Siyosat
Shavkat Mirziyoyev va Qosim-Jomart Toqayev Turkistondagi yangi qurib bitkazilgan masjid majmuasini ziyorat qildi
Tarixiy Turkiston shahrida O‘zbekiston tomonidan Qozog‘iston xalqiga tuhfa sifatida qurilgan yangi muhtasham masjid ochilishga hozirlik ko‘rmoqda. Prezidentlar Shavkat Mirziyoyev va Qosim-Jomart Toqayev yaqinda amalga oshirgan amaliy tashrifi chog‘ida ushbu muhim me’morchilik loyihasining yakuniy natijalarini ko‘rish maqsadida keng majmuani borib ko‘rdi.
Foto: Prezident matbuot xizmati
Masjid majmuasi 7 gektardan ortiq maydonga joylashgan bo‘lib, bir vaqtning o‘zida 5000 dan ortiq namozxonni qabul qilishga mo‘ljallangan. Kompleksda balandligi 70 metrga yetadigan to‘rtta shpal va uch qavatli asosiy bino mavjud. Dizayn keng namozxon zali va anʼanaviy “ayvan” terasini oʻzida mujassam etgan boʻlib, islom va Sharq meʼmorchiligining eng yaxshi anʼanalarini zamonaviy muhandislik yechimlari bilan uygʻunlashtirgan.
Ichkarida ziyoratchilar islom xattotligining noyob namunalari va murakkab bezakli o‘ymakorlik naqshlari bilan kutib olinadi. Masjidning tashqi ko’rinishi sharqona gumbazlar va mintaqaning umumiy madaniy merosiga hurmat bajo keltiruvchi etnik naqshlar bilan ajralib turadi.
Asosiy inshootdan tashqari masjid atrofidagi 4,2 gektar maydonda ham keng ko‘lamli obodonlashtirish ishlari olib borilmoqda. Sayt yashil zonalar, piyodalar yo’laklari va maxsus dam olish joylariga ega jamoat maydoniga aylantirildi. Bu maskanni ham mahalliy aholi, ham sayyohlarning diqqatga sazovor maskaniga aylantirish uchun zamonaviy yoritish tizimlari, favvoralar va bezak moslamalari o‘rnatildi.
Bu masjidning O‘zbekiston tomonidan qurilishi Qozog‘iston xalqiga bo‘lgan mustahkam birodarlikning ifodasi sifatida qaraladi. Rasmiylar mazkur loyiha ikki qoʻshni davlat oʻrtasidagi koʻp asrlik doʻstlik, madaniy yaqinlik va strategik sheriklik munosabatlarining yorqin ramzi boʻlib xizmat qilishini taʼkidladi.
Tashrif chog‘ida Qur’oni Karimdan parchalar o‘qilib, ikki davlat tinchligi, farovonligi va baxt-saodati davom etishi uchun duolar qilindi. Masjid nafaqat ma’naviyat markazi, balki Turkistonning rivojlanayotgan shahar landshaftining asosiy madaniy diqqatga sazovor joyiga aylanishi kutilmoqda.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
