Sport
Kavkaz «Barselona»si. «Qorabog‘» YeChLda tarix yozmoqda
Chempionlar Ligasi asosiy bosqichida qatnashuvchi jamoalar nomi ma’lum bo‘lgach, O‘zbekistondagi muxlislar ikki klubga nisbatan alohida e’tibor qaratdi – «Qayrat» va «Qorabog‘». Qardoshlarimizning Yevropaning eng nufuzli turnirida, eng kuchli jamoalarga qarshi o‘yini tabiiyki, o‘zbek muxlislari uchun ham o‘ziga xos voqea, zero ular orqali biz ham o‘zimizni bilvosita katta futbol bilan solishtirish imkoniyatiga ega bo‘lamiz.
Birinchi turdayoq «Qorabog‘» safarda «Benfika» ustidan g‘alaba qozonib, shov-shuv ko‘tardi. Ikkinchi turda «Kopenhagen» ham mag‘lub etilgach, dastlabki natijani tasodifga yo‘ygan muxlislar ham jamoa imkoniyatlarini chamalab, keyingi raqiblarga qiziqa boshlashdi. Kecha esa «Qorabog‘» turnirda Ozarboyjonga tashrif buyuradigan eng nomdor raqibi «Chelsi»ga qarshi o‘yinda ochko olishga muvaffaq bo‘ldi (2:2).
Ayni damda «Qorabog‘» 7 ochkoga ega va ushbu bosqichda yana 4 ta o‘yin o‘tkazadi. O‘z maydonida «Ayaks» va «Ayntraxt», safarda «Napoli» va «Liverpul»ga qarshi o‘yinlarda taxminan 4-5 ochko olsa, jamoa tarixida ilk bor Chempionlar Ligasi pley-offga chiqishi mumkin.
Albatta, klub bu darajaga tasodif bilan kelmadi. Jamoa poydevori qariyb 17 yillik tarixga ega va asosiy arxitektor sifatida jamoa bosh murabbiyi Gurban Gurbanovni aytish lozim. Quyida u haqida batafsil to‘xtalib o‘tamiz.
Foto: Gualter Fatia/Getty Images
Gurban Usmono‘g‘li Gurbanov 1972 yilning 13 aprelida tug‘ilgan. Uning futbolchi sifatidagi faoliyati ham yomon kechmagan. U «Neftchi», «Turon» va Ozarboyjonning yana bir qator klublari, shuningdek, Rossiyada «Fakel», «Baltika», «Dinamo» Stavropol hamda «Volgar Gazprom» klublarida to‘p surgan. 1992-2005 yillar oralig‘ida milliy jamoa safida 68 o‘yinda maydonga tushib, 14 gol (2-o‘rin) muallifi bo‘lgan. Lekin uni jarohatlar ko‘p qiynardi. 33 yoshida jiddiy shikastlanadi va Bokuning «Inter» jamoasi safida futbolchilik faoliyatini tugatadi.
U darhol klub boshqaruv tizimida ish boshlaydi va sport direktori etib tayinlandi. Ammo ko‘p vaqt o‘tmay «Neftchi» uni bosh murabbiy vazifasiga taklif qiladi.
«Jamoani murabbiy sifatida tayyorlash futbol o‘ynashdan qiyinroq. Klub rahbariyatining ishonchi menga yordam beradi, shuningdek, ajoyib jamoa shakllangan. Aminmanki, «Neftchi» ushbu mavsumda doimiy yuqori o‘rinlardan pastlamaydi, maqsadimiz esa o‘zgarmaydi – mamlakat chempionatini yutish», – degandi ilk matbuot anjumanlaridan birida Gurban Gurbanov.
Ilk mavsumda «Neftchi» ikkinchi o‘rinni oldi va UYeFA kubogiga yo‘llanmani qo‘lga kiritdi. Ammo keyingi 2007/08 yillar mavsumi jamoa uchun yomon boshlanadi. 4 turdan keyinoq Gurbanov iste’fo beradi va uni murabbiylikdan sport direktorligiga o‘tkazishadi. Ammo bu safar ham uning ofisdagi ishlari uzoqqa cho‘zilmaydi. 2008 yilning avgustida «Qorabog‘» Gurbanovni o‘ziga chorlaydi.
«Agar futbolimiz rivojlanishini istasak, Ozarboyjonga sarmoya kiritishimiz kerak. Gap faqat futbolchilarda emas. Mahalliy mutaxassislarga ishonishni o‘rganishimiz lozim. Mamlakatimizga xorijlik murabbiylar ikki sabab bilan kelishadi – yo o‘z yurtida muvaffaqiyatli ishlay olmagan yoki bu yerda yaxshi pul ishlamoqchi. Bizga bu kerak emas», – deb ta’kidlagandi «Qorabog‘»ning o‘sha paytdagi vitse-prezidentdi Tohir Go‘zal.
Dastlabki mavsumda «Qorabog‘» ichki chempionatda beshinchi o‘rinni egallaydi. Lekin eng muhimi, o‘sha yili jamoa finalda Bokuning «Inter» jamoasini yengib, mamlakat kubogini qo‘lga kiritgandi. Keyin esa mahalliy futbol uchun dadil va muhim qadam tashlandi – «Qorabog‘» Yevropa Ligasi kvalifikatsiyasining pley-off bosqichiga chiqdi. Shu paytgacha Ozarboyjonning biror klubi bu bosqichgacha yetib kelmagandi. Ammo klub «Tvente»ga qarshi bahslarda mag‘lubiyatga uchraydi.
«Qorabog‘» asta-sekinlik bilan Gurbanov qo‘l ostida shakllana boshlaydi va natijalar ham yaxshilanib boradi. Keyingi besh yilda klub ikki marta uchinchi, bir marta ikkinchi o‘rinni qo‘lga kiritadi. Klub rahbariyatining ham, Gurbanovning ham ambitsiyalari o‘sib borardi. 2023/14 yillar mavsumi oldidan murabbiy jamoaning maqsadi chempion bo‘lish ekanini ma’lum qildi.
«Men faqat klub rahbariyati emas, hammaning oldida aytyapmanki, bu mavsumda chempion bo‘lmoqchiman. Chunki murabbiy sifatidagi maqsadim shu. Albatta, muammolar va kamchiliklar bo‘ladi, zero agar qaysidir murabbiy chiqib, men yuz foizga aniq chempion bo‘laman, desa ishonmang. Sababi, ba’zida har qancha yaxshi tayyorlangan bo‘lsangiz ham g‘alaba qozona olmasligingiz, nimadir o‘xshamay qolishi mumkin», – degandi Gurbanov mavsum oldidan matbuot anjumanida.
U maqsadiga erishadi. «Qorabog‘» 2013/14 yillar mavsumida Ozarboyjon chempioniga aylanadi. Chempionlik 34-turda Bokuning «Inter» klubi ustidan qozonilgan g‘alaba bilan rasmiylashtiriladi. Gurbanov o‘yin tugagach yig‘lab yuboradi – nihoyat maqsadga yetib kelingandi.
«Qorabog‘» chempionlikni nishonlamoqda
Foto: qarabagh.com
Shundan so‘ng «Qorabog‘»ning chempionatdagi butkul hukmronlik davri boshlandi. Qatorasiga yetti yil klub chempionlik unvonini hech kimga bermadi. Faqat 2020/21 yillar mavsumdagina «Neftchi» chempion bo‘ladi, qorabog‘liklar esa ikkinchi o‘rin bilan kifoyalanishdi. Ammo keyin «Qorabog‘» yana to‘rt yil chempionlikni hech kimga bermaydi. Bundan tashqari, Gurbanov shogirdlari bu yillarda besh marta mamlakat kubogi sohibi ham bo‘ladi.
Endi mahalliy miqyosdagi yutuqlar yetarli bo‘lmay qolgandi. 2014/15 yillar mavsumida klub ilk bor yevrokuboklarning asosiy raundida qatnashdi. «Qorabog‘» Yevropa Ligasining guruh bosqichida «Inter», «Sent Etiyen» va «Dnepr»ga qarshi o‘ynadi. Keyingi ikki mavsumda ham klub Yevropa Ligasi guruh bosqichida ko‘rinish berdi.
2017/18 yillar mavsumida «Qorabog‘» tarixda ilk bor Chempionlar Ligasi guruh bosqichiga chiqa oldi. Saralash raundlarida jamoa Gurjistonning «Samtredia», Moldovaning «Sherif» hamda Daniyaning «Kopenhagen» klublarini ortda qoldirdi. Guruh bosqichida esa jamoaga «Chelsi», «Atletiko» va «Roma» raqib bo‘ladi. Gurbanov shogirdlarining asosiy muvaffaqiyati sifatida «Atletiko» bilan ikki durangni keltirish mumkin. Jamoa boshqa o‘yinlarda ochko ololmaydi.
Yevrokuboklarning pley-off bosqichiga «Qorabog‘» ilk bor ikki yil oldin, 2023/24 yillar mavsumida chiqqandi. Yevropa Ligasi guruhida jamoa Xabi Alonso boshqaruvidagi «Bayyer»dan keyingi ikkinchi o‘rinni band etgandi. Ushbu guruhda shuningdek «Hekken» va «Molde» klublari bor edi. 1/16 finalda ozarlar sensatsion ravishda Portugaliyaning «Braga» jamoasini ikki o‘yin natijasiga ko‘ra (2:3, 4:2) turnirdan chiqarib yuborishni uddalashdi. Nimchorakda esa yana eski tanish – «Bayyer» kutib turardi.
Guruhda «Bayyer» har ikki o‘yinda ham «Qorabog‘»ni mag‘lubiyatga uchratgandi. Ammo pley-offdagi to‘qnashuv ancha dramatik kechdi. O‘sha paytlarda «Bayyer» butun mavsum davomida mag‘lubiyatsiz o‘ynagan, Bundesligada peshqadamlik qilgan va Yevropa Ligasi favoriti edi. Ozarboyjondagi ilk uchrashuv 2:2 hisobida yakunlanadi. Liverkuzenda esa Gurbanov shogirdlari 2:0 hisobida oldinga chiqib oladi. Lekin «Bayyer» bu o‘yinda ham o‘ziga xos ravishda kambek amalga oshirib, 90+8-daqiqada g‘alaba golini urishga muvaffaq bo‘lgandi.
«Futbolchilarimdan minnatdorman. Ular oxirigacha qattiq kurashishdi, ko‘p kuch sarf qilishdi. Xabi Alonsoni ham chorakfinal bilan tabriklayman. Biz uchun bu katta tajriba. Biz o‘z ko‘zimiz bilan katta futbolni ko‘rdik. Bu haqida gapirish boshqa, uning ichida yashash butunlay boshqacha ekanini his qildik. Kichik bir detal butun o‘yin taqdirini hal qilishi mumkin. Uyda ham, safarda ham ikki gol urganimiz bizga yordam bermadi. Avval ham aytganimdek, bu raqib o‘zi istagancha gol ura oladi. Guvohi bo‘ldimki, o‘sishimiz uchun rejalarimning o‘zi yetarli emas, men yanayam ko‘proq ishlashim, tajriba orttirishim kerak ekan», – deb xulosa qildi o‘shanda Gurban Gurbanov.
Vijesti me nashri esa «Qorabog‘» jamoasini tasvirlar ekan, «Kavkaz Barselonasi» deb atadi va bu Gurban Gurbanovning o‘yin uslubiga ham ishora edi. Chempionlar Ligasining joriy mavsumi esa «Qorabog‘»ning yangi va yorqin tarixiga aylanmoqda. Jamoa pley-off yo‘llanmasi uchun kurashyapti.
Marko Yankovich «Chelsi» darvozasiga urilgan golni nishonlamoqda
Darvoqe, Gurbanov o‘ziga yarasha qattiqqo‘l ekanini ham unutmaslik kerak. Sportinfo.az ma’lumotiga ko‘ra, YeChLning 3-turida «Atletik»ka qarshi mag‘lubiyatdan (1:3) so‘ng murabbiy futbolchilarni jarimaga ham tortgan. Unga nafaqat qayd etilgan hisob, balki shogirdlarining munosabati ham yoqmagan. Chunki Bilbaoda o‘tgan o‘yinda ham jamoa ilk daqiqalarda gol urib, hisobda oldinga chiqib olgand. Tabiiyki, intizom muhim, busiz jamoa bu yerlargacha yetib kelmasli balki…
Qirg‘izistonda 23-26-may kunlari badiiy gimnastika bo‘yicha Osiyo chempionati bo‘lib o‘tdi.
Musobaqalarning navbatdagi kuni ham O‘zbekiston terma jamoasi uchun muvaffaqiyatli yakunlandi. Sportchilarimiz 4 ta oltin va 1 ta bronza medalga sazovor bo‘lishdi.
Taxmina Ikromova — 2 ta oltin (kattalar: yakkalik ko‘pkurash hamda guruh mashqining ko‘pkurash dasturi);
Sabina Kagirova — 2 ta oltin (yoshlar: to‘p bilan mashq hamda guruh mashqining 5 ta to‘p bilan mashqi).
Natalya Usova — 1 ta bronza (kattalar: yakkalik ko‘pkurash).
O‘zbekistonlik tennischi Fransiya ochiq chempionatining birinchi bosqichidan muvaffaqiyatli o‘tdi.
Jahon tasnif jadvalida 89-pog‘onani egallab turgan tennischi Kamilla Rahimova «Rolan Garros» turnirida birinchi bosqich o‘yinini o‘tkazdi. Ruminiyalik Kristian Jaklinga (33-reyting) qarshi kortga chiqqan o‘zbekistonlik sportchi 3 set (6:3, 4:6, 6:4) davom etgan o‘yinda g‘alabaga erishdi. Rahimova ikkinchi davra bahsini chexiyalik Karolina Muxovaga qarshi o‘tkazadi.
«Katta dubulg‘a» turnirlariga kiruvchi «Rolan Garros» (Tennis bo‘yicha Fransiya ochiq chempionati) 24 maydan 7 iyungacha Parijdagi Stade Roland Garros grunt kortlarida bo‘lib o‘tadi. Musobaqa sovrin jamg‘armasi — taxminan 61,7 million yevro. 2025 yilda erkaklar o‘rtasidagi bahslarda ispaniyalik Karlos Alkaras, ayollar o‘rtasidagi bahslarda amerikalik Koko Gauff g‘alaba qozongan edi.
Asli rossiyalik bo‘lgan Kamilla Rahimova 2025 yil dekabr oyida sport fuqaroligini o‘zgartirib, xalqaro musobaqalarda O‘zbekiston bayrog‘i ostida ishtirok etishni boshladi.
Milliy jamoa Toshkent xalqaro aeroportida / Foto: O‘FA
Futbol bo‘yicha O‘zbekiston milliy jamoasi 26 may tongida Toshkent – Nyu York reysi bilan o‘z tarixidagi ilk jahon chempionatida ishtirok etish uchun AQShga uchib ketdi.
Bosh murabbiy Fabio Kannavaro chempionatga 30 nafar futbolchini olib ketmoqda, yakuniy ro‘yxatga ulardan 26 nafari kiritiladi.
Uzbekistan Airways jamoa uchun Boeing 787 Dreamliner samolyotini “Olg‘a O‘zbekiston”, “ko‘k bo‘rilar” kabi yozuvlar tushirilgan maxsus livreya bilan jihozladi.
22 may kuni “Bunyodkor” stadionida prezident Shavkat Mirziyoyev jamoa a’zolari bilan uchrashib, ularga muvaffaqiyat tiladi; ilk mundial sharafiga bayramona tadbir tashkil etildi.
O‘zbekiston JChdagi birinchi o‘yinini 17 iyunda (Toshkent vaqti bilan 18 iyun tongida) Mexiko shahrida Kolumbiyaga qarshi o‘tkazadi.
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Badiiy gimnastikachilarimiz Osiyo chempionatida zafar quchishdi
turk tadbirkorining Shveytsariya bankiga qarshi moliyaviy urushi
Namanganda YPX inspektorini urib ketib, o‘limiga sababchi bo‘lgan haydovchi 6 yilga qamaldi
-
Mahalliy4 days ago
Yoshlar umrini sotgan jinoyatchilar qo‘lga olindi
-
Mahalliy2 days agoSizni maktabda aldashgan! So‘nggi qo‘ng‘iroq haqida siz bilmagan haqiqat
-
Dunyodan3 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Iqtisodiyot4 days ago
O‘zbekistonda har 100 ta uyga nechta kompyuter to‘g‘ri kelishi ma’lum bo‘ldi
-
Mahalliy4 days ago
Prezident davlat boshqaruvidagi eng yaxshi kadrlarni e’tirof etdi
-
Siyosat5 days ago
Shavkat Mirziyoyev YeXHT bosh kotibini qabul qildi
-
Jamiyat5 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Iqtisodiyot5 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda