Sport
O‘zbekiston shaxmat olimpiadasida AQShni mag‘lub etdi
Samarqand shahrida bo‘lib o‘tayotgan Butunjahon shaxmat Olimpiadasida 9-tur uchrashuvlarida O‘zbekiston g‘alaba qozondi.
O‘zbekiston erkaklar asosiy jamoasi turnir favoritlaridan biri bo‘lgan AQSh ustidan g‘alabaga erishdi.
Dastlab 4-doskada dona surgan Muhiddin Madaminov kuchli raqib Levon Aroyan bilan durang o‘ynadi (u o‘tgan turda yutqazib qo‘ygan Shamsiddin Vohidov o‘rnini egallagandi).
Shundan keyin Nodirbek Abdusattorov jahon reytingida uchinchi o‘rinda turuvchi Fabiano Kuruanani taslim bo‘lishga majbur etdi.
Ammo Javohir Sindarov yana bir nomdor shaxmatchi Uesli So bilan o‘yinda qiyin vaziyatga tushib qoldi va yakunda bu vaziyatdan chiqib keta olmadi va umumiy hisob tenglashdi: 1,5-1,5.
Shundan keyin o‘zbekistonlik shaxmat ishqibozlar bor e’tiborini Nodirbek Yoqubboyevning o‘yiniga qaratishdi. O‘tgan turda yutqazib qo‘ygan ushbu shaxmatchi esa bu safar ishonchni oqladi va Hans Nimannga qarshi kechgan o‘ta qiyin bahsda g‘alabani o‘z tomoniga og‘dira oldi va yakuniy hisob quyidagicha ko‘rinish oldi: 2,5-1,5.
Endi O‘zbekiston asosiy jamoasi 9 turdan keyin 16 ochko bilan turnir jadvalida peshqadamligini davom ettirmoqda. Avvalgi turda O‘zbekiston Germaniyaga mag‘lub bo‘lgandi.
O‘zbekiston U-23 terma jamoasi Aichi-Nagoya-2026 Osiyo o‘yinlari yarim finaliga yo‘l oldi. Futbolchilarimiz Saudiya Arabistoni vakillarini 3:0 hisobida mag‘lubiyatga uchratishdi.
Navbatdagi raqib — Yaponiya va KXDR U-23 terma jamoalari o‘rtasidagi o‘yin g‘olibi.
Yarim final 30-sentyabr kuni o‘tkaziladi.
Osiyo o‘yinlari. Chorak final. 25-sentyabr
O‘zbekiston – Saudiya Arabistoni 3:0
Gollar: Dilshod Murtazoyev (12), Azizbek To‘lqinbekov (78), Firdavs Abdurahmonov (86).
O‘zbekiston: Samandar Muratbayev, Saidxon Hamidov, Dilshod Murtazoyev, G‘iyos Rizaqulov (Dilshod Abdullayev, 81), Quvonch Xushvaqtov, Sardor Bahromov (Firdavs Abdurahmonov, 81), Saidumar Saidnurullayev (Ollobergan Karimov, 62), Muhammadali O‘rinboyev (Nurlan Ibraimov, 85), Asilbek Jumayev (Shodiyor Shodiboyev, 85), Azizbek To‘lqinbekov, Ro‘ziboy Fayzullayev.
O‘zbekiston-1 erkaklar jamoasi shaxmat Olimpiadasida Xitoy jamoasini 3:1 hisobida ishonchli tarzda taslim etdi.
Nodirbek Abdusattorov va Nodirbek Yakubboyev o‘z o‘yinlarida yorqin g‘alabaga erishdi.
Javohir Sindarov va Muhiddin Madaminov esa raqiblari bilan murosaga kelib, jamoamizning umumiy g‘alabasini ta’minlashdi.
Eslatib o‘tamiz, avvalroq O‘zbekiston Hindistonni mag‘lub etib, olimpiadada yakkapeshqadamga aylangandi.
Butunjahon shaxmat olimpiadasi g‘oliblariga 200 ming dollar beriladi.
«Nufuzli xalqaro shaxmat musobaqalari g‘oliblari va sovrindorlari hamda ularning trenerlarini munosib rag‘batlantirish chora-tadbirlari to‘g‘risida» gi Prezident qarori (PQ–346-son, 21.09.2026 y.) qabul qilindi.
Qarorga ko‘ra, xalqaro nufuzli shaxmat musobaqalarining g‘olib va sovrindorlari bo‘lgan shaxmatchilarimiz hamda ularning trenerlariga beriladigan bir martalik pul mukofotlari miqdorini oshirish belgilandi.
Qaror bilan tasdiqlangan O‘zbekiston Respublikasi shaxmatchilari va ularning trenerlariga beriladigan bir martalik pul mukofotlarining miqdorlari yuqorida keltirildi.
Shaxmatchilar va ularning trenerlariga beriladigan bir martalik pul mukofotlari miqdorlari:
Butunjahon shaxmat olimpiadasi va paralimpiadasi (kattalar o‘rtasida):
Oltin medal: Shaxmatchiga — 200 000 $, Murabbiyga — 50 000 $
Kumush medal: Shaxmatchiga — 100 000 $, murabbiyga — 25 000 $
Bronza medal: Shaxmatchiga — 50 000 $, murabbiyga — 12 500 $.
Xalqaro shaxmat federatsiyasi (FIDE) tasnifiga ko‘ra jahon miqyosidagi musobaqalar:
Oltin medal: Shaxmatchiga — 15 000 $ | murabbiyga — 7 000 $
Kumush medal: Shaxmatchiga — 7 500 $ | murabbiyga — 3 500 $
Bronza medal: Shaxmatchiga — 3 750 $ | murabbiyga — 1 750 $.
Murabbiylarga nazarda tutilgan pul mukofoti g‘olib va sovrindor bo‘lgan sportchilarni oxirgi bir yil davomida tayyorlagan mutaxassislarga beriladi. Bunda ushbu mablag‘lar, tegishli Murabbiylar kengashining qaroriga asosan, sportchini tayyorlashda so‘nggi 4 (to‘rt) yilda ishtirok etgan trener va boshqa mutaxassislar o‘rtasida qayta taqsimlanishi mumkin.
Sport
Butunjahon shaxmat olimpiadasi. O‘zbekiston Vengriyani tor-mor etib turnir peshqadami bo‘lib oldi
Samarqand shahri mezbonlik qilayotgan Butunjahon shaxmat olimpiadasida O‘zbekistonning barcha erkaklar va ayollar jamoalari 5-tur o‘yinlarini o‘tkazdi.
Beshinchi turda qayd etilgan natijalar:
Erkaklar:
Vengriya — O‘zbekiston-1 0:4;
O‘zbekiston-2 — Filippin 2,5:1,5;
Avstriya — O‘zbekiston-3 2:2.
Ayollar:
AQSh — O‘zbekiston-1 2:2;
O‘zbekiston-2 — Tunis 4:0;
O‘zbekiston-3 — Madagaskar 3,5:0,5.
Oltinchi turda o‘zbekistonlik erkak shaxmatchilarning raqiblari:
O‘zbekiston-1 — Hindiston;
Ispaniya — O‘zbekiston-2;
Avstraliya — O‘zbekiston-3.
Oltinchi turda o‘zbekistonlik ayol shaxmatchilarning raqiblari:
Gruziya — O‘zbekiston-1;
Shimoliy Makedoniya — O‘zbekiston-2;
Shvetsiya — O‘zbekiston-3.
5-turdan so‘ng O‘zbekiston erkaklar jamoasi 1-o‘ringa ko‘tarildi.
Foto: UzChess
5-turdan so‘ng O‘zbekiston ayollar jamoasi kuchli beshlikni tark etdi.
Foto: UzChess
Bugun Toshkent vokzalida O‘zbekiston parashaxmat terma jamoasi a’zolari tantanali kutib olindi. Samarqand shahrida bo‘lib o‘tgan 3-Parashaxmat olimpiadasida yurtimiz sharafini munosib himoya qilgan sportchilarni keng jamoatchilik, yoshlar va ommaviy axborot vositalari vakillari qarshiladi.
Musobaqada jami 41 ta jamoa ishtirok etdi. O‘zbekiston parashaxmat terma jamoasi 11 ochko jamg‘arib, o‘z tarixida ilk bor shohsupaning uchinchi pog‘onasidan joy oldi.
Hal qiluvchi 7-turda sportchilarimiz Isroil terma jamoasiga qarshi bahs olib bordi. Muhim uchrashuv 2,5:1,5 hisobida O‘zbekiston foydasiga yakunlandi. Ana shu g‘alaba terma jamoamizga bronza medalini qo‘lga kiritish imkonini berdi.
Ushbu natija nafaqat parashaxmatchilarimiz, balki butun o‘zbek sporti uchun muhim tarixiy voqea bo‘ldi. Sportchilarimizning matonati, irodasi va musobaqa davomidagi qat’iyati munosib e’tirofga sazovor.
Toshkent vokzalidagi tantanali kutib olish marosimida ham sportchilarga bildirilgan samimiy ehtirom va qo‘llab-quvvatlov ularning ushbu g‘alabasi yurtimizda katta ahamiyat kasb etayotganini yana bir bor namoyon etdi.
O‘zbekiston parashaxmat terma jamoasini tarixiy bronza medali bilan tabriklaymiz! Sportchilarimizga kelgusi musobaqalarda ham yangi zafarlar tilaymiz.
Shavkat Mirziyoyev Xitoy delegatsiyasini qabul qildi
O‘zbekiston shaxmat olimpiadasida AQShni mag‘lub etdi
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
-
Jamiyat5 days ago
O‘zbekistonliklar ijtimoiy tarmoqlarda kuniga qancha vaqt o‘tkazyapti?
-
Mahalliy3 days ago
Evrika! Olim faqat igna bilan quduq qazimaydi…
-
Iqtisodiyot4 days ago
Bir necha kun davomida ko‘tarilgan dollar yana pasaydi
-
Iqtisodiyot2 days ago
Markaziy Osiyoda o‘zaro savdo aylanmasi 8,1 mlrd dollarga yetdi
-
Jamiyat2 days ago
Dollar kursi ko‘tarildi, yevro ham oshdi
-
Iqtisodiyot2 days ago
O‘zbekistondagi elektromobillarning qariyb 72 foizi Toshkentda
-
Siyosat2 days ago
Shavkat Mirziyoyev Andijonga tashrif buyuradi
-
Sport3 days ago
Butunjahon shaxmat olimpiadasi. O‘zbekiston Vengriyani tor-mor etib turnir peshqadami bo‘lib oldi