Iqtisodiyot
«Chorvoq Darvozasi» mehmonxonasi ochildi
Yangi yil arafasida Toshkent viloyati Bo‘stonliq tumanida yangi xalqaro darajadagi “Chorvoq Darvozasi” mehmonxonasining tantanali ochilish marosimi bo‘lib o‘tdi. Ushbu loyiha tog‘li hududlarda turizm va mehmonxona infratuzilmasini rivojlantirish yo‘lidagi muhim qadam bo‘ldi.
Loyiha O‘zbekiston Milliy bankining investitsiyaviy ishtirokida amalga oshirilib, qurilish ishlari Discover Invest kompaniyasi tomonidan bajarildi. Majmuani boshqarish esa mamlakat mehmonxona biznesida yetakchi hisoblangan FT Hotels Group kompaniyasi jalb etilgan.
Xalqaro standartlarga mos kurort
“Chorvoq Darvozasi” mehmonxonasi 5 toifaga mansub 131 ta zamonaviy xonadan iborat. Xonalarda funksional dizayn, tabiiy estetika va tog‘ manzaralari uyg‘unlashtirilgan bo‘lib, mehmonlarga yuqori darajadagi qulayliklar yaratilgan.
Mehmonlar uchun quyidagi xizmatlar mavjud:
“Daryo” restorani — 130 o‘rinli bo‘lib, xalqaro taomlar va ochiq tog‘ manzarasi bilan ajralib turadi;
Lobby bar — turli xil ichimliklar, qahva va yengil tamaddilar;
Garden Bloom Spa — fin saunasi, turk hammomi, fitnes zali hamda isitiladigan ochiq basseyn;
Bolalar va oilaviy dam olish zonalari — bolalar o‘yin xonasi, karaoke, kompyuter o‘yinlari va ochiq hududdagi hordiq maskanlari.
Majmua mehmonlarga faol dam olish, tinch muhit va yuqori servis uyg‘unlashgan to‘liq lifestyle tajribasini taklif etadi.
Xalqaro darajadagi zamonaviy mehmonxona
Ayni paytda dunyoning yirik mehmonxona tarmoqlaridan biri bo‘lgan Wyndham Hotel Group bilan litsenziyalash bo‘yicha muzokaralar yakunlangan. Natijada mehmonxona Wyndham Garden xalqaro savdo belgisi ostida faoliyat yuritiladi.
Turizm kelajagiga investitsiya
Loyiha tashabbuskorlarining ta’kidlashicha, “Chorvoq Darvozasi” davlat va xususiy sektor o‘rtasidagi samarali hamkorlik namunasi hisoblanadi. O‘z navbatida, O‘zbekiston Milliy banki tomonidan amalga oshirilayotgan bunday investitsiyaviy loyihalar ichki turizmni rivojlantirish, yangi ish o‘rinlari yaratish hamda xorijiy sayyohlar oqimini oshirishga xizmat qilmoqda.
“Biz zamonaviy qulayliklar va tabiat uyg‘unligini mujassam etgan loyiha yaratdik. Bu — O‘zbekiston turizm salohiyatiga bo‘lgan ishonch va nufuzli xalqaro hamkorlik natijasidir”, — dedi mehmonxonaning bosh menejeri Mehmet Agilli.
“Chorvoq Darvozasi” loyihasi xususiy tashabbuslar, xalqaro standartlar va davlat qo‘llab-quvvatlovi birlashgan holda jahon darajasidagi yangi turistik mahsulot yaratish mumkinligini yaqqol namoyon etdi.
Ochilish marosimi doirasidagi qo‘shaloq bayram
Tantanali ochilish marosimi doirasida “Chorvoq Darvozasi” turar joy majmuasidagi xonadon egalariga ramziy ravishda kalitlar topshirildi. Shuningdek, xonadon egalari uchun tashkil etilgan aksiya doirasida yengil avtomobil o‘yini ham o‘tkazildi.
“Chorvoq Darvozasi” turar joy majmuasi — kadastri rasmiylashtirilgan, to‘liq tayyor loyiha. Xonadonlar ta’mirlangan holda topshiriladi, shuningdek, yashash hamda investitsiya uchun mos.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot3 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat3 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat3 days ago
O‘zbekiston do‘konlarida 73 turdagi mahsulot sifatsiz deb topildi
-
Iqtisodiyot1 day ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi