Tanlovda biriktirilgan OTMlarning iqtisodiyot va texnika yo‘nalishidagi bitiruvchi bakalavrlari hamda 1- va 2-bosqich magistratura talabalari qatnashishlari mumkin.

Respublika bo‘ylab belgilangan 16 ta «og‘ir» toifadagi mahalla uchun eng maqbul master reja loyihalarini ishlab chiqish orqali hududlarni rivojlantirishga hissa qo‘shish maqsadida talabalar o‘rtasida tanlov o‘tkaziladi.

Tanlov Oliy ta’lim, fan va innovatsiyalar vazirligi, Iqtisodiyot va moliya vazirligi, Makroiqtisodiy va hududiy tadqiqotlar instituti hamda Jahon banki va Yevropa Ittifoqi hamkorligida tashkil etilmoqda.

Unda biriktirilgan OTMlarning iqtisodiyot va texnika yo‘nalishidagi bitiruvchi bakalavrlari hamda 1- va 2-bosqich magistratura talabalari qatnashishlari mumkin.

Jamoa tarkibi ichki saralash asosida 5 nafardan 7 nafargacha talaba va 1 nafar mas’ul pedagog iborat bo‘ladi.

G‘olib deb topilgan beshta eng yaxshi talabalar jamoasi mukofot sertifikatlari bilan taqdirlanadi.

2026 yil 15 sentabrgacha OTMlar tomonidan talabalar guruhlari shakllantirilib, 30 sentabrgacha ekspertlar ishtirokida master reja bo‘yicha onlayn seminarlar o‘tkaziladi.

30 oktyabrgacha esa dastlabki master reja loyihalari muhokamasi bo‘lib o‘tadi. Yakuniy master reja loyihalari 1 dekabrgacha topshiriladi.

Yakuniy taqdimot va g‘oliblarni baholash 25 dekabrgacha o‘tkaziladi.

Source link

Alyans xalqaro tashkilotlar, ilmiy va ta’lim muassasalari, fanlar akademiyalari, muzeylar, kutubxonalar, arxivlar, islom qo‘lyozmalari markazlari, tadqiqot institutlari hamda boshqa ixtisoslashgan tashkilotlarni birlashtiradi.

Foto: O‘zbekiston Respublikasi Din ishlari bo‘yicha qo‘mitasi

O‘zbekistondagi Islom sivilizatsiyasi markazi negizida Jahon islom sivilizatsiyasi alyansi tashkil etiladi.

Xabar qilinishicha, Toshkent shahrida bo‘lib o‘tgan I Xalqaro islom sivilizatsiyasi forumi ishtirokchilari 10 ta muhim tashabbusni qamrab olgan deklaratsiyani bir ovozdan qabul qildi. 40 dan ortiq davlatning 300 ga yaqin xorijiy ishtirokchilari deklaratsiyaga muvofiq Jahon islom sivilizatsiyasi alyansini tashkil etish tashabbusini bir ovozdan ma’qulladi.

Alyans xalqaro tashkilotlar, ilmiy va ta’lim muassasalari, fanlar akademiyalari, muzeylar, kutubxonalar, arxivlar, islom qo‘lyozmalari markazlari, tadqiqot institutlari hamda boshqa ixtisoslashgan tashkilotlarni birlashtiradi.

Qayd etilishicha, alyansning asosiy maqsadi uzoq muddatli xalqaro hamkorlikni rivojlantirish, qo‘shma ilmiy, ta’limiy, madaniy, muzey va raqamli loyihalarni amalga oshirish, bilim va ilg‘or tajriba almashinuvini rag‘batlantirish, shuningdek, islom sivilizatsiyasining jahon madaniy va intellektual merosining ajralmas qismi sifatidagi bunyodkorlik salohiyatini asrash, ilmiy o‘rganish, ommalashtirish va keng namoyon etishga qaratilgan sa’y-harakatlarni birlashtirishdan iborat.

Source link

Ro‘yxatdan 41ta so‘z o‘rin olgan bo‘lib, jumladan, breket – tishsim, brend – xosnom, mikser – qorg‘ich, suflyor – shivirchi, xeshteg – kalitso‘z, xostel – qo‘noquy deyilgan.

Vazirlar Mahkamasi huzuridagi Atamalar komissiyasi o‘zbek tili qoida va me’yorlari asosida shakllantirilgan hamda rasmiy muomalaga kiritiladigan yangi so‘z va atamalar ro‘yxatini e’lon qildi.

Qayd etilishicha, Atamalar komissiyasi tomonidan turli fan va faoliyat sohalariga oid atamalar muntazam ravishda tahlil qilinib, ularning milliy til me’yorlariga mos muqobillari ishlab chiqilmoqda hamda belgilangan tartibda rasmiy iste’molga kiritilmoqda.

“Ushbu jarayon o‘zbek tilining ilmiy va rasmiy uslubdagi imkoniyatlarini kengaytirish, terminologik tizimni milliylashtirish, atamalarning yagona me’yor asosida qo‘llanishini ta’minlash hamda davlat tilining nufuzini yanada mustahkamlashga xizmat qilmoqda”, deyiladi xabarda.

Ta’kidlanishicha, ro‘yxatda turli sohalarga oid xorijiy o‘zlashmalarning ilmiy asoslangan, o‘zbek tili qoida va me’yorlari asosida shakllantirilgan hamda rasmiy muomalaga kiritiladigan o‘zbekcha muqobillari berilgan.

Ilova qilingan ro‘yxatdan 41ta so‘z o‘rin olgan bo‘lib, jumladan, breket — tishsim, brend — xosnom, datchik — sezgich, dedlayn — so‘ngmuddat, mikser — qorg‘ich, suflyor — shivirchi, xeshteg — kalitso‘z, xostel — qo‘noquy deyilgan.

Source link

Ikrom Otamurod Uolt Uitmen, Pablo Neruda, Yevgeniy Yevtushenko, O‘ljas Sulaymon kabi shoirlarning she’r va dostonlarini o‘zbek tiliga tarjima qilgan.

O‘zbekiston Yozuvchilar uyushmasi a’zosi, O‘zbekistonda xizmat ko‘rsatgan madaniyat xodimi, shoir Ikrom Otamurod vafot etdi. Bu haqda uyushma axborot xizmati xabar berdi.

“Marhum ertaga, 13 iyul kuni soat 7:00da uyidan chiqariladi va Yalang‘och ota qabristoniga qo‘yiladi”, deyiladi xabarda.

Ikrom Otamurod 1951 yil 5 mayda Qashqadaryo viloyati Kasbi tumanidagi Kasbi qishlog‘ida tug‘ilgan. 

Shoirning “Vaqt ranglari”, “Janub qushlari”, “To‘rg‘ayli manzillar”, “Ufqlar orti bepoyon”, “Uzoqlashayotgan og‘riq”, “Uzoqlashayotgan og‘riq”, “Sopol siniqlari”, “Sen”, “Ruhimning qayg‘usi” kabi o‘ndan ortiq she’riy kitoblari chop etilgan.

Ikrom Otamurod Uolt Uitmen, Pablo Neruda, Yevgeniy Yevtushenko, O‘ljas Sulaymon kabi shoirlarning she’r va dostonlarini o‘zbek tiliga tarjima qilgan.

Shoir “Do‘stlik” ordeni, “O‘zbekistonda xizmat ko‘rsatgan madaniyat xodimi” faxriy unvoni bilan mukofotlangan.

Source link

Chiqindilarni boshqarish va sirkulyar iqtisodiyotni rivojlantirish agentligi ma’lumotiga ko‘ra, Toshkent shahri hokimligi tasarrufidagi Toshkent viloyati Ohangaron tumanida joylashgan «Maxsustrans» qattiq maishiy chiqindilar poligonida tabiiy yong‘in yuz bergan.

Foto: Ekologiya va iqlim o‘zgarishi milliy qo‘mitasi

Ekologiya va iqlim o‘zgarishi milliy qo‘mitasi Toshkentning turli hududlarida kuygan hid va tutun kuzatilgani to‘g‘risida ijtimoiy tarmoqlarda tarqalgan xabarlar bo‘yicha rasmiy munosabat berdi.

Aholining ma’lumotlariga ko‘ra, hid Yashnobod, Bektemir, Yakkasaroy, Shayxontohur tumanlarida, shuningdek, poytaxtning markaziy qismida sezilgan.

Chiqindilarni boshqarish va sirkulyar iqtisodiyotni rivojlantirish agentligi ma’lumotiga ko‘ra, Toshkent shahri hokimligi tasarrufidagi Toshkent viloyati Ohangaron tumanida joylashgan «Maxsustrans» qattiq maishiy chiqindilar poligonida tabiiy yong‘in yuz bergan.

“Hozirda vaziyat to‘liq nazorat ostida, yong‘in bartaraf etilgan. Poligonda rekultivatsiya hamda tuproq bilan qoplash ishlari olib borilmoqda”, deyiladi munosabatda.

Ekologiya va iqlim o‘zgarishi milliy qo‘mitasi mutaxassislarining ma’lumotiga ko‘ra, Toshkentda kuyindi hidining paydo bo‘lishiga ob-havo sharoitining o‘zgarishi sabab bo‘lgan. Kun davomida poligonda ochiq alangalar o‘chirilgan bo‘lsa-da, chiqindilarning ayrim qismlarida ichki tutash (cho‘g‘lanish) davom etgan. Natijada havoga tutun va mayda zarrachalar ajralishda davom etgan.

Kechga qadar shaharda deyarli shamol bo‘lmagan. Biroq soat taxminan 19:00 dan keyin shamol keskin kuchayib, janubi-sharq tomondan — poligon joylashgan hududdan poytaxt tomon esa boshlagan.

Aynan shu vaqtda havo sifati monitoringi stansiyalari PM2.5 va PM10 mayda dispers zarrachalari konsentratsiyasi oshganini qayd etgan. Shaharning turli tumanlarida yashovchi fuqarolar esa tutun va kuyindi hidini sezganliklarini ma’lum qilishgan.

Source link