Sport
Eldor Shomurodov Turkiya klubiga o‘tdi
«Istanbul Bashakshehir» o‘zbekistonlik hujumchini keyinroq sotib olish huquqi bilan ijaraga oldi.
Foto: «Istanbul Bashakshehir»
O‘zbekiston milliy jamoasi forvardi Eldor Shomurodov faoliyatini Turkiya chempionatida davom ettiradi. Turkiyaning «Istanbul Bashakshehir» klubi 29 yoshli futbolchini Italiyaning «Roma» klubidan ijaraga oldi.
Ijara kelishuvi 2025/2026 yillar mavsumi yakunigacha tuzilgan, turklar klubi mavsum so‘ngida uning transfer shartnomasini sotib olish huquqiga ega bo‘ladi.
Avvalroq insayder Fabritsio Romano «Bashakshehir» bir yillik ijara uchun 3 mln yevro to‘lashi, mavsum yakunida yana 2,7 mln yevro to‘lab, futbolchini o‘ziniki qilishi mumkinligi haqida xabar bergandi.
Shuningdek, shartnomada Shomurodovning keyingi sotuvidan rimliklar 10 foiz ulushga ega bo‘lishi ko‘zda tutilgan.
«O‘zbekiston milliy jamoasi futbolchisini oilamizda qutlaymiz va to‘q sariq-ko‘k rangli libosimizda unga omad tilaymiz», – deyiladi klub matbuot xizmati xabarida.
Mazkur jamoa 2024/25 yillar mavsumida Turkiya Superligasi turnir jadvalida 5-o‘rinni egallab, Konferensiyalar ligasida ishtirok etadigan bo‘lgan.
Futbolchi Rim klubi bilan xayrlashuv maktubini yozdi.
«Rahmat, «Roma»! Endi sizlar bilan xayrlashish vaqti keldi. Bu klub menga unutilmas xotiralar, gollar, kurashlar va ajoyib jamoa, murabbiylar hamda muxlislar bilan bo‘lgan o‘ziga xos lahzalarni berdi.
«Roma» libosini kiyish men uchun sharaf edi. Har bir daqiqa, har bir gol va har bir saboq uchun minnatdorman.
«Roma» doim yuragimda qoladi. Menga ishonch bildirganingiz va doimo qo‘llab-quvvatlaganingiz uchun tashakkur.
Yangi sahifa ochilmoqda, lekin bu xotiralar men bilan umr qoladi. Hurmat va muhabbat bilan Eldor Shomurodov», – deb yozadi u ijtimoiy tarmoqlardagi sahifalarida.
Shomurodov yakunlangan mavsumda rimliklar uchun barcha turnirlar doirasida 37 o‘yinda qatnashib, yetti gol urdi va besh golga uzatma berdi (A seriyada 27 o‘yinda 4+4). «Roma» 38 o‘yinda 69 ochko to‘plab, Italiya chempionati turnir jadvalida beshinchi o‘rinni egalladi va keyingi mavsumda YeChLda emas, Yevropa ligasida qatnashadigan bo‘ldi. Mavsum yakunida Klaudio Raniyeri bosh murabbiylik faoliyatini yakunladi, jamoaga uning o‘rniga Jan Piyero Gasperini olib kelindi.
Shomurodov futbolchilik faoliyatining dastlabki davrida «Mash’al» va «Bunyodkor» kabi klublar safida o‘ynagan, 2017-2020 yillarda Rossiyaning «Rostov» klubi safida to‘p surgan, 2020 yilda Italiyaning «Jyenoa» klubi safiga o‘tgan. Hujumchi aynan shu klub safidagi o‘yinlaridan keyin 2021 yilda «Roma» tomonidan sotib olingandi. Ammo u ushbu klubda asosiy tarkib futbolchisi bo‘la olmadi va 2023-2024 yillarda «Spetsiya» va «Kalyari» kabi klublarda ham ijara asosida to‘p tepdi. U o‘tgan mavsumda asosiy tarkibga qaytgandi, ammo Raniyerining ketishi uning keyingi faoliyatiga ta’sir ko‘rsatdi.
Oldinroq futbolchiga MLS chempionatidan qiziqish borligi xabar qilingandi.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
EChL 2026/2027. Umumiy guruh bosqichi taqvimi e’lon qilindi
-
Iqtisodiyot4 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot5 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat1 day ago
Prezidentning Mustaqillik bayrami tabrigidan o‘rin olgan asosiy fikrlari
-
Sport16 hours ago
EChL 2026/2027. Umumiy guruh bosqichi taqvimi e’lon qilindi
-
Jamiyat6 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport6 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi