Chexiyaga ishlash maqsadida kelgan, ammo ayrim huquqiy va moliyaviy muammolar sabab mushkul ahvolga tushib qolgan O‘zbekiston fuqarosi diplomatik vakolatxona ko‘magida vatanga qaytarildi.

“Dunyo” axborot agentligi xabar berishicha, vatandosh Chexiyaga mehnat qilish maqsadida kelgach, xorijga chiqish pasportini o‘g‘irlatib qo‘ygan. Natijada ishlash uchun zarur hujjatlarni o‘z vaqtida rasmiylashtira olmagan va noqonuniy maqomga tushib qolgan.

Ma’lum vaqt shu tarzda yashab va ishlab kelgan fuqaro O‘zbekistonga qaytish payti kelganda yangi hujjatni qayerdan olish va vatanga qanday tartibda qaytishni bilmagani sababli og‘ir ijtimoiy vaziyatga tushib qolgan.

Shundan so‘ng, u mazkur muammosini hal etish maqsadida O‘zbekistonning Chexiyadagi elchixonasi konsullik bo‘limiga yordam so‘rab murojaat qilgan.

Diplomatik vakolatxona tomonidan mazkur holat yuzasidan zarur choralar ko‘rilib, Praga shahridagi Xalqaro migratsiya tashkiloti bilan hamkorlikda fuqaroga amaliy va huquqiy yordam ko‘rsatildi. Unga vatanga qaytish guvohnomasi rasmiylashtirilib, 2026 yil 3 mart kuni O‘zbekistonga qaytishiga ko‘maklashildi.

Qayd etilishicha, elchixona xodimlarining o‘z vaqtida ko‘rsatgan yordami va migratsiya tashkiloti bilan samarali hamkorlik xorijdagi fuqarolarning huquq va manfaatlarini himoya qilish O‘zbekiston tashqi siyosatining ustuvor vazifalaridan biri ekanini yana bir bor namoyon etdi.

Source link

Samarqand viloyatida 440 mln so‘mlik qalbaki alkogol mahsulotlarining savdoga chiqarilishining oldi olindi. 

Bosh prokuratura huzuridagi Departamentning Toyloq tumani bo‘limi va boshqa huquqni muhofaza qiluvchi organ xodimlari hamkorligida tezkor tadbir o‘tkazilgan.

Unda fuqaro B.F.ga tegishli omborxonada umumiy bahosi 440 mln so‘m bo‘lgan 86 turdagi jami 16 960 dona qalbaki aksiz markali alkogol mahsulotlarini sotish maqsadida saqlab kelayotganligi aniqlanib, ushbu mahsulotlar ashyoviy dalil sifatida olingan.

Mazkur holat yuzasidan Jinoyat kodeksining tegishli moddalari bilan jinoyat ishi qo‘zg‘atilib, tergov harakatlari o‘tkazilmoqda.

Source link

DXX va Iqtisodiy jinoyatlarga qarshi kurashish departamenti xodimlari tomonidan Buxoro viloyatida o‘tkazilgan tezkor tadbirda aholi salomatligiga xavf tug‘dirishi mumkin bo‘lgan qalbaki dori vositalarini tayyorlash va sotish bilan shug‘ullanib kelgan shaxslar faoliyatiga chek qo‘yildi.

G‘ijduvon tumanida yashovchi 1994 yilda tug‘ilgan fuqaro o‘z oila a’zolari bilan birgalikda uy sharoitida qo‘lbola usulda dori vositalarini tayyorlab kelgan.

Shuningdek, qonunbuzarlar tayyorlangan dori vositalarini saqlash uchun 1 ta manzildan hamda ularni sotish uchun 2 ta dorixonadan foydalanib kelayotgani ma’lum bo‘lib, mazkur manzillar belgilangan tartibda ko‘zdan kechirildi.

Tadbir davomida ushbu manzillardan jami 193 turdagi 47 821 dona, umumiy taxminiy qiymati 500 mln so‘mdan ortiq bo‘lgan, kontrabanda yo‘li bilan olib kelingan hamda qo‘lbola usulda tayyorlangan dori vositalari aniqlandi. Shuningdek, 6 989 dona dori vositalarining bo‘sh qutisi, yorliqlar, 3 dona dorilarni qadoqlash uskunasi va 2 qop yo‘riqnoma ham topilib, protsessual tartibda rasmiylashtirib olindi.

Mazkur dori vositalariga rasmiy xulosa olish maqsadida “Farmatsevtika mahsulotlari xavfsizligi markazi” davlat muassasasiga yuborildi.

Hozirda holat yuzasidan tergovga qadar tekshiruv harakatlari amalga oshirilmoqda.

Fuqarolardan bunday qonunbuzilish holatlariga duch kelgan taqdirda Davlat xavfsizlik xizmatining 1520 qisqa raqamiga qo‘ng‘iroq qilib xabar berish so‘raladi. Shaxsingizning maxfiyligi kafolatlanadi.

Source link

Yoshlarga o‘rnak bo‘lib, hayotda keksalik gashtini surish o‘rniga, qing‘ir yo‘llarni tanlagan kimsalar uchrab turadi. Buxoro shahrilik 73 yoshli R.B.ning xonadonidan topilgan ko‘p miqdordagi giyohvandlik vositasi fikrni tasdiqlaydi.

Buxoro viloyati IIB Axborot xizmati rahbari Ulug‘bek Shukurlayevning «Xabar.uz»ga ma’lum qilishicha, viloyat hududida xavfsizlikni ta’minlash va giyohvandlik vositalarining noqonuniy aylanishiga chek qo‘yish maqsadida tezkor tadbir o‘tkazilgan. Viloyat IIB Tezkor-qidiruv boshqarmasi hamda IIV Shaxsiy xavfsizlik bosh boshqarmasi xodimlari hamkorligida o‘tkazilgan reyd davomida «Otbozor» mahallasida yashovchi, 73 yoshli nafaqaxo‘r fuqaro R.B.ning xonadoni xolislar ishtirokida ko‘zdan kechirilgan.

Kinologiya xizmati itlari yordamida o‘tkazilgan qidiruv natijasida xonadon darvozaxonasidagi somon presslari orasiga yashirilgan ko‘k rangli polimer paket topilgan. Paket ichida o‘tkir hidli, yashil rangli, sof vazni 6,58 grammga teng bo‘lgan ko‘p miqdordagi «marixuana» giyohvandlik moddasi borligi aniqlanib, tegishli tartibda rasmiylashtirilgan.

Ma’lum qilinishicha, fuqaro ushbu moddani sotish maqsadini ko‘zlamay, o‘z xonadonida saqlab kelgan. Shunga qaramay, qonun oldida javob berish vaqti keldi. Holat yuzasidan O‘zbekiston Respublikasi Jinoyat kodeksining 276-moddasi 2-qismi bilan jinoyat ishi qo‘zg‘atilgan.

Hozirda tergov harakatlari davom ettirilmoqda.

Source link

Gastroenterolog Natalya Motileva qaysi oziq-ovqatlar ichak salomatligiga eng zararli ekanligi haqida gapirdi. U ularni Lenta.ru bilan suhbatda sanab o‘tdi. 

Shifokor oshqozon-ichak salomatligi uchun eng zararli oziq-ovqat toifasi sifatida ultra qayta ishlangan oziq-ovqatlarni ko‘rsatdi. U haftasiga 500 grammdan ortiq kolbasa, xot-dog va jambonni muntazam ravishda iste’mol qilish yo‘g‘on ichak yoki to‘g‘ri ichak shilliq qavatining xavfli o‘smasi bo‘lgan kolorektal saraton rivojlanish xavfini oshirishi haqida ogohlantirdi. 

Gastroenterolog shuningdek, fastfud, chiplar va shakarli gazlangan ichimliklar kabi boshqa ultra qayta ishlangan oziq-ovqatlar ichak salomatligiga salbiy ta’sir ko‘rsatishi mumkinligini ta’kidladi.«Bunday oziq-ovqat va ichimliklarga boy parhez ichak mikroflorasining xilma-xilligini kamaytiradi, bu esa ovqat hazm qilish muammolariga, immunitetning pasayishiga va yallig‘lanishli ichak kasalliklariga olib kelishi mumkin», deb tushuntirdi mutaxassis. 

Motilevaning qo‘shimcha qilishicha, ko‘pincha ko‘plab oziq-ovqat qo‘shimchalarini o‘z ichiga olgan ultra qayta ishlangan oziq-ovqatlar ham oshqozon-ichak salomatligiga zararli. Masalan, turli emulsifikatorlar diareyaga olib kelishi mumkin, yuqori miqdorda shakar va tuz miqdori esa shish paydo bo‘lishiga olib kelishi mumkin.

Bundan tashqari, ultra qayta ishlangan oziq-ovqat mahsulotlarida ortiqcha qo‘shilgan shakar yoki fruktoza ichak harakatini buzadi, bu esa qorin og‘rig‘i va gazning ko‘payishiga olib kelishi mumkin.

Source link