Jamiyat
Qishloq xo‘jaligiga subsidiya ajratish tizimi to‘liq raqamlashtiriladi
O‘zbekiston Prezidentining joriy yil 22-noyabrdagi «Agrar sohani davlat tomonidan qo‘llab-quvvatlash tizimini tubdan takomillashtirish chora-tadbirlari to‘g‘risida»gi Farmoniga muvofiq agrar sohada davlat tomonidan qo‘llab-quvvatlash mexanizmlarini takomillashtirish maqsadida Qishloq xo‘jaligi vazirligi huzurida Agrar sohada to‘lovlar agentligi tashkil etildi.
Prezident Shavkat Mirziyoyevga paxtachilik va g‘allachilikni moliyalashtirishni samarali tashkil etish hamda agrar sohada subsidiyalar ajratish yangi tizimi yuzasidan qilingan taqdimotda agentlikka yuklatilgan vazifalar ijrosi qanday tashkil etilishi ko‘rib chiqildi.
Hozirgi vaqtda qishloq xo‘jaligida 52 turdagi subsidiya ajratilmoqda. Yangi tizimda ushbu jarayon tubdan soddalashtirilib, inson omili tubdan qisqartirilib, byurokratiya kamaytiriladi, arizalarni ko‘rib chiqish to‘liq raqamlashtiriladi va barcha jarayonlar «Agroportal» orqali amalga oshiriladi.
Buning uchun, «Agrosubsidiya» axborot tizimiga 10 dan ortiq vazirlik va idoralarning axborot tizimlari integratsiya qilinadi.
Jumladan, 2026-yil uchun mo‘ljallangan 1,3 trillion so‘mlik subsidiyalarni talabgorlar ishtiroki zarur bo‘lmagan holda davlat idoralari tomonidan proaktiv tarzda, qolgan subsidiyalar ayrim kelishish, xulosa olish va hujjatlarni rasmiylashtirish bosqichlarini chiqarib tashlagan holda soddalashtirilgan tartibda, ortiqcha ovoragarchiliksiz beriladi. Natijada subsidiya ajratish muddatlari keskin qisqaradi.
Davlatimiz rahbari moliyalashtirish mexanizmlarini yanada takomillashtirish, subsidiyalarning manzilliligi va tezkorligini ta’minlash, barcha jarayonlarni raqamlashtirish va fermerlar uchun qulay sharoit yaratish yuzasidan mutasaddilarga aniq topshiriqlar berdi.
Ma’lumot uchun, joriy yilda sohaga 2,35 trillion so‘m subsidiyalar yo‘naltirilgan bo‘lib, jumladan, o‘z mablag‘idan paxta yetishtirgan xo‘jaliklarga paxta qiymatining 10 foizi miqdorida subsidiya ajratilishi natijasida 3 430 fermer va klasterlar 151 ming gektar maydonda o‘z mablag‘i hisobidan paxta yetishtirgan va 1,9 trillion so‘m resurs tejalgan.
Yoki, paxta yetishtirishga olingan kreditni joriy yil yakuniga qadar to‘liq qaytargan fermerlarga foiz to‘lovining 4 foiz bandini qaytarib berish imkoniyati tufayli 9 002 ta fermer 2,5 trillion so‘m imtiyozli kreditlarni muddatidan oldin qaytargan.
Prezident Shavkat Mirziyoyev Qishloq xo‘jaligi xodimlari kuni munosabati bilan soha rivojiga munosib hissa qo‘shgan bir guruh yurtdoshlarimizni mukofotlashga doir farmonni imzoladi.
Hujjatda qayd etilishicha, ular «mamlakatimiz qishloq xo‘jaligi tizimidagi ko‘p yillik fidokorona mehnati, soha rivojini yangi bosqichga ko‘tarish, intensiv agrotexnik usullarni qo‘llash orqali yuqori hosildorlikka erishish, el-yurt farovonligini yuksaltirishga qo‘shgan munosib hissasi, ilg‘or innovatsion texnologiyalar va zamonaviy ilm-fan yutuqlarini amaliyotga keng joriy etish, yer va suv resurslaridan oqilona foydalanish, mahsulotlarni sifatli qayta ishlash, yurtimiz eksport salohiyatini oshirish yo‘lidagi samarali faoliyati, malakali mutaxassislarni tayyorlash borasidagi katta xizmatlari hamda ijtimoiy hayotdagi faol ishtiroki uchun» mukofotlangan.
Ularga Prezident farmoni bilan, jumladan:
«O‘zbekiston Respublikasida xizmat ko‘rsatgan paxtakor» faxriy unvoni;
«O‘zbekiston Respublikasida xizmat ko‘rsatgan qishloq xo‘jaligi xodimi» faxriy unvoni;
«O‘zbekiston Respublikasida xizmat ko‘rsatgan irrigator» faxriy unvoni;
«O‘zbekiston Respublikasida xizmat ko‘rsatgan pillachi» faxriy unvoni;
«Fidokorona xizmatlari uchun» ordeni;
«Mehnat shuhrati» ordeni;
«Do‘stlik» ordeni;
«Jasorat» medali;
«Kelajak bunyodkori» medali;
«Shuhrat» medali topshirladi.
Jamiyat | 10:51
400
1 daqiqa o‘qiladi
Yo‘lovchi oqimining ortishi va aholi talabi inobatga olingan holda, 2025 yil 11 dekabrdan boshlab «O‘zbekiston», «Mashinasozlar», «G‘afur G‘ulom» va «Milliy bog‘» metro bekatlarining avval yopiq bo‘lgan bir tomon kirish (vestibyul) qismlari yo‘lovchilar uchun qayta ochiladi.
Foto: Toshkent metropoliteni
Toshkent metropoliteni axborotiga ko‘ra, uzoq yillar davomida yo‘lovchi oqimi kamligi sabab faoliyat yuritmagan mazkur vestibyullarda texnik yangilash ishlari amalga oshirilib, barcha zarur injyener-texnologik jarayonlar yakunlangan.
Qayd etilishicha, bekatlar zamonaviy texnik jihozlar bilan ta’minlangan bo‘lib, bu yo‘lovchi oqimini ravon taqsimlash, bekatlarga kirish-chiqishdagi tirbandliklarni kamaytirishga xizmat qiladi.
Metropoliten ma’muriyati Toshkent shahri aholisi va mehmonlari uchun qulay va xavfsiz transport xizmatlarini ko‘rsatish bo‘yicha ishlar izchil davom ettirilishini ma’lum qilgan.
Prezident Shavkat Mirziyoyevga paxtachilik va g‘allachilikni moliyalashtirishni samarali tashkil etish hamda agrar sohada subsidiyalar ajratish yangi tizimi yuzasidan taqdimot bilan tanishdi.
Taqdimotda kelgusi yilda paxta va g‘alla hosili, subsidiya va boshqa xarajatlarga jami 34,2 trillion so‘m ajratish rejalashtirilgani, qo‘shimcha 200 million dollar mablag‘ jalb qilib, 800 ta paxta terish mashinasi xarid qilinishi ma’lum qilindi. Bu borada joriy qilinishi taklif etilayotgani yangi qo‘llab-quvvatlash mexanizmlari ko‘rib chiqildi.
Jumladan, 2026 yilda agrotexnik tadbirlar, shu jumladan plenka va egiluvchan quvurlar uchun qo‘shimcha 5 trillion so‘m ajratish taklif qilindi. Hosil yetishtirishda kredit limitining 50 foizigacha foydalanganda, sotilgan paxta qiymatining 5 foizi miqdorida subsidiya ajratilsa, o‘z mablag‘i va qisman kredit hisobidan hosil yetishtiradigan fermerlar soni 4-4,5 mingga yetishi va ularning 2,5-3 trillion so‘m mablag‘i iqtisod bo‘lishi ta’kidlandi.
Hozirda fermerlarga kredit ajratishda moliyaviy barqaror xo‘jaliklarga ham, to‘lov intizomiga rioya etmayotganlariga ham bir xil foiz stavkasi qo‘llanmoqda. Shu munosabat bilan, fermerlar orasida «intizomli bo‘lish – arzon kredit» modelini shakllantirish uchun «A» kredit reytingiga ega xo‘jaliklarga 2 foizga, «B» toifadagilarga 1 foizga pasaytirilgan stavkada kredit ajratish va shu orqali intizomli fermerlarning kredit yukini kamaytirish taklif qilindi.
Shuningdek, o‘z mablag‘i hisobidan bug‘doy yetishtirgan fermerlarga 10 foiz subsidiya ajratish tashabbusi bildirildi.
Joriy yil 10 dekabr kuni soat 02:30 dan boshlab A-373 xalqaro avtomobil yo‘lining Qamchiq dovoni qismida qor ko‘chkisi xavfi tufayli transport vositalari harakati vaqtincha to‘xtatildi.
Favqulodda vaziyatlar vazirligi ma’lumotiga ko‘ra, xavfsizlikni ta’minlash maqsadida Qamchiq dovoni orqali avtomobillar harakati vaqtincha cheklandi.
Ayni paytda FVV rahbarligi boshchiligida tegishli vazirlik va idoralar mutaxassislari tomonidan hududda vaziyatni bartaraf etish, xavf darajasini baholash va zarur profilaktika ishlarini olib borish bo‘yicha keng ko‘lamli tadbirlar amalga oshirilmoqda.
Ma’lum qilinishicha, Qamchiq dovoni orqali harakatlanishning qayta tiklanishi bo‘yicha qo‘shimcha axborot FVV Axborot xizmati tomonidan alohida tarzda e’lon qilinadi. Fuqarolardan rasmiy manbalar orqali beriladigan ma’lumotlarni kuzatib borish so‘ralgan.
Xovos tumanida Xalq deputatlari tuman kengashining navbatdan tashqari sessiyasi o‘tkazildi. Tahliliy-tanqidiy ruhda o‘tgan sessiya ishida viloyat hokimi Erkinjon Turdimov ishtirok etdi.
Erkinjon Turdimov o‘z nutqida tumanda bir qator muhim yo‘nalishlarda jiddiy qoloqlik va sustkashlik holatlari mavjudligini keskin tanqid qildi.
Kambag‘allikni qisqartirish, aholi bandligini oshirish, investitsion loyihalarni ishlab chiqish va amalda yo‘lga qo‘yish, eksport hajmini ko‘paytirish kabi ustuvor masalalarda tuman birinchi rahbarining tashabbusi, mas’uliyati va talabchanligi yetarli darajada emasligini bildirdi.
Sessiyada tashkiliy masala ko‘rildi.
Shu kunga qadar tuman hokimi lavozimida ishlab kelgan Yo‘ldoshev Ulug‘bek Xasanovich egallab turgan lavozimidan ozod etildi.
Deputatlar tomonidan Raqobatni rivojlantirish va iste’molchilar huquqlarini himoya qilish qo‘mitasi Sirdaryo viloyati hududiy boshqarmasi boshlig‘i lavozimida faoliyat olib borgan Yuldashev Qomus Mirovich nomzodi Xovos tumani hokimi lavozimiga tasdiqlandi.
Ma’lumot uchun, Qomus Yuldashev 1983-yilda Sirdaryo viloyatining Shirin shahrida tug‘ilgan. 2004-yilda Toshkent to‘qimachilik va yengil sanoat institutini tamomlagan.
Avvalroq Andijon viloyati hokimiga ikki o‘rinbosar va Marhamat tumaniga hokim tayinlangandi. Shuningdek, Otabek Mavlonberdiyev Sirdaryo viloyati hokimining yoshlar siyosati, ijtimoiy rivojlantirish va manaviy-marifiy ishlar bo‘yicha o‘rinbosari lavozimiga tayinlangan.
Vaqt jurnali uni “yil rahbari” deb nomlashdi.
Hosildorlikni paxtachilikda 50 sentnerdan oshirish, g‘allachilikda 100 sentnerga yetkazish maqsad qilindi
Prezident bir guruh qishloq xo‘jaligi xodimlarini mukofotladi
-
Sport4 days agoТуркия Суперлигаси. «Башакшеҳир» – «Фенербаҳче». Шомуродов ва Файзуллаев — асосий таркибда
-
Hayot tarzi5 days agoDemi Xestemanning Jessi Gatikaulaning “Me’blari” ga qanday munosabatda bo’ldi
-
Jamiyat2 days agoTo‘qqiz qizli Jasur – to‘rt egiz tug‘ilgan xonadondan reportaj
-
Iqtisodiyot4 days agoXitoylik investorlar Jizzaxdagi volfram konini ishga tushirmoqda
-
Iqtisodiyot4 days agoBMTning Oziq-ovqat va qishloq xo‘jaligi tashkiloti bilan hamkorlikda qator loyihalar amalga oshiriladi
-
Jamiyat5 days ago«Samarqand HET» turk kompaniyasi boshqaruviga beriladi
-
Dunyodan5 days agoKorruptsiya da’volari dunyoning birinchi raqamli vaziriga qarshi paydo bo’ldi. “ChatGPT-4O” advokat sifatida yollangan
-
Jamiyat2 days agoToshkentda qidiruvdagi shaxs YPX reydi davomida aniqlandi