Sport
Qilichbozlik bo‘yicha YeCh Tallindan Fransiyaga ko‘chirildi: sabab
2026 yil yozida Tallinnda o‘tishi rejalashtirilgan qilichbozlik bo‘yicha Yevropa chempionati Fransiyaga ko‘chirildi. Sabab – Estoniya Rossiya va Belarus sportchilariga viza bermasligi.
2026 yil yozida Tallinda bo‘lib o‘tishi kerak bo‘lgan qilichbozlik bo‘yicha Yevropa chempionati Fransiyaga ko‘chirildi. Bu haqda Estoniya qilichbozlik ittifoqi bosh kotibi Ayvar Paalberg 23 yanvar, juma kuni Õhtuleht nashriga bergan intervyusida ma’lum qildi. Uning aytishicha, “qaror 14 yanvar kuni qabul qilingan, ammo bizga bu haqda faqat bugun ma’lum qilindi”. Endi musobaqa Fransiyaning Antoni shahrida o‘tkaziladi.
Turnirni ko‘chirish ehtimoli haqidagi ma’lumotlar 2025 yil oxirida paydo bo‘lgan edi. O‘shanda Xalqaro qilichbozlik federatsiyasi Estoniyadan barcha sportchilar — fuqaroligi va harbiy unvonidan qat’i nazar — chempionatda ishtirok etishi va chegaradan o‘ta olishiga kafolat beruvchi yozma tasdiq talab qilgan.
Estoniya hukumat organlari bunday hujjatni imzolashdan bosh tortgan. Estoniya Madaniyat vazirligining sport masalalari bo‘yicha vitse-kansleri Raydo Mitta Tallin turnir qatnashchilarining barchasi uchun kirish imkoniyatini tasdiqlay olmasligini aytgan. Uning so‘zlariga ko‘ra, hukumat pozitsiyasi o‘zgarmagan: Rossiya va Belarus sportchilariga viza berilmaydi, hech qanday istisno nazarda tutilmagan.
Estoniya 2024 yilda qilichbozlik bo‘yicha Yevropa chempionatini o‘tkazish huquqini olgan edi.
Ayvar Paalberg avvalroq shunday degan edi: turnirni Estoniyada o‘tkazish haqida qaror qabul qilingan paytda Xalqaro qilichbozlik federatsiyasining “agressor davlatlar” sportchilariga nisbatan bir xil qoidalari amalda bo‘lgan, ammo bir yil davomida ular bir necha bor o‘zgargan.
Paalbergning aytishicha, dastlab Rossiya va Belarus sportchilariga armiya bilan aloqasi bo‘lmagan taqdirda “neytral maqom”da individual musobaqalarda qatnashishga ruxsat berilgan. Keyinroq esa bu talab bekor qilingan.
Shuningdek, Paalberg federatsiyaning so‘nggi qarorini ham qayd etgan: Rossiya va Belarusdan bo‘lgan yuniorlar va kadetlarga o‘z davlatlari bayrog‘i ostida tengdoshlari o‘rtasidagi musobaqalarda ishtirok etishga ruxsat berilgan — agar ular Ukrainaga qarshi urushni qo‘llab-quvvatlamaslik haqida bayonot bersa. Paalberg ta’kidlashicha, amalda bunday bayonotning bajarilishini nazorat qilish juda qiyin.
Shavkat Mirziyoyev shaxmatchilar bilan uchrashuvda Javohir Sindorov, Muhiddin Madaminov va Shamsiddin Vohidovning Olimpiadadagi o‘yinlarini alohida e’tirof etdi.
Prezident Javohir Sindorovga murojaat qilib, bir necha oy avval uning Nomzodlar turniridagi tarixiy g‘alabasi nishonlanganini esladi. Olimpiadada ham Javohir Sindorov sovuqqonlik va barqarorlik ko‘rsatib, kuchli raqiblar oldida ortga chekinmagani ta’kidlandi.
«Endi oldingda yana bir ulkan marra — jahon toji uchun bellashuv turibdi. Bugun ortingda nafaqat jamoadoshlaring va ustozlaring, balki qirq millionga yaqin O‘zbekiston xalqi turibdi. Biz senga ishonamiz!» — dedi davlat rahbari.
Yirik musobaqada ilk bor ishtirok etgan Muhiddin Madaminov hal qiluvchi kunda ukrainalik Roman Dextyarovni qora donalarda mag‘lub etdi.
Uning g‘alabasi jamoaga oltin medal uchun zarur ochkoni olib keldi. Prezident uning g‘ayrati va g‘alabalari muxlislar ko‘nglidan joy olganini ta’kidladi.
Shamsiddin Vohidov ham umumiy natijaga munosib hissa qo‘shdi. U amaldagi jahon chempioni Gukeshga qarshi qora donalarda tengma-teng kurashib, o‘z salohiyatini namoyon etdi.
Prezident oltin medal jamoaning har bir a’zosi mehnati va hissasi natijasi ekanini ta’kidladi.
«Bu oltin medalda jamoaning har bir a’zosining mashaqqatli mehnati va ulkan hissasi bor», — dedi Prezident.
Davlat rahbari shaxmatchilar haqida hali kitoblar yozilishi, filmlar yaratilishi va ularning o‘yin uslubi darsliklarga kirishiga ishonch bildirdi.
Yosh shaxmatchilarni tayyorlash imkoniyatlarini kengaytirish uchun Toshkent xalqaro shaxmat akademiyasining Samarqand, Xorazm va Farg‘onada uchta mintaqaviy filiali tashkil etiladi. Akademiyada oliy toifali murabbiylarni tayyorlash ham yo‘lga qo‘yiladi.
FIDE reytingida 1 ming 500 dan yuqori ball to‘plagan shaxmatchilarning xususiy klublarda o‘qish xarajatlarining yarmi davlat tomonidan qoplanadi. Bu yosh iste’dodlarning tayyorgarligini davom ettirishiga qo‘shimcha imkoniyat yaratadi.
Mamlakatimizda “O‘zbekiston Grand Chess” milliy brendi ostida xalqaro turnirlar muntazam o‘tkazib boriladi. Bu shaxmatchilarimizga kuchli raqiblar bilan o‘z yurtimizda bellashish imkonini beradi.
Prezidentimiz Yangi Toshkentda 500 kishilik o‘yin zali, yotoqxona va sport maydonchalariga ega zamonaviy shaxmat saroyini barpo etishni taklif qildi.
O‘zbekiston delegatsiyasi Yaponiyadagi Osiyo o‘yinlarining bugungi kunini oltin va kumush medallarni qo‘lga kiritish bilan boshladi.
Shahriyor Mahkamov baydarkachilar o‘rtasida 500 metr masofaga kechgan yakkalik poygalarida marrani birinchi bo‘lib zabt etib, Osiyo o‘yinlari chempioniga aylandi.
Terma jamoamizning yana bir a’zosi Arina Tanatmisheva esa kumush medalni qo‘lga kiritdi. U 500 metr masofaga kechgan yakkalik dasturida marraga ikkinchi bo‘lib yetib keldi.
Shuningdek, kanoeda eshkak eshish bo‘yicha O‘zbekiston jamoasi a’zolari Vladlen Denisov hamda Nilufar Zokirova juftligi kumush medalni qo‘lga kiritdi.
Hozirgacha o‘tkazilgan musobaqalardan so‘ng, O‘zbekiston delegatsiyasi turnir jadvalida 4-o‘ringa ko‘tarilib oldi. Jami 34 ta medal qo‘lga kiritildi: 8 ta — oltin, 17 ta — kumush, 9 ta — bronza.
Aichi-Nagoya-2026 musobaqalarida medallar jamg‘arish bo‘yicha Xitoy peshqadamlik qilmoqda, Yaponiya — ikkinchi, Janubiy Koreya — uchinchi o‘rinda.
O‘zbekiston U-23 terma jamoasining Osiyo o‘yinlari yarim finalidagi raqibi ma’lum bo‘ldi.
Chorak finalda Yaponiya terma jamoasi KXDRni 1:0 hisobida mag‘lub etib, yarim finalga yo‘l oldi.
Shu tariqa, O‘zbekiston U-23 terma jamoasi final yo‘llanmasi uchun musobaqa mezboni Yaponiyaga qarshi maydonga tushadi.
Uchrashuv 30-sentyabr kuni Toshkent vaqti bilan soat 15:30 da “Nagai” stadionida boshlanadi.
Samarqandda o‘tayotgan 46-Butunjahon shaxmat olimpiadasining 10-turi O‘zbekistonning birinchi jamoasi uchun muvaffaqiyatli yakunlandi.
Nodirbek Abdusattorov, Javohir Sindarov, Nodirbek Yoqubboyev va Muhiddin Madaminov ishtirok etgan O‘zbekiston-1 jamoasi Armanistonni mag‘lub etdi.
Abdusattorov, Sindarov va Madaminov o‘z raqiblaridan ustun keldi. Shu tariqa, O‘zbekiston-1 jamoasi 18 ochko bilan musobaqada yetakchilikni saqlab qoldi.
O‘zbekiston-2 jamoasi Hindistonga imkoniyatni boy berdi. O‘zbekiston-3 esa Isroilga qarshi keskin bahsda kichik hisobda mag‘lub bo‘ldi.
Xotin-qizlar o‘rtasidagi 10-turda O‘zbekiston-1 jamoasi Peru vakillarini yirik hisobda mag‘lub etdi.
27-sentyabr kuni Olimpiadaning so‘nggi — 11-tur bahslari o‘tkaziladi. Uning yakunlariga ko‘ra, g‘olib va sovrindor jamoalar aniqlanadi.
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat5 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot18 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi