Dunyodan
AQSh vitse-prezidenti giyohvandlardan uzr so’radi
AQSh vitse-prezidenti J.D.Vens AQShdagi giyohvandlardan uzr so‘radi. Bu haqda u Fox News telekanaliga bergan intervyusida ma’lum qildi.
“Kokainni yaxshi ko‘radigan barcha odamlardan uzr so‘rayman, lekin AQSh prezidenti Donald Tramp kokainni sevmaydi”, dedi u va mamlakat hukumati giyohvand moddalarga qarshi kurashni davom ettirishini ta’kidladi.
Vitse-prezidentning ta’kidlashicha, ba’zi amerikaliklar xavf-xatarlarga qaramay, noqonuniy giyohvand moddalarni iste’mol qilishadi. Janob Vens Qo’shma Shtatlardagi giyohvandlarni davolanishga chaqirdi va AQSh hukumati fentanil va kokainga nisbatan qat’iy pozitsiyasini tanqid qilishiga qaramay, mamlakat manfaatlarini himoya qilishda davom etishini ta’kidladi.
Eslatib o‘tamiz, Venesuela prezidenti Nikolas Maduroning hibsga olinishi ham narkotik-terrorizm ayblovlari bilan bog‘liq.
Vens avvalroq Daniya Grenlandiyani himoya qila olmaganini aytgan edi. U, shuningdek, orol AQSh milliy xavfsizligi va raketaga qarshi mudofaa tizimi operatsiyalari uchun juda muhim ekanligini ta’kidladi.