Jamiyat
Shamolga aylangan odam – orzular zerikarli kabinetlarda o‘lib ketmasligi kerak
“Agar biror-bir narsani chin dildan orzu qilsang, butun olam uning amalga oshishiga ko‘maklashadi”. Ushbu ibora shunchalik mashhurki, ko‘plab insonlarning hayotda jiddiy qarorlar qabul qilishiga sabab bo‘lgan. Bu hikmat zamonaviy dunyoning eng taniqli adiblaridan biri Paulo Koeloga tegishli. “5 daqiqa”ning navbatdagi sonida “Alkimyogar” romani haqida gaplashamiz.
{Yii::t(}
O’tkazib yuborish 6s
O’tkazib yuborish
“Alkimyogar” butun dunyoda millionlab insonlar qalbini zabt etgan, orzular, ishonch va ma’naviy rivojlanish haqidagi asar hisoblanadi. Shu o‘rinda “Alkimyogar”ni o‘zbek kitobxonlariga taqdim etgan Ozod Sharafiddinov, Aziz Said, Ahmad Otaboyev kabi katta ijodkorlarimizdan minnatdor bo‘lishimiz kerak.
Bu asarni o‘qigan har bir inson o‘z hayotida qanday safarga chiqishi va qanday ichki qudratga ega ekanini qayta ko‘rib chiqadi.
Asar voqealari Santyago ismli cho‘pon yigit atrofida sodir bo‘ladi. Uning hayoti juda sokin o‘tardi, qo‘y boqardi. Ammo hayot faqat qo‘y boqishdan iboratmi, degan savol ham ichida g‘imirlab qo‘yardi. Bir kuni uni tush ko‘radi va unga katta bir xazina yashirilgan joy ishora qilinadi. Bu tush Santyagoga safarga chiqish uchun ichki chaqiriq edi.
Yo‘lda Santyago turli insonlar bilan uchrashadi. Lo‘li kampir uning birinchi ustozi sifatida xizmat qiladi, tushni ta’bir qiladi va unga hayotiy yo‘l ko‘rsatadi. Keyin u Salim shahri podshohi Maliksiddiq bilan uchrashadi. Maliksiddiq yigitga hayotdagi asosiy maqsad – shaxsiy afsona haqida tushuncha beradi va uning orzusini amalga oshirish uchun harakat qilish zarurligini uqtiradi.
Og‘ir sinovlar sizni kutib turibdi
Santyago Afrikaga qadam qo‘yadi va yo‘lda ko‘plab qiyinchiliklarni boshidan o‘tkazadi. U billur idishlar do‘konida ishlaydi, bu esa unga sabr va mehnatni o‘rgatadi, hayotning oddiy qiymatini his qiladi. Keyin u ingliz alkimyogar bilan uchrashadi va shamolga aylanish sinovini ko‘radi. Bu sinov faqat qudrat haqida emas, balki ruhiy uyg‘unlik va qalb ovozini tinglash haqida. Alkimyogar Santyagoga hayotdagi belgilarni ko‘rish, qo‘rquvni yengish va orzusiga sodiq qolish muhimligini o‘rgatadi.
Shu o‘rinda bir qiziq jihat. Muhabbat insonga doim ham azob beravermaydi, doim ham u qo‘rqinchli emas. Haqiqiy muhabbat sizga kuch-qudrat berib, hayot mazmunini topishingizga ham xizmat qilishi mumkin. Asarda ham shunday. Santyagoning muhabbati uning safarini boyitadi. Fotima xonim yigitni maqsadidan to‘xtatmaydi, aksincha, qo‘llab-quvvatlaydi va orzu yo‘lidan adashtirmaydi. Muhabbat va orzu bir-biriga zid emas, balki bir-biriga kuch beradi.
Siz ham alkimyogar bo‘la olasiz
Asarni o‘qish davomida anglaysizki, haqiqiy boylik – nafaqat moddiy xazina, balki tajriba, bilim va ichki rivojlanishdir. Safar va sinovlar orqali inson qo‘rquvini yengib, qalb ovozini tinglab, o‘z orzusiga sodiq qolsa, u haqiqiy boylikka ega bo‘ladi.
Aytish mumkinki, asarda haqiqiy xazina – tashqi qudrat yoki oltinda emas, balki insonning ichki olamida, tajriba va bilimda. Safarning o‘zi dars, qiyinchiliklar va sinovlar – orzuga yetib borish yo‘lidagi qadamlardir.
Santyago o‘sha xazinani butunlay siz kutmagan joydan topadi.
Bu kitob ichingizni g‘imirlatib qo‘yadi. Masalan, yoshligingizda hamma narsani orzu qilishdan qo‘rqmaysiz. Dunyoni o‘zgartirar darajada ichki qudratingiz bo‘ladi, zamonaviy til bilan aytganda, superqahramon bo‘lishingizga ishonasiz. Lekin yillar o‘tadi, siz bo‘lmag‘ur kabinetda, zerikarli odamlarning buyrug‘iga ko‘nib, qog‘oz titkilab o‘tirgan bo‘lasiz. Vaholanki, “bu dunyo bir ko‘lmak hovuzchadan iborat emas”.
Xulosa
Boshingizni og‘ritadigan ikkita savol bilan fikrimni yakunlamoqchiman: Yaxshilab o‘ylang, orzularingizga qay darajada sodiqsiz? Qo‘rquvingizni yengib, qalb ovozingizni tinglab, o‘zingizni topish uchun safarga tayyormisiz? Unda “Alkimyogar”ni to‘liq o‘qib chiqing!
Isomiddin Po‘latov
O‘zbekistonda tazyiq va zo‘ravonlikdan jabrlangan xotin-qizlarni himoya qilish tizimi yanada kuchaytirildi. Yangi qonun bilan jabrlanuvchilarning huquqlarini sudda himoya qilish, ularga ijtimoiy ko‘mak ko‘rsatish hamda bolalarning eng ustun manfaatlarini ta’minlashga qaratilgan qator o‘zgartishlar kiritildi.
2026 yil 1 iyulda qabul qilingan O‘RQ–1156-sonli qonun bilan ayrim qonun hujjatlariga o‘zgartish va qo‘shimchalar kiritildi.
Qonunga muvofiq, milliy qonunchilikka «bolaning eng ustun manfaatlari» tushunchasi hamda uni ta’minlash kafolatlari kiritildi. Ushbu tushuncha bolaning oila muhitida tarbiyalanishi, xavfsizligi, sog‘lig‘i, ta’lim olishi, har tomonlama kamol topishi, shaxsiy daxlsizligi, sha’ni va qadr-qimmati, shuningdek, uning fikrini inobatga olgan holda belgilanadigan boshqa manfaatlarni qamrab oladi.
Shuningdek, Ijtimoiy himoya milliy agentligi tizimidagi tashkilotlar, jumladan, Ayollarni reabilitatsiya qilish va moslashtirish markazlariga tazyiq va zo‘ravonlikdan jabrlanganlar manfaatlarini ko‘zlab davlat boji to‘lamasdan sudlarga da’vo arizalari kiritish hamda sud majlislarida ularning vakili sifatida ishtirok etish vakolati berildi.
Qonun bilan yana bir muhim yangilik joriy etildi. Endi tazyiq va zo‘ravonlikdan jabrlangan shaxs maxsus markazga joylashtirilgan taqdirda, bu holat unga bir oygacha bo‘lgan muddatga vaqtincha mehnatga layoqatsizlik varaqasini rasmiylashtirish uchun asos hisoblanadi.
Mazkur qonun rasmiy e’lon qilingan kundan boshlab kuchga kirdi.
O‘zbekistonda davlat organlari va tashkilotlarining arxiv hujjatlarini Yagona milliy arxiv axborot tizimida elektron shaklda saqlash va yuritish tartibi belgilandi. Tegishli nizom hukumat qarori bilan tasdiqlandi.
Hukumatning 2026 yil 30 iyundagi 352-son qarori bilan «Davlat organlari va tashkilotlarining arxiv hujjatlarini Yagona milliy arxiv axborot tizimida elektron shaklda saqlash tartibi to‘g‘risida»gi nizom tasdiqlandi.
Mazkur nizom respublika va mahalliy ijro etuvchi hokimiyat organlari, xo‘jalik birlashmalari hamda boshqa davlat tashkilotlarining arxiv hujjatlarini elektron shaklda shakllantirish, yuritish va saqlash, shuningdek, Yagona milliy arxiv axborot tizimidan foydalanish tartibini belgilaydi.
Nizomga muvofiq, arxiv axborot tizimidan davlat organlari va tashkilotlari hamda operator o‘rtasida tuziladigan shartnoma asosida foydalaniladi.
Tizimga ulanish uchun davlat organlari va tashkilotlari maxsus elektron oyna orqali operatorga ariza yuboradi. Operator ariza kelib tushgan kundan e’tiboran ikki ish kuni ichida uni ko‘rib chiqadi.
Agar ariza nizom talablariga muvofiq deb topilsa, operator davlat organi yoki tashkilotga elektron shaklda shartnoma yuboradi.
Shartnoma imzolanib, unda nazarda tutilgan to‘lovlar amalga oshirilganidan keyin operator foydalanuvchini ikki ish kuni ichida Yagona milliy arxiv axborot tizimiga ulash choralarini ko‘radi.
Toshkent shahrining Yakkasaroy tumanida yuqori tezlikda harakatlangan Malibu rusumli yengil avtomobil haydovchisi boshqaruvni yo‘qotib, qahvaxona binosiga borib urildi. Hodisa yuzasidan surishtiruv ishlari olib borilmoqda.
Toshkent shahar IIBB Yo‘l harakati xavfsizligi boshqarmasi ma’lumotiga ko‘ra, yo‘l-transport hodisasi 2 iyul kuni soat 05:40 larda Yakkasaroy tumanidagi Shota Rustaveli ko‘chasida sodir bo‘lgan.
Dastlabki ma’lumotlarga ko‘ra, Malibu rusumli transport vositasi haydovchisi katta tezlikda harakatlanayotgan vaqtda rul boshqaruvini yo‘qotgan. Oqibatda avtomobil Caffelito qahvaxonasi binosiga borib urilgan.
Ayni paytda mazkur holat yuzasidan Toshkent shahar IIBB YHXB mas’ul xodimlari tomonidan surishtiruv harakatlari olib borilmoqda.
Yo‘l harakati xavfsizligi xizmati haydovchilarni belgilangan tezlik me’yorlariga amal qilishga hamda yo‘l harakati qoidalariga qat’iy rioya etishga chaqirdi.
Buxoro viloyatida fuqarolarni Germaniyaga ishga yuborishni va’da qilib, ulardan qariyb 20 ming AQSh dollari hamda 2 million so‘m olganlikda gumonlanayotgan shaxsga nisbatan jinoyat ishi qo‘zg‘atildi.
Bosh prokuratura huzuridagi departamentning Buxoro viloyati boshqarmasi tomonidan o‘tkazilgan tergovga qadar tekshiruvda fuqaro B.R. uch nafar fuqaroning ishonchiga kirib, o‘zini ko‘p yillardan buyon Germaniyada ishlab kelayotgan shaxs sifatida tanishtirgani aniqlandi.
U, go‘yoki yuqori lavozimlarda ishlovchi tanishlari orqali fuqarolarni Germaniyaga ishga yuborishini va’da qilib, ulardan 19 ming 800 AQSh dollari hamda 2 million so‘mni firibgarlik yo‘li bilan olgan.
Mazkur holat yuzasidan unga nisbatan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilgan.
Hozirda ish bo‘yicha tergov harakatlari olib borilmoqda.
Qashqadaryo viloyatida o‘tkazilgan tezkor tadbirda hovlisidagi issiqxonada 714 tup kannabis yetishtirib kelgan shaxs fosh etildi. Boshqa holatda esa Toshkentda qariyb 2 kilogramm gashishni sotishni rejalashtirgan shaxs qo‘lga olindi.
«Qoradori – 2026» keng qamrovli tezkor-profilaktik tadbirlari doirasida Davlat xavfsizlik xizmati Qashqadaryo viloyati bo‘yicha boshqarmasi hamda ichki ishlar organlari hamkorligida o‘tkazilgan tezkor tadbirda Shahrisabz shahrida yashovchi, 1985 yilda tug‘ilgan fuqaroning noqonuniy faoliyatiga chek qo‘yildi.
Aniqlanishicha, u o‘z yashash xonadoni hovlisidagi 5,3 sotix yer maydonida issiqxona tashkil qilib, sotish maqsadida 714 tup kannabis o‘simligini ekib, parvarishlab kelgan.
Ekspertiza xulosasiga ko‘ra, musodara qilingan kannabis o‘simliklarining sof og‘irligi 201 kilogrammni tashkil etgan.
Yana bir tezkor tadbirda Toshkent viloyatining Bekobod shahrida yashovchi, 1966 yilda tug‘ilgan, muqaddam sudlangan shaxs poytaxtning Yunusobod tumanida Davlat xavfsizlik xizmati va bojxona organlari xodimlari tomonidan to‘xtatilib tekshirildi.
Tekshiruv davomida uning qo‘lidagi sellofan paketdan 1 kilogramm 994 gramm «gashish» giyohvand moddasi aniqlanib, ashyoviy dalil sifatida rasmiylashtirib olindi.
Tergov ma’lumotlariga ko‘ra, mazkur giyohvand modda qo‘shni davlatdan kontrabanda yo‘li bilan olib kirilgan bo‘lib, uni Toshkent shahrida sotish rejalashtirilgan.
Hozirda har ikki holat yuzasidan jinoyat ishlari qo‘zg‘atilgan. Tergov harakatlari davom etmoqda.
Zo‘ravonlik qurbonlariga qo‘shimcha huquqiy kafolatlar berildi
Davlat arxiv hujjatlari elektron shaklda saqlanadi
Toshkentda Malibu qahvaxonaga borib urildi
-
Dunyodan3 days agoEron Hormuz boʻgʻozi orqali oʻtayotgan kemalarni ogohlantirdi
-
Iqtisodiyot5 days ago
Prezident raisligida videoselektor boshlandi
-
Jamiyat4 days agoToshkent davlat agrar universiteti sport kompleksida yong‘in sodir bo‘ldi
-
Iqtisodiyot4 days ago“Xohlagan ekinni ekish mumkin” – Yangi tartib fermerga nima beradi?
-
Iqtisodiyot5 days ago
12 ta tarmoqqa 37 ta sohaviy ilmiy institut va OTM biriktirildi
-
Sport5 days agoo‘zbek futbolchisi «Chelsi» egalariga tavsiya qilindi
-
Sport4 days agoShomurodov jahon chempionatidagi deyarli imkonsiz gol muallifi bo‘ldi
-
Jamiyat5 days agoO‘zbekistonning 24 ta oliy ta’lim muassasasi top-1000 talik ro‘yxatga kiritildi