FVB inspektori Olmazor tumanida joylashgan xususiy klinikaning yong‘inga qarshi holati yuzasidan ijobiy xulosa olib berishni va’da qilib, MChJ rahbaridan 6,5 mln so‘m olgan. U ushbu pullarni qaytargan vaqtda tezkor tadbirda ushlangan.

Toshkent shahrida FVB inspektorining noqonuniy harakati fosh etildi. Bu haqda Davlat xavfsizlik xizmati xabar berdi. 

Ma’lum qilinishicha, Yunusobod tuman FVB inspektori Olmazor tumanida joylashgan xususiy klinikaning yong‘inga qarshi holati yuzasidan vakolatli hamkasblari orqali ijobiy xulosa olib berishni va’da qilgan. U bu “xizmati” uchun fevral oyida MChJ rahbaridan 6,5 mln so‘m olgan.

Biroq, FVB inspektori turli bahonalar bilan va’dasini bajarmasdan kelgan. Shu sababli, fuqaro undan pullarini qaytarishni talab qilgan.

Davlat xavfsizlik xizmati va prokuratura organlari xodimlari hamkorligida o‘tkazilgan tezkor tadbirda inspektor olgan pullarini qaytarib bergan vaqtida ashyoviy dalillar bilan ushlangan.

Unga nisbatan jinoyat ishi qo‘zg‘atilib, qamoq ehtiyot chorasi qo‘llangan. Hozirda tergov harakatlari olib borilmoqda.

Avvalroq Yangihayot tumani FVB kichik inspektori mahalliy MChJ rahbaridan 1,5 ming dollar olganda ushlangandi.

Source link

38 yoshli erkak bu harakati bilan jabrlanuvchiga yuzi tuzalmaydigan darajada xunuklashishiga sabab bo‘lgan tan jarohati yetkazgan. Sud uni qasddan badanga og‘ir shikast yetkazish jinoyatida aybli deb topib, 3 yilga ozodlikdan mahrum qildi. Sudlanuvchi sud zalida qamoqqa olindi.

Farg‘onada bozor nazoratchisining qulog‘ini tishlab, uzib olgan shaxs jinoiy jazoga tortildi. Kun.uz sud hukmi bilan tanishdi.

Sud hujjatida keltirilishicha, 2025 yil 14 oktyabr kuni Qo‘qon shahrining Urganjibog‘ mahallasidagi bozorda ikki sotuvchi ayol joy talashib, janjallashgan. Bozor nazoratchisi bo‘lib ishlovchi Q.O. voqea joyiga kelib, ularni ajratib qo‘yishga uringan. Shunda shu yerda somsa sotuvchi boshqa bir ayolning 38 yoshli o‘g‘li H.I. nazoratchi bilan janjallashib ketgan.

Erkak bozor nazoratchisini avvaliga qo‘llari bilan urgan. So‘ngra uning qulog‘ini tishlab, bir qismini uzib olgan.

Sudga oid tibbiy ekspertiza bozor nazoratchisining “o‘ng quloq suprasida yuzaga kelgan chandiq vaqt o‘tishi bilan bilinmaydigan darajada to‘liq silliqlanib ketmasligi va unga nisbatan plastik operatsiya, chandiq yetilganidan so‘ng o‘tkazish talab qilinishi” haqida xulosa bergan.

H.I. sudda aybiga qisman iqror bo‘lgan va bozor nazoratchisi onasi somsa sotadigan aravachani tortqilagani uchun janjallashganini bildirgan.

“Onam somsa sotadigan aravachani tortqilab, bu yerdan yig‘ishtirishni aytdi. Men aravachaga tegmasligini so‘raganimda qo‘pol muomala qildi. Shunda uning yuziga ikki marotaba urib yubordim. U meni oyog‘imdan chalib yiqitdi va ustimga o‘zi yiqildi. Nazoratchining o‘ng qulog‘ini tishlab, uzib oldim: qulog‘ining bir bo‘lagi og‘zimda qolib ketdi”, degan o‘z ko‘rsatmasida sudlanuvchi.

Shu tariqa, ularni atrofdagilar ajratib qo‘yishgan.

Jabrlanuvchi sudda hozirgi kunga qadar qulog‘ini davolatish uchun qariyb 14 mln so‘m sarflaganini, endilikda plastik operatsiya qildirish uchun yana 70 mln so‘m kerakligini aytib, sudlanuvchidan yetkazilgan moddiy zararlarni undirib berishni so‘ragan.

JIB Furqat tuman sudining 2026 yil 13 martdagi hukmi bilan H.I. Jinoyat kodeksining 104-moddasi (qasddan badanga og‘ir shikast yetkazish) 2-qismi “b,ye” bandida nazarda tutilgan jinoyatni sodir etganlikda aybli deb topilgan. Unga Jinoyat kodeksining 57-moddasi qo‘llangan holda 3 yil ozodlikdan mahrum qilish jazosi tayinlangan. Jazoni umumiy tartibli koloniyalarda o‘tash belgilangan.

Sudlanuvchiga qo‘llangan garov ehtiyot chorasi o‘zgartirilib, u darhol sud zalida qamoqqa olingan.

Shuningdek, sudlanuvchidan jabrlanuvchi foydasiga 13 mln 752 ming so‘m moddiy zarar undirish belgilangan.

Source link

Hodisa tafsilotlari ma’lum emas.

Foto: Istanbul shahridagi Bosh konsulxona

Turkiyaning Izmir shahrida O‘zbekiston fuqarosi, 22 yoshli Sevdora Hakimjonova o‘zi yashaydigan ko‘p qavatli uyning to‘rtinchi qavatidan tushib ketdi, deb xabar bermoqda O‘zbekistonning Istanbul shahridagi Bosh konsulxona.

Hozirda u davlat shifoxonasida davolanmoqda. Shifokorlarning ma’lumotiga ko‘ra, uning ahvoli og‘ir.

«Hakimjonova Turkiya fuqarosi bo‘lgan shaxs bilan imom nikohi asosida turmush qurgan, biroq ushbu nikoh rasmiy tartibda qayd etilmagan. Ma’lumotlarga ko‘ra, nikoh marosimi Namangan viloyati Chust tumanida o‘tkazilgan», – deyiladi xabarda.

Keyinchalik ular Izmirga kelib, kuyovning yaqin qarindoshlari bilan bir xonadonda yashab kelgan. Qayd etilishicha, turmush o‘rtog‘i ham Hakimjonova kabi eshitish va nutqida nuqsoni bo‘lgan shaxs hisoblanadi.

Holat yuzasidan Turkiya huquqni muhofaza qiluvchi organlari tomonidan jinoiy ish qo‘zg‘atilgan. Voqeaning barcha tafsilotlarini aniqlash maqsadida tergov harakatlari olib borilmoqda.

To‘plangan materiallar tegishli tartibda prokuratura organlari tomonidan ko‘rib chiqilmoqda.

Vaziyat Bosh konsulxona nazoratiga olingan.

Source link

Hindiston hududida hayotiy murakkab vaziyatga tushib qolgan O‘zbekiston fuqarosi elchixona ko‘magida yurtga qaytarildi. 

Ma’lum qilinishicha, ayol hujjatlarini yo‘qotishi va ish beruvchilarning vijdonsiz xatti-harakatlari oqibatida noqonuniy ekspluatatsiya xavfiga duch kelib, diplomatik vakolatxonaga murojaat qilgan.

Konsullik bo‘limi tomonidan zudlik bilan mahalliy huquq-tartibot idoralari va migratsiya xizmatlari bilan aloqa o‘rnatilib, fuqaroning huquqiy maqomini tiklash choralari ko‘rildi. Shuningdek, chiqish hujjatlari rasmiylashtirilib, uning xavfsiz qaytishi uchun zarur tashkiliy ishlar amalga oshirildi.

Ko‘rilgan chora-tadbirlar natijasida vatandosh joriy yil 14 mart kuni Uzbekistan Airways aviakompaniyasining HY424 reysi orqali O‘zbekistonga sog‘-omon qaytdi.

O‘zbekistonning Hindistondagi elchixonasi fuqarolarni chet elga chiqishda ehtiyotkor bo‘lishga, shubhali ish takliflariga ishonmaslikka va xorijiy davlatlarda bo‘lish qoidalariga qat’iy rioya qilishga chaqirdi.

Source link

Yig‘ilishda ma’lum qilinishicha, o‘tgan yili aliment bilan bog‘liq 70 ming murojaat kelib tushgan.

Majburiy ijro byurosi aliment bo‘yicha ariza tushsa, undirib berayotgani, lekin aliment to‘lovchining rasmiy daromadi bo‘lmagani uchun murojaatlarning 30 foizi hal qilinmasdan qolayotgani ko‘rsatib o‘tildi.

Bu borada hokimlar aliment to‘lovchilarning qanchasining kasbi bor, lekin ishsiz, qanchasini o‘qitish kerakligini tahlil qilmayotgani, shundan kelib chiqib, bandlik bo‘limi va «mahalla yettiligi» oldiga aniq masala qo‘ymayotgani tanqid qilindi.

Hududlarda ishlarni shu tartibda tashkil qilsa, aliment bo‘yicha murojaatlar 2 karra kamayishi mumkinligi qayd etildi.

Tashkiliy migratsiya asosida odamlarni o‘qitib, chet eldagi yuqori daromadli ishlarga yuborish bo‘yicha tizim yaratildi. Lekin aliment majburiyati bo‘lgan odamlar bu imkoniyatdan foydalana olmayapti, chunki fuqaro chetga chiqishi uchun 5 yillik aliment pulini oldindan to‘lashi yoki aliment oluvchidan yozma rozilik olishi kerak.

Mutasaddilarga bu masalani chuqur o‘rganib, tegishli taklif kiritish topshirildi.

Eslatib o‘tamiz, 2025 yilning noyabrida aliment to‘lashi shart bo‘lgan shaxslarga chet davlatga chiqishi bo‘yicha vaqtinchalik cheklovni to‘xtatib turishni nazarda tutuvchi yangi tartib kuchga kirgan edi. 

Source link