Jamiyat
O‘zbekiston va “Traxys Group” o‘rtasida hamkorlik yo‘lga qo‘yildi
AQSh xalqaro xomashyo savdosi sohasidagi yetakchi kompaniyalaridan biri “Traxys Group” 24 fevral kuni Konchilik va geologiya vaziri Bobir Islamov, “Navoiyuran” davlat korxonasi direktori Jamol Fayzullayev hamda O‘zbekiston texnologik metallar kombinati direktori Farhod Abdullayev bilan muzokaralar o‘tkazdi. Bu haqda “Traxys Group” kompaniyasining Markaziy Osiyo mintaqaviy ofisi xabar berdi.
Uchrashuvlarda uzoq muddatli offteyk-kontraktlarni amalga oshirish, geologik qidiruv ishlarini moliyalashtirish, ilg‘or qayta ishlash texnologiyalarini joriy etish va xalqaro moliyaviy institutlar ishtirokini kengaytirish masalalari muhokama qilindi.
Qayd qilinishicha, bu O‘zbekiston sanoat siyosatida strategik ahamiyatga ega yangi bosqich boshlanganini anglatadi. Tashabbus faqat nodir minerallar zaxiralarini qidirish va qazib olish bilan cheklanmaydi. Asosiy maqsad – chuqur qayta ishlash, yuqori qo‘shilgan qiymat yaratish va global bozorda raqobatbardosh eksport tizimini shakllantirishdir.
2025 yil 5 noyabr kuni prezident Shavkat Mirziyoyevning AQShga rasmiy tashrifi doirasida Konchilik va geologiya vazirligi hamda “Traxys Group” o‘rtasida hamkorlik to‘g‘risida bitim imzolangan edi. Ushbu hujjat 2030 yilga qadar tabiiy uranni uzoq muddatli yetkazib berishni nazarda tutadi. Kontraktlarning umumiy qiymati 1,7 milliard AQSh dollarini tashkil etadi.
2026 yil 18 fevral kuni O‘zbekiston prezidentining AQShga amaliy tashrifi doirasida “Traxys Group” rahbariyati bilan o‘tkazilgan uchrashuvda kompaniya Toshkent shahrida Markaziy Osiyo mintaqaviy ofisini ochish bo‘yicha qarorini e’lon qildi. Ushbu qaror o‘zaro hamkorlikni institutsionallashtirish, investitsiya loyihalarini muvofiqlashtirish va strategik minerallar sohasidagi qo‘shma dasturlarni jadallashtirishga xizmat qiladi.
“Traxys Group” 20 dan ortiq mamlakatda faoliyat yuritadi, AQSh, Yevropa, Osiyo va Yaqin Sharqda o‘nlab xalqaro ofislarga ega. Kompaniyaning yillik savdo aylanmasi 10 milliard dollar atrofida bo‘lib, uran va strategik minerallar bo‘yicha dunyodagi yetakchi ta’minotchilardan biri hisoblanadi.
Muhim jihat shundaki, kompaniya AQSh Hukumati uchun ishonchli minerallar yetkazib beruvchi sifatida tan olingan hamda U.S. International Development Finance Corporation (DFC) va Export-Import Bank of the United States (EXIM Bank) kabi xalqaro moliyaviy institutlar bilan yaqin hamkorlik qiladi. Bu esa O‘zbekiston uchun nafaqat barqaror bozor, balki zamonaviy texnologiyalar, moliyaviy resurslar va xalqaro ekspertizani jalb qilish imkoniyatini yaratadi.
Bugungi kunda global iqtisodiyotda “kritik minerallar” tushunchasi yangi iqtisodiy drayver sifatida strategik ahamiyat kasb etmoqda. Volfram, molibden, nikel, kobalt, vanadiy kabi resurslar energetika, mudofaa sanoati, yuqori texnologiyalar va “yashil iqtisodiyot” uchun hal qiluvchi omil hisoblanadi.
Prezidentning tegishli qaroriga muvofiq, O‘zbekiston texnologik metallar kombinati tizimida 70 dan ortiq yirik investitsiya loyihalari amalga oshirilmoqda. 2030 yilga borib strategik minerallar ishlab chiqarish hajmini 1 milliard AQSh dollaridan oshirish rejalashtirilgan. Agar 2025 yil yakunlariga ko‘ra korxonada 53 tonna volfram va 950 tonna molibden ishlab chiqarilgan bo‘lsa, 2026–2030 yillarda 16 ming tonna volfram hamda 5,5 ming tonna molibden ishlab chiqarish rejalashtirilgan.
Samarqand va Toshkent viloyatlarida tashkil etilayotgan sanoat klasterlari qazib olish bilan birga boyitish va chuqur qayta ishlash jarayonlarini ham qamrab oladi. Bu esa qo‘shilgan qiymat zanjirini mamlakat ichida shakllantirishga xizmat qiladi.
“Traxys Group” kritik minerallar sektoriga 1 milliard dollar miqdorida investitsiya kiritish tashabbusi orqali yangi moliyaviy-logistik modelni ilgari surmoqda. Mutaxassislar fikricha, bu kelishuv an’anaviy “kon ochish–qazib olish–qayta ishlash–sotish” andozasida emas, balki korporotiv moliyalashtirish orqali ta’minot zanjirini boshqarish strategiyasini shakllantiradi.
“Traxys Group”ning Markaziy Osiyodagi hamkori etib tayinlangan Temurbek Hikmatullayev Toshkentdagi mintaqaviy ofis rahbari sifatida faoliyat olib boradi. Uning ta’kidlashicha, kompaniya O‘zbekiston texnologik metallar kombinati tomonidan ishlab chiqarilayotgan mahsulotni uzoq muddatli offteyk-kontraktlar asosida xarid qiladi va kelgusi mahsulot uchun oldindan moliyalashtirish mexanizmlarini joriy etadi. Shu bilan birga, kompaniya geologik qidiruv, qazib olish va qayta ishlash sohalarida qo‘shma investitsiya loyihalarida qatnashib, xalqaro texnik va moliyaviy ekspertizani jalb qiladi.
Ayni kunlarda Toshkent shahrida “Traxys” kompaniyasining Markaziy Osiyodagi ilk mintaqaviy ofisi tantanali ravishda ochildi. Marosimda kompaniya rahbariyati ishtirok etdi. Yangi ofis investitsiya loyihalarini joyida boshqarish, sheriklar faoliyatini muvofiqlashtirish, texnologik aloqalarni kuchaytirish hamda mintaqaviy moliyaviy markaz sifatida faoliyat yuritish imkoniyatini yaratadi.
“Traxys Group” bosh ijrochi direktori Mark Kristoff fikricha, mazkur hamkorlik O‘zbekistonni strategik minerallar global ta’minot zanjirida muhim bo‘g‘inga aylantirishi mumkin. Ayniqsa, “yashil energetika”ga o‘tish jarayonida ushbu resurslarga bo‘lgan talab tobora ortib bormoqda.
“Traxys Group” tashabbusi oddiy biznes kelishuvi emas. Bu – strategik resurslar asosida mamlakatimizning yangi iqtisodiy arxitekturasini shakllantirishga qaratilgan tizimli qadamdir. Chunki strategik minerallar bugungi kunda faqat yerosti boyligi emas, balki global geosiyosiy va geoiqtisodiy ta’sir vositasiga aylangan. O‘zbekiston esa xomashyo eksportchisi emas, balki chuqur qayta ishlangan mahsulot yetkazib beruvchi davlat sifatida o‘z o‘rnini mustahkamlashni maqsad qilgan.
«Media haftalik»: mamlakatimizda yilning eng yirik media loyihasi start olmoqda.
Global axborot makonidagi shiddatli o‘zgarishlar, ijtimoiy tarmoqlar va sun’iy intellektning rivojlanishi, feyk xabarlar oqimi media sohasi vakillaridan mutlaqo yangicha yondashuvlarni talab etmoqda. Shu maqsadda respublikamizda yilning eng yirik va muhim ta’limiy-amaliy loyihasi — jurnalistlar, blogerlar va matbuot kotiblarini yagona platformada birlashtiruvchi «Media haftalik» o‘z ishini boshladi.
Kontent markazi tomonidan hamkor tashkilotlar bilan birgalikda yo‘lga qo‘yilayotgan mazkur loyiha butun respublikadan qariyb 12,5 ming ishtirokchini qamrab oladi. Joriy yilning 30 martidan 26 iyuniga qadar har bir hududda 5 kunlik intensiv o‘quv-seminarlar va mahorat darslari o‘tkazilishi rejalashtirilgan.
Dasturda nazariya va amaliyot birlashadi: asosiy urg‘u haqiqiy tajriba orttirishga qaratiladi. Mamlakatimizning eng yetakchi media-ekspertlari, muharrir va prodyuserlari ishtirokida kontent yaratish, faktcheking, raqamli gigiyena, SMM va strategik kommunikatsiyalar kabi muhim mavzular bo‘yicha treninglar olib boriladi.
Mashg‘ulotlar telejurnalistlar, bosma nashrlar, blogerlar va davlat idoralari matbuot kotiblari uchun alohida yo‘nalishlarda o‘tkaziladi. Bilimlarini oshirgan ishtirokchilarga maxsus sertifikatlar topshiriladi.
O‘zbekiston bo‘ylab harakatlanuvchi mazkur media-estafetaning ilk bosqichi 30 mart kuni Qoraqalpog‘iston Respublikasida boshlanadi. Darslar davomida ishtirokchilar real keyslar asosida ishlash, xatolarni tahlil qilish, yangi yondashuvlarni shakllantirish imkoniyatiga ega bo‘ladi. Spikerlar o‘z tajribalari bilan o‘rtoqlashib, zamonaviy media rivojining ustuvor yo‘nalishlari bo‘yicha tavsiyalar beradi.
Haftalik yakunida hududdagi soha vakillarini qamrab oluvchi yirik Media forum tashkil etiladi.
Loyihada ishtirok etish istagida bo‘lgan nomzodlar Yoshlar ishlari agentligining hududiy boshqarma va bo‘limlariga murojaat qilishlari mumkin.
Media haftalik quyidagi sanalarda hududlar kesimida tashkil etiladi:
• 30 mart – 03 aprel: Qoraqalpog‘iston Respublikasida;
• 6 aprel – 10 aprel: Xorazm viloyatida;
• 13 aprel – 17 aprel: Surxondaryo viloyatida;
• 20 aprel – 24 aprel: Qashqadaryo viloyatida;
• 27 aprel – 1 may: Samarqand viloyatida;
• 4 may – 8 may: Navoiy viloyatida;
• 11 may – 15 may: Buxoro viloyatida;
• 18 may – 22 may: Farg‘ona viloyatida;
• 25 may – 29 may: Namangan viloyatida;
• 1 iyun – 5 iyun: Andijon viloyatida;
• 8 iyun – 12 iyun: Jizzax viloyatida;
• 15 iyun – 19 iyun: Sirdaryo viloyatida;
• 22 iyun – 26 iyun: Toshkent viloyati va Toshkent shahrida.
Namanganlik Alixon ota 86 yoshida huquqiy hujjatga ega bo‘ldi. Bu haqda Namangan viloyati adliya boshqarmasi xabar berdi.
To‘raqo‘rg‘on tumanida inson huquqlarini ta’minlashga qaratilgan yana bir masala ijobiy hal etildi. 1937-yilda tug‘ilgan fuqaro Alixon ota Zaripovning tug‘ilganlik dalolatnoma yozuvi mavjud emasligi sababli u uzoq yillar davomida tegishli hujjatsiz yashab kelgan.
Mazkur holat fuqaroga bir qator ijtimoiy va huquqiy xizmatlardan to‘liq foydalanishda qiyinchiliklar tug‘dirib kelgan. Muammo tegishli tartibda o‘rganilib, Fuqarolik ishlari bo‘yicha Chust tumanlararo sudiga murojaat qilindi.
Sud tomonidan ish atroflicha ko‘rib chiqilib, fuqaroning tug‘ilganlik holatini tasdiqlovchi dalillar asosida tug‘ilganlik qayta tiklash to‘g‘risida qaror qabul qilindi.
Mazkur qarorga asosan Alixon ota Zaripovning tug‘ilishi belgilangan tartibda qayta tiklanib, unga tug‘ilganlik haqida guvohnoma rasmiylashtirib berildi.
Ushbu amaliy yordam natijasida fuqaroning huquqiy maqomi tiklanib, endilikda u davlat xizmatlaridan to‘laqonli foydalanish imkoniyatiga ega bo‘ldi.
Majburiy ijro byurosining Toshkent shahar Olmazor tuman bo‘limi ish yurituviga sud va boshqa organlar qarorlariga asosan qarzdor «S.-M» MChJdan davlat foydasiga jami 6,24 mlrd so‘m davlat boji va soliq qarzdorligini undirish to‘g‘risidagi ijro hujjati kelib tushgan hamda ijro ishi qo‘zg‘atilgan.
Ijro harakatlari davomida qarzdor tomonidan yuqoridagi qarzdorlik bartaraf etilmaganligi sababli majburiy ijro harakatlariga kirishilib, qarzdorga tegishli barcha mol-mulklarga taqiq o‘rnatilgan hamda belgilangan tartibda qidiruv e’lon qilingan.
Majburiy ijro harakatlari davomida qarzdorga tegishli «LI XIANG L9» rusumli avtotransport vositasi xatlanib, jarima maydoniga joylashtirilgan.
Hozirda mazkur xatlangan avtotransport vositasi baholanib, auksion orqali qarzdorlik hisobidan sotish choralari ko‘rilmoqda.
Qarzdor tomonidan ushbu jarayon davomida qarzdorlik to‘liq qoplangan taqdirda, avtotransport vositasi mulk egasiga qaytariladi.
«Toshkent-AERO» IBK Kontrabandaga qarshi kurashish shu’basi xodimlari tomonidan Davlat xavfsizlik xizmati va Ichki ishlar idoralari vakillari bilan hamkorlikda poytaxtimizda sifati kafolatlanmagan tibbiy buyumlarning noqonuniy realizatsiyasiga qarshi navbatdagi tezkor tadbir o‘tkazildi.
Tezkor tadbirda oldindan shubha ostiga olingan shaxsning Yangihayot tumanidagi xonadoni belgilangan tartibda va xolislar ishtirokida ko‘zdan kechirilganida, bu yerda 38 nomdagi 3613 turli tibbiy buyumlar noqonuniy ravishda saqlanayotgani fosh bo‘ldi.
Ushbu holatda olib qo‘yilgan tibbiy buyumlar murakkab jarrohlik amaliyotlarida qo‘llaniladigan stent, kateter va yana boshqa turdagi buyumlar inson hayoti uchun juda muhim va shu bilan bir qator yuqori xavf guruhiga kiruvchi buyumlar hisoblanadi.
Masalan, sifati kafolatlanmagan stentning qon tomiri ichida to‘g‘ri ishlamasligi xastalikni kuchaytirishi, bemor organizmiga mos kelmasligi, allergik reaksiyalar, tromb hosil bo‘lishi yoki hatto infarktga olib kelishi mumkin.
Qolaversa, maxsus sharoitlarda tashilishi va saqlanishi talab etiladigan tibbiy buyumlarning oddiy xonadonda saqlanishini hech narsa bilan oqlab bo‘lmaydi.
Dastlabki hisob-kitoblarga ko‘ra mazkur holatda olib qo‘yilgan tibbiy buyumlarning jami qiymati 1 mlrd 100 mln so‘mdan oshmoqda.
Holat yuzasidan bojxona tekshiruvlari davom ettirilmoqda.
Eslatib o‘tamiz, bojxona organlari tomonidan joriy yilning o‘tgan davrida aniqlangan 484 ta holatda qiymati 18 mlrd. so‘mlik dori vositalari va tibbiy buyumlarning bojxona chegaralari orqali noqonuniy ravishda olib o‘tilishi va ichki hududdagi yashirin aylanmasigan chek qo‘yilgan.
2026-yilning yanvar oyida O‘zbekistonga 14 ta xorijiy davlatdan qiymati 3,8 mln AQSh dollariga teng bo‘lgan 2 570 tonna choy import qilingan.
Milliy statistika qo‘mitasi ma’lumotlariga ko‘ra, ushbu mahsulotning mamlakatga import hajmi 2025-yilning mos davriga nisbatan 421 tonnaga kamaygan.
2026-yilning ilk oyida O‘zbekistonga eng ko‘p choy yetkazib bergan davlatlar:
Xitoy – 2 122 tonna;
Qozog‘iston – 123 tonna;
Eron – 113,4 tonna;
Keniya – 97,6 tonna;
Indoneziya – 41,8 tonna;
Boshqa davlatlar – 72,3 tonna.
yilning eng yirik media loyihasi start olmoqda
AQSh va Eron o’rtasida muloqot davom etmoqda – Turkiya TIV
Ormuz boʻgʻozi taqdirini hal qiluvchi yetti orol
-
Dunyodan5 days ago
Prezident Tramp Eronga Hormuz boʻgʻozini ochish uchun 48 soat vaqt berdi
-
Jamiyat4 days ago
O‘zbekistonliklar qaysi mamlakatlarga eng ko‘p safar qilmoqda (top-10)
-
Turk dunyosi4 days agoPrezident Trampning Eron urushini toʻxtatib qoʻyishida haqiqatda kim vositachilik qilgan? Misr, Pokiston va Turkiyaning sokin diplomatiyasi diqqat markazida
-
Dunyodan3 days ago
Maskat va Toshkent oʻrtasida toʻgʻridan-toʻgʻri reyslar yoʻlga qoʻyiladi.
-
Dunyodan4 days ago
Eron tarixidagi eng katta banknotalar muomalaga chiqariladi
-
Jamiyat3 days ago
«Ташаббусли бюджет» ғолиблари эълон қилинди
-
Iqtisodiyot4 days agoO‘zbekistonda kichik AES qurilishi Rossiya kompaniyalarini 24,7 mlrd dollargacha buyurtmalar bilan ta’minlaydi – Lixachyov
-
Dunyodan5 days ago
Eronning hujumi AQShga qancha zarar yetkazdi? BBC sharhi