Mahalliy
Abituriyentlar uchun muhim yangilik e’lon qilindi
2026/2027-o‘quv yili uchun oliy ta’lim muassasalarining bakalavriat ta’lim yo‘nalishlariga onlayn hujjat topshirish jarayoni davom etmoqda.
Abituriyentlar o‘z arizalarini uydan chiqmasdan, my.gov.uz portali orqali yuborishlari mumkin.
Joriy yilda qabul jarayonlari ikki bosqichda tashkil etiladi:
1-BOSQICh: 5-iyundan 25-iyungacha (shu kuni ham)
Test sinovi topshirish uchun ro‘yxatdan o‘tish;
Topshiriladigan fanlar majmuasi, ta’lim tili va test topshirish hududini belgilash;
Ijodiy (kasbiy) imtihon mavjud bo‘lgan yo‘nalishlar uchun tegishli OTMni tanlash.
Muhim: 25-iyunga qadar kiritilgan ma’lumotlarni bepul tahrirlash imkoniyati mavjud.
2-BOSQICh: Test sinovlari to‘liq yakunlangach (15 kun ichida)
Oliy ta’lim muassasasini tanlash;
Bakalavriat ta’lim yo‘nalishini belgilash;
Ta’lim shakli va tanlov ustuvorligi (grant yoki shartnoma)ni tanlash.
Test sinovlarida ishtirok etish uchun to‘lov miqdori — BHMning 50 foizi (206 000 so‘m)ni tashkil etadi.
Kimlar to‘lovdan ozod etiladi?
Joriy o‘quv yilida (2026-yilda) ta’lim muassasalarini bitirganlar;
Nogironligi bo‘lgan shaxslar;
“Ijtimoiy himoya yagona reyestri” axborot tizimida ro‘yxatga olinganlar va ularning farzandlari;
“Yoshlar daftari”ga kiritilgan yoshlar;
To‘liq davlat ta’minotida bo‘lgan shaxslar (yetim bolalar va h.k.).
Natijalar qachon chiqadi?
Test natijalari imtihon topshirilgan kunning ertasigayoq e’lon qilinadi. Yakuniy mandat ikkinchi bosqich (OTM va yo‘nalish tanlovi) yakunlanganidan keyin bir hafta ichida ma’lum bo‘ladi.