ham qarilikni tan olmayotgan Jyeko o‘z uslubida bosh bilan gol urib, jamoalarni qo‘shimcha bo‘limlarga olib o‘tdi.

Jyeko 91-daqiqada almashtirildi – bosniyaliklar usiz ham qo‘shimcha bo‘limlarda durangni saqlab qolishni va penaltilar seriyasida g‘alaba qozonishni uddalashdi. Uels futbolchilari qatorasiga ikki bor xato qilishdi: avvaliga Brennan Jonsonning zarbasidan keyin to‘p to‘sin yuqorisidan o‘tib ketdi, keyin esa Vasil Neko Uilyams yo‘llagan zarba yo‘nalishini topa oldi. Bosniyada esa birinchi zarbani Ermedin Demirovich ura olmagandi, lekin undan keyin nuqtaga yaqinlashgan jamoadoshlari xatosiz harakat qilishdi.

Final: Italiya va Bosniya, Zenitse

Turkiyada kamtarona, Kosovoda – megayorqin g‘alaba

Turkiya – Ruminiya 1:0

Gollar: Ferdi Kadio‘g‘li, 53 (1:0)

Turkiya: Ugurjan Chaqir, Oqoydin, Abdulkarim Bardakchi, Ferdi Kadio‘g‘li, Mert Muldur, Hoqon Chalxono‘g‘li (O‘zan Qoboq, 90), Ismail Yuksek, Arda Guler (Irfan Qahvachi, 90), Kenan Yildiz, Barish Yilmaz (O‘rxun Ko‘kchi, 78), Karim Oqturko‘g‘li

Ruminiya: Radu, Dregushin, Burke, Banku, Ratsyu, Marin (Tenase, 66), Dragomir, Xaji (Stanchu, 71), Mixeyle (Bayaram, 88), Man, Birlidja (Mikulesku, 88)

Ogohlantirishlar: Irfan Qahvachi, 90. Karim Oqturko‘g‘li, 90 – Dragomir, 18

Slovakiya – Kosovo 3:4

Gollar: Valent, 6 (1:0). Xo‘ja, 21 (1:1). Garaslin, 45 (2:1). Asllani, 47 (2:2). Musliya, 60 (2:3). Xayrizi, 72 (2:4). Strelets, 90+4 (3:4)

Slovakiya: Dubravka, Vavro, Obert, Valent, Duda (Benesh, 83), Lobotka, Gansko, Bero (Mraz, 90), Garaslin (Tupta, 83), Sauer (Suslov, 45), Strelets

Kosovo: Murich, Dellova, Xayrizi, Haydari, Gallapeni, Voyvoda, Rejbechay, Musliya (Xadirgonay, 90), Xo‘ja (Emerlahu, 90), Asllani (Zabergya, 73), Murichi (Rrahmani, 90)

Ogohlantirishlar: Vavro, 89. Valent, 90 – Xayrizi, 14. Dellova, 25. Xo‘ja, 51

Turkiya Ruminiya to‘sig‘idan o‘tdi – 1:0. Mezbonlar faqat ikkinchi bo‘limda pozitsion hujum orqali raqib mudofaasini buzib o‘ta olishdi: 53-daqiqada Arda Guler to‘pni jarima maydoniga yetkazib berdi, qanot himoyachisi Ferdi Kadio‘g‘li to‘pni o‘ziga bo‘ysundirdi va uni ruminlar darvozabonining yonidan o‘tkaza oldi.

Ruminlar standart vaziyatlar va qarshi hujumlar orqali javob qaytarishga urindi. Ammo Turkiya haqli ravishda g‘alabaga erishdi – mehmonlarda hisob 0:1 holatida yaqqol vaziyatlar yuzaga kelmadi.

Kosovo esa Slovakiyadan kuchliroq chiqdi – 4:3. Bu kunning eng yorqin o‘yini bo‘ldi. Tomonlar o‘yinni quvlashmachoqqa aylantirishdi. Slovaklar safida 6-daqiqadayoq Martin Valent gol urgandi. Kosovoliklar safida Veldin Xo‘ja javob qaytardi. Va slovaklar baribir tanaffusga hisobda oldinda borgan holda yo‘l olishdi: Lukash Garaslin jarima zarbasidan ikkinchi golni urdi.

Tanaffusdan keyin esa kosovoliklar mezbonlar darvozasini uch bor ishg‘ol etishdi. Florent Musliya ham jarima zarbasini golga aylantirdi. O‘yin taqdiri Fisnik Asslani va Kreshnik Xayrizining gollaridan keyin hal bo‘ldi. 94-daqiqada David Strelets tomonidan urilgan gol slovaklarni qutqarib qololmadi.

Final: Kosovo – Tursiya, Prishtine

Yokeresh shvedlarni, Levandovski Polshani finalga olib chiqdi

Ukraina – Shvetsiya 1:3

Gollar: Yokeresh, 6 (0:1). Yokeresh, 51 (0:2). Yokeresh, 73 – penalti (0:3). Ponomarenko, 90 (1:3)

Ukraina: Trubin, Bondar, Zabarniy, Mikolenko, Timchik, Kalyujniy (Ocheretko, 60), Sudakov (Ponomarenko, 77), Yarmolyuk (Shaparenko, 85), Zubkov (Gutsulyak, 60), Tsigankov, Vanat (Yaremchuk, 60)

Shvetsiya: Nordfeldt, Xin (Starfelt, 37), Lindelyof, Lagerbilke, Chelstrem, Ayyari (Svensson, 77), Gudmundsson (Bergvall, 77), Yuhansson, Nyugren, Elanga (Svanberg, 90+4), Yokeresh

Ogohlantirishlar: Timchik, 56. Trubin, 71 – Nordfeldt, 75

Polsha – Albaniya 2:1

Gollar: Xo‘ja, 42 (0:1). Levandovski, 63 (1:1). Zelinski, 73 (2:1)

Polsha: Grabara, Bednarek, Kivyor, Kendzera (Sviderski, 62), Zelinski (Moder, 82), Shimanski, Skuras, Kesh, Kaminski (Pirka, 90+2), Rozga (Petushevski, 46), Levandovski (Slish, 90+2)

Albaniya: Strakosha, Ayyeti (Ismayli, 18), Jimsiti, Mitay, Hyusay, Aslani, Shehu, Lyachi (Muchi, 82), Xo‘ja (Pilios, 68), Uzuni, Bayrami (Broyya, 68)

Ogohlantirishlar: Levandovski, 87. Sviderski, 90 – Mitay, 34. Hyusay, 79. Aslani, 88

Shvetsiya Ukrainaga qarshi o‘yinda jiddiy muammoga duch kelmadi – 3:1. Nominal mehmonlar o‘yinning atigi 32 foiz qismida to‘pga egalik qilganiga qaramay, Viktor Yokereshning het-trigi evaziga finalga chiqdi.

Shvedlar 6-daqiqadayoq hisobni ochishdi: Yokeresh Benyamin Nyugrenning chap qanotdan bergan uzatmasini darvoza to‘riga to‘g‘rilab yubordi. «Arsenal» hujumchisi shu kuni vaziyatlardan foydalanish bo‘yicha ideal ko‘rsatkich qayd etdi: ikkinchi bo‘limda Yokeresh darvozabon tomonidan berilgan uzatmadan foydalanib ikkinchi golni urdi, keyinroq penaltini aniq ijro etib, hisobni yirik ko‘rinishga keltirdi. Uchta zarba va uchta gol.

Ukrainlar to‘pga egalik qilishdi, ammo chinakamiga xavfli vaziyatlarga ega bo‘lishmadi. Matvey Ponomarenkoning 90-daqiqada urgan goli esa amalda hech narsaga ta’sir ko‘rsatmadi. Ukrainlar qatorasiga beshinchi jahon chempionatini o‘tkazib yuboradi, jamoa mundialda birinchi va oxirgi bor 2006 yilda qatnashgan va chorakfinalgacha yetib borgandi.

Yokeresh saralashning guruh bosqichini juda kuchsiz o‘tkazib, birorta gol urolmagandi, jamoasi esa atigi ikki ochko bilan oxirgi o‘rinda qolib ketgandi. Ammo Millatlar ligasi turniri reytingi evaziga o‘tish bosqichiga yo‘l olgan skandinavlarda endi yaxshi imkoniyat hosil bo‘ldi.

Polsha Albaniyaga qarshi o‘yinda kambek amalga oshirdi – 2:1. O‘yinda muxlislar ikki xil bo‘limga guvoh bo‘lishdi. Birinchisida polyaklarning ishi yurishmadi, qolaversa, jamoa yetakchilaridan biri Yan Bednarek golga sababchi bo‘ldi: u to‘pni qabul qilishda sustkashlikka yo‘l qo‘ydi va Arber Xo‘ja bundan foydalanib, darvozabonni ham aldab o‘tdi va bo‘sh darvozani ishg‘ol etdi.

Polyaklar ikkinchi bo‘limda o‘ziga kelishdi. 63-daqiqada Robert Levandovski boshda yo‘llagan zarbasi bilan muvozanatni tikladi, o‘n daqiqa o‘tib Petr Zelinski o‘z uslubida jarima maydoni tashqarisidan kuchli zarba berdi – 2:1. Polsha qatorasiga beshinchi o‘yinda yutqazmayapti va finalga chiqmoqda.

Final: Shvetsiya – Polsha, Stokholm. 

Daniyada oson g‘alaba, chexlar ham o‘yin oxirida qutulib qoldi

Daniya – Shimoliy Makedoniya 4:0

Gollar: Damsgor, 49 (1:0). Isaksen, 58 (2:0). Isaksen, 59 (3:0). Norgar, 75 (4:0)

Daniya: Hermansen, Nelsson, Norgar (Provstgor, 86), Mele, Ba (Hoysberg, 81), Yulmann, Heyberg, Froholdt, Damsgor (Narti, 86), Isaksen (Eriksen, 73), Hoylund (Heg, 81)

Shimoliy Makedoniya: Dimitriyevski, Zaykov, Musliu, Errera, Stoychevski, Elmas, Atanasov (Alimi, 64), Bardi, Churlinov (Doriyev, 64), Kamili (Miovski, 64), Rastoder (Musovski, 77)

Ogohlantirishlar: Elmas, 72. Bardi, 86

Chexiya – Irlandiya 2:2

Gollar: Perrott, 19 – penalti (0:1). Kovarj, 23 – avtogol (0:2). Shik, 27 – penalti (1:2). Kreychi, 86 (2:2)

Penaltilar seriyasi: Perrott – (0:1). Kreychi – (1:1). Ida – (1:2). Souchek – (2:2). Breydi – (2:3). Xitil – (2:3) (darvozabon). Azaz – (2:3)(darvozabon). Shik – (3:3). Braun – (3:3) (darvozabon). Kliment – (4:3)

Chexiya: Kovarj, Granach, Kreychi, Xolesh (Xaloupek, 46), Darida (Souchek, 46), Provod, Yurasek (Karabets, 82), Tsoufal (Sadilek, 82), Shuls (Kliment, 103), Shik, Xori (Xitil, 73)

Irlandiya: Kelleher, Kollinz, O`Shi, O`Brayyen, Molumbi (Smodich, 115, Veyl, 120+1), Teylor (Breydi, 68), Menning (Braun, 68), Koulman (Dann, 96), Finn Azaz, Ogbene (Ida, 96), Perrott

Ogohlantirishlar: Granach, 90 – Teylor, 21. Menning, 26

Daniya Shimoliy Makedoniyani taslim qilishi uchun 10 daqiqa yetarli bo‘ldi. Mezbonlar ikkinchi bo‘limni shiddatli bosim bilan boshlashdi va 49-daqiqada Mikkel Damsgor hisobni ochdi. 58-daqiqada aynan uning uzatmasidan Gustavo Isaksen ikkinchi golni urdi, 59-daqiqada esa «Latsio» hujumchisi dublni rasmiylashtirdi. Biroz o‘tib Kristian Norgar yakuniy hisobni o‘rnatdi – 4:0.

Daniyaliklar uchun bu so‘nggi uch o‘yindagi ilk g‘alaba bo‘ldi. Jamoa guruh bosqichining so‘nggi turlarida qoqilgandi: avvaliga Belarus bilan kutilmaganda durang qayd etilgan (2:2), so‘nggi turda esa hal qiluvchi o‘yinda Shotlandiyaga mag‘lub bo‘lgandi (2:4).

Chexiya esa Irlandiya bilan o‘yinda burilish yasadi va penaltilar seriyasida g‘alabaga erishdi – 2:2 (4:3). Holbuki jamoa birinchi bo‘lim o‘rtalarida 0:2 hisobida ortda borayotgandi.

Jamoalar birinchi bo‘limda yetti daqiqa ichida uchta gol urishdi. 19-daqiqada Troy Perrott o‘zi ishlagan penaltini aniq ijro etdi, 24-daqiqada avvaliga chexlar himoyachisi Vladimir Tsoufal orqali to‘p to‘singa bordi, keyin esa darvozabon Matey Kovarjga tekkan holda darvoza to‘riga kirib ketdi. 

Chexlar tezda hisobni qisqartirishdi – Patrik Shik ham penaltini benuqson ijro etdi, so‘nggi daqiqalarda esa o‘yin overtaymlarga olib o‘tildi: Ladislav Kreychi burchak zarbasidan keyin gol urdi. Bu gol ham Edin Jyekoniki kabi 86-daqiqada urildi va bu o‘yinda ham qo‘shimcha bo‘limlarda hisob o‘zgarmasdan, g‘olib penaltilar seriyasi orqali aniqlandi. Seriyada esa Kovarj Finn Azaz va Alan Braunning markazga yo‘llagan zarbalarini qaytardi.

Final: Chexiya – Daniya, Praga.

O‘tish bosqichi finalidagi juftliklar:

Shvetsiya — Polsha

Chexiya — Daniya

Kosovo — Turkiya

Bosniya — Italiya

31 mart kuni bo‘lib o‘tadigan bu o‘yinlardan keyin g‘oliblar to‘g‘ridan to‘g‘ri jahon chempionatiga yo‘l olishadi.

Source link

Prezidentning yangi qaroriga ko‘ra, O‘zbekistonda sport sohasini moliyalashtirish tizimi takomillashtirilib, unga tadbirkorlik sub’yektlarini keng jalb qilish mexanizmlari yo‘lga qo‘yiladi.

Qayd etilishicha, “Sport sohasini moliyalashtirish mexanizmlarini takomillashtirish va sohaga tadbirkorlik sub’yektlarini jalb qilishni kengaytirish chora-tadbirlari to‘g‘risida”gi qaror (PQ–107-son, 2026 yil 24 mart) bilan sohada zamonaviy moliyalashtirish mexanizmlarini joriy etish, muqobil manbalarni kengaytirish hamda ajratilayotgan mablag‘lar samaradorligini oshirish asosiy vazifalardan etib belgilandi.

Hujjatga muvofiq, Sport vazirligi huzurida Sport sohasida tashabbuslarni qo‘llab-quvvatlash jamg‘armasi tashkil etiladi. Mazkur jamg‘arma orqali sohada yangi loyihalarni moliyalashtirish va qo‘llab-quvvatlash ko‘zda tutilgan.

2026 yil 1 apreldan boshlab qator yangi tartiblar kuchga kiradi. Jumladan, sport federatsiyalari (uyushmalari) faoliyati bilan bog‘liq yillik xarajatlarning kamida 20 foizi miqdorida homiylik mablag‘i kiritgan tadbirkorlar ularning ijro organlariga kiritilishi mumkin bo‘ladi.

Shuningdek, professional futbol klublari faoliyati bilan bog‘liq yillik xarajatlarning kamida 20 foizi miqdorida homiylik mablag‘ini ta’minlagan tadbirkor yoki tadbirkorlar guruhiga mazkur klubni ishonchli boshqaruvga berish amaliyoti joriy etiladi. Bu esa klublarning moliyaviy barqarorligini ta’minlash va boshqaruv samaradorligini oshirishga xizmat qilishi kutilmoqda.

Bundan tashqari, 2026 yil 1 apreldan 2029 yil 1 aprelga qadar Superliga va Proligada ishtirok etuvchi futbol klublari futbolchilari jismoniy shaxslardan olinadigan daromad solig‘ini to‘lashdan ozod qilinadi. Ular uchun ijtimoiy soliq stavkasi esa 1 foiz miqdorida belgilanadi.

Mazkur o‘zgarishlar sport sohasiga xususiy sektorni keng jalb qilish, investitsiyalarni oshirish hamda futbol klublarining raqobatbardoshligini kuchaytirishga xizmat qiladi.

Source link