O‘zbekiston Respublikasi Prezidenti Shavkat Mirziyoyev 8-may kuni poytaxtimizdagi G‘alaba bog‘iga tashrif buyurdi.

Ikkinchi jahon urushining tugaganiga qariyb 81 yil bo‘ldi. Shuncha vaqt o‘tsa-da, urushning achchiq tarixi, u olib kelgan mislsiz kulfat va musibatlar insoniyat xotirasidan o‘chgani yo‘q. Aksincha, bu mudhish xotiralar bizga tinchlik va osoyishtalik naqadar bebaho ne’mat ekanini doimo eslatib turadi. 9-may – Xotira va qadrlash kuni zamirida ana shunday mohiyat mujassam.

Davlatimiz rahbari G‘alaba bog‘ida ushbu sana munosabati bilan tashkil etilgan xotira marosimida ishtirok etdi.

An’anaga muvofiq, Prezident Shavkat Mirziyoyev «Matonat madhiyasi» yodgorligi poyiga gulchambar qo‘ydi. Mazkur muazzam obida urushda xalqimiz chekkan azob-uqubatlar, matonat va yo‘qotishlarning ifodasidir.

– Bugun oramizda sog‘-salomat yashab kelayotgan urush va mehnat faxriylari, barcha nuroniylarimizga alohida mehrimiz, ehtiromimizni izhor etamiz. Ushbu majmua buyuk g‘alabaga munosib hissa qo‘shgan ko‘p millatli xalqimizning jasorati va qahramonligini tarannum etadigan tabarruk maskan, desak, to‘g‘ri bo‘ladi, – dedi davlatimiz rahbari.

Ma’lumotlarga ko‘ra, fashizmga qarshi qonli janglarda o‘sha paytda 6 million 800 ming nafarni tashkil etgan aholimizning qariyb 2 million nafari ishtirok etgan. Shundan 540 mingga yaqini halok bo‘lgan, 158 ming nafari bedarak yo‘qolgan, 50 mingdan ortig‘i konslagerlarda mislsiz qiynoq va azoblar tufayli halok bo‘lgan, 60 mingdan ziyodi nogiron bo‘lib qaytgan.

O‘zbekistonlik askar va ofitserlardan 214 mingga yaqini jangovar orden va medallar bilan mukofotlangani ularning jasoratidan dalolat beradi.

Mamlakatimiz urush yillarida frontning mustahkam ta’minot bazasiga aylangan, jang maydonlariga juda katta miqdorda harbiy texnika, qurol-yarog‘, kiyim va oziq-ovqatlar yetkazib turilgan. G‘oyat og‘ir sharoitga qaramay, xalqimiz urush hududlaridan ko‘chirib kelingan 1 million 500 mingga yaqin insonni, jumladan, ota-onasidan judo bo‘lgan 250 ming nafar yetim bolani o‘z bag‘riga olib, mehr ko‘rsatgan.

Tadbirda O‘zbekiston Qurolli Kuchlari, davlat va jamoat tashkilotlari vakillari, mahalla faollari va nuroniylar ham ishtirok etib, mazkur yodgorlik poyiga gullar qo‘ydi.

Prezident Shavkat Mirziyoyev G‘alaba bog‘idagi «Millat fidoyilari» xiyobonida ham bo‘lib, mustaqillik yillarida mamlakatimiz himoyasi yo‘lida halok bo‘lgan harbiy xizmatchilar va huquq-tartibot idoralari xodimlarining xotirasiga hurmat bajo keltirdi.

– Bir yil oldin mana shu hududda «Millat fidoyilari» majmuasini barpo etganimiz, albatta, bejiz emas. U Vatan himoyasi har bir avlodning muqaddas ishi ekani, vatanparvarlik an’analari davomiyligini eslatib turadi, – dedi Prezidentimiz.

Majmuada mustaqillik yillarida Vatanimiz ozodligi, el-yurtimiz tinchligi yo‘lida qahramonlarcha halok bo‘lgan 196 nafar harbiy xizmatchi va huquq-tartibot organlari xodimlarining nomlari muhrlab qo‘yilgan.

Davlatimiz rahbari ota-onalarga shunday bahodir, dovyurak farzandlarni dunyoga keltirib, haqiqiy vatanparvar etib tarbiyalagani uchun chuqur minnatdorlik izhor etdi.

Xalqimiz navqiron yoshda dushmanga qarshi o‘zini qalqon qilgan bunday fidoyi qahramon o‘g‘lonlarimizni hech qachon unutmaydi. 2025 yilning o‘zida bu majmuani 650 mingga yaqin yurtdoshimiz va xorijiy mehmonlar ziyorat qilgan.

Bu yerda ko‘plab ma’naviy-ma’rifiy tadbirlar, tarix, vatanparvarlik, «Kelajak soati» darslari o‘tkazilmoqda. Bunday ishlar, ma’naviy-tarbiyaviy ahamiyatga ega va ularni davom ettirish zarurligi qayd etildi.

Joriy yil buyuk Amir Temur bobomizning 690 yillik tavallud sanasi yurtimizda, chet ellarda keng nishonlanyapti.

Sohibqiron bobomizning davlatchilik, jasorat va qahramonlik mash’alasi bugun ham porlab turibdi. Bu ulug‘ an’anani jasur askar, ofitser va generallarimiz munosib tarzda davom ettirmoqda. Ular bizning katta boyligimiz, Vatanimizning ishonchli va mustahkam qalqonlari ekani ta’kidlandi.

– Bugun bu yerda saf tortib turgan «Temurbeklar maktablari» o‘quvchilari, mard harbiylarimiz timsolida Alpomish, Manguberdi va Amir Temurlarning yangi avlodini ko‘ramiz. Buyuk ajdodlarimizning boy merosi, ilm va tajriba maktabi nafaqat muzeylarimiz, balki qalbimizga ham qaytmoqda. Bamisoli ular qayta tirilib, Yangi O‘zbekistonni, Uchinchi Renessans poydevorini biz bilan birga barpo etmoqda. Toshkentdagi Islom sivilizatsiyasi markazi, Temuriylar tarixi davlat muzeyi, Samarqanddagi Imom Buxoriy majmuasini borib ko‘rgan har bir odam buni chuqur his etadi, – dedi Prezident Shavkat Mirziyoyev.

Qayd etilganidek, Vatanni himoya qilish – davlat va xalq uchun hech qachon kun tartibidan tushmaydigan masala. Bu barchamiz uchun – muqaddas va buyuk burch. Ayniqsa, bugungi o‘ta tahlikali zamonda bu o‘n karra, yuz karra dolzarb bo‘lib bormoqda.

Joriy yil Vatanimiz mustaqilligining 35 yilligi katta tantana bilan nishonlanadi. Ushbu ulug‘ sana “Yagona Vatan, yagona xalq bo‘lib, yangi hayot va kelajak yaratamiz” degan ezgu shior asosida kutib olinayotgani zamirida, albatta, chuqur ma’no bor.

– Bugun yaqin-atrofimizdagi mintaqalarda bo‘layotgan qarama-qarshilik va urush-janjallarni ko‘rib turibmiz. Mana shunday murakkab vaziyatda milliy birlik va hamjihatlikni saqlash – eng katta kuch, eng katta boylik ekanini hayotning o‘zi yana bir bor tasdiqlamoqda. Vatanni himoya qilish – dunyodagi eng ulug‘ va sharafli ishdir. Bu haqiqatni chuqur anglab, harbiy qasamyodiga doimo sodiq bo‘lib kelayotgan botir va dovyurak o‘g‘lonlarimizga har qancha tasannolar aytsak arziydi, – dedi davlatimiz rahbari.

«Millat fidoyilari» xiyoboni kechayu kunduz jasorat ovozi yangrab turadigan, tinchlik uchun kurashga chorlaydigan qutlug‘ maskan bo‘lib qolishi, minglab, millionlab Vatan posbonlarini tarbiyalashga xizmat qilishi ta’kidlandi.

Vatan oldidagi burchini ado etish chog‘ida qahramonlarcha halok bo‘lgan o‘g‘lonlarimizning oila a’zolari va farzandlariga har tomonlama g‘amxo‘rlik ko‘rsatish, ularni qo‘llab-quvvatlash bundan buyon ham izchil davom ettiriladi.

Source link

Prezident Shavkat Mirziyoyev 8-may kuni Ikkinchi jahon urushi qatnashchilari va mehnat fronti faxriylarini ziyorat qilib, bayram bilan tabrikladi.

Davlatimiz rahbari Qurolli Kuchlar Bosh harbiy klinik gospitalida Akmal ota Akramov, Vera Juravskaya, Hasanboy ota Xalmatov va Vladimir Alekseykov bilan dildan suhbatlashdi. Nuroniylarning hol-ahvoli va salomatligi bilan qiziqdi. Ularning mashaqqatli hayot yo‘li hamda ko‘rsatgan jasoratlarini alohida e’tirof etdi.

– Sizlar tarixning jonli guvohi, matonat timsolisizlar. Sizdek tabarruk insonlar bilan uchrashish, o‘gitlaringizni tinglash bizga katta ma’naviy kuch bag‘ishlaydi. Xalqimiz sizlar bilan haqli ravishda faxrlanadi. Bugungi tinch va ozod kunlar, avlodlarning baxtiyor istiqboli sizlarning mislsiz fidokorligingiz mahsulidir. Sizlarning ibratli hayot yo‘lingiz yoshlarimiz uchun haqiqiy matonat maktabidir, – dedi Prezident.

Prezidentning joriy yil 16-apreldagi qaroriga muvofiq, urush va mehnat faxriylariga yuksak darajada ehtirom ko‘rsatilmoqda.

Ikkinchi jahon urushi qatnashchilari, front orti faxriylari hamda mustaqillik yillarida xizmat burchini bajarish chog‘ida halok bo‘lgan harbiy xizmatchilarning oila a’zolari davlatimizning doimiy g‘amxo‘rligida. Ularga moddiy va ma’naviy ko‘mak berish barobarida salomatliklarini tiklash uchun respublikamizning eng yaxshi sanatoriylariga imtiyozli yo‘llanmalar ajratilgan.

– Yaratgan sizlarga vatanparvarlik va fidokorona mehnatingiz mukofoti sifatida uzoq umr, el-yurt ardog‘ida yashash baxtini ato etgan. Sizlarning duolaringiz yurtimiz uchun omonlik, ishlarimizga barakadir, – dedi Prezidentimiz.

Uchrashuvda nuroniylar yurtimizda tarixiy xotirani tiklash, keksalarni e’zozlash borasida amalga oshirilayotgan islohotlar uchun davlatimiz rahbariga minnatdorlik bildirdi.

Source link

O‘zbekistonning Jazoirdagi elchisi Mansurbek Kirichev yaqinda Jazoir kon va konlar vaziri Murad Hanifi bilan uchrashib, qazib olish sanoati va geologiya-qidiruv sohasida ikki tomonlama hamkorlikni muhokama qildi.

“Dunyo” axborot agentligi xabariga koʻra, har ikki rasmiy ikki davlat oʻrtasidagi hamkorlikda foydalanilmagan katta salohiyat mavjudligini tasdiqladi.

Muloqot Jazoirda hukumatning qayta tuzilmasini boshdan kechirayotgan va yaqinda mustaqil tashkilot sifatida Kon va tog‘-kon vazirligini tashkil etgan paytda sodir bo‘ldi. Bu oʻzgarish Jazoirning oʻz iqtisodiyotini diversifikatsiya qilish va ulkan tabiiy resurslardan maksimal darajada foydalanishga qaratilgan strategik eʼtiborini aks ettiradi. Afrikaning quruqlikdagi eng katta davlati bo’lgan Jazoirda fosfat, temir va ruxning katta zahiralari mavjud va hozirda xalqaro hamkorlar bilan bir qancha yirik qazib olish va qayta ishlash loyihalarini amalga oshirmoqda.

Uchrashuvda vazir Hanifi Jazoir geologik qidiruv ishlarida zamonaviy texnologiyalar va texnik nou-xaularni faol ravishda izlayotganini ta’kidladi. 2025-yilda amalga oshirilgan huquqiy islohotlar mineral-xom ashyo resurslarini boshqarishni tartibga solish, xorijiy investitsiyalarni jalb etish, soha boshqaruvini modernizatsiya qilishga qaratilganini ta’kidladi. Bu islohotlar davlat tomonidan soha ustidan strategik nazoratni amalga oshirishni ta’minlash bilan birga xorijiy kapital uchun qulay muhit yaratishga qaratilgan.

Jazoir tomoni O‘zbekistonning ushbu sohada o‘rnatilgan tajribasi tufayli O‘zbekiston bilan hamkorlikka alohida qiziqish bildirdi. Taklif etilayotgan hamkorlikning asosiy yo‘nalishlari:

Birgalikda geologik qidiruv va qidiruv ishlarini olib borish. Biz ilmiy tadqiqotlar va ixtisoslashgan inson resurslarini rivojlantirishda hamkorlik qilamiz. Jazoir va kengroq Afrika bozoriga potentsial uran etkazib berishni o’rganing.

Uchrashuv ikki tomonning O‘zbekiston texnologiyasi va Jazoir mineral resurslarining uyg‘unlashuvi har ikki mintaqa uchun iqtisodiy rivojlanishning yangi bosqichini ifodalashi mumkinligini e’tirof etgan holda xalqaro hamkorlikni chuqurlashtirish bo‘yicha o‘zaro intilish bilan yakunlandi.

Source link

O‘zbekiston (Afg‘oniston) Prezidentining maxsus vakili Ismatulla Irgashev Yaponiya xalqaro hamkorlik agentligining (JICA) Janubiy Osiyo bo‘yicha direktori Tetsuya Yamada bilan uchrashib, mintaqaviy barqarorlik va insonparvarlik sa’y-harakatlarini muhokama qildi.

Tashqi ishlar vazirligida boʻlib oʻtgan uchrashuvda tomonlar Afgʻonistonni ijtimoiy-iqtisodiy tiklashga qaratilgan qoʻshma loyihani boshlash imkoniyatlarini koʻrib chiqdilar. Muhokamalarda O‘zbekistonning logistika imkoniyatlaridan xalqaro yordam va taraqqiyotni rag‘batlantirish uchun foydalanish masalalari muhokama qilindi.

Tetsuya Yamada O‘zbekistonning janubiy qo‘shnisiga nisbatan olib borayotgan pragmatik tashqi siyosatini Yaponiya yuksak qadrlashini bildirdi. U, ayniqsa, Termiz shahrida insonparvarlik yordami uchun muhim darvoza bo‘lib xizmat qilayotgan ilg‘or infratuzilmani ta’kidladi.

JICA ijtimoiy ahamiyatga ega loyihalarni amalga oshirish uchun ushbu infratuzilmadan foydalanishga katta qiziqish bildirgan. Taklif etilayotgan hamkorlik bir nechta asosiy yo’nalishlarni qamrab oladi, jumladan:

Ta’lim va sog‘liqni saqlash tizimini takomillashtirish

Oziq-ovqat xavfsizligini ta’minlash uchun qishloq xo’jaligi amaliyotini modernizatsiya qilish

Mahalliy iqtisodiyotni jonlantirish uchun xususiy sektor o’sishini qo’llab-quvvatlash

Giyohvand moddalarning noqonuniy aylanishiga qarshi kurashda hamkorlikdagi harakatlar

Ushbu tashabbuslarning asosiy maqsadi barqaror uzoq muddatli rivojlanish orqali afg‘on xalqining umumiy farovonligini oshirishdan iborat.

Source link

Prezidentning yangi imzolangan “Sog‘liqni saqlash sohasida xususiy sektorni qo‘llab-quvvatlashga doir qo‘shimcha chora-tadbirlar to‘g‘risida”gi farmoni O‘zbekistonda sog‘liqni saqlash tizimini tubdan qayta tashkil etadi. 2026-yil 1-iyuldan boshlab xususiy tibbiyot muassasalariga litsenziya va davlat tibbiy sug‘urta tizimida nazarda tutilgan barcha tibbiyot yo‘nalishlari bo‘yicha davlat byudjetidan moliyalashtiriladigan bemorlarga xizmat ko‘rsatishga ruxsat beriladi.

Yangi qoidalarga ko‘ra, davolanish xarajatlari davlat tomonidan ham davlat, ham xususiy tibbiyot muassasalariga tegishli yagona bazaviy narx modelidan foydalangan holda qoplanadi. Ushbu o’tish bemorlarning sifatli tibbiy xizmatdan foydalanish imkoniyatlarini kengaytirish bilan birga yanada raqobat muhitini yaratishga qaratilgan.

Ushbu Farmon bilan kiritilgan asosiy oʻzgartirishlar quyidagilardan iborat:

To‘g‘ridan-to‘g‘ri yo‘llanmalar: Yangi tizim davlat tibbiy sug‘urta jamg‘armalariga ixtisoslashtirilgan ambulatoriya xizmatlari va xususiy tibbiyot muassasalarida o‘tkaziladigan jarrohlik muolajalar uchun yo‘llanmalar berish imkonini beradi.

Moliyalashtirishni ko‘rib chiqish: milliy mablag‘larni aniq tibbiyot tashkilotlariga ajratish amaliyoti bekor qilinadi. Buning o’rniga, har oyda ma’lum kasallik toifalari asosida moliyalashtirish miqdori belgilanadi.

Proportsional litsenziyalash jazolari: Agar sog’liqni saqlash muassasasi litsenziyalash talablarini buzsa, rasmiylar butun muassasani yopish o’rniga, faqat qoidabuzarlik sodir bo’lgan tibbiy mutaxassislikni to’xtatib qo’yadi.

Onalik xizmatini qo’llab-quvvatlash: Tug’ilishga ixtisoslashgan yangi tibbiyot markazlariga bakterial test xizmatlarini autsorsing qilishga ruxsat beriladi, bu esa xususiy tug’ruqxonalarga kirish uchun to’siqni kamaytiradi.

Farmonda hukumat tarkibidagi tarkibiy o‘zgarishlar ham belgilangan. Sog‘liqni saqlash vazirligi huzuridagi Farmatsevtika tarmog‘ini rivojlantirish boshqarmasi Tibbiyot va farmatsevtika sanoatini rivojlantirish boshqarmasi deb o‘zgartiriladi.

Ushbu tashabbus “pul bemorga ergashadi” tamoyiliga o’tishni ifodalaydi, bu xizmat davlat tomonidan tasdiqlangan sug’urta bilan qoplangan bo’lsa, odamlarga xususiy amaliyot to’lovlarining to’liq moliyaviy yukiga duch kelmasdan, o’z tibbiy xizmat ko’rsatuvchisini tanlash erkinligini kafolatlaydi.

Source link