Iqtisodiyot
«Kapitalbank» ATB Mastercard Kapitalbank multivalyutali kartalarini chiqarishni boshladi
1-dekabrdan chiqarishni boshlagan Mastercard Kapitalbank multivalyutali kartalarida bir vaqtning o‘zida uchta hisob – o‘zbek so‘mi, yevro va AQSh dollarida mavjud. Ilgari Mastercard Kapitalbank kartalari faqat yevroda edi.
Kapitalbank Mastercard Black Edition va Kapitalbank Mastercard World Elite kartalari egalari uchun yangi imkoniyatlar ochilmoqda. Bu xorijga sayohat qilish va xorijiy onlayn xizmatlarda to‘lov qilish uchun eng qulay va shu sababli mashhur kartalardir.
Bunday karta egasi keyingi xarid uchun uchta valyutadan qaysi birida hisob-kitob qilishni o‘zi tanlashi mumkin. Buning uchun KAPITALBANK.Online mobil ilovasiga kirib, kerakli valyutadagi faol karta hisob raqamini belgilash kifoya. Bu darhol amalga oshadi va har bir to‘lov uchun hisobdan chiqarish valyutasini o‘zgartirish mumkin. Xorijiy sayohatlarda hisob-kitob qilishda bu ayniqsa qulay: yashirin komissiyalar yo‘q, turli mamlakatlardagi valyuta kurslari bilan kutilmagan holatlar kamroq.
Ilgari har bir valyuta uchun alohida karta ochishga to‘g‘ri kelardi – endi bittasi yetarli. Bu ham qulay, ham foydali: turli kartalar o‘rtasida mablag‘larni o‘tkazish operatsiyalarini amalga oshirish shart emas va valyutalarni konvertatsiya qilish uchun ortiqcha xarajatlar yo‘q. Bundan tashqari, agar barcha operatsiyalar bitta karta orqali o‘tsa, premium kartalarga bepul xizmat ko‘rsatish shartlarini bajarish osonlashadi.
Yana bir afzallik – Mastercard Kapitalbank multivalyutali premium kartalari egalari uchun mavjud bo‘lgan turli imtiyozlardir.
“Multivalyutali kartalarni ishga tushirish bozorda zamonaviy moliyaviy yechimlarni rivojlantirishda muhim qadamdir. Endi «Kapitalbank» ATB mijozlari nafaqat uchta valyutadagi mablag‘larni erkin boshqarish, balki bizning xalqaro takliflarimiz va imtiyozlarimizdan foydalanishlari mumkin: butun dunyo bo‘ylab hamkorlarimizdan chegirmalar, aeroportlarning lounj-zonalariga kirish va Mastercardning boshqa premium xizmatlaridan foydalanish imkoniyati,” – dedi Mastercardning O‘zbekistondagi bosh menejeri Denis Filippov.
Ular orasida Toshkent xalqaro aeroportidagi Anjir biznes zalining ikkinchi qavatidagi imtiyozli Mastercard Lounge, Samarqand aeroportidagi CIP Lounge va butun dunyo aeroportlaridagi 1800 dan ortiq LoungeKey qulay kutish zonalariga kirish imkoniyati mavjud. Karta egalari, shuningdek, aeroportlardagi rasmiyatchilik jarayonlarini tezlashtirish (Fast track xizmati), sayohatda tibbiy sug‘urta va boshqa premium darajadagi xizmatlardan foydalanishlari mumkin.
Bundan tashqari, Mastercard Kapitalbank O‘zbekistonda va xorijda tovarlar va xizmatlar uchun to‘lovlarni amalga oshirishda ko‘plab maxsus takliflar, chegirmalar va bonuslarni taqdim etadi, 25 mamlakatdagi 450 dan ortiq hamkorlardan “chegarasiz keshbek” dasturi bo‘yicha 20% gacha qaytaradi.
«Kapitalbank» ATB raqamli yechimlarni izchil rivojlantirib, mijozlarning qulayligi va ehtiyojlariga yo‘naltirilgan mahsulotlarni yaratib kelayotgan O‘zbekistondagi eng yirik xususiy banklardan biridir. Mastercard Kapitalbank multivalyutali kartalarining ishga tushirilishi bu yo‘nalishdagi yana bir qadamdir.
Mastercard haqida
Mastercard mahalliy iqtisodiyotlarni rivojlantiradi va dunyoning 200 dan ortiq mamlakatlarida odamlarni ilhomlantiradi. Mijozlar bilan birgalikda kompaniya har bir kishi gullab-yashnashi mumkin bo‘lgan barqaror iqtisodiy muhitni yaratadi. Kompaniya raqamli to‘lovlarni amalga oshirish uchun ko‘plab imkoniyatlar yaratadi, tranzaksiyalarni xavfsiz, sodda, aqlli va qulay qiladi. Kompaniyaning texnologiyalari va innovatsiyalari, hamkorlik va aloqalari odamlarga, kompaniyalarga va hukumatlarga ularning eng katta salohiyatini ro‘yobga chiqarishga yordam beradi.
Batafsil ma’lumotni havola orqali olishingiz mumkin.
Qonunga ko‘ra, tadbirkorlik faoliyatiga ta’sir qiladigan hujjatlar loyihasi Biznes-ombudsman bilan majburiy tartibda kelishilishi kerak, lekin poytaxt kengashi shahar dizayn-kodini tasdiqlash haqidagi qarorini kelishmasdan qabul qilgan. Qolaversa, ranglarni bir xillashtirish talabi tadbirkorlarning intellektual mulk huquqiga zid.
Toshkent dizayn-kodidan render-parcha / Foto: Toshkent shahar hokimligi
Toshkent shahar kengashi shahar dizayn-kodini joriy etish bo‘yicha 2026 yil 17 fevral kuni qabul qilgan qaror qayta ko‘rib chiqilishi kerak. Biznes-ombudsman qarorni o‘rganib chiqib, shunday xulosaga keldi.
Prezidentning tadbirkorlar huquqlari bo‘yicha vakili bayonotiga ko‘ra, qarorning ayrim bandlari amaldagi qonunchilikka zid.
Xususan, “Normativ-huquqiy hujjatlar to‘g‘risida”gi qonun talablariga ko‘ra, tadbirkorlik faoliyatiga ta’sir etuvchi loyihalar Biznes-ombudsman bilan majburiy tartibda kelishilishi lozim. Biroq ushbu qaror Vakil bilan kelishilmasdan qabul qilingan.
Qarorda reklama vositalari uchun belgilangan “past to‘yingan” yoki “neytral” rang kabi tushunchalarning huquqiy mezoni ochib berilmagan. Bundan tashqari, ranglarni bir xillashtirish talabi tadbirkorlarning intellektual mulk (ro‘yxatdan o‘tgan brend) huquqlariga zarar yetkazishi mumkin. Bir necha obektlarga ega bo‘lgan tarmoq tashkil etgan brendlarning manfaatlari inobatga olinmagan.
Yangi talablarga moslashish uchun belgilangan 3 oylik muddat yetarli emas. Jarayonni tadbirkorlarga ortiqcha yuklama tug‘dirmagan holda, bosqichma-bosqich amalga oshirish tartibi nazarda tutilmagan.
Yuqoridagilardan kelib chiqib, Biznes-ombudsman xalq deputatlari Toshkent shahri kengashiga mazkur qarorning tadbirkorlik faoliyatiga daxldor qismlarini qayta ko‘rib chiqish, normalarga o‘zgartirish kiritish va kuchga kirish muddatini uzaytirish yuzasidan rasmiy xulosa kiritdi.
Biznes-ombudsman qayta ko‘rib chiqishda o‘z xodimlari ishtirok etishini so‘ramoqda.
Yig‘ilishda Prezident Shavkat Mirziyoyev sanoat va xizmat ko‘rsatish sohalarida samaradorlikni oshirish masalasiga alohida to‘xtaldi.
Davlat rahbari ta’kidlashicha, dunyoda mahsulot raqobatdoshligini ta’minlash uchun ilg‘or boshqaruv usullari keng qo‘llanilmoqda. Jumladan, «Kayzen» va «Lean production» kabi yondashuvlar resurs tejamkorligi va mehnat unumdorligini oshirishga xizmat qilmoqda.
Ma’lum qilinishicha, mamlakatimizda 50 ga yaqin tadbirkor bu tajribani xorijda o‘rganib, o‘z korxonalarida joriy etishni boshlagan. Biroq bu ko‘lam hali yetarli emasligi qayd etildi.
Prezident ayrim sohalarda ilg‘or usullar ommalashmayotganini tanqid qildi. Xususan, to‘qimachilik, qurilish materiallari, elektrotexnika va mebel kabi drayver tarmoqlarda bu yo‘nalishda tashabbus yetishmayotgani ta’kidlandi.
«Lekin, bu kam. Tadbirkorga tushuntirib, «diagnostika» xarajatining bir qismi qoplab berilsa, unumdorlik dasturlarini yo‘lga qo‘yish uchun imtiyozli kredit ajratsa bo‘ladi-ku!», – dedi davlat rahbari.
Shu munosabat bilan Iqtisodiyot va moliya vazirligiga aniq topshiriq berildi. Unga ko‘ra, joriy yilda 100 ta korxonada samaradorlikni oshirish bo‘yicha ilg‘or dasturlar joriy etiladi.
Mazkur tashabbusni moliyalashtirish uchun 30 million dollar miqdorida grant mablag‘larini jalb qilish rejalashtirilgan.
Markaziy bank 2026-yil 27-apreldan valyutalarning yangi kursini belgiladi.
AQSh dollari 4,52 so‘mga oshib, 12 020,48 so‘m etib belgilandi.
Yevro kursi 3,13 so‘mga tushdi va 14 048,33 so‘m bo‘ldi. Funt-sterling 16 207,21 so‘m bo‘ldi (-15,54).
Rossiya rubli 158,77 so‘m etib belgilandi (-1,53).
Iqtisodiyot
Ilk bor 2,4 mlrd dollarlik davlat aktivlarining 30 foizi xalqaro bozorga chiqadi – Prezident
Bugun, 24-aprel kuni Prezident Shavkat Mirziyoyev raisligida o‘tkazilgan videoselektor yig‘ilishida iqtisodiy ko‘rsatkichlar va yangi tashabbuslar muhokama qilinmoqda.
Davlat rahbariga ko‘ra, may oyida 2 milliard 400 million dollarlik davlat aktivlarining 30 foizi ilk bor xalqaro fond bozorlariga chiqariladi.
«Bu Milliy investitsiya jamg‘armasini tashkil qilib, 13 ta strategik korxona boshqaruvini nufuzli «Franklin Templeton» kompaniyasiga berganimiz uchun bo‘lyapti», – dedi Prezident.
Yig‘ilishda birinchi chorak natijalari ham ma’lum qilindi. YaIM 8,7 foizga, sanoat 8 foizga, xizmatlar 16,1 foizga o‘sgan. Eksport hajmi 5,8 milliard dollarga, xorijiy investitsiyalar 13,7 milliard dollarga yetgan. Inflyasiya esa yillik hisobda ilk bor 7,1 foizgacha pasaygan.
Shu bilan birga, budjet daromadlari 35 foizga o‘sib, 103 trillion so‘mni tashkil etgan. Mahalliy budjetlarda qo‘shimcha 2,2 trillion so‘m shakllangan bo‘lib, uning 1,4 trillioni tuman va shaharlar ixtiyorida qolgan.
Prezident so‘zlariga ko‘ra, mamlakat iqtisodiyoti xalqaro darajada ham ijobiy baholanmoqda. Xususan, Xalqaro valyuta jamg‘armasi hisobotida O‘zbekiston yuqori iqtisodiy faollik orqali barqaror o‘sishni saqlab qolayotgani qayd etilgan.
Shuningdek, mamlakat ilk bor «Iqtisodiy erkinlik indeksi»da «iqtisodiyoti mo‘tadil erkin» davlatlar qatoriga kirdi. Prezident ayrim sohalarda samaradorlik pastligini tanqid qilib, «ayrimlar hali ham uyg‘onmagan»ini ta’kidladi.
2026 yilning yanvar-mart oylarida O‘zbekistonga qariyb 3,8 mlrd dollar pul o‘tkazmalari amalga oshirildi. Bu 2024 yilning mos davriga nisbatan 1 mlrd 283 mln dollarga yoki 52,2 foizga, 2025 yilning mos davriga nisbatan esa 433 mln dollarga yoki 13 foizga ko‘p. O‘z navbatida xalqaro pul o‘tkazmalari orqali O‘zbekistondan 604 mln dollar chiqib ketgan bo‘lib, bu o‘tgan yilning birinchi choragiga nisbatan 39 mln dollarga kam.
Foto: Patrick T. Fallon / Bloomberg
2026 yilning yanvar-mart oylarida O‘zbekistonga pul o‘tkazmalari hajmi 3,79 mlrd dollarga yetdi. Bu haqda Markaziy bank xabar berdi.
Xususan, o‘tkazmalar miqdori joriy yilning dastlabki 3 oyida quyidagicha bo‘lgan:
yanvar: 1,23 mlrd dollar;
fevral: 1,23 mlrd dollar;
mart: 1,33 mlrd dollar.
Joriy yilning yanvar-mart oylarida O‘zbekistonga amalga oshirilgan pul o‘tkazmalari miqdori 2024 yilning mos davriga nisbatan 1 mlrd 283 mln dollarga yoki 52,2 foizga, 2025 yilning mos davriga nisbatan esa 433 mln dollarga yoki 13 foizga ko‘p.
O‘z navbatida xalqaro pul o‘tkazmalari orqali O‘zbekistondan 604 mln dollar chiqib ketgan bo‘lib, bu o‘tgan yilning birinchi choragiga nisbatan 39 mln dollarga kam.
«Xorijiy valutaga bo‘lgan taklifning ortishi asosan eksport tushumlari, banklar tomonidan jalb qilingan tashqi qarzlar va xalqaro pul o‘tkazmalari hissasiga to‘g‘ri keldi. Ayniqsa, aholi tomonidan valuta sotuvining yuqori sur’atlarda o‘sishi bozorda qo‘shimcha taklif bo‘lib xizmat qildi», deyiladi Markaziy bank sharhida.
2017-2025 yillar oralig‘ida O‘zbekistonga amalga oshirilgan pul o‘tkazmalari dinamikasining o‘zgarishi:
2020-2025 yillar oralig‘ida mamlakatga yuborilgan o‘tkazmalar miqdori 3 barobarga, ularning yalpi ichki mahsulotdagi ulushi esa 8,6 foizdan 12,8 foizgacha ko‘paydi.
2 mln dollar – JCh-2026 finaliga chiptalar astronomik narxlarda sotilmoqda
Livan-Isroil o’t ochishni to’xtatish muddati uch haftaga uzaytirildi
O‘zbekiston turizm salohiyati Destination Karakalpakstan 2026 maydonida namoyish etildi
-
Siyosat4 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat5 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat4 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat4 days agoPrezident Shavkat Mirziyoyev JSST bosh direktorini qabul qildi
-
Siyosat3 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Dunyodan5 days ago
Prezident Tramp Eron rahbariyati bilan uchrashishga tayyorligini ma’lum qildi
-
Jamiyat3 days ago
Giyohvand moddalar aylanmasini nazorat qilishning milliy tizimi takomillashtiriladi
-
Iqtisodiyot2 days ago
Markaziy bank: 24-aprelda dollar pasayadi