Iqtisodiyot
Baxmalda za’faron ekish mavsumi boshlandi – mavsumiy ishchilar soni 25 000 nafar
Jizzax viloyatining Baxmal tumanida qishloq xo‘jaligini diversifikatsiya qilish va yuqori qo‘shilgan qiymatga ega mahsulotlar yetishtirish maqsadida za’faron yetishtirish, qayta ishlash va eksport qilishga qaratilgan yirik investitsion loyiha amalga oshirilmoqda. Bu haqda BMB HOLDING Axborot xizmati xabar berdi.
Ushbu loyiha BMB HOLDING tarkibiga kiruvchi korxona, Italiyaning FIN.OPERA SRL kompaniyasi hamkorligi hamda “O‘zsanoatqurilishbank” moliyaviy ko‘magi asosida amalga oshirilmoqda. Loyihaning umumiy qiymati 120 million yevroni tashkil etib, shundan 70 million yevro — to‘g‘ridan-to‘g‘ri xorijiy investitsiyalar, 37 million yevro — BMB HOLDING mablag‘lari, 13 million yevro — bank krediti hissasiga to‘g‘ri keladi.
Kecha, 16 oktyabr kuni, Baxmal tumanida za’faron plantatsiyalarini kengaytirish jarayoni bilan tanishishga bag‘ishlangan tadbir bo‘lib o‘tdi. Tadbirda ma’lum qilinishicha, hozirgi kunda mavjud 700 gektar maydonda za’faron yetishtirilmoqda, mavsum yakuniga qadar bu ko‘rsatkich 820 gektarga yetkazilishi rejalashtirilgan.
Loyiha doirasidagi 400 gektar yer BMB-OPERA ZAFFERANO qo‘shma korxonasi tomonidan, qolgan qismi esa BMB SHIFO maydonlarida o‘zlashtirilmoqda. Bu hamkorlik mahalliy va xalqaro tajribani uyg‘unlashtirish, zamonaviy agrotexnologiyalarni amaliyotga tatbiq etish imkonini bermoqda.
Ma’lumot uchun, loyiha doirasida hozirga qadar 84,6 million yevro miqdorida investitsiya o‘zlashtirilgan. 2 gektar yer maydonida quritish, qayta ishlash va qadoqlash liniyalari, efir moyi ishlab chiqarish sexi hamda zamonaviy laboratoriya bilan jihozlangan ishlab chiqarish majmuasi faoliyat yuritmoqda.
Shuningdek, za’faron plantatsiyalarida suv tanqisligi sharoitida AgroNanoGel Basic gidrogelidan foydalanish orqali suv sarfini 40–45 foizgacha kamaytirishga erishilgan. Energiya tejamkorligi yo‘nalishida esa quyosh panellari o‘rnatilib, ishlab chiqarish jarayonlari qayta tiklanuvchi energiya manbalari hisobiga amalga oshirilmoqda.
Bugungi kunda BMB ZA’FARON brendi ostidagi mahalliy mahsulotlar Italiya, Avstriya, Niderlandiya, Fransiya, AQSh, Saudiya Arabistoni va boshqa mamlakatlarga eksport qilinmoqda. 2021 yilda 1,2 million yevroni tashkil etgan eksport hajmi 2025 yil yakuniga qadar 12 million yevroga yetkazilishi kutilmoqda.
Mahsulotlar xalqaro USDA ORGANIC va FDA sertifikatlariga, shuningdek, ISO 17025 va ISO 3632-1:2011 standartlari talablariga mos kelishi bilan eksport bozorlarida yuqori ishonch qozongan.
Loyiha doirasida hozirgacha 25 ming nafar mahalliy aholi mavsumiy, 450 nafar doimiy ish o‘rni bilan ta’minlangan. E’tiborlisi, endilikda za’faron ekishda xorijdan keltirilgan piyozboshlar emas, balki mahalliy Jizzax za’faroni ko‘chatlari foydalanilmoqda.
2028 yilga qadar za’faron plantatsiyalarini 2 000 gektargacha kengaytirish rejalashtirilgan bo‘lib, bu hududning agrar salohiyatini oshirish, ekologik barqarorlikni ta’minlash va mahalliy brendni jahon bozorida muvaffaqiyatli ilgari surishga xizmat qiladi.
BMB HOLDING yaqin istiqbolda mahalliy za’faron piyozboshlarini BMB ZA’FARON brendi ostida dunyo bozorlarida tanitishni hamda turizm sohasidagi BMB ZA’FARON RESTAURANT va BMB ZA’FARON HOTEL tarmoqlari orqali milliy mahsulotni targ‘ib etishni rejalashtirgan.
Umuman, mazkur loyiha Prezident Shavkat Mirziyoyev tomonidan belgilab berilgan vazifalarning amaldagi ifodasi bo‘lib, Jizzax viloyatini ilg‘or agrar hudud sifatida rivojlantirish va aholi farovonligini oshirishga qaratilgan muhim qadam hisoblanadi.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi
-
Iqtisodiyot1 hour ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi