Sport
Karlo Anchelotti bir yillik qamoq jazosiga hukm qilindi
Mashhur murabbiy 2014 yilda Ispaniyada soliq qonunchiligini buzganlikda aybdor deb topildi. Biroq, bunday hukm uchun uning qamoqda o‘tirishi shart emas.
Madridning Apellyatsiya sudi «Real» klubi sobiq bosh murabbiyi Karlo Anchelottini 2014-moliya yilida daromad solig‘ini to‘lashda firibgarlik sodir etganlikda aybdor deb topdi va bir yillik qamoq jazosiga hukm qildi. Shu bilan birga, sud uni 2015 yilda xuddi shunday ayblov bo‘yicha oqladi. Bu haqda El Mundo xabar berdi.
Endi Anchelotti soliq idorasi oldidagi qarzini to‘lashdan tashqari, 386 ming yevro miqdorida jarima ham to‘lash kerak.
Hukm ikki yildan kam bo‘lgani uchun Braziliya milliy jamoasining amaldagi murabbiyi qamoqda o‘tirmaydi. Shu bilan birga, prokuratura yoki Anchelottining o‘zi ham hukm ustidan Oliy sudga shikoyat qilishi mumkin.
Sud Anchelotti futbolchilarga nisbatan boshqa soliq tekshiruvlariga xos bo‘lgan standart firibgarlik sxemasini qo‘llagani isbotlangan deb hisobladi: u o‘z imij huquqini xorijdagi, Britaniya Virjiniya orollaridagi kompaniyalarga topshirgan. Ushbu kompaniyalar aslida hech qanday faoliyat bilan shug‘ullanmagan, xodimlari ham bo‘lmagan va imij huquqlari uchun hech qachon soliq to‘lamagan. Murabbiy 2014 yilda ushbu faoliyatdan tushgan daromadni deklaratsiyaga kiritmagan, bundan tashqari, G‘aznachilikdan deyarli 40 ming yevro miqdoridagi soliqlarni qaytarib olishni so‘ragan va olgan.
Anchelotti ayblovni rad qilib, shunchaki «Real» klubi ko‘rsatmalariga amal qilganini aytdi. Shuningdek, u soxta kompaniyalar haqida hech narsa bilmasligini ta’kidladi. Sud unga ishonmadi, chunki Anchelotti ushbu kompaniyalarga imij huquqlarini o‘tkazish to‘g‘risidagi hujjatlarni shaxsan imzolagan.
«Kompaniyalar soliq to‘lashdan bo‘yin tovlash maqsadida tashkil qilingan», deyiladi Madrid Apellyatsiya sudi qarorida.
2015-moliya yili uchun firibgarlik ayblovi bo‘yicha sud Anchelottini oqladi, chunki uning Ispaniya soliq rezidenti ekani isbotlanmadi. Buning sababi shundaki, u o‘sha yili «Real»dagi faoliyatini yakunlab, Londonga ko‘chib o‘tgan edi.
Nashrning ta’kidlashicha, murabbiyning advokatlari hukmdan qoniqish hosil qilgan. Dastavval prokuror Anchelotti uchun 4 yilu 9 oy qamoq jazosini so‘ragan edi. Sud esa eng kam jazoni tayinladi.
Anchelotti Madridning «Real» klubida 2013-2015 va 2021-2025 yillarda ishladi. U jamoa bilan Chempionlar Ligasi (3 marta), klublar o‘rtasidagi jahon chempionati (2 marta), UYeFA Superkubogi (3 marta), La Liga (2 marta), Ispaniya qiroli Kubogi (2 marta) va Superkubogida (2 marta) g‘alaba qozongan.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
EChL 2026/2027. Umumiy guruh bosqichi taqvimi e’lon qilindi
-
Iqtisodiyot4 days ago
Oziq-ovqat ishlab chiqarishda qaysi hududlar yetakchi?
-
Iqtisodiyot5 days agoPrezident ishtirokida umumiy qiymati 50 trln so‘mlik loyihalar ishga tushirildi
-
Siyosat1 day ago
Prezidentning Mustaqillik bayrami tabrigidan o‘rin olgan asosiy fikrlari
-
Sport16 hours ago
EChL 2026/2027. Umumiy guruh bosqichi taqvimi e’lon qilindi
-
Jamiyat6 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport6 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi