Jamiyat
“O‘g‘limning o‘limida o‘zini aybdor qilishyapti” – Namanganda sement zavodi xodimi “bunker”da vafot etdi
Namangan tumanida joylashgan sement ishlab chiqaruvchi “Toshbuloq invest group” MChJning maxsus qorishma saqlanadigan balandligi 17 metrli maxsus “bunker”iga tushirilgan 18 yoshli ishchisi Bahrom Hoshimov tozalash vaqtida vafot etgan. Baxtsiz voqeani tekshirish bo‘yicha maxsus komissiya hodisaga ishchining o‘zi aybdor ekani haqida xulosa tuzgan. Marhumning ota-onasi korxona asl holatni yashirayotganini, xodimlar u yerga rahbariyat ko‘rsatmasi bilan, beliga oddiy arqon bog‘lagan holda tushirilganini aytmoqda. Kun.uz muxbiri holatni o‘rgandi.
{Yii::t(}
O’tkazib yuborish 6s
O’tkazib yuborish
Hodisa 2025 yil 28 noyabr kuni soat 10:30 larda yuz bergan. Guvohlarning tasvirlashicha, Bahrom Hoshimov sement mahsuloti tarkibiga qo‘shiluvchi maxsus qorishma saqlanadigan “bunker”ga baxtsiz hodisa yuz berishidan avval ham tushirib kelingan. Marhumni «bunker»ga tushirib uning tepasida nazorat qilib turadigan xodim o‘sha kuni ish bilan boshqa tomonga ketib qolgan. Taxminan 6 daqiqa o‘tib ish joyiga qaytgan xodim Bahrom Hoshimovning o‘pirilib ketgan qorishma ichidan qo‘lini chiqarib, yordam so‘rayotganini ko‘rib qolgan.
Mehnat muhofazasi inskpeksiyasi tomonidan ishlab chiqarishda baxtsiz hodisa va salomatlikka boshqa xil zarar yetkazilishi to‘g‘risida N-1 shaklidagi tuzilgan dalolatnomada ham marhum hech kim topshiriq bermagan bo‘lsa-da, beliga arqonni bog‘lab ishlab turgan bunker ichiga o‘z ixtiyori bilan tushgani uchun o‘lim holati yuz bergani qayd etilgan.
Vaholanki, shu paytgacha korxona xodimlari xavfli tarzda beliga oddiy arqon bog‘lanib maxsus bunkerga muntazam ravishda tushirib kelingan. Buni marhumning yaqinlari korxona ishchilari orqali aniqlashtirgan. O‘sha kuni bunker tepasida marhumni kuzatib turgan nazoratchi voqea joyidan ketib qolgan. Bir muddatdan keyin kelib bunker ichidagi o‘pirilgan qorishma ichiga tushib ketgan hamkasbining qo‘lini ko‘rib qolib, atrofdagilarni yordamga chaqirgan.
Barcha urinishlar besamar ketib, Bahrom Hoshimovning murdasi 40 daqiqadan so‘ng bunker og‘zidan chiqarib olingan.
Ishni yopishga harakat qilishyapti…
“28 noyabr kuni o‘g‘lim mendan duo olib ishga chiqib ketgan edi. Ishxonasida xavfli bunkerga tushib, bolam Allohga omonatini topshirib bo‘lgan ekan. Qo‘ng‘iroq qilishib o‘zining ehtiyotsizligi, o‘zining aybi bilan yiqilib tushib o‘ldi, deyishdi. Boshida bu gaplarga ishondim.
Keyinchalik korxona rahbariyatining yolg‘onlari fosh bo‘ldi. Ishni yolg‘on bilan boshlashdi va hozirgacha yolg‘on bilan davom ettirishyapti. Surishtirsak, o‘g‘lim yiqilmagan ekan. Doimiy ravishda xavfli bo‘lgan bunker ichiga tushib yurgan. O‘z xohishi bilan emas, boshliqlari tomonidan majburan tushirilgan. Ish beruvchi javobgarlikdan qochish uchun o‘zi hech kim aytmasa ham ichkariga tushib yurgan, deb hujjat rasmiylashtirgan. Xodimlardan so‘radik, xavfli bunkerga oddiy molning arqonini beliga bog‘lab, doimiy ravishda ishchilar tushirilgan. O‘g‘lim chet tillarini biladigan, ongli bola edi. Buyruq berilmasa, hech qachon o‘zi qilishi kerak bo‘lmagan ishlarga burnini suqadigan bola emasdi.
3 o‘g‘lim bor. Marhum Bahromjon ikkinchisi edi. Turmush o‘rtog‘im yarim jon, xastaligi bor. Oilada yetishmovchiliklar sabab yordam berish uchun sement ishlab chiqaruvchi korxonaga kirgan edi. Xonadonimizda yaxshi muhit bo‘lishini xohlaganidan menga yoshligidanoq ko‘makchi bo‘lgan.
O‘g‘limdan doim xavotir olganman. Xavotirimga asos ham bor edi. Chunki undan oldin ham o‘sha korxonada ikki marta tan jarohati olgan edi. Xuddi o‘sha korxonada, xuddi o‘sha ish joyida olingan jarohatni ham korxona yopgandi. O‘g‘lim o‘lgan joyni, tushgan bunkerni ham ko‘rdim, inson zoti tushishi mumkin bo‘lmagan joyga majburan tushirilgan. Nima uchun tushishi mumkin bo‘lmagan joyga bolamni tushirdi ular? Qonun oldida javob berishsin. Ishni yopish uchun aybni bolamning o‘ziga ag‘darib, hujjatlar rasmiylashtirishdi.
O‘g‘lim zavodda eng yosh, eng tajribasiz xodim edi. “Bu sening xizmat vazifang, bu sening ishing”, deb yuklatilganki, bu bola uni odatdagicha ish vazifam bunkerga tushish ekan, deb tushungan”, deydi marhumning onasi Nargiza Quronova.
Nargiza Quronova. Marhumning onasi
Xavfli bunkerga majburan tushirilgan…
“O‘g‘lim bilan bitta korxonada ishlaymiz, seximiz boshqa. 28 noyabr kuni o‘g‘lim bilan birga ishxonaga bordik. U o‘zining sexiga kirib ketdi. Men o‘zimning seximga kirib ish qilayotgan edim.
Marhum Bahrom Hoshimov
O‘g‘limni tushishi mumkin bo‘lmagan bunker ichiga tushirishgan. Beliga oddiy arqon bilan bog‘lab tushirishgan. Undan oldin bir-ikki xodimga aytishgan, ular tushmayman, qo‘rqaman, degan. Bu yoshlik qilgan, tushasan, sen shu yerda ishlaysan desa, tushib ketgan. Tushirgan bola ham bunker tepasida nazorat qilib turmay joyidan ketib qolgan. O‘sha tepada turgan nazoratchi 6 daqiqadan keyin kelsa, o‘g‘limning qo‘lini chiqarib, yordam so‘raganini ko‘rib qolgan. Bolamni agarka ichidan olib chiqishning iloji bo‘lmagan. 40 daqiqalar keyin bunker tagini bolgarkada qirqib, o‘ligini chiqarishdi. Marhum Bahromjonning ishga kirganiga endigina 3 oy bo‘lgan, maktabni tamomlagan o‘spirin edi.
Korxona tomonidan juda loqaydlik qilingan. Holat sodir bo‘lganida elektriklarga aloqaga chiqib, barcha dastgohlarni o‘chirishganida, o‘g‘lim tirik qolgan bo‘lardi. Kerak bo‘lsa zavodni bir daqiqada o‘chirishi mumkin edi.
Korxonaga qonuniy chora ko‘rilishini, aybdorlar qonun doirasida jazo olishlarini xohlayman”, deydi marhumning otasi Bahodir Quronov.
Bahodir Quronov. Marhumning otasi
“Xodimlarga bunkerga tushmaslik tayinlangan”
Baxtsiz hodisa yuzasidan izoh olish uchun “Toshbuloq invest group” MChJga bordik. Korxona mehnat muhofazasiga mas’ul xodim Dilshod Mirzaboyev aybni marhumning o‘ziga yukladi.
“Marhum Bahrom Hoshimov korxonada 8 sentabrdan ish boshlagan. Aslida bunker ichkarisiga tushish mumkin emas. Odatda bunker ichidagi agarka mahsuloti havo bilan haydab pastga tushiriladi. Aslida tartib bo‘yicha bunker ta’mirlanayotgan paytda zavod ishlamayotgan payti, ikki va undan ortiq kishi tushishi va tepada rahbariyat unga nazorat qilib turishi kerak. Marhum xodimning u yerga nima uchun tushganiga hayronmiz. Yo‘riqnomalar berilgan. U yerga tushmaslik tayinlangan hammasiga”, deydi u.
Holat yuzasidan to‘liqroq ma’lumot olish uchun marhum bilan birga ishlagan xodimlar bilan suhbatlashmoqchi bo‘ldik. Lekin noma’lum sabablarga ko‘ra vaziyat yuzasidan fikr bildirishni istamadi.
Ayni paytda holat yuzasidan Namangan tumani IIB tomonidan jinoyat ishi qo‘zg‘atilib, dastlabki tergov harakatlari olib borilmoqda. Xozircha xodimning ish joyida vafot etgani munosabati bilan tovon puli va kompensatsiya masalasi ochiq qolmoqda.
Marhumning yaqinlari tegishli idoralardan holatni adolatli o‘rganib, aybdorlarga qonuniy chora ko‘rilishini so‘ramoqda.
Sarvar Ziyoyev,
Sardor Mamirov,
Kun.uz
Energiya resurslaridan noqonuniy foydalanish holatlari fosh etildi.
Bosh prokuratura huzuridagi Departamentning Quvasoy shahri bo‘limi va boshqa huquqni muhofaza qiluvchi organ xodimlari hamkorligida nazorat tadbiri o‘tkazildi.
Unda «P.F.» MChJ mas’ul shaxslari MChJga qarashli umumiy ovqatlanish shoxobchasida umumiy foydalanishdagi tabiiy gaz tarmog‘iga tijorat maqsadida o‘zboshimchalik bilan ulanib, 903,6 mln so‘mlik tabiiy gazdan noqonuniy foydalanganliklari aniqlangan.
Shuningdek, Departamentning Farg‘ona viloyati boshqarmasi tomonidan o‘tkazilgan tergovga qadar tekshiruvda «A.Y.» MChJ rahbari M.J. Qo‘shtepa tumani,«Qumtepa» MFY hududidagi umumiy ovqatlanish shoxobchasida umumiy foydalanishdagi elektr tarmog‘iga tijorat maqsadida to‘g‘ridan-to‘g‘ri ulanib, 264,5 mln so‘mlik elektr energiyasidan noqonuniy foydalanganligi aniqlangan.
Shu kabi, Departamentning Sergeli tuman bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda fuqaro D.R.«Ziyolilar» MFY hududidagi xonadonda ishlab chiqarish sexida umumiy foydalanishdagi elektr tarmog‘iga tijorat maqsadida to‘g‘ridan-to‘g‘ri ulanib, 248,6 mln so‘mlik elektr energiyasidan noqonuniy foydalanganligi aniqlangan.
Departamentning Yangibozor tuman bo‘limi tomonidan o‘tkazilgan tergovga qadar tekshiruvda fuqaro G‘.A.«Obod» MFY hududidagi xonadonda umumiy foydalanishdagi tabiiy gaz tarmog‘iga o‘zboshimchalik bilan ulanib, 147,3 mln so‘mlik tabiiy gazdan noqonuniy foydalanganligi aniqlangan.
Mazkur holatlar yuzasidan Jinoyat kodeksining 169-moddasi (o‘g‘rilik) va 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishlari qo‘zg‘atilib, tergov harakatlari o‘tkazilmoqda
Amerikalik kardiolog Brett A. Silavening so‘zlariga ko‘ra, zaytun yurak salomatligini yaxshilashi mumkin.
U tadbirkor va teleboshlovchi Marta Styuartning veb-saytida mahsulotning nozik foydalari haqida suhbatlashdi.
Shifokor zaytunni ratsionga qo‘shishni tavsiya qildi, chunki uning tarkibidagi yog‘lar, ayniqsa olein kislotasi xolesterin miqdorini tartibga solishi mumkin: ular past zichlikdagi lipoprotein darajasini pasaytiradi va yuqori zichlikdagi lipoprotein darajasini oshiradi.
Olein kislotasi shuningdek, organizmda xavfli tizimli yallig‘lanish xavfini kamaytiradi, bu esa xolesterin plakalarining paydo bo‘lishiga va qon tomirlarining elastikligini pasayishi, qon bosimining oshishi va yurak muammolari kuchayishining oldini oladi.
Kardiolog zaytun tarkibida tola va antioksidantlar kabi yurak uchun foydali boshqa ozuqaviy moddalar ham borligini ta’kidladi.
«Va nihoyat, zaytun tarkibida qizil qon tanachalarining barqaror ishlashini ta’minlaydigan temir va yurak salomatligi va immunitetni qo‘llab-quvvatlaydigan mis mavjud», deb xulosa qildi Silave.
Urgut tumanining «Bahrin» mahallasida joylashgan 21-sonli «Navoiy» oilaviy poliklinikasi kapital rekonstruksiyadan so‘ng mutlaqo yangi qiyofa kasb etdi.
O‘zbekiston Prezident Administratsiyasi rahbari Saida Mirziyoyeva Samarqand viloyatiga tashrifi doirasida mazkur tibbiyot maskanida amalga oshirilgan keng ko‘lamli qurilish va ta’mirlash ishlari, aholiga sifatli xizmat ko‘rsatish uchun yaratilgan sharoitlar bilan tanishdi.
Loyiha doirasida poliklinikaning mavjud binosi to‘liq yangilanib, unga qo‘shimcha bino hamda zamonaviy talablarga javob beradigan 20 o‘rinli yangi tug‘ruq bo‘limi qad rostladi.
Mazkur yangilanishlar hududdagi 13 mingdan ziyod aholining tibbiy ehtiyojlarini to‘laqonli qondirishga qaratilgan. Hozirda yangi binolarni zamonaviy tibbiy jihozlar va qo‘shimcha zarur anjomlar bilan to‘liq ta’minlash ishlari jadal olib borilmoqda.
Ushbu maskanning foydalanishga topshirilishi nafaqat «Bahrin», balki unga tutash mahallalar aholisi uchun ham sifatli tibbiy xizmatdan bahramand bo‘lish imkoniyatini kengaytirdi.
«Bahrin»da istiqomat qiluvchi Javlon Xaydarovning xonadoni tomorqadan unumli foydalanish va oilaviy tadbirkorlikni yo‘lga qo‘yishda namuna bo‘lib kelmoqda.
Prezident Administratsiyasi rahbari Saida Mirziyoyeva Samarqand viloyatiga tashrifi davomida ushbu xonadon faoliyati bilan yaqindan tanishib, yerdan oqilona foydalanish borasidagi namunali tajribani ko‘zdan kechirdi.
0,38 gektar maydonga ega bo‘lgan ushbu tomorqada chorvachilik va parrandachilik tarmoqlari tizimli tashkil etilib, bugungi kunda 15 ta qoramol, 21 ta qo‘y va 2 500 ta tovuq parvarishlanmoqda. Shuningdek, bir yilda 2-3 marotaba hosil olish yo‘lga qo‘yilgan bo‘lib, tomorqada 7 turdagi poliz mahsulotlari yetishtirilmoqda.
Mazkur serqirra faoliyat natijasida xonadon egalari yiliga 300-350 million so‘m miqdorida barqaror daromad olishga muvaffaq bo‘lmoqdalar. Muhimi, ushbu kichik xo‘jalik nafaqat oilaning iqtisodiy farovonligini ta’minlamoqda, balki 4 nafar fuqaroning ish bilan bandligini ham tashkil etgan.
Tashrif davomida Javlon Xaydarovning mehnatsevarligi va yerning har bir qarichidan unumli foydalanish borasidagi yondashuvi aholi farovonligini oshirishda o‘ziga xos tajriba maktabi ekanligi ta’kidlandi.
Toshkent shahridagi tuman elektr tarmoqlari korxonasining ikki nafar muhandisi pora bilan qo‘lga tushdi.
Muhandislar tijorat banklaridan birining binosida elektr hisoblagich noto‘g‘ri ulangani va elektr sarfi xato hisoblanayotgani haqida dalolatnoma rasmiylashtirishgan. Ular ushbu dalolatnoma bo‘yicha 400 mln so‘m jarima hisoblashgan va uni 65 mln so‘mga tushirib berish evaziga MChJ rahbaridan 8 ming dollar talab qilishgan.
DXX Toshkent viloyati bo‘yicha boshqarmasi va Iqtisodiy jinoyatlarga qarshi kurashish departamenti xodimlari tomonidan o‘tkazilgan tezkor tadbirda, muhandislar so‘ralgan pulni uchinchi shaxs orqali olayotgan vaqtida ushlangan.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
Toshkent shahrida elektr tarmoqlari korxonasining ikki nafar muhandisi katta miqdordagi jarimani kamaytirib berish evaziga pora talab qilgan vaqtda qo‘lga olindi.
Toshkent shahri tumanlaridan birida faoliyat yurituvchi elektr tarmoqlari korxonasining 2 nafar muhandisi tijorat bank filiali binosida o‘rnatilgan elektr hisoblagichni tekshirish jarayonida qonunbuzilish holatini aniqlagan.
Ma’lum bo‘lishicha, elektr hisoblagich tarmoqqa noto‘g‘ri sxema orqali ulangani sabab elektr energiyasi hisob-kitoblari xato yuritilayotganligi qayd etilgan. Shu asosda ular tomonidan 400 mln so‘m miqdorida jarima hisoblangan.
Biroq muhandislar elektr hisoblagichni tarmoqqa ulagan mas’ul MChJ rahbariga ushbu jarimani 65 mln so‘mga tushirib berishni va’da qilib, evaziga 8 ming AQSh dollari talab qilgan.
Davlat xavfsizlik xizmatining Toshkent viloyati bo‘yicha boshqarmasi hamda Iqtisodiy jinoyatlarga qarshi kurashish departamenti xodimlari tomonidan o‘tkazilgan tezkor tadbirda muhandislar so‘ralgan pul mablag‘ini uchinchi shaxs orqali olgan vaqtda qo‘lga olindi.
Hozirda mazkur holat yuzasidan jinoyat ishi qo‘zg‘atilgan bo‘lib, tergov harakatlari olib borilmoqda.
Fuqarolardan shu kabi qonunbuzilish holatlariga duch kelganda 1520 qisqa raqami orqali xabar berish so‘raldi. Shaxs sir saqlanishi kafolatlanadi.
Farg‘onadagi kafeda salkam 1 mlrd so‘mlik gaz o‘g‘irlangani aniqlandi
Nodirbek Abdusattorov — yarim final ostonasida
Shavkat Mirziyoyev Turkiya bilan mudofaa sohasidagi hamkorlikni kengaytirishni ko‘rib chiqmoqda
-
Siyosat4 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat5 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat5 days agoGiyohvand moddalar savdosini moliyaviy tomirlarni kesish orqali to’xtatish mumkin.
-
Siyosat4 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Siyosat3 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Dunyodan4 days ago
Prezident Tramp Eron rahbariyati bilan uchrashishga tayyorligini ma’lum qildi
-
Iqtisodiyot2 days ago
Markaziy bank: 24-aprelda dollar pasayadi