Jamiyat
Amerikalik aktyor Piter Grin 60 yoshida vafot etdi
Amerikalik aktyor Piter Grin 12-dekabr kuni Nyu-Yorkdagi xonadonida o‘lik holda topildi. U 60 yoshda edi.
Politsiya bayonotiga ko‘ra, Grinning o‘limida kuch ishlatish alomatlari topilmadi, biroq o‘lim sababi sud-tibbiyot xulosasidan so‘ng ma’lum bo‘ladi.
Piter Grin kinoda salbiy qahramonlari bilan tanilgan. Ayniqsa, «Jinoiy asar» (1994), «Niqob» (1994), «Qamalda-2» (1995), «Javohir politsiyachi» (1999) filmlaridagi rollari bilan tomoshabinlar yodida qolgan.
Aktyorning menejeri aytishicha, yanvar oyida Grin «Tumorlar» filmida Mikki Rurk bilan birga suratga tushishni boshlashi kutilayotgandi.