Jamiyat
Alfa va Baraka avtolizing sudidan reportaj
Bu ikki firma 2023-2024 yillarda faoliyat yuritib, lizing va boshqa qulay shartlar asosida mashina olib berishni taklif etgan. Odamlar mahalliy avtomobillarga to‘lovning 20-30 foizini amalga oshirgan. Shartnomada mashina olib berish muddati 6 oy ko‘rsatilgan bo‘lsa-da, firma mas’ullari hammaga har xil, 1 yoki 3 oy ichida mashina chiqishini aytgan. Biroq firma mansabdorlari o‘nlab odamlardan pul olib, va’dasini bajarmagan. Pullarni qaytarish so‘ralganda, ayrim hollarda berilgan mablag‘dan 10 mln so‘m ushlab qolinishi aytilgan.
{Yii::t(}
O’tkazib yuborish 6s
O’tkazib yuborish
Toshkentda firibgarlikda ayblanayotgan Umid auto leasing, Alfa auto business va Baraka auto community mansabdorlariga oid jinoyat ishi sudda ko‘rib chiqilmoqda. 13 iyundagi sud majlisida Kun.uz muxbiri ishtirok etdi. Unda avtolizing kompaniyasiga aldangan bir nechta jabrlanuvchining ko‘rsatmasi tinglandi. Ularga ko‘ra, kompaniya shartnomalari rus tilida bo‘lib, odatdagidan boshqacha tuzilgan. Jabrlanuvchi Jahongir Rahmonov aldanganlardan biri. U 2024 yilda Cobalt uchun bank orqali 56 mln so‘m to‘lagan. Jabrlanuvchining yaqinlari shartnoma shubhali tuzilganini bilgach, pulni qaytarishni so‘ragan. Ammo firma mansabdori turli vajlar bilan ishni paysalga solgan. Qiziqarli jihati, shartnomada 2 ta MChJ ko‘rsatilgan. Rahmonovning aytishicha, firmada norasmiy ishlagan Bunyod ismli shaxs mashina 3 oy ichida chiqishini aytgan. Lekin shartnomada 6 oy ko‘rsatilgan.
“2024 yil mart oyida Samarqand viloyati Samarqand shahrida afishasi “Baraka avto” degan joyga telefon orqali bordik. Birinchi OLX ilovasi orqali topdik bu narsani. Keyin telefon qildik. Bir dispetcher qiz telefonni ko‘tardi-da, Samarqandga ulab beraman, dedi. Keyin gaplashdik. Soat 9 larga kelinglar, dedi. O‘sha atrofda bo‘lganimiz uchun ukam bilan birga bordik. Borganimizda o‘sha yerda bir qiz, bir o‘g‘il, yana Bunyod ismli bola bor edi. Shartnoma bo‘yicha shu Bunyod o‘sha yerda norasmiy ish yurituvchi ekan. Nima tartibda olinadi, nima qilinadi, ya’ni uch oyda mashina beriladi, deb hammasini tushuntirdi. “Ha, biz ham buni ko‘ramiz, pulni olib kelaylik”, deb ketdik. Obedlarga yaqin Bunyod telefon qildi-da, “aka, kelyapsizlarmi?” dedi. Bizlar bordik, ko‘rdik. Keyin shartnomani imzoladik-da, bankka bordik. Bankda to‘lovni qildik. O‘sha vaqtda ham shu Bunyoddan so‘radim, “bu yerda hech bir firibgarlik yo‘qmi?” deganimda, “yo‘q, aka, hammasi yaxshi”, dedi. Ikki-uch kundan keyin shu shartnomani dadamga tashlab berdim. Dadam o‘sha vaqtda Qarshida edi. Dadam ham tanishlari bilan ko‘rib chiqdilar-u, “bu shartnoma bir boshqacha tuzilgan, bor, iloji boricha shu pulni qaytarib ol”, dedilar. Navro‘z bayramidan keyin bordim. U 22-23-gami to‘g‘ri keldi. Pochcham bilan bordim. “Bu shart yoqmayapti menga, qaytarish kerak”, dedim. Bunyod ismli yigit Jalolga telefon qildi. Telefon qilib, “shunday-shunday bo‘lyapti”, dedi. Jalol bilan pochcham ham gaplashdi. Keyin aytdiki, “mayli, bo‘lmasam, shartnomada ko‘rsatilgan, agar pul qaytarilsa, 10 million qanchami undirib olinib, qolgani to‘lov qilinadi”, dedi.
Shundan so‘ng Rahmonovning pochchasi Jaloliddinga shartnoma tushunmay imzolaganini aytgach, sudlanuvchi pul ushlab qolmaslikni, ammo pulni qaytarish vaqt talab qilishini aytgan. Oradan vaqt o‘tib esa, filial yopilgan. Jabrlanuvchi qo‘ng‘iroq qilib, buning sababini so‘raganda, “ishni to‘xtatdik” deya javob bergan. Jaloliddin ismli shaxs esa pulni qaytarishga hali vaqt borligini aytgan. Rahmonovning so‘zlariga ko‘ra, shartnomada Alfa auto business ko‘rsatilgan. Papkaning ustiga esa “Baraka Avto” deb yozilgan.
“Nimaga bu “Baraka Avto” bo‘lyapti-yu, pechat Alfa auto business bo‘lyapti?” deb so‘raganimda, “aka, bu Toshkentning filiali, shuning uchun rasman Toshkentdan urilgan”, deb aytdi u. Rahmonovning otasi Husan Hamidovga ko‘ra, shartnoma firmaning foydasiga qarata tuzilgan.
Sudda Toshkent viloyatidan kelgan Azizbek Arintayev ham ko‘rsatma berdi. U firmaga keliboq, Cobalt uchun 55 mln so‘m to‘lagan. Ammo sudlanuvchi jabrlanuvchining ko‘rsatmalarini inkor qildi. Boshqa jabrlanuvchilarning so‘zlariga ko‘ra, mashinaga to‘lovning 30 foizi amalga oshirilgach, firma mas’ullari 30-45 kunda avtomobilni chiqarib berishni va’da qilgan. Bir nechta shartnomalar esa onlayn tuzilgan. Mashinalar aytilgan vaqt bo‘yicha berilavermagach, odamlar yuqori turuvchi organlarga murojaat qilishini bildirgan. Ammo Alfa auto business rahbari bunday qilinsa, ish og‘irlashishini ma’lum qilgan. “Javohir akam chiqsin, sizni pulingizni qaytarib beramiz, qaytarib bermasak bozordan mashina qilib beramiz deb aytdi”, deydi jabrlanuvchi G‘olib Norov. Yana bir jabrlanuvchi Shuhrat Urunovga ko‘ra shartnoma qilingan vaqtdan 1 oy o‘tib, Alfa auto businessʼning Samarqanddagi ofisi xodimlariga bog‘lanishning imkoni bo‘lmagan.
“2024 yil 25 fevral kuni firmaga kelgan bo‘lsam, menga 27-kuni telefon qilyapti. Aksiyamiz tugayapti. 3 yilga 7 foizdan (yillik ustama) qilib beramiz dedi, ha deb keldik. Bunyod ismli bola o‘tiribdi. To‘g‘risini aytsam, bu yerdagi bironta bolani tanimayman men. Qancha vaqtda mashina chiqadi dedim. “Aka, bir oyda mashina chiqarib beramiz” dedi. To‘lovi qanday bo‘ladi dedim. Oq Cobaltʼga 30 foiz, 56 mln 647 ming ming to‘lov qilishimni aytdi. Keyin Bunyod bilan birga bank orqali to‘lov qildik, 1 oydan keyin mashina nima bo‘ldi deb telefon qildim. Yanvar oyidagi odamlarning mashinasini beryapmiz dedi. Aprelda telefon qilganimda Bunyodning, oxiri 20 40 nomerlarning hammasi o‘chgan edi”, deydi Urunov.
Jabrlanuvchi Toshtemir Umrzoqovning aytishicha, firma mansabdorlari mashina chiqarib berishni bir-biriga sansalorlik qilgan. Samarqanddagi ofisda ishlagan Bunyod ismli shaxs ish boshqaruvchi bo‘lgan. Jabrlanuvchilarning barchasi suddan pullarini qaytarishni so‘radi. Sud yakunida jabrlanuvchilardan biri sudlanuvchi Mannopov dalillar bo‘lsa-da, aybini tan olmayotganini aytdi. Nodir Nazarovga ko‘ra, Alfa va Baraka avtolizing mas’ul shaxslari taxminan 100 kishidan pul olib, mashina chiqarib bermagan. Sudning keyingi yig‘ilishi 20 iyunda davom etadi
Prezident Shavkat Mirziyoyev mahalla bankirlari ish tizimi tubdan o‘zgarishini ma’lum qildi. Endi bir bankirga ko‘pi bilan uchta mahalla biriktirilib, biznes faolligi, yangi ish o‘rinlari va aholi daromadini oshirish bo‘yicha KPI belgilanadi. Shuningdek, banklarga har bir mahallaning “o‘sish nuqtasi”ni aniqlash va daromadli loyihalarni ko‘paytirishni buyurdi.
Foto: Prezident matbuot xizmati
Prezident Shavkat Mirziyoyev raisligida 16 iyul kuni “mahalla yettiligi” faoliyatini yangicha tashkil qilish bo‘yicha ustuvor vazifalar yuzasidan videoselektor yig‘ilishi o‘tkazildi.
Yig‘ilishda mahalla bankirlarining ish uslubi ham tubdan o‘zgarishi belgilandi. Ta’kidlanishicha, joylarda yaxshi tajribalar bor. Masalan, Angor tumani Yangiobod mahallasidagi 2 kilometr zovur usti yopilib, 110 ta servis obekti ishga tushirildi. Natijada mahalla atrofida yashaydigan 1 ming 225 nafar odam ishli va daromadli bo‘ldi.
Arnasoy tumanidagi Baxtli mahallasining bankiri 20 ta xonadonga 50 million so‘mdan kredit ajratib, mehmon uylarini ishga tushirdi. Har bir xonadon bir mavsumda 100 million so‘mgacha daromad olmoqda. Ish yurishib ketgani uchun yana 80 ta oila shunday mehmon uylari tashkil qilishga kirishdi.
Endi banklar har bir mahallaning “o‘sish nuqtasi”ni aniqlab, tashabbuskorlarni topishi va daromadli loyihalarni ko‘paytirishi zarur. Bundan buyon bitta mahalla bankiriga ko‘pi bilan uchta mahalla biriktiriladi.
Ikki haftada tashabbuskor, zamonaviy fikrlaydigan oliygoh bitiruvchilari va yosh mutaxassislar orasidan 400 nafar yangi mahalla bankiri tanlab olinadi. Ular bir oy davomida namunali mahallalarga olib borilib, tajriba o‘rganadi.
Joriy yil oilaviy tadbirkorlik loyihalari uchun qo‘shimcha 2 trillion so‘m imtiyozli resurs berildi. “Og‘ir” mahallalar uchun kredit stavkasi 17,5 foizdan 12 foizga tushirildi.
Endi mahalla bankirlari o‘zi topgan loyihasi uchun ushbu resursdan foydalanishi mumkin bo‘ladi. Bu tizimni 1 avgustdan amaliyotga joriy etish vazifasi qo‘yildi.
Mahalla bankirlariga biznes faollikni oshirish, tadbirkorlik, ish o‘rni va aholi daromadini ko‘paytirish bo‘yicha KPI belgilanadi. Tuman va shahar hokimlari mahalla raislari bilan birga har bir mahalla bankiriga yil yakunigacha aniq buyurtma shakllantirib beradi.
Davlat banklari bu yil 100 tadan mahallani ixtisoslashtirish tashabbusi bilan chiqqan. O‘tgan yili 9 ta davlat banki ishtirokida mahallalarda agrosanoatni rivojlantirish uchun “Agrostar” kompaniyalari tashkil qilingan edi.
Endi banklar mahallani ixtisoslashtirish bilan cheklanib qolmasdan, “Agrostar”larni jalb qilgan holda “yetishtirish – qayta ishlash – saqlash – qadoqlash – sotish” zanjirini yaratadi. Bir oyda dastur qilib, 1 mingta mahallada ish boshlash topshirildi.
Prezident Shavkat Mirziyoyev mahallalar moliyaviy mustaqilligini oshirishga qaratilgan yangi choralarni e’lon qildi. Ularga qo‘shimcha soliq tushumlari va boshqa manbalar hisobidan bu yil 1,6 trillion so‘m, kelasi yildan esa 2 trillion so‘mgacha mablag‘ qoldirilishi rejalashtirilmoqda.
Foto: Prezident matbuot xizmati
Prezident Shavkat Mirziyoyev raisligida 16 iyul kuni “mahalla yettiligi” faoliyatini yangicha tashkil qilish bo‘yicha ustuvor vazifalar yuzasidan videoselektor yig‘ilishi o‘tkazildi.
Mahallalar budjetini mustahkamlash bo‘yicha yangi tashabbuslar ilgari surildi. Joriy yil mahallalar budjetiga 600 milliard so‘m mablag‘ qolishi reja qilingan edi.
Iyun oyidagi Prezident farmoni bilan mahallada qoladigan yer va mol-mulk solig‘ining ulushi 10 foizdan 15 foizga oshirildi. Sanitariya qoidalarini buzganlik va noqonuniy qurilish uchun jarimalarning 10 foizi mahallaga tushadigan bo‘ldi.
Shuningdek, 5 ming kvadrat metrgacha bo‘sh binolarni mahallaning o‘zi sotuvga chiqarishiga ruxsat berildi. Buning hisobidan mahallalar budjetiga yana 405 milliard so‘m tushadi.
Endi mahalladagi noturar obektlardan tushgan yer va mulk solig‘ining 5 foizi ham mahallaning o‘ziga beriladi. Bu orqali mahallalar ixtiyorida yiliga yana 400 milliard so‘m mablag‘ qoladi.
Yil davomida eng ko‘p tadbirkorlarni ro‘yxatga olgan, eng ko‘p yangi ish o‘rni yaratgan, tushum darajasi eng yuqori bo‘lgan va eng ko‘p qo‘shimcha soliq bazasi topgan 200 ta mahallaga 2 milliard so‘mdan mukofot beriladi.
Umuman, yangi tashabbuslar hisobiga mahallalar budjetiga tushum bu yil 1 trillion 600 milliard so‘mga, kelasi yildan esa 2 trillion so‘mga yetadi.
Prezident Shavkat Mirziyoyev mahallalarda obodonlashtirish ishlarini umummilliy harakatga aylantirish va eng namunali mahallalarni soliq imtiyozlari bilan rag‘batlantirishni taklif etdi.
Foto: Prezident matbuot xizmati
Prezident Shavkat Mirziyoyev raisligida 16 iyul kuni “mahalla yettiligi” faoliyatini yangicha tashkil qilish bo‘yicha ustuvor vazifalar yuzasidan videoselektor yig‘ilishi o‘tkazildi.
Ta’kidlanishicha, har bir viloyat hokimi, uning o‘rinbosarlari va viloyat tashkilotlari rahbarlari bittadan tumanni, tumanlardagi mas’ullar esa bittadan mahallani olib, bir oy davomida ozodalik va obodonlashtirish bo‘yicha keng ko‘lamli ishlarni tashkil etadi.
Mahallada obodonchilik ishlarini tashkil etish bo‘yicha Bosh vazir boshchiligida respublika shtabi tuziladi. Hududiy shtablarga hokimlar rahbarlik qiladi. Bu ishlar bir oylik aksiya emas, balki yil bo‘yi ishlaydigan umummilliy harakatga aylantirilishi zarurligi ta’kidlandi.
Mehnatga yarasha rag‘bat bo‘lishi kerakligi ta’kidlandi. Shu bois, yil yakuni bilan ko‘p qavatli uylardagi “Eng orasta xonadon”, mahalladagi “Eng fayzli hovli”, hududdagi “Eng obod ko‘cha”, tuman va viloyatdagi “Eng namunali mahalla” nominatsiyalari joriy etiladi.
Tanlov g‘oliblari bo‘lgan ko‘p qavatli uylardagi kvartiralar uchun mol-mulk solig‘idan, hovli-joylar uchun esa yer solig‘idan imtiyoz beriladi.
Yaxshi tajriba yaratgan “mahalla yettiligi” mukofotlanadi, ularning ish uslubi boshqa hududlarga namuna qilib ko‘rsatiladi. Mahallalardagi ilg‘or tajribalarni keng yoritish zarurligi ham qayd etildi.
Hududlarda temir yo‘l atrofini obodonlashtirish ishlari boshlangan. Birgina Toshkent – Xiva yo‘nalishidagi temir yo‘l bo‘yida 285 ta mahalla bor, ushbu yo‘nalish 45 ta tumandan o‘tadi.
Qolgan viloyat hokimlariga ham bir haftada hududidan o‘tgan magistral yo‘llar va temir yo‘l bo‘ylari, ular atrofidagi uy-joy va tijorat obektlarini to‘liq xatlovdan o‘tkazish vazifasi qo‘yildi.
Ikki haftada ushbu hududlarni namunali qiyofaga keltirish bo‘yicha katta dastur ishlab chiqib, amaliy natijaga erishish topshirildi.
“Mahalla – xalqqa eng yaqin boshqaruv bo‘g‘ini. Odamlarning kundalik masalalari shu yerning o‘zida, ortiqcha ovoragarchiliksiz hal bo‘lishi kerak”, dedi prezident.
Hozir “yettilik” orqali 100 ga yaqin xizmat ko‘rsatilmoqda. Endi barcha davlat xizmatlari bosqichma-bosqich mahallaga tushiriladi.
Namangan viloyatiga tashrif chog‘ida Norin tumanidagi Yangi Namangan mahallasi misolida samarali tajriba yo‘lga qo‘yilgan. Bu yerda Axborot va xizmat markazi tashkil etilib, 8 ta olis mahalla aholisi uchun bir joyda 980 ta davlat xizmati ko‘rsatilmoqda.
Xovos tumanidagi Qahramon mahallasida ham Vengriyaning “aqlli qishloq” tajribasi asosida shunday markaz tashkil etilmoqda.
Yil yakunigacha Norin va Xovos tajribalarini Qo‘ng‘irot, Konimex, Boysun, Qamashi, Qo‘shrabot, Tuproqqal’a, G‘ijduvon, Forish, Beshariq, Jalaquduq va Ohangaron tumanlarida joriy etish topshirildi. Urganch shahridagi Olimpiya mahallasida yo‘lga qo‘yilgan “aqlli mahalla” tajribasi esa har bir viloyatning 10 tadan mahallasida tatbiq qilinadi.
Jamiyat
Prezident ijtimoiy yordam so‘rayotgan odamlarning arizasi asossiz rad etilayotganini tanqid qildi
Prezident Shavkat Mirziyoyev ijtimoiy reyestrga muhtoj oilalarni asossiz kiritmaslik holatlarini keskin tanqid qildi. Yig‘ilishda yil yakunigacha 25 turdagi ijtimoiy xizmatni mahallalarga tushirish va reyestr yuritilishi ustidan nazoratni kuchaytirish topshirildi.
Foto: Prezident matbuot xizmati
Prezident Shavkat Mirziyoyev raisligida 16 iyul kuni “mahalla yettiligi” faoliyatini yangicha tashkil qilish bo‘yicha ustuvor vazifalar yuzasidan videoselektor yig‘ilishi o‘tkazildi.
Mahallalarda ijtimoiy yordamlar ko‘lamini kengaytirish masalasi muhokama qilindi. Joylarda ijtimoiy reyestrga kiritishni asossiz rad etish yoki sun’iy ravishda reyestrdan chiqarish holatlari uchrayotgani tanqid qilindi.
Oqibatda ehtiyojmand oilalar ijtimoiy yordam olish, farzandini bog‘cha va to‘garakka berish kabi kafolatlangan xizmatlardan foydalana olmayapti. 184 ta mahallada bir oy ichida kelgan 2 ming arizaning barchasi asossiz rad qilingan.
Bunday holatlar Bo‘ston, Oltinko‘l, Xovos, Toshloq, Sharof Rashidov, Uchquduq va Dehqonobod tumanlarida ko‘pligi qayd etildi. Shu sababli reyestrga kirish masalasida prezidentga murojaatlar yil boshidan 1,5 barobar oshib, 30 mingdan 46 mingga ko‘paygan.
Bosh prokuraturaga ijtimoiy reyestr to‘g‘ri yuritilishini qat’iy nazorat qilish, Ijtimoiy himoya milliy agentligi direktorining birinchi o‘rinbosari Shahnoza Mirziyoyevaga reyestr haqqoniyligi yuzasidan prezidentga muntazam axborot berib borish topshirildi.
Mutasaddilar oldiga yil yakunigacha nogironlikni erta aniqlash, xonadonlarni moslashtirish, ijtimoiy uyga joylashtirish kabi 25 turdagi xizmatni mahallaga tushirish vazifasi qo‘yildi.
Uch oyda demensiya va aqliy zaifligi bo‘lgan shaxslar uchun 250 ta mahallada kunduzgi va uyda parvarish xizmati hamda “Madad” uylari, 75 ta mahallada o‘zgalar parvarishiga muhtoj keksalar uchun “Faol hayot” dasturi, shuningdek, qarovsiz qolgan va zo‘ravonlikka uchragan bolalar uchun “Qo‘llab-quvvatlash markaz”lari tashkil etiladi.
Prezident huzurida o‘tgan yig‘ilishda ma’lum qilinishicha, so‘nggi uch yilda kriminogen vaziyati og‘ir bo‘lgan 1 162 ta mahallaning 571 tasida joriy yilda birorta ham jinoyat sodir etilmagan. Endi ushbu tajriba asosida yangi metodika ishlab chiqilib, u avvalo kriminogen vaziyati og‘ir mahallalarda joriy etiladi.
Foto: Prezident matbuot xizmati
Prezident Shavkat Mirziyoyev raisligida 16 iyul kuni “mahalla yettiligi” faoliyatini yangicha tashkil qilish bo‘yicha ustuvor vazifalar yuzasidan videoselektor yig‘ilishi o‘tkazildi.
Mahallalarda jinoyatchilikni jilovlash bo‘yicha yaratilgan tizim o‘z natijasini berayotgani qayd etildi. So‘nggi uch yilda kriminogen vaziyati og‘ir bo‘lgan 1 ming 162 ta mahallaning 571 tasida bu yil birorta jinoyat sodir etilmadi.
Ta’kidlanishicha, bunga videokameralar o‘rnatilib, xavfsiz ko‘cha va yo‘laklar tashkil qilingani, aholi muammolari ilmiy asosda hal etilgani, oilalarga psixologik yordam ko‘rsatilgani natijasida erishildi.
Endi jinoyatchilikni jilovlashga mas’ul ilmiy tashkilotlar bilan birga namunali mahallalar tajribasi asosida metodika ishlab chiqiladi. Yil davomida “qizil” va “sariq” toifadagi mahallalar profilaktika inspektorlari ushbu metodika bo‘yicha joyiga borib o‘qitiladi.
Namangan viloyatida profilaktika inspektorlariga yonkameralar berilib, planshetlariga integratsiya qilingan tajriba ham ijobiy natija bergan. Bu orqali fuqarolar shaxsini aniqlash, ma’muriy bayonnoma to‘ldirish va sudga material yuborish avtomatlashgan.
Natijada profilaktika inspektorlarining ish yuklamasi qisqarib, ayrim mahallalarda jinoyatlar 10 tadan 5 taga kamaygan. Mazkur tajribani yil yakunigacha Namangan viloyatida to‘liq, qolgan hududlarda esa kriminogen vaziyati og‘ir bo‘lgan 448 ta mahallada yo‘lga qo‘yish vazifasi belgilandi.4
Prezident banklarga har bir mahallada daromadli loyihalarni ko‘paytirishni buyurdi
Mahallalar budjetiga tushadigan mablag‘lar ko‘paytiriladi
Malayziya Isroil fuqarolarini deportatsiya qilmoqda
-
Sport5 days agoAngliya-Norvegiya bahsi boshlanish vaqti kechiktirilishi mumkin
-
Dunyodan5 days ago
Frantsiyada ko’pchilik qo’rqqan narsa yuz berdi.
-
Jamiyat5 days agoBektemir tumanida «zakladchik»lar qo‘lga olindi
-
Jamiyat4 days agoToshkent metrosiga yana 3 ta zamonaviy poyezd qo‘shildi
-
Siyosat3 days ago
Prezident Shavkat Mirziyoyev Qatar amiriga ta’ziya bildirdi
-
Sport5 days agoAngliya Norvegiyani turnirdan chiqarib yubordi
-
Sport4 days agoInfantino yana JCh ishtirokchilari sonini oshirish g‘oyasi haqida gapirdi
-
Dunyodan4 days ago
NATO 2026-yilda Ukrainaga 70 milliard yevro miqdorida yordam ajratmoqchi