Jamiyat
bolalarda zaharlanish belgilari borligi aytilyapti
Nestlé mahsulotlaridan zararlanish holatlari yo‘q deyilgan edi. Ammo ota-onalardan kelayotgan murojaatlarga ko‘ra, bolalarda zaharlanish ehtimoli borligi taxmin qilinmoqda. Tahririyat o‘rgangan holatlarda ushbu mahsulotni iste’mol qilgan bolalarda deyarli o‘xshash belgilar kuzatilgan: qusish, qorin og‘rig‘i, ich ketish va boshqa nojo‘ya alomatlar.
{Yii::t(}
O’tkazib yuborish 6s
O’tkazib yuborish
O‘zbekistonda Nestlé kompaniyasining bolalar uchun mo‘ljallangan ayrim mahsulot partiyalari ixtiyoriy ravishda qaytarib olinayotgan, kompaniya avvalroq mahsulot tarkibida ehtimoliy xavf bo‘lishi mumkinligini ma’lum qilgan edi. Biroq so‘nggi kunlarda tahririyatga ota-onalar tomonidan kelib tushayotgan murojaatlar vaziyat atrofida qator savollarni kun tartibiga chiqarmoqda.
Tahririyatimizga bir necha ota-onalar bolalari Nestlé NAN mahsulotlarini iste’mol qilganidan keyin qusish, qorin og‘rig‘i va boshqa nojo‘ya alomatlar kuzatilgani haqida murojaat qildi.
1-ota: «Qizimga Nestléʼning ALFARÉ Amino kashasini berardik. Oxirgi qutini 5 kun avval ochganmiz, shuni icha boshlaganidan keyin ichi ketib, qayt qila boshladi. Biz uni doimgiday bolaning qorni to‘yganidan keyingi odatdagi qusishi deb o‘yladik. Lekin biroz o‘tib bolaning ichidan qon kela boshladi. Zudlik bilan bu mahsulotni berishni to‘xtatdik, shifokorga ko‘rsatdik. Shu kashadan berganimizni aytdik, u shundan bo‘lishi mumkinligini, oxirgi kunlarda shunday taxmin bilan kasal chaqaloqlar ko‘p kelganini aytdi. Lekin nega bunga aniq analizlar topshirilib, tekshirilmayapti, «Dok1 maks»ga o‘xshab kimdir bolasidan ajralishini yoki nogiron bo‘lib qolishini kutishyaptimi?»
2-ota:«Farzandimga Nestléʼning NAN mahsulotini anchadan beri ichirardik. Yaqin kunlarda bolam mazasi qochdi, og‘zida yaralar chiqib ketdi, stomatitdan deb o‘ylagandik. Lekin undan emas ekan, NAN haqidagi xabarlarni eshitib, shifokorga borsak, hamma joyda shu kasallik bilan og‘riyotgan bolalar juda ko‘p ekan. Ko‘z oldimizda ham shunday alomatlar bilan kasal bolalar olib kelindi. Bizning farzandimiz ham oshqozoni og‘rib yig‘ladi. Pediatrga olib bordik, oshqozonni tozalash kerak deyishdi, dorilar yozishdi. Bu holat mahsulot iste’moli bilan bog‘liq bo‘lishi mumkinligi aytildi. Kompaniyaga qo‘ng‘iroq qilsak, murojaat qilayotganlar ko‘p ekanini, kompensatsiya masalasi ko‘rib chiqilayotganini bildirishdi».
Yana ayrim ota-onalar ham bolalarida shunaqa holat kuzatilganini, mahsulot qaytarib olinishida ham muammolar bo‘layotganini, kompaniya koll-markaziga qo‘ng‘iroq qilinganda ariza qoldirish yoki boshqa joyga murojaat qilishlari kerakligini aytib, ishni paysalga solganini aytishmoqda.
Vaziyatga oydinlik kiritish maqsadida Sanitariya va epidemiologiya qo‘mitasi bilan bog‘langanimizda hozircha ularga bolalarning zaharlanish holatlari haqida rasmiy murojaat bo‘lmaganini bildirishdi.
Ayni vaziyat ota-onalarning xavotirini yanada kuchaytirmoqda: kompaniya mahsulotni «hech qanday real zaharlanish qayd etilmagan» deb bildirgan bo‘lsa ham, murojaatchilarning va ehtimoliy holatlar borligi bu iddaoni rad etmoqda.
Nestlé va uning distribyutori Balton Trading kompaniyasi vakillariga savollar bilan yuzlandik va quyidagi javobni berishdi.
«Agar bolada zaharlanish bo‘lsa, ota-onalar elektron manzilimizga murojaat yozishlari mumkin. Mahsulotni qaytarish bo‘yicha muammo yo‘q. Barchasini o‘z xohishimiz bilan qaytarib olyapmiz. Iste’molchilar sotib olgan do‘konlariga qaytarib olib borishsa, chek bo‘lmasa ham qaytarib olinyapti (partiya nomeri to‘g‘ri kelsa) va o‘rniga yaxshi mahsulot berilyapti.
Kompensatsiya masalasi esa zaharlanish holati bo‘yicha elektron manzilga xabar yuborilsa, individual tarzda ko‘rib chiqiladi. Biz faqat qaytarish holatlarini ta’minlaymiz. Katta kompaniya bo‘lganimiz uchun har bir protsess uchun alohida javobgar odam bor», deyiladi unda.
Eslatib o‘tamiz, agar bolangizda Nestlé bolalar ozuqasini iste’mol qilganidan keyin qusish, ich ketishi, qorin og‘rig‘i, isitma kabi holatlar kuzatilsa, mahsulotni berishni zudlik bilan to‘xtating va shifokorga murojaat qiling. Mahsulot qadog‘ini tashlab yubormang, zaharlanish yoki infeksiya bo‘yicha tahlillar talab qiling. Holat haqida Sanitariya va epidemiologiya xizmatiga rasmiy murojaat qoldiring.
Bolalar sog‘lig‘i masalasida hatto ehtimoliy xavf ham jiddiy qabul qilinishi kerak.
Prezident Shavkat Mirziyoyev raisligida bo‘lib o‘tgan tashqi siyosatga doir yig‘ilishda, jumladan, fuqarolarga xorijda yuqori daromadli ish o‘rinlarini topib berish masalasi ham tilga olindi.
Qayd etilishicha, hozirda tashkiliy migratsiya asosida o‘zbekistonliklar 30 dan ortiq davlatda mehnat qilib kelmoqda. Misol uchun, Germaniya, Yaponiya, Janubiy Koreya kompaniyalari mutaxassislarga talabidan kelib chiqib, O‘zbekistonda o‘quv kurslarini tashkil etgan.
Yaponiya kompaniyasi qurilish, haydovchilik, mehmonxona va restoran xizmati yo‘nalishlarida «10 ming nafar o‘zbek mutaxassisini jalb qilish» loyihasini boshladi. Buyuk Britaniyaga mavsumiy ishchilarni yuborish amaliyoti yo‘lga qo‘yilgan.
Lekin qolgan mamlakatlardagi elchilar bunday tajribani boshqa davlatlar bilan yo‘lga qo‘yish bo‘yicha tashabbus ko‘rsatmayotgani qayd etildi.
Masalan, chetdan ishchi kuchini faol jalb etayotgan Avstriya, Fransiya, Ispaniya, Italiya, Chexiya, Saudiya Arabistonidagi elchilarning mazkur yo‘nalishdagi ishlari qoniqarsiz ekani ko‘rsatib o‘tildi.
Tahlillarga ko‘ra, bugungi kunda Shvetsiya, Daniya va Norvegiyada 300 ming ishchilarga ehtiyoj bor.
Norvegiyalik ish beruvchilar bu yilning o‘zida 3 ming fuqaroni o‘zlari o‘qitib, ularga Yevropa standartlari asosida sertifikat berishga tayyor. Yoki Shvetsiya grant ajratib, ijtimoiy xodimlarni tayyorlash va joriy yilning o‘zida 500 nafarini ishga olish taklifini bermoqda.
Mutasaddilarga Shvetsiya, Daniya va Norvegiya bilan kelishuvga erishib, fuqarolarimizni yuqori daromadli ish o‘rinlariga yuborish muhimligi ta’kidlandi.
Umuman, Shvetsiya va Latviyadagi elchilar bilan birgalikda Nordik davlatlar bilan tashqi mehnat migratsiyasi borasida hamkorlik dasturini ishlab chiqish topshirildi. Har bir elchi xorijda yuqori daromadli ish o‘rinlarini topish, aholini shunga mos kasb va tilga o‘qitishga ham mas’ul bo‘lishi belgilandi.
Bu borada Yaponiya, Shvetsiya, Norvegiya, Bolgariya, Avstriya, Xorvatiya, Sloveniya, Serbiya, Gretsiya va O‘mon bilan migratsiyaga oid hukumatlararo va idoralararo bitimlarni imzolash muhimligi ta’kidlandi.
Jamiyat | 09:51
934
1 daqiqa o‘qiladi
Chiqindilarni boshqarish va sirkulyar iqtisodiyotni rivojlantirish agentligi 15 yanvar holatiga ko‘ra, respublika bo‘yicha chiqindi xizmati bo‘yicha shakllangan 9,3 mlrd so‘m debitor qarzdorlik yuzasidan 118 646 ta abonentga “Hududiy elektr tarmoqlari” AJning 2100 qisqa raqamidan SMS orqali ogohlantirish yuborilganini ma’lum qildi. Hozirda jarayon davom etmoqda.
Foto: Kun.uz
Ma’lum qilinishicha, ogohlantirishdan so‘ng 5 kun ichida qarzdorlik bartaraf etilmasa, abonentning elektr energiyasi uchun to‘lov qilish imkoniyatiga vaqtincha cheklov o‘rnatiladi.
Ma’lumot uchun: mazkur tartib 2025 yil 1 iyuldan chiqindi xizmatlaridan shakllangan qarzdorliklar uchun amal qiladi. Ayni tizim esa 2025 yil 1 noyabrdan boshlab oyma-oy qo‘llab kelinmoqda.
Shuningdek, chiqindilarni boshqarish sohasi va xizmat sifati bo‘yicha taklif hamda shikoyatlarni agentlikning 1205 qisqa raqamiga 24/7 rejimida yo‘llash mumkinligi eslatildi.
Bugun kunduzi ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Shamol 7–12 m/s tezlikda esadi, ba’zi joylarda 13–18 m/s gacha kuchayishi mumkin. Harorat 3–8° iliq bo‘ladi.
Poytaxtimizda vaqti-vaqti bilan yomg‘ir yog‘adi, kechqurun qorga aylanishi mumkin. Shamol 5–10 m/s tezlikda esadi. Harorat 6–8° iliq bo‘ladi.
Tog‘li hududlarda ba’zi joylarda yog‘ingarchilik (yomg‘ir, qor) bo‘ladi. Ba’zi joylarga tuman tushishi mumkin. Qor ko‘chishi xavfi bor. Shamol 7–12 m/s tezlikda esadi. Harorat 2–7° iliq bo‘ladi.
Yangihayot tumanida fuqaro R.T. tanishining ishonchiga kirib, 4 tonna pomidor yetkazib berish bahonasida 4 000 AQSh dollarini qo‘lga kiritgani, keyin esa mablag‘ni qaytarmaslik maqsadida qalbaki 4 000 dollar bergani aniqlandi. Holat yuzasidan Jinoyat kodeksining 168- va 176-moddalari bilan jinoyat ishi qo‘zg‘atilib, tergov harakatlari olib borilmoqda.
Foto: Prokuratura departamenti
Bosh prokuratura huzuridagi Departamentning Yangihayot tumani bo‘limi tomonidan o‘tkazilgan tergovga qadar tekshiruvda fuqaro R.T. (muqaddam sudlangan) tanishi M.X.ning ishonchiga kirib, unga 4 tonna pomidor yetkazib berishi evaziga 4 000 AQSh dollarini qo‘lga kiritib, ushbu mablag‘ni o‘z ehtiyojlari uchun sarflab yuborgani aniqlangan.
Qayd etilishicha, R.T. keyinchalik pullarni qaytarmaslik maqsadida 100 AQSh dollarlik kupyuradagi qalbaki 4 000 AQSh dollarini M.X.ga bergan.
Mazkur holat yuzasidan Jinoyat kodeksining 168-moddasi (firibgarlik) va 176-moddasi (qalbaki pul, aksiz markasi yoki qimmatli qog‘ozlar yasash, ularni o‘tkazish) bilan jinoyat ishi qo‘zg‘atilib, tergov harakatlari olib borilmoqda.
Navoiy shahridagi 22-umumta’lim maktabi o‘quvchisi Islombek Mansurov birinchi urinishdayoq ushbu natijani qayd etdi.
Navoiy shahridagi 22-umumta’lim maktabining 5-sinf o‘quvchisi Islombek Mansurov chet tilini bilish darajasi bo‘yicha B2 sertifikatni qo‘lga kiritdi. Bu yosh jihatdan Navoiy viloyatida eng yaxshi natijalardan biri bo‘ldi.
Ma’lum bo‘lishicha, Islombek Mansurov pedagoglar oilasining to‘ng‘ich farzandi. Uning otasi Dilshod Mansurov Navoiy davlat universiteti dotsenti bo‘lsa, onasi Shohista Turdiyeva maktabda matematika fani o‘qituvchisi.
“Ikki o‘g‘lim bor, Islombek to‘ng‘ich farzandimiz. Yoshligidan internetdagi turli o‘yinlar va bilim olishga ixtisoslashgan dasturlarni ingliz tilida ko‘rardi. Hozirda YouTube’da o‘zi kanal ochib, ingliz tilida yuritmoqda”, deydi Dilshod Mansurov.
Islombek ushbu natijani birinchi urinishdayoq qo‘lga kiritgan.
“Maktabimizda sertifikat olgan o‘quvchilar ko‘p. Ammo Islombek maktabimiz tarixida chet tilini bilish darajasi bo‘yicha B2 sertifikatini qo‘lga kiritgan eng yosh o‘quvchi bo‘ldi. Ingliz tili ustozi Alisher Xudoyorov ham yosh pedagog, ancha tirishqoq. Albatta, ushbu natija bilan to‘xtab qolmaymiz”, deydi Navoiy shahridagi 22-umumta’lim maktabi direktori Feruza Fayziyeva.
Navoiy viloyatida 11 yoshli o‘quvchi B2 sertifikatini qo‘lga kiritishi bundan 2 yil oldin ham kuzatilgandi. O‘shanda Xatirchi tumanidagi 22-umumta’lim maktabi o‘quvchisi Zarina Muxiddinova bu natijani qayd etgan.
Eslatib o‘tamiz, OTMga o‘qishga kirishda chet tilidan B2 sertifikati bor abituriyentga maksimal ball beriladi.
O‘zbekiston fuqarolari AQSh va Yevropaga ishga yuborilishi mumkin
O‘zbekiston olmasi eksportida asosiy ulush ikki davlat hissasiga to‘g‘ri keldi
Chiqindi xizmati qarzdorligi: ommaviy SMS-ogohlantirish boshlandi
-
Jamiyat4 days ago«Ўзгидромет» тезкор ахборот эълон қилди
-
Jamiyat5 days agoOlovda yonmagan ayol yuragi…
-
Dunyodan3 days agoPrezident Tramp Eron bilan biznes yurituvchi davlatlarga 25 foizlik bojlar joriy etishini eʼlon qildi
-
Jamiyat1 day agoMast holda mashina boshqargan ayol 15 sutkaga qamaldi
-
Dunyodan5 days agoSer Piter Mandelson jinsiy jinoyatchi Jeffri Epshteynning mulkiga tashrif buyurganida hech qachon qiz ko’rmaganligini aytdi
-
Jamiyat5 days agoEron AQShga jiddiy «signal» yubordi —Reuters
-
Sport4 days ago«Barselona» 16-marta Ispaniya Superkubogini qo‘lga kiritdi
-
Jamiyat4 days agoFarg‘onada “prava”siz ayol uch odamni urib yubordi, bir kishi to‘shakka mixlandi: jabrlanuvchilar sud hukmidan norozi