Mamlakat sport vaziri bu qarorni xavfsizlik masalalari bilan izohlagan.

Futbol bo‘yicha Eron milliy jamoasi 2026 yil yozida AQSh, Meksika va Kanada mezbonligida o‘tadigan jahon chempionatida ishtirok etmasligi mumkin.

Mamlakat sport vaziri Ahmad Dunyomoli OAVga bergan intervyusida bunga xavfsizlik masalalari va AQSh bilan urushni sabab qilib keltirgan.

«Bu korrupsiyalashgan hukumat rahbarimizni o‘ldirganidan so‘ng, jahon chempionatida ishtirok etishimizga imkon beradigan hech qanday sharoit qolmadi. Eronga qarshi olib borilgan dushmanlik harakatlari fonida bizga qarshi ikki marta urush olib borildi va bir necha ming fuqaromiz o‘ldirildi. Bunday sharoitda bizda  ishtirok etish imkoniyati yo‘q», – degan u TV2 telekanali efirida.

Hozircha bu qanchalik yakuniy qaror ekani ma’lum emas. Hozircha Eron futbol federatsiyasi va FIFA bu xabar yuzasidan izoh bermadi.

Jahon chempionati 11 iyundan 19 iyulga qadar AQSh, Kanada va Meksika yashil maydonlarida bo‘lib o‘tadi. Eron milliy jamoasi Osiyo saralashi uchinchi bosqichida O‘zbekiston bilan bir guruhda qatnashgan va birinchi o‘rin bilan mundial yo‘llanmasini qo‘lga kiritgandi. Qur’a natijalariga ko‘ra Eronga G guruhida Belgiya, Misr va Yangi Zelandiya jamoalar raqib bo‘lgandi. Eronliklarning guruh bosqichidagi barcha o‘yinlari AQShda, ikki o‘yin Los-Anjyelesda, yana bittasi – Sietlda bo‘lib o‘tishi belgilangan.

Source link

U Eron elchixonasi bilan aloqaga chiqqan va qayerdaligini fosh qilib qo‘ygan.

Osiyo kubogida ishtirok etish uchun kelgan Eron ayollar jamoasining yana ikki vakili (bir futbolchi va shtabning yana bir xodimi) Avstraliyadan boshpana so‘radi. Natijada vataniga qaytmaslikka qaror qilgan eronliklar soni yetti nafarga yetdi.

Ular o‘yindan oldin milliy madhiyani kuylashdan bosh tortishgandi va vatanida ularni «sotqinlar» deb e’lon qilishdi.

Ammo keyin ulardan biri Eronga qaytishga qaror qilgan boshqa futbolchilar bilan muloqotdan keyin o‘z qarorini o‘zgartirgan. 

Avstraliya ichki ishlar vaziri Toni Byorkning ma’lum qilishicha, u Eron elchixonasi bilan aloqaga chiqqan va turgan joyini ma’lum qilib qo‘ygan. Natijada qolganlarni boshqa xavfsiz joyga ko‘chirishga to‘g‘ri kelgan. «Men darhol futbolchilarni boshqa joyga ko‘chirishni buyurdim va bu darhol amalga oshirildi», – deydi Byork.

Vazir Avstraliya hukumati bu uning «o‘z qarori bo‘lganiga ishonch hosil qilgani»ni qo‘shimcha qilgan. «Avstraliyada odamlar fikrini o‘zgartirish huquqiga ega, odamlar erkin harakatlanish huquqiga ega. Biz uning yakuniy qarorini hurmat qilamiz», – degan u.

Byork Sidney aeroportida 10 mart kuni kechqurun uyga uchishdan oldin har bir futbolchi alohida xonaga olib kirilgani va boshpana so‘rash haqida o‘ylab ko‘rish taklif qilinganini ham aytgan. Ularni shoshiltirishmagan, tazyiq o‘tkazishmagan. Byorkning so‘zlariga ko‘ra, ba’zilar bu masalani muhokama qilish uchun Erondagi oila a’zolariga qo‘ng‘iroq qilishgan, ammo ular orasida Avstraliyada qolishga qaror qilganlar bo‘lmagan.

Source link

«Atletiko» 5 ta, «Bavariya» 6 ta gol urdi. YeChLda kun o‘yinlari

«Tottenhem» o‘yin startidayoq ketma-ket xatolari tufayli darvozabonni almashtirib tashladi, «Barselona» so‘nggi daqiqada mag‘lubiyatdan qutulib qoldi, «Liverpul» yutqazdi.



Source link

O‘zbekiston ayollar terma jamoasi futbol tarixida muhim natija qayd etdi — jamoa ilk bor Osiyo kubogining chorak finaliga yo‘l oldi. Bu haqda mamlakat Milliy olimpiya qo‘mitasi matbuot xizmati xabar berdi.

Avstraliyada tashkil etilayotgan ushbu chempionatning so‘nggi turida Bangladesh ustidan 4:0 hisobida yirik g‘alaba qozongan O‘zbekiston jamoasi “B” guruhida 3 ochko bilan uchinchi o‘rinni egalladi.

Shu bilan birga, uchinchi o‘rin sohiblari orasida eng yaxshi to‘plar nisbatiga ega bo‘lgani uchun O‘zbekiston terma jamoasi pley-off yo‘llanmasini qo‘lga kiritdi.

Avvalroq futbolchi qizlar ikkinchi turda Xitoyga 0:3 hisobida mag‘lub bo‘lishgan, dastlabki bahsda esa KXDRga 0:3 hisobida yutqazishgan edi.

Source link

Ispaniyalik taniqli futzal mutaxassisi Xose Mariya Mendes O‘zbekiston milliy terma jamoasining yangi bosh murabbiyi etib tayinlandi.

O‘zbekiston futzal federatsiyasi prezidenti Bekzod Mamatqulovning yozishicha, federatsiya hamda murabbiy o‘rtasida ikki yillik shartnoma imzolangan.

Mendes muqaddam ikki bor O‘zbekiston milliy terma jamoasini boshqargan: dastlab 2011–2012-yillarda, so‘ng 2014–2017-yillarda. Uning rahbarligi ostida terma jamoamiz Osiyo chempionatida 2014-yilda bronza, 2016-yilda esa kumush medalni qo‘lga kiritgan.

O‘zbekiston MTJdan tashqari, 2016–2017-yillarda mamlakat chempioni – «Ardus» klubida ham faoliyat yuritgan. Shuningdek, O‘zbekiston yoshlar terma jamoasiga asos solib, qator iqtidorli futzalchilarni kashf etgan.

2019–2026-yillar davomida u yana Tailandda faoliyat olib bordi. Murabbiy sifatida ikki karra Osiyo kubogi vitse-chempioni, bronza medali sovrindori, shuningdek, klublar o‘rtasidagi Osiyo chempionati hamda Osiyo kubok egalari kubogi g‘olibi bo‘lgan.

Source link