Prezident farmoni bilan jinoyat-ijroiya qonunchiligini takomillashtirishga qaratilgan qator takliflar ma’qullandi. Unga ko‘ra, ayrim toifadagi mahkumlar uchun jazoni o‘tash tartibiga o‘zgartishlar kiritiladi.

Hujjatga muvofiq, Jinoyat kodeksining 118-moddasi (nomusga tegish) va 119-moddasi (jinsiy ehtiyojni zo‘rlik ishlatib g‘ayritabiiy usulda qondirish)da nazarda tutilgan jinoyatlarni voyaga yetmagan shaxslarga nisbatan sodir etganlik uchun sudlangan shaxslar endi manzil-koloniyalarga o‘tkazilmaydi.

Shuningdek, mazkur jinoyatlar uchun jazo o‘tayotgan mahkumlarni psixologik tuzatish dasturidan o‘tmasdan turib, ularga saqlash sharoitlarini yengillashtirish amaliyotiga chek qo‘yiladi.

Qayd etilishicha, ushbu o‘zgarishlar jinoyat-ijroiya tizimini takomillashtirish hamda jinoyatlar profilaktikasini kuchaytirishga qaratilgan.

Source link

Гидрометеорология хизмати қор кўчиш хавфидан огоҳлантирди. 

2026 йил 9-11-март кунлари кутилаётган ёғингарчилик ҳамда ҳаво ҳароратининг ўзгаришлари сабабли республиканинг тоғли ҳудудларида шу жумладан:

Қашқадарё вилояти: Деҳқонобод, Китоб, Қамаши, Шаҳрисабз туманларида;

Сурхондарё вилояти: Бойсун, Қумқўрғон, Сариосиё, Узун туманларида;

Самарқанд вилояти: Нуробод, Қўшработ, Самарқанд, Ургут туманларида;

Жиззах вилояти: Бахмал, Зомин туманларида;

Тошкент вилояти: Бўстонлиқ, Паркент, Оҳангарон туманлари (Чотқол тизмаси тоғлари);

Наманган вилояти: Поп туманида қор кўчиш хавфи элон қилинади.

Тоғли худудларда истиқомат қилувчи фуқаролар, дам олувчилар ҳамда тоғли худудларда ҳаракатланувчи ҳайдовчилардан, эҳтиёткорлик чораларини кўришларини сўралган. 

Аввалроқ жорий йилнинг 9-12 март кунлари Ўзбекистон ҳудудига совуқ ва нам ҳаво массалари кириб келиши хабар берилганди. 

Source link

“Ayollar va bolalarga qo‘l ko‘taradigan odam endi yo O‘zbekistondan ko‘chib ketadi, yo qonun asosida yashashga majbur bo‘ladi”, dedi Shavkat Mirziyoyev.

Foto: Prezident matbuot xizmati

Prezident Shavkat Mirziyoyev 8 mart – Xotin-qizlar kuni arafasida tashkil etilgan tadbirda ayollar va bolalarni zo‘ravonlikdan himoya qilish bo‘yicha kuni kecha imzolagan farmoni haqida gapirdi.

“Ayollar va bolalarga nisbatan tazyiq va zo‘ravonlikka qarshi murosasiz muhit yaratish uchun o‘zimizga strategik vazifa qabul qildik. Shu haftada yana bir muhim farmonni imzoladim: endi xotin-qizlar va bolalarga nisbatan har qanday zo‘ravonlik va tazyiq holatlariga qarshi qat’iy tizim asosida kurash olib boriladi.

U farmonni o‘qigan odam tushunadi: bu – juda katta, ongni o‘zgartiradigan farmon. Adolat o‘rnatadigan farmon. Ayollarga tazyiq ko‘rsatib, qo‘l ko‘targan, yoshlarga qo‘l ko‘targan – endi O‘zbekistondan yo ko‘chib ketadi, yo majbur bo‘ladi qonun asosida yashashga. O‘qigan bo‘lsalaring, [muayyan holatlarda pedofiliya jinoyatlari uchun jazo] umrbod deb yozib qo‘ydim. Yuristlar qarshi bo‘ldi, lekin men o‘zbek millatida bu bo‘lishi mumkin emas, ko‘p millatli xalqimizga, Yangi O‘zbekistonga yarashmaydi deb, [umrbod jazoni] yozib qo‘ydim”, – dedi davlat rahbari.

3 mart kungi farmonga asosan, voyaga yetmaganlarga nisbatan jinsiy erkinlikka qarshi jinoyatlarni sodir etgan shaxslar quyidagi ikkita jinoyat: 14 yoshga to‘lmagan shaxsning nomiga tegish yoki 14 yoshga to‘lmagan shaxsga nisbatan jinsiy ehtiyojni zo‘rlik ishlatib g‘ayritabiiy usulda qondirish jinoyatlaridan birini sodir etgan taqdirda, umrbod ozodlikdan mahrum qilishgacha bo‘lgan jazo tayinlanishi mumkin.

Tegishli qonun 3 oy ichida ishlab chiqilishi kerak. Pedofil-retsidivistlar uchun kuchaytirilgan sanksiyalar – qonun qabul qilinib, kuchga kirganidan keyin amal qila boshlaydi.

Video:

Source link

Avvalroq Kun.uz ko‘rsatuvida “Ihlos travel” turfirmasining ayrim Umra ziyoratchilari urush tufayli Saudiya Arabistonining Jidda shahrida qolib ketgani aytilgandi. Ma’lum bo‘lishicha, ziyoratchilarning barchasi eson-omon vatanga qaytarilgan.

AQSh va Isroilning Eronga qarshi boshlagan urushi fonida “Ihlos travel” turfirmasining Umra ziyoratchilari ham Saudiya Arabistonining Jidda shahrida qolib ketgani xabar qilingandi. Ular ortga qaytarildi.

 

“Ihlos travel” turfirmasining tahririyatga ma’lum qilishicha, safarga borganlarning barchasi navbat bilan xavfsiz tarzda sog‘-omon uylariga yetib kelishgan. Eng so‘nggi ziyoratchilar o‘tirgan samolyot bugun – 7 mart kuni tongda Toshkentga qo‘ngan.

 

Turfirmaga ko‘ra, vaziyat har qancha keskin va og‘ir bo‘lmasin, ziyoratchilar ziyon-zahmatlarsiz mamlakatga olib kelingan.

Avvalroq Kun.uz Yaqin Sharqdagi keskinlik sabab arab mamlakatlarida qolib ketgan vatandoshlarning murojaatlarini yoritgandi. Ular reyslar bekor bo‘lgani sabab turfirmalari qo‘shimcha kunlarni qoplab bermayotgani, vaqtincha qolishga joy topolmayotganidan shikoyat qilishgan.

Source link

Bugun dunyo yana urush bilan yuzma-yuz keldi. Turli mintaqalarda davom etayotgan to‘qnashuvlar millionlab odamlarning hayotini izdan chiqarmoqda. Urush haqida gap ketganda siyosiy shiorlar, g‘alaba va mag‘lubiyat haqida ko‘p gapirilsa-da, uning haqiqiy yuzi hamisha oddiy odamlar taqdirida namoyon bo‘ladi. Urushdan manfaatdorlar esa hamisha soyada qoladi. Erix Mariya Remarkning “G‘arbiy frontda o‘zgarish yo‘q” romani aynan shu haqiqatni ochib bergan asarlardan biri hisoblanadi.

Asar Birinchi jahon urushi davridagi nemis yoshlari taqdiri haqida hikoya qiladi. Roman qahramoni Paul Boymer ismli yigit. U 20 yoshda, hayotga endi qadam qo‘yayotgan, orzular va katta rejalar bilan yashab kelayotgandi. Ammo o‘sha avlod to‘liq urush girdobiga tortiladi. Vatanni himoya qilyapman degan ishonch bilan Paul va uning do‘stlari frontga jo‘naydi.

Biroq front ular tasavvur qilgan romantik manzaralarni yo‘qqa chiqaradi. Urush doim ham qahramonlik emas, balki qon, qo‘rquv va azobga to‘la hayot ekanini ko‘rishadi. Atrof ochlik, tinimsiz portlayotgan snaryadlar va o‘lim xavfi bilan to‘la edi. Yosh yigitlar tez orada bolalik orzularidan ayriladi. Ular frontda bir necha oy ichida ruhan qarib ketadi.

Romanning boshidayoq o‘quvchi urushning dahshatli yuzini ko‘radi. Paulning sinfdoshlaridan biri – Kemmerix og‘ir yaralanadi va oyog‘i kesib tashlanadi. Uni ko‘rgani kelgan askarlardan biri Kemmerixning etiklarini so‘raydi. Bu holat bir qarashda shafqatsizdek tuyuladi, ammo front sharoitida bu mutlaqo oddiy hol edi. Yigit tez orada vafot etadi va uning joyi darhol boshqa yarador bilan to‘ldiriladi. Bu epizod urushda inson hayoti qanday arzonlashib ketishini ko‘rsatadi.

Frontda Paul va uning do‘stlari tirik qolish uchun bir-birlariga suyanadi. Ular orasida eng tajribalisi Katchinskiy edi. U ancha aqlli, uddaburon yigit bo‘lib, do‘stlari uchun hamisha fidoyilik qilardi. Biroq urush bunday do‘stlikni ham ayovsiz sindiradi. Har bir jangdan keyin kimdir qaytib kelmasdi.

Paul ta’tilda uyiga qaytganida yana bir haqiqatni anglaydi. Frontdan uzoqdagi odamlar urushni boshqacha tasavvur qilishardi. Ular gazetalarda yozilgan xabarlarga ishonar, askarlar yuqori kayfiyat bilan jang qilyapti, deb o‘ylashardi. Paul esa bu gaplarni eshitib, o‘zini begonadek his qiladi. Urush uni shu qadar o‘zgartirgandiki, u endi oldingi hayotiga qayta olmasligini tushunadi.

Paul tasodifan fransuz askarini o‘ldirib qo‘yadi. Raqibi sekin-asta jon berarkan, uning yonida soatlab qolib ketadi. U askarning cho‘ntagidan xotini va bolasining suratini topadi, maktublarini o‘qiydi. Shunda u dushman ham xuddi o‘zi kabi inson bo‘lib, u ham birovning o‘g‘li yoki otasi ekanini anglaydi.

Darhaqiqat shunday, aslida bir eronlikning hayoti amerikalikning, isroillikning hayotidan arzon ham, qimmat ham emas. Hamma ham inson!

Roman oxirida Paul ham halok bo‘ladi. Ammo uning o‘limi alohida qahramonlik sifatida qayd etilmaydi. Harbiy hisobotda o‘sha kuni shunchaki: “G‘arbiy frontda o‘zgarish yo‘q”, deb yoziladi. Tasavvur qilyapsizmi, odamlar o‘lib ketaveradi, lekin hech qanday o‘zgarish bo‘lmaydi. Bir inson o‘limi urush mashinasi uchun zarracha ahamiyat kasb etmaydi.

Urushlardan hamisha qurol-yarog‘ ishlab chiqaruvchilar, siyosiy raqobatda ustunlikka intilgan hukmdorlar foyda ko‘rishi mumkin. Ammo oddiy insonlar uchun urush har doim yo‘qotish demakdir. Taassufki, urushning qizil tugmasini bosayotganlarning o‘zi maydonda turib jang qilishmaydi.

Bugungi voqealar fonida negadir Remarkning shu asarini eslagimiz keldi. Chunki insoniyat ikkita jahon urushini boshidan kechirdi. Katta ehtimol bilan rasman e’lon qilinmagan bo‘lsa-da, uchinchi jahon urushida yashayapmiz. Ammo negadir insoniyat xulosa qilmayapti, dunyoni jarohatlashda davom etyapti.

Source link