Jamiyat
O‘zbekiston JSTga qo‘shilish yo‘lida 2025-yilda nimalarga erishdi?
O‘zbekistonning Jahon savdo tashkilotiga a’zo bo‘lish bo‘yicha bosh muzokarachisi Azizbek Urunov 2025-yilda amalga oshirilgan ishlar va erishilgan kelishuvlar haqida qisqacha post qoldirdi.
Urunovning ta’kidlashicha, 2025-yil O‘zbekistonning Jahon savdo tashkilotiga a’zo bo‘lish jarayonida hal qiluvchi va aniq natijalarga boy yil sifatida tarixga kirdi. Yil davomida muzokaralar jadallashdi, qonunchilik JST talablariga chuqur moslashtirildi va eng yuqori siyosiy darajada faol ishtirok ta’minlandi.
Shuningdek, yilning asosiy natijalari quyidagilardan iborat:
Muzokaralar jarayoni
2025 yil yakuniga kelib, O‘zbekiston JSTga a’zo davlatlarning 34 tasidan 33 tasi bilan bozorga kirish bo‘yicha ikki tomonlama muzokaralarni yakunladi. Jami 40 dan ortiq muzokara raundlari hamda Ishchi guruh yig‘ilishlari o‘tkazilib, 200 dan ziyod yozma savollarga javob berildi. Yevropa Ittifoqi, Xitoy, Rossiya, Buyuk Britaniya, Shveysariya, Kanada, Avstraliya kabi yirik savdo hamkorlari bilan kelishuvlarga erishildi. Hozircha faqat bitta ikki tomonlama muzokara ochiq qolmoqda.
Xalqaro va yuqori darajadagi muloqot
Yil davomida JST Bosh direktori bilan yuqori darajadagi uchrashuvlar o‘tkazildi, Nyu-York va Jenevadagi muhim xalqaro tadbirlarda ishtirok etildi. O‘zbekistonda amalga oshirilayotgan iqtisodiy islohotlarga bag‘ishlangan uchta xalqaro anjuman tashkil etildi. Prezident Administratsiyasi rahbari Saida Mirziyoyevaning Jenevaga rasmiy tashrifi esa JSTga qo‘shilish jarayoniga kuchli siyosiy irodani yana bir bor namoyon etdi.
Qonunchilikni moslashtirish va institutsional islohotlar
2025-yilda JST talablariga muvofiq 30 ta normativ-huquqiy hujjat qabul qilindi. Ular qatorida O‘zbekiston Respublikasining 4 ta qonuni, 8 ta Prezident farmoni va qarori, 12 ta Vazirlar Mahkamasi qarori hamda 6 ta idoraviy hujjat mavjud. Shu bilan birga, yana 29 ta qonun hujjati loyihasi tayyorlandi. Bojxona tartibga solish, eksport bojlari, savdo himoya vositalari, intellektual mulk, texnik reglamentlar, sanitariya va fitosanitar hamda texnik to‘siqlar sohasida keng qamrovli islohotlar amalga oshirildi.
Salohiyatni oshirish va texnik ishlar
Yil davomida 30 ta ixtisoslashtirilgan o‘quv seminari o‘tkazilib, 60 nafardan ortiq davlat xizmatchilari JST bitimlari bo‘yicha tayyorgarlikdan o‘tdi. 1200 dan ziyod normativ hujjatlar ekspertlar tomonidan ko‘rib chiqildi va JST kotibiyatiga 65 ta rasmiy bildirishnoma hamda hujjat taqdim etildi.
Bozorga kirish va sohaviy majburiyatlar
Tovarlar va xizmatlar bo‘yicha majburiyatlar jadvallari yuzasidan sezilarli ilgarilash qayd etildi va ularni yakuniy mustahkamlash bosqichiga o‘tildi. Eksport bojlari, tranzit erkinligi va savdoni yengillashtirish masalalari bo‘yicha JST qoidalariga muvofiq yakuniy muhokamalar boshlandi. Shuningdek, sohaviy JST kelishuvlarida faol ishtirok ta’minlandi.
2026-yilga rejalar
Kelgusi yilda asosiy e’tibor quyidagi vazifalarga qaratiladi:
qolgan yagona ikki tomonlama muzokarani yakunlash;
ko‘p tomonlama muzokaralar va Ishchi guruh hisobotini tugatish;
qonunchilikni to‘liq moslashtirish hamda JSTga a’zo bo‘lish jarayonini qat’iy yakunga yetkazish.
«2025-yil O‘zbekistonning qoidalarga asoslangan savdo tizimiga, ochiqlikka va jahon iqtisodiyotiga integratsiyaga bo‘lgan qat’iy intilishini yaqqol namoyon etdi. Qo‘lga kiritilgan natijalar izchil institutsional hamkorlik, kuchli siyosiy qo‘llab-quvvatlash va JST a’zolari bilan konstruktiv muloqot samarasi bo‘ldi», – deb yozadi Azizbek Urunov.
Toshkent shahridagi tuman elektr tarmoqlari korxonasining ikki nafar muhandisi pora bilan qo‘lga tushdi.
Muhandislar tijorat banklaridan birining binosida elektr hisoblagich noto‘g‘ri ulangani va elektr sarfi xato hisoblanayotgani haqida dalolatnoma rasmiylashtirishgan. Ular ushbu dalolatnoma bo‘yicha 400 mln so‘m jarima hisoblashgan va uni 65 mln so‘mga tushirib berish evaziga MChJ rahbaridan 8 ming dollar talab qilishgan.
DXX Toshkent viloyati bo‘yicha boshqarmasi va Iqtisodiy jinoyatlarga qarshi kurashish departamenti xodimlari tomonidan o‘tkazilgan tezkor tadbirda, muhandislar so‘ralgan pulni uchinchi shaxs orqali olayotgan vaqtida ushlangan.
Hozirda mazkur holat yuzasidan jinoyat ishi qo‘zg‘atilib, tergov harakatlari olib borilmoqda.
Toshkent shahrida elektr tarmoqlari korxonasining ikki nafar muhandisi katta miqdordagi jarimani kamaytirib berish evaziga pora talab qilgan vaqtda qo‘lga olindi.
Toshkent shahri tumanlaridan birida faoliyat yurituvchi elektr tarmoqlari korxonasining 2 nafar muhandisi tijorat bank filiali binosida o‘rnatilgan elektr hisoblagichni tekshirish jarayonida qonunbuzilish holatini aniqlagan.
Ma’lum bo‘lishicha, elektr hisoblagich tarmoqqa noto‘g‘ri sxema orqali ulangani sabab elektr energiyasi hisob-kitoblari xato yuritilayotganligi qayd etilgan. Shu asosda ular tomonidan 400 mln so‘m miqdorida jarima hisoblangan.
Biroq muhandislar elektr hisoblagichni tarmoqqa ulagan mas’ul MChJ rahbariga ushbu jarimani 65 mln so‘mga tushirib berishni va’da qilib, evaziga 8 ming AQSh dollari talab qilgan.
Davlat xavfsizlik xizmatining Toshkent viloyati bo‘yicha boshqarmasi hamda Iqtisodiy jinoyatlarga qarshi kurashish departamenti xodimlari tomonidan o‘tkazilgan tezkor tadbirda muhandislar so‘ralgan pul mablag‘ini uchinchi shaxs orqali olgan vaqtda qo‘lga olindi.
Hozirda mazkur holat yuzasidan jinoyat ishi qo‘zg‘atilgan bo‘lib, tergov harakatlari olib borilmoqda.
Fuqarolardan shu kabi qonunbuzilish holatlariga duch kelganda 1520 qisqa raqami orqali xabar berish so‘raldi. Shaxs sir saqlanishi kafolatlanadi.
Namanganda qurilish sohasida korrupsion holat aniqlandi.
Namangan viloyati Qurilish va uy-joy kommunal xo‘jaligi bosh boshqarmasining ikki nafar bosh mutaxassisi o‘zaro til biriktirgan. Ular mahalliy tadbirkorga tegishli bo‘lgan, Yangi Namangan tumanida joylashgan 2 qavatli noturar binoning qurilish ruxsatnomasi, arxitektura-rejalashtirish topshirig‘i va loyiha hujjatlarini ijobiy hal qilib berish evaziga 22 ming AQSh dollari talab qilishib, joriy yilning mart oyida 7 ming dollar olishgan.
Davlat xavfsizlik xizmati xodimlari tomonidan Bosh prokuratura huzuridagi Departament bilan hamkorlikda o‘tkazilgan tezkor tadbirda ulardan biri qolgan 15 ming AQSh dollarini olgan vaqtida ashyoviy dalillar bilan ushlandi. Shuningdek, ikkinchi bosh mutaxassis ham protsessual tartibda qo‘lga olindi.
Hozirda ularga nisbatan jinoyat ishi qo‘zg‘atilib, tergov harakatlari olib borilmoqda.
Joriy yil 20-aprel kuni Prezidentning «Yangi O‘zbekiston yoshlari – 2030» strategiyasini tasdiqlash hamda yoshlarni har tomonlama qo‘llab-quvvatlash chora-tadbirlari to‘g‘risida»gi PF–66-son farmoni qabul qilindi.
Farmon bilan 2026–2030 yillarga mo‘ljallangan «Yangi O‘zbekiston yoshlari – 2030» strategiyasi (Strategiya) tasdiqlandi hamda uning ustuvor yo‘nalishlari belgilandi.
Jumladan, 2027-yil 1-yanvardan uy-joyga muhtoj yosh oilalarga birlamchi bozordan kvartira sotib olish uchun ipoteka kreditlarini ajratish yo‘lga qo‘yiladi.
Unda ipoteka dasturi doirasida ipoteka kreditlari bo‘yicha hisoblangan foiz to‘lovlarining Markaziy bank asosiy stavkasidan oshgan qismi Davlat budjetidan qoplab beriladi.
Shuningdek, quyidagi asosiy ijtimoiy mezonlarga muvofiq keladigan yosh oilalarga ipoteka krediti ajratiladi:
ariza beruvchi hamda uning turmush o‘rtog‘i 30 yoshdan oshmagan bo‘lishi;
ariza beruvchi hamda uning turmush o‘rtog‘i nomida so‘nggi 3 yilda mulk huquqi asosida ko‘chmas mulk mavjud emasligi.
Jamiyat
Jurnalistlar uyushmasi Oila va xotin-qizlar qo‘mitasi bilan hamkorlik memorandumini imzoladi
2026-yil 22-aprel kuni Toshkent shahrida Oila va xotin-qizlar qo‘mitasi raisi Zulayxo Mahkamova O‘zbekiston Jurnalistlar uyushmasi raisi vazifasini bajaruvchi Shuhrat Oripov bilan uchrashuv o‘tkazdi.
Muloqotda oila institutini mustahkamlash, xotin-qizlarning huquq va qonuniy manfaatlarini himoya qilish, ularning jamiyatdagi faolligini oshirish hamda ayollar va bolalarga nisbatan zo‘ravonlikning oldini olishga qaratilgan islohotlarni ommaviy axborot vositalari orqali keng jamoatchilikka yetkazish yuzasidan o‘zaro fikr almashildi.
Uchrashuv yakunida Oila va xotin-qizlar qo‘mitasi va Jurnalistlar uyushmasi o‘rtasida hamkorlik memorandumi imzolandi.
Memorandumga muvofiq, Jurnalistlar uyushmasi o‘z a’zolarini jalb qilgan holda oila va xotin-qizlar masalalariga oid davlat siyosati hamda sohada amalga oshirilayotgan islohotlarni ommaviy axborot vositalarida keng yoritish, shu jumladan video, audio va boshqa mediakontentlar tayyorlash ishlarini amalga oshiradi.
Shuningdek, tomonlar hamkorlikda:
— Mamlakatimizda oila institutini mustahkamlash, xotin-qizlarning jamiyatdagi o‘rni va faolligini oshirishga qaratilgan tashabbuslar, milliy qadriyatlar va ijtimoiy loyihalarni xalqaro miqyosda keng targ‘ib qilish maqsadida xorijiy auditoriya uchun ham jurnalistik materiallar tayyorlash;
— «Oltin qalam»,«Atirgul» kabi ko‘rik-tanlovlar orqali, shuningdek, ijodiy loyihalar va media tashabbuslarni yo‘lga qo‘yish eng yaxshi jurnalistik materiallarni aniqlash, ularni rag‘batlantirish;
— mediaturlar, matbuot anjumanlari va brifinglarda jurnalistlar ishtirokini ta’minlash;
— qo‘mita tizimi xodimlari va xotin-qizlar faollarining OAV bilan ishlash ko‘nikmalarini oshirish maqsadida seminar-treninglar va davra suhbatlari tashkil etish;
— oila va xotin-qizlar hayotiga oid axborotlarni muntazam yig‘ish, tahlil qilish hamda tahliliy materiallar tayyorlash;
— milliy qadriyatlar, ijtimoiy tashabbuslar va ilg‘or tajribalarni xalqaro miqyosda targ‘ib etish uchun xorijiy auditoriyaga mo‘ljallangan materiallar tayyorlash;
— ommaviy axborot vositalari va ijtimoiy tarmoqlarda faol jurnalistlar va blogerlarni rag‘batlantirish bo‘yicha takliflar ishlab chiqish;
— qo‘mita axborot xizmatiga jamoatchilik bilan ishlash va raqamli kommunikatsiyalar bo‘yicha metodik yordam ko‘rsatish;
— joylarda jurnalistika sohasi faxriylarini e’zozlash va ularning yubileylarini nishonlashga qaratilgan tadbirlarni tashkil etish yo‘nalishlarida hamkorlik qiladi.
Pora olgan elektr muhandislari ushlandi
Olimlarning doimiy g’oyib bo’lishi ortida nima bor?
Toshkentda elektr korxonasi muhandislari 8 ming dollar bilan ushlandi
-
Dunyodan5 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat5 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat5 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Siyosat5 days agoGiyohvand moddalar savdosini moliyaviy tomirlarni kesish orqali to’xtatish mumkin.
-
Siyosat4 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi