Sport
«Barsa» ochko yo‘qotdi, «Siti»da yirik g‘alaba. YeChLda kun o‘yinlari
«Qorabog‘» sensatsiya ko‘tarishda davom etdi, «Qayrat» «Inter»ning seriyasini buzdi, «Pafos»da tarixiy g‘alaba. Chorshanba oqshomida YeChLning 4-turi doirasida bo‘lib o‘tgan asosiy voqealar, o‘yinlardagi gollar va turnir jadvalidagi vaziyat.
VAR «Barselona»ni Bryuggedagi sharmandalikdan qutqarib qoldi
«Bryugge» – «Barselona» 3:3
Gollar: Tresoldi, 6 (1:0). Torres, 8 (1:1). Borjyesh, 17 (2:1). Yamal, 61 (2:2). Borjyesh, 63 (3:2). Tzolis, 77 – avtogol (3:3)
«Bryugge»: Yakkers, Ordones, Mexele, Seys, Sabbe, Onedika (Audor, 84, Vetlesen, 87), Stankovich, Vanaken, Tzolis, Borjyesh (Verman, 78), Tresoldi (Dyakon, 78)
«Barselona»: Shchensni, Arauxo, Garsiya (Kubarsi, 90+3), Balde (Martin, 90+3), Kunde, Kasado (Olmo, 58), de Yong, Fermin Lopes, Reshford (Barji, 83), Yamal, Torres (Levandovski, 58)
Ogohlantirishlar: Onedika, 32. Dyakon, 81 – Kunde, 47. Yamal, 81. Fermin Lopes, 85
«Bryugge» va «Barselona» muxlislar uchun haqiqiy shou namoyish etib berishdi – 3:3. Belgiyaliklar qo‘shimcha daqiqalarda g‘alabani ilib ketishi ham mumkin edi.
Bu vaziyatda Voychex Shchensni negadir raqibni aldab o‘tishga harakat qildi va to‘pni oldirib qo‘ydi – kataloniyaliklar baxtiga Entoni Teylorni monitor qarshisiga chaqirishdi, u esa darvozabonga nisbatan fol qayd etib, golni bekor qildi.
Bu VAR o‘yinga ikkinchi bor aralashishi edi: 71-daqiqada Teylorni «Barsa» darvozasiga belgilangan penaltini bekor qilishi uchun monitor qarshisiga chaqirishgandi. Bu vaziyatda Aleks Balde chindan ham fol ishlatmagandi.
Jamoalar o‘yinning sakkizinchi daqiqasidayoq bittadan gol urishgandi: o‘shandayoq o‘yin quvnoq o‘tishi ko‘rinib turgandi. Yakunda belgiyaliklar uch marta hisobda oldinda borishdi – va har safar kataloniyaliklarni himoya chizig‘ini juda yuqori joylashtirgani uchun jazolashdi.
«Barsa» safida Fernan Torres va Lamin Yamal bittadan gol urishdi, yana bir vaziyatda Yamalning jonbozligi raqib futbolchisining avtogoliga sabab bo‘ldi.
Xansi Flik jamoasi uchun o‘yin faqat hisobda ortda quvish bilan kechdi, jamoa faqat omad tufayli safardan ochko bilan qaytadigan bo‘ldi.
«Barselona» bungacha YeChLda 17-daqiqagacha gol o‘tkazmagandi, Bryuggeda esa tarixiy voqea sodir bo‘ldi.
Kataloniyaliklar qatorasiga to‘qqizinchi uchrashuvda gol o‘tkazmoqda, jamoada sentabrdan buyon quruq o‘yin bo‘lgani yo‘q.
«Barsa» keyingi turda «Chelsi» mehmoni bo‘ladi – bu jamoalar 2018 yildan buyon o‘zaro to‘qnashmagan. «Bryugge»ni «Sporting»ga qarshi safar o‘yini kutmoqda.
Gvardiola himoyadan o‘ynamoqda va g‘alaba qozonmoqda
«Manchester Siti» – «Borussiya» D 4:1
Gollar: Foden, 22 (1:0). Holand, 29 (2:0). Foden, 57 (3:0). Anton, 72 (3:1). Sherki, 90+1 (4:1)
«Manchester Siti»: Donnarumma, Stouns, Gvardiol, O`Rayli (Ait Nuri, 86), Mateus Nunes, Gonsales, Reynders (Ruben Diash, 79), Foden, Doku (Bernardu Silva, 79), Savio (Sherki, 79), Holand (Marmush, 86)
«Borussiya» D: Kobel, Shlotterbek, Bensebaini (Bellinghem, 66), Anton, Nmecha, Zabitser (Gros, 66), Svensson, Ryuerson, Bayyer (Chukvuemeka, 66), Adeyyemi (Silva, 81), Girassi (Emre Jan, 66)
Ogohlantirishlar: Savio, 78. O`Rayli, 85 – Svensson, 15
«Manchester Siti» «Borussiya» Dortmundni yirik hisobda mag‘lub etdi – 4:1. Ortiqcha kuch ishlatilmadi, intrigaga o‘rin qoldirilmadi.
Ajablanarlisi, o‘yinda hisobni ochgan futbolchi Erling Holand emasdi. Bu safar Fil Foden katta sahnaga chiqdi – 22-daqiqada jarima maydoni markazidan turib burchakni aniq nishonga oldi. Ammo yetti daqiqa o‘tib Holand baribir sobiq jamoasini ranjitdi: norvegiyalik hujumchi jarima maydoni ichida yolg‘iz qoldirildi, u esa buni kechirmaydi.
Ikkinchi bo‘lim boshida Foden dublni rasmiylashtirdi – va shu bilan o‘yin taqdiri hal bo‘ldi. «Borussiya»da Valdemar Anton urgan gol hech narsaga ta’sir ko‘rsatmadi, Rayan Sherki esa qo‘shimcha daqiqalarda hisobdagi yirik farqni tikladi.
Holand «Siti»ning YeChLdagi barcha o‘yinlarida gol urmoqda. Bungacha «Napoli» (2:0), «Vilyarreal» (2:0) va «Monako» (2:2) darvozalarini ishg‘ol etgandi. U gollari sonini beshtaga yetkazib, turnir to‘purarlari ro‘yxatida Kilian Mbappe va Harri Keynga yetib oldi. (Ammo keyinroq Viktor Osimhen het-trikka erishib, ro‘yxatda birinchi o‘ringa ko‘tarildi).
Bu Holandning YeChLda 52 o‘yinda urgan 54-goli bo‘ldi. Ushbu gol mashinasi turnir tarixidagi eng yaxshi to‘purarlar ro‘yxatida to‘qqizinchi o‘rinda: Rud van Nistelroyga yetib olish uchun ikki, Tomas Myullerga yetib olish uchun esa uchta gol qolgan, o‘z zamondoshi Mbappeni olti gol farqi bilan ta’qib etmoqda (fransuz unga qaraganda 40 ta ko‘proq o‘yinda maydonga tushgan).
«Borussiya» YeChLning bu mavsumida ilk bor to‘rtta gol urolmadi. Bungacha «Yuve» bilan 4:4, «Atletik» bilan 4:1, «Kopenhagen» bilan 4:2 hisoblari qayd etilgandi.
Oldinda «Siti»ni qiyin taqvim kutmoqda: YeChLda «Bayyer»ga qarshi o‘yindan oldin APLda «Liverpul» va «Nyukasl»ga qarshi ketma-ket o‘ynash kerak bo‘ladi. «Borussiya» YeChLning keyingi turida «Vilyarreal»ni qabul qiladi.
«Inter» ham gol o‘tkazdi
«Inter» – «Qayrat» 2:1
Gollar: Martines (45), Augusto (67) — Arad (55).
«Inter»: Zommer, Bissek (Akanji, 80), De Vrey, Augusto, Dumfris, Frattezi (Suchich, 63), Barella (Chalxono‘g‘li, 71), Zelinski, Dimarko, Martines (Bonni, 46), Espozito (Tyuram, 71).
«Qayrat» Anarbekov, Mirinskiy, Shirobokov, Sorokin, Mata, Kasabulat (Sadibegov, 76), Arad (Baybek, 71), Gromko (Tapalov, 46), Jorjinio (Zariya, 76), Satpayev, Edmilson (Rikardinio, 71).
Ogohlantirishlar: Jorjinio (6), Barella (58).
«Inter» kutilganidek «Qayrat» bilan o‘yinda uch ochkoni qo‘lga kiritdi, ammo kutilganidan ko‘ra ancha qiyinchilik bilan.
Qozog‘istonliklar jamoa sardori Aleksandr Martinovichsiz o‘ynadi – u jarohatlangan. Uning o‘rniga klubning yana bir tarbiyalanuvchisi – Aleksandr Shirobokov asosiy yevrokubok bahsida maydonga tushdi.
Mehmonlar tanaffusga golsiz durangni saqlab qolgan holda yo‘l olishga yaqin edi, ammo 45-daqiqada Lautaro Martines uzoq davom etgan hujumni gol bilan yakunladi. Milanliklar oldinroq hisobni ochishi mumkin edi, ammo 19-daqiqada belgilangan penalti VAR tomonidan bekor qilindi. Videoassitentlar bu vaziyatda Yan-Aurel Bissek o‘zi Ofri Aradning oyog‘iga qoqilganini payqab qolishdi.
Aynan Arad ikkinchi bo‘lim boshida burchak zarbasidan hisobni tenglashtirdi. Bu vaqtga kelib Martines o‘yinni zaxira o‘rindig‘idan tomosha qilayotgandi – mezbonlar sardori tanaffusda zaxiraga olindi.
Murabbiyning bu qarori qimmatga tushishi mumkin edi, ammo milanliklar baribir g‘alabani ilib ketishdi: himoyachi Karlos Augusto YeChLdagi ilk golini urdi va bu gol g‘alaba keltirdi.
«Inter» to‘rt turda to‘rt g‘alabaga erishdi, ammo ilk bor gol o‘tkazdi va endi turnirda darvozasi daxlsizligini saqlab qolayotgan birgina «Arsenal» qoldi. Qolaversa, milanliklarda taqvim oson edi: inqiroz holatidagi «Ayaks» bilan 2:0, «Slaviya» bilan 3:0, «Yunion»ga qarshi 4:0 hisoblari qayd etilgan. Keyingi raqiblar esa dahshatli: «Atletiko», «Liverpul», «Arsenal» va «Borussiya».
Bu «Inter»ning barcha turnirlar doirasidagi olti o‘yinda beshinchi g‘alabasi bo‘ldi. Jamoa bu oraliqda faqat «Napoli»ga yutqazgan (1:3).
Keyingi turda «Inter» «Atletiko» maydoniga safar qiladi, undan oldin A Seriyada «Milan»ga qarshi derbi bo‘lib o‘tadi. «Qayrat» esa ichki chempionatni allaqachon yakunlagan (titulni himoya qilgan), shuning uchun buyog‘iga bor e’tiborni YeChL o‘yinlariga qaratish mumkin. Keyingi raqib – safarda «Kopenhagen» bo‘ladi.
«Qorabog‘» pley-offga chiqmoqchi
«Qorabog‘» – «Chelsi» 2:2
Gollar: Estevao, 16 (0:1). Leandru Andrade, 29 (1:1). Yankovich, 39 – penalti (2:1). Garnacho, 53 (2:2)
«Qorabog‘»: Koxalski, Mustafozoda, Medina, Jafarguliyev (Bolt, 75), Silva, Yankovich, Pedru Bikalyu, Leandru Andrade (Bayramov, 61), Zubir (Kashchuk, 75), Borjyes (Adday, 31), Duran (Oxunzoda, 61)
«Chelsi»: Sanches, Adarabioyo, Xato, Kukurelya, Jyeyms, Santos (Fernandes, 46), Lavia (Kaysedo, 8), Joao Pedro (Buonanotte, 71), Gittens (Delap, 46), Estevao, Jorj (Garnacho, 46)
Ogohlantirishlar: Silva, 47. Medina, 87 – Santos, 44. Jyeyms, 47. Kaysedo, 90
«Qorabog‘» pley-offga chiqishni va YeChLning bu mavsumdagi asosiy sensatsiyasiga aylanishni ko‘zlamoqda. Ozarboyjon klubi «Chelsi»ga qarshi o‘yinning 39-daqiqasiga kelib avval hisobni tenglashtirdi, keyin oldinga ham chiqib oldi, o‘yinning qolgan vaqtida ham londonliklarning hujumlarini muvaffaqiyat bilan qaytarib turdi. Shu kuni Mareska qator muammolarga duch keldi. O‘tkazilgan birinchi golda Xato ochiqchasiga xato qildi, o‘yin startida esa Lavia navbatdagi marta jarohat olib, safdan chiqdi. Belgiyalik ushbu futbolchi so‘nggi ikki yil ichida «Chelsi»da birorta to‘liq o‘yin o‘tkazmagan va to‘qqiz marta jarohat olgan. Shu bilan birga, murabbiy zaxiradan futbolchi tushirishda to‘g‘ri tanlov qildi va tanaffusdan keyin Jorjning o‘rniga tushgan Garnacho jamoani mag‘lubiyatdan qutqarib qoldi.
«Qorabog‘» va «Chelsi» to‘rt turdan keyin yettitadan ochko to‘plagan. Ozarboyjonliklar bungacha «Benfika» (3:2) va «Kopenhagen» (2:0) ustidan g‘alabaga erishgan. «Atletik» bilan o‘yinda ham birinchi bo‘lib gol urishgan, ammo safar o‘yini baribir mag‘lubiyat bilan tugagan (1:3). Jamoa pley-offga chiqish uchun yaxshi imkoniyat hosil qilgan.
«Qorabog‘» «Chelsi»ga qarshi o‘yinlarda ilk bor ochko qo‘lga kiritdi. 2017 yilda londonliklar juda oson g‘alabalarga erishgandi – 6:0 va 4:0. Afsonaviy Gurban Gurbanov o‘shanda ham ozarboyjonliklar jamoasini boshqarardi, o‘shanda «Chelsi» darvozasini qo‘riqlagan Villi Kabalero esa hozirda Enso Mareskaga assistentlik qilmoqda.
«Chelsi» keyingi turda «Barselona»ni qabul qiladi, «Qorabog‘» «Napoli» maydonida ochko ishlashga urinib ko‘radi.
«Nyukasl» kuchli sakkizlikda
«Nyukasl Yunayted» – «Atletik» 2:0
Gollar: Bern, 11 (1:0). Joelinton, 49 (2:0)
«Nyukasl Yunayted»: Poup, Botman, Tshau, Bern (Xoll, 65), Trippiyer, Tonali, Joelinton, Gimarayns (Mayli, 65), Gordon (Myorfi, 41), Barns (Elanga, 65), Voltemade (Remsi, 83)
«Atletik»: Simon, Vivian, Paredes, Boyro, Areso (Gorosabel, 78), Xauregisar (Sanches, 70), Rego (Ruis de Galarreta, 81), Vesga, Navarro (Serrano, 70), Berenger, Gomes (Yyerro, 78)
Ogohlantirishlar: Paredes, 57. Areso, 69
APLdagi «Nyukasl» va YeChLdagisi – turli ikki jamoa bo‘lib ko‘rinmoqda. «Qarg‘alar»ning birinchi versiyasi ichki chempionat turnir jadvalining ikkinchi qismidan ko‘tarila olmayapti, ikkinchisi esa asosiy yevrokubokda top-8 uchun harakat qilmoqda. «Sent-Jyeyms Park»dagi o‘yinda «Atletik» ham uzoq dosh bera olmadi – Trippiyer jarima zarbasidan to‘pni Bernning boshiga yetkazib berdi va hisob ochildi.
Basklar javob qaytarish uchun qattiq harakat qilishdi, vaziyatlardan birida darvoza ustuni mezbonlar joniga ora kirdi, ammo umuman olganda, o‘yin Eddi Hau shogirdlari nazoratida edi. Birinchi bo‘limda bo‘sh darvozani ishg‘ol eta olmagan Joelinton tanaffusdan keyin baribir o‘z maqsadiga erishdi. «Nyukasl» qatorasiga uchinchi g‘alabaga erishdi va oltinchi o‘ringa ko‘tarildi.
«Marsel»da alamli yakun
«Marsel» – «Atalanta» 0:1
Gol: Samarjich, 90 (0:1)
Aniq ijro etilmagan penalti: De Ketelare, 14’
«Marsel»: Ruli, Igan-Rayli (Gomesh, 79), Agerd, Pavar, Garsiya (Mmadi, 90+5), Murilio, O`Rayli, Heyberg, Payshao (Vaz, 71), Grinvud, Obameyang
«Atalanta»: Karnesekki, Jimsiti, Axanor, Kossunu (Xin, 55), Ederson, de Ron (Pashalich, 46), Dzappakosta, Bellanova, Lukman (Musa, 75), De Ketelare (Samarjich, 84), Krstovich (Skamakka, 84)
Ogohlantirishlar: O`Rayli, 67. Agerd, 90 – Ederson, 26. Kossunu, 50. Bellanova, 90
Mudofaa – «Marsel»ning kuchli tomoni emas. Lukmanning chiziqlar orasidan o‘tkazgan pasi ham buni yana bir bor eslatdi, shu uzatmaga ochilgan Krstovich esa darvozabon Ruli tomonidan yiqitildi. Ammo 11 metrlik nuqtaga yaqinlashgan De Ketelare penaltichilar kushandasi hisoblangan argentinalik posbonni alday olmadi. Ushbu darvozabon Fransiya chempionatida bu mavsum uch marta penalti qaytargan.
Ammo asosiy drama o‘yin oxirida ro‘y berdi. Avvaliga «Atalanta» himoyachisi Ederson jarima maydonida to‘pni qo‘li bilan o‘ynadi – bosh hakam Xose Sanches Martines esa bu vaziyatni inkor qildi. Darhol uyushtirilgan qarshi hujumda esa Lazar Samarjich uzoq masofadan qaytarib bo‘lmas zarba yo‘llab, bergamoliklarga g‘alaba keltirdi.
«Marsel» futbolchilari e’tiroz bildirishdi va epizod ko‘rib chiqilishini talab etishdi. Ammo hakam bu fol emas deb hisobladi. Gol inobatga olindi, De Dzerbi esa hissiyotlariga erk bergani uchun sariq kartochka oldi.
Shu tariqa, «Atalanta» navbatdagi durangdan qutulib qoldi. A Seriyada ushbu jamoa 10 turda yetti bor raqiblar bilan murosa ko‘chasini tanlagan. YeChLda esa o‘tgan turda «Slaviya» bilan o‘yinda ham hisob ochilmay qolgandi, bu safar so‘nggi daqiqlarda g‘alaba ilib ketildi.
«Marsel»da esa so‘nggi besh o‘yinda atigi bir g‘alaba bor. Holbuki jamoa unga qadar qatorasiga besh g‘alabaga erishgandi.
Keyingi turda «Marsel» uyda «Nyukasl» bilan o‘ynaydi, «Atalanta» «Ayntraxt» mehmoni bo‘ladi.
Mourinio «Benfika»ni qutqara olmayapti
«Benfika» – «Bayyer» 0:1
Gol: Shik, 65 (0:1)
«Benfika»: Trubin, Otamendi, Arauju, Dal (Dedich, 69), Eursnes, Barrenechea, Rios, Barreyru (Shelderup, 69), Sudakov (Prestianni, 69), Lukebakio, Pavlidis
«Bayyer»: Flekken, Bade, Tapsoba, Kuansa, Garsiya, Maza, Grimaldo, Artur, Echeverri (Tillman, 57), Poku (Ben Segir, 88), Kofane (Shik, 57)
Ogohlantirishlar: Lukebakio, 62. Otamendi, 78 – Maza, 41. Tapsoba, 55. Tillman, 79
«Benfika» «Bayyer»ga ham yutqazdi – Joze Mourinio olib kelinishi natijalarni yaxshilamayapti.
O‘yindagi yagona gol 65-daqiqada Patrik Shik tomonidan urildi: uning dastlabki zarbasini Anatoliy Trubin qaytargandi, ammo chexiyalik hujumchi qaytgan to‘pni baribir bosh bilan darvoza to‘riga yo‘lladi.
Portugallar juda ko‘p vaziyatlardan foydalana olmadi: zarbalar bo‘yicha 19:6, darvoza sohasiga to‘g‘ri borgan zarbalar bo‘yicha 6:2.
«Benfika» YeChLning to‘rt o‘yinida to‘rt bor mag‘lub bo‘ldi. Holbuki jamoa «Nyukasl»dan uchralgan 0:3 hisobidagi mag‘lubiyatdan keyin o‘ziga kelgandek ko‘ringandi: ichki chempionatda ikki o‘yinda jami 8:0 hisobida g‘alabaga erishildi, kubok o‘yinida ham 3:0 hisobida yirik g‘alaba qayd etildi. Ammo Joze Mourinioning sehri yevrokubokda ishlamayapti. «Benfika» «Ayaks» bilan birga birorta ochko to‘plamagan ikki jamoadan biri bo‘lib turibdi.
«Bayyer» esa chempionatda «Bavariya»dan uchralgan 0:3 hisobidagi mag‘lubiyatdan keyin aybini yuvdi. Bu YeChLdagi ilk g‘alaba bo‘ldi, bungacha «Kopenhagen» va PSV bilan durang o‘ynalgan, «PSJ»dan 2:7 hisobidagi og‘riqli zarba qabul qilib olingandi.
Keyingi turda «Benfika» va «Ayaks» ilk ochkolar uchun bahs olib boradi, «Bayyer» – «Manchester Siti» mehmoni bo‘ladi.
«Ayaks» tubda
«Ayaks» – «Galatasaroy» 0:3
Gollar: Osimhen, 59 (0:1). Osimhen, 66 – penalti (0:2). Osimhen, 78 – penalti (0:3)
«Ayaks»: Pasver, Bas, Shutalo, Vayndal (Alders, 46), Goei, Reger (Fits-Djim, 70), Mokio (Makkonnell, 79), Klassen, Glux, Gods (Bunida, 70), Veghorst
«Galatasaroy»: Ugurjan Chaqir, Sanches, Abdulkarim Bardakchi, Yakobs (Eren Elmali, 86), Singo, Torreyra (Berkan Kutlu, 89), Lemina (Kaan Oyxon, 86), Sara (Barish Yilmaz, 46), Sane, Sholloi, Osimhen (Ikardi, 81)
Ogohlantirishlar: Mokio, 4. Goei, 38. Klassen, 75. Makkonnell, 85
«Ayaks» uyda «Galatasaroy»ga yutqazdi – 0:3. Bu kun Viktor Osimhenga ataldi.
Turklar butun o‘yin davomida hujumkor o‘yin namoyish etib, golli vaziyatlar yaratishdi, ikkinchi bo‘limda ustunlikni gollarga aylantirishdi.
59-daqiqada Osimhen Leroy Sanening uzatmasini golga aylantirdi. Yetti daqiqa o‘tib raqib qo‘liga to‘p tekkani uchun belgilangan penaltini aniq ijro etdi. Ko‘p o‘tmay ikkinchi bor 11 metrlik zarbani golga aylantirdi, qo‘shimcha daqiqalarda pokerga erishishi ham mumkin edi, ammo darvoza ustuni bunga xalaqit qildi.
Osimhen gollari sonini oltitaga yetkazib (yarmi penaltidan) YeChL to‘purarlar poygasi peshqadamiga aylanib oldi. U Holand, Mbappe va Keyn kabi hujumchilarni ortda qoldirmoqda.
«Galatasaroy»ning ishlari yaxshi ketmoqda: chempionatning ortda qolgan 11 turini mag‘lubiyatsiz o‘tkazdi, mavsum boshidan buyon faqat YeChL birinchi turida «Ayntraxt»ga yutqazgan (1:5). Endi esa turnirda uch g‘alabadan iborat seriya qayd etmoqda: bungacha «Liverpul» va «Bude Glimt» ham taslim etilgandi.
«Ayaks» esa chuqur inqiroz holatida. Amsterdamliklar so‘nggi 10 o‘yinda faqat ikki g‘alabaga erishgan. YeChL turnir jadvalida eng oxirgi o‘rinda joylashgan: to‘rt mag‘lubiyat va 1:13 ko‘rinishidagi to‘plar nisbati. Jon Heytinganing iste’fosi yaqin.
Keyingi turni jamoalar o‘z uyida o‘tkazadi – «Ayaks» o‘zi kabi birorta ochko to‘plamagan «Benfika»ni, «Galatasaroy» – «Yunion»ni mehmon qiladi.
Kiprliklarda ilk g‘alaba
«Pafos» – «Vilyarreal» 1:0
Gol: Lyukkassen, 46 (1:0)
«Pafos»: Mixail, David Luiz, Lyukkassen, Sema (Pileas, 72), Brunu, Goldar, Pepe (Jaja, 78), Shunich, Kina (Langa, 87), Orshich (Anderson Silva, 78), Dragomir
«Vilyarreal»: Luis Junior, Foyt, Veyga, Kardona (Pedrasa, 63), Mourinio, Parexo (Komesanya, 63), Geyye, Moleyro (Solomon, 56), N. Pepe, Mikautadze (Oluvaseyi, 56), Peres (Moreno, 63)
Ogohlantirishlar: Lyukkassen, 69 – Veyga, 76. Gey, 90
Kiprdagi o‘yinning birinchi bo‘limiad mahalliy «Pafos» klubi «Vilyarreal»ning hujumlariga matonat bilan bardosh berdi, ikkinchi bo‘lim esa Lyukassenning burchakdan oshirilgan to‘pni darvozaga yo‘llashi bilan boshlandi.
Ispanlar esa darvoza sohasi tomon to‘g‘ri borgan besh zarbadan bitta ham gol ura olmadi, mezbonlar darvozaboni, yuzida maxsus niqob bilan tushgan Neofitos Mixail Geyyening yaqin masofadan yo‘llagan zarbasini ham qaytardi, qolgan vaziyatlarda 38 yoshli David Luis boshchiligidagi mudofaa ishonchli harakat qildi.
Shu tariqa, bu mavsum YeChLda debyut qilayotgan «Pafos» tarixiy g‘alabadan keyin ochkolari sonini beshtaga yetkazib oldi. «Vilyarreal» esa to‘rt o‘yinda atigi bir ochko bilan kifoyalangan.
Keyingi turda «Vilyarreal» «Borussiya» mehmoni bo‘ladi, «Pafos» «Monako»ni qabul qiladi.
Umumiy jadval:
O‘zbekistonlik tennischi Fransiya ochiq chempionatining birinchi bosqichidan muvaffaqiyatli o‘tdi.
Jahon tasnif jadvalida 89-pog‘onani egallab turgan tennischi Kamilla Rahimova «Rolan Garros» turnirida birinchi bosqich o‘yinini o‘tkazdi. Ruminiyalik Kristian Jaklinga (33-reyting) qarshi kortga chiqqan o‘zbekistonlik sportchi 3 set (6:3, 4:6, 6:4) davom etgan o‘yinda g‘alabaga erishdi. Rahimova ikkinchi davra bahsini chexiyalik Karolina Muxovaga qarshi o‘tkazadi.
«Katta dubulg‘a» turnirlariga kiruvchi «Rolan Garros» (Tennis bo‘yicha Fransiya ochiq chempionati) 24 maydan 7 iyungacha Parijdagi Stade Roland Garros grunt kortlarida bo‘lib o‘tadi. Musobaqa sovrin jamg‘armasi — taxminan 61,7 million yevro. 2025 yilda erkaklar o‘rtasidagi bahslarda ispaniyalik Karlos Alkaras, ayollar o‘rtasidagi bahslarda amerikalik Koko Gauff g‘alaba qozongan edi.
Asli rossiyalik bo‘lgan Kamilla Rahimova 2025 yil dekabr oyida sport fuqaroligini o‘zgartirib, xalqaro musobaqalarda O‘zbekiston bayrog‘i ostida ishtirok etishni boshladi.
Milliy jamoa Toshkent xalqaro aeroportida / Foto: O‘FA
Futbol bo‘yicha O‘zbekiston milliy jamoasi 26 may tongida Toshkent – Nyu York reysi bilan o‘z tarixidagi ilk jahon chempionatida ishtirok etish uchun AQShga uchib ketdi.
Bosh murabbiy Fabio Kannavaro chempionatga 30 nafar futbolchini olib ketmoqda, yakuniy ro‘yxatga ulardan 26 nafari kiritiladi.
Uzbekistan Airways jamoa uchun Boeing 787 Dreamliner samolyotini “Olg‘a O‘zbekiston”, “ko‘k bo‘rilar” kabi yozuvlar tushirilgan maxsus livreya bilan jihozladi.
22 may kuni “Bunyodkor” stadionida prezident Shavkat Mirziyoyev jamoa a’zolari bilan uchrashib, ularga muvaffaqiyat tiladi; ilk mundial sharafiga bayramona tadbir tashkil etildi.
O‘zbekiston JChdagi birinchi o‘yinini 17 iyunda (Toshkent vaqti bilan 18 iyun tongida) Mexiko shahrida Kolumbiyaga qarshi o‘tkazadi.
Sport
O‘zbekiston terma jamoasi futbol bo‘yicha jahon chempionatida ishtirok etish uchun AQShga uchib ketdi (foto)
O‘zbekistonning futbol bo‘yicha milliy terma jamoasi FIFA jahon chempionatida ishtirok etish uchun AQShga uchib ketdi.
Eslatib o‘tamiz, 2026 yilgi jahon chempionati AQSh, Meksika va Kanada hududida o‘tkaziladi.
Kannavaro boshchiligidagi jamoa 1 iyun kuni Kanadaga qarshi o‘rtoqlik uchrashuvi o‘tkazadi, 8 iyunda esa Niderlandiya bilan bahs olib boradi.
«Oq bo‘rilar»ning jahon chempionatidagi ishtiroki esa Meksikadagi o‘yindan boshlanadi. Jamoa 18 iyun kuni Kolumbiyaga qarshi birinchi uchrashuvini Mexikodagi «Atsteka» stadionida o‘tkazadi.
23 iyun kuni jamoa Portugaliya terma jamoasiga qarshi maydonga tushadi. Bahs AQShning Xyuston shahridagi stadionida bo‘lib o‘tadi.
Guruh bosqichidagi so‘nggi o‘yin 28 iyun kuni Atlantadagi stadionda Kongo Demokratik Respublikasiga qarshi o‘tkaziladi.
Avvalroq, Kongo terma jamoasi Ebola virusi tarqalganligi sababli Belgiyada karantin muddatini o‘tab, keyin AQShga kelishi talab etilgan, aks holda jamoa jahon chempionatidan chetlatilishi mumkinligi ma’lum qilingandi.
APLda yakshanba kuni o‘tkazilgan so‘nggi tur o‘yinlaridan keyin qaysi jamoalar qaysi yevrokuboklarda ishtirok etishi va qaysi jamoalar chempionshipga tushib ketishi aniq bo‘ldi. Bundan tashqari, shu kuni «Siti» va «Liverpul» o‘z afsonalari bilan xayrlashdi.
«Arsenal» g‘alaba bilan yakunladi
«Kristal Pelas» – «Arsenal» 1:2
Gollar: Jyezus, 42 (0:1), Madueke, 48 (0:2), Mateta, 89 (1:2).
Muddatidan oldin chempion bo‘lib ulgurgan «Arsenal» natijasi o‘zi uchun hech qanday ahamiyatga ega bo‘lmagan o‘yinda ikkinchi tarkibni tushirib, g‘alaba qozondi. «Kristal Pelas» ham shu kuni aralash tarkibda o‘ynadi: jamoa uch kun o‘tib Konferensiyalar ligasi finalida «Rayo Valekano»ga qarshi o‘yin o‘tkazadi. O‘yinning 42-daqiqasida Gabriel Jyezus «Arsenal»ni hisobda oldinga olib chiqdi. Ikkinchi bo‘lim boshida Madueke burchak zarbasidan keyin ikkinchi golni urdi. Barcha o‘yin yakunini kutayotganida «Pelas» oldinga o‘tdi va 89-daqiqada Jan-Filipp Mateta hisobni qisqatirdi. O‘yinga qo‘shib berilgan daqiqalarda mezbonlar hisobni tenglashtirishgandi, ammo Pinoning goli Evann Gessandagi ofsayd tufayli bekor qilindi.
O‘yindan keyin esa chempionlar oltin medallarni va kubokni qabul qilib olishdi hamda 22 yil kutilgan chempionlikni yorqin nishonlashdi.
«Siti» «Bornmut»ni YeChLsiz qoldirdi
«Manchester Siti» – «Aston Villa» 1:2
Gollar: Semenyo, 23 (1:0). Uotkins, 47 (1:1). Uotkins, 61 (1:2)
«Manchester Siti»: Trafford, Ruben Diash, Stouns (Ayt Nuri, 77), Ake (Gvardiol, 77), Lyuis, Gonsales, Bernardu Silva (Kovachich, 59), Savio, Semenyo (Sherki, 58), Reynders (Doku, 77), Foden
«Aston Villa»: Bizot, Lindelyof (Pau Torres, 74), Mings, Matsen, Garsiya (Kesh, 46), Duglas Luis (Tilemans, 74), Bogard (Onana, 74), Barkli (Makginn, 86), Buendiya, Beyli, Uotkins
Ogohlantirish: Lyuis, 82
«Liverpul» – «Brentford» 1:1
Gollar: Jons, 58 (1:0). Shade, 64 (1:1)
«Liverpul»: Alisson, van Deyk, Konate (Gomes, 89), Roberson (Kerkez, 83), Jons, Makallister, Gravenberh (Nioni, 83), Soboslai, Ngumoha (Virs, 73), Saloh (Frimpong, 74), Gakpo
«Brentford»: Kelleher, van der Berg, Kollinz, Lyuis-Potter (Nelson, 89), Kayode, Henderson (Hiki, 60), Yanelt, Yyensen (Damsgor, 83), Shade, Uattara, Tiago
Ogohlantirishlar: Konate, 79. Makallister, 90 – Yanelt, 90. Kollinz, 90
Manchesterning ko‘k tomoni va Liverpulning qizil tomoni afsonalarini kuzatishdi. Xosep Gvardiola, Bernardu Silva, Jon Stounz, Endi Roberson va Muhammad Saloh endi «Siti» va «Liverpul» liboslarida boshqa o‘ynashmaydi. Lekin har ikki jamoa ham xayrlashuv uchrashuvlarini g‘alaba bilan yakunlay olishmadi.
«Manchester Siti» «Aston Villa»ga qarshi o‘yinda dastlab Semenyoning goli orqali hisobni ochganiga qaramay, ikkinchi bo‘limda Uotkinsning o‘zidan ikkita gol o‘tkazib yubordi. O‘yin oxirlarida Fodenning hisobni tenglashtiruvchi goli inobatga olinmadi va «shaharliklar» mavsumni mag‘lubiyat bilan yakunlaydigan bo‘lishdi. Shu bilan birga, jamoa bu orqali o‘zini chempionlik poygasidan chiqarib yuborgan «Bornmut»dan o‘ziga xos tarzda qasos olishdi. «Aston Villa»ning g‘alabasi Andoni Iraola shogirdlarini YeChL yo‘llanmasidan mahrum etdi.
«Liverpul» esa uyda «Brentford» bilan durang (1:1) o‘ynadi va keyingi mavsum YeChLda ishtirok etadigan bo‘ldi. O‘yinning birinchi bo‘limida hisob ochilmadi, ikkinchi bo‘lim boshida esa shu kuni klub safida so‘nggi o‘yinini o‘tkazayotgan Muhammad Saloh Jonsga assistentlik qilib, yana bir klub rekordini o‘rnatdi – u APL o‘yinlaridagi golli paslari sonini 93 taga yetkazib, bu borada Stiven Jyerrardning natijasini yaxshiladi. Mezbonlar g‘alabani saqlab qola olishmadi: Kevin Shade biroz o‘tib hisobni tenglashtirdi, qolgan daqiqalarda mersisaydliklar sobiq darvozaboni Kelleherga boshqa gol ura olishmadi.
O‘yin oxirlarida Saloh va Roberson «Enfild»da yig‘ilgan muxlislarning olqishlari ostida zaxiraga olindi.
Fernandeshda rekord
«Brayton» – «Manchester Yunayted» 0:3
Gollar: Dorgu, 33 (0:1). Mbemo, 44 (0:2). Brunu Fernandesh, 48 (0:3)
«Brayton»: Verbryuggen, Dank, van Hekke, Ferdi Kadio‘g‘li, Viffer, Milner (Baleba, 59), Gros, Hinshelvud (Ryutter, 74), De Keyper (Minte, 46), Gomes (March, 59), Uelbek (Kostulas, 59)
«Manchester Yunayted»: Lammens, Maguayr, Martines, Shou (Malasia, 82), Mazraviy (Yoro, 74), Maunt (Fletcher, 74), Maynu, Brunu Fernandesh, Dorgu (Leysi, 62), Diallo, Mbemo (Zirkze, 74)
Ogohlantirishlar: Maynu, 45
«MYu» allaqachon uchinchi o‘rinni kafolatlagandi va «Brayton»ga qarshi o‘yin oldidan jamoa uchun bitta intriga bor edi – jamoa sardori Brunu Fernandesh APL tarixidagi eng yaxshi assistentga aylanadimi? Va bu maqsadga erishildi: portugaliyalik yarimhimoyachi birinchi bo‘limdayoq Dorguning goliga uzatma berdi va bu mavsumdagi golli uzatmalari sonini 21 taga yetkazib, APL rekordchisiga aylandi. U ikkinchi bo‘limda o‘z nomiga ham gol yozdirib qo‘yib, Angliya chempionatidagi golli harakatlar soni (143) bo‘yicha Devid Bekhemni ortda qoldirdi. Shu ritmda davom etadigan bo‘lsa, Brunu keyingi mavsumda Pol Skoulzni (162) ortda qoldirib, uchinchi o‘ringa ko‘tarilishi ham mumkin. Ammo unga Ueyn Runi (276) va Rayan Giggzga (271) yaqinlashib olish uchun ham ko‘p yillar kerak bo‘ladi.
«Brayton» esa bu mag‘lubiyatdan keyin turnir jadvalida «Sanderlend»ni oldinga o‘tkazib yubordi va keyingi mavsumda Yevropa Ligasida emas, Konferensiyalar ligasida qatnashadigan bo‘ldi.
«Chelsi» 10-o‘rinda
«Sanderlend» – «Chelsi» 2:1
Gollar: Hyum, 25 (1:0). Gyusto, 50 – avtogol (2:0). Palmer, 56 (2:1)
«Sanderlend»: Rufs, O`Nayyen, Mukiyele, Mandava, Gertreyda, Sadiki, Jaka, Le Fe (Rigg, 90), Angulo (Diarra, 61), Hyum, Brobbi (Izidor, 61)
«Chelsi»: Sanches, Kolvill, Xato (Jyeyms, 53), Fofana, Fernandes, Kaysedo (Achimpong, 85), Kukurelya, Gyusto (Delap, 85), Palmer, Pedru Netu (Chaloba, 65), Joao Pedro
Ogohlantirishlar: Angulo, 42. Gertreyda, 52. Jaka, 73. Diarra, 81. Sadiki, 89 – Fofana, 54. Fernandes, 69. Joao Pedro, 90. Palmer, 90
Chetlatish: Fofana, 62 (ikkinchi sariq)
Shu kuni yevrokuboklar yo‘llanmasini qo‘lga kiritgan yana bir baxtiyor jamoa – chempionshipdan chiqqan «Sanderlend» bo‘ldi. «Qora mushuklar» o‘zaro bahsda «Chelsi»ni mag‘lub etgan holda, o‘z tarixidagi eng yaxshi natijani qayd etdi va yettinchi o‘rin bilan Yevropa ligasida qatnashadigan bo‘ldi.
O‘tgan mavsumda Konferensiyalar ligasida va klublar o‘rtasidagi jahon chempionatida g‘olib bo‘lgan londonliklar esa bu mavsumni APLda 10-o‘rin bilan yakunlab, keyingi mavsumda hech qaysi yevrokubokda qatnashmaydigan bo‘ldi. Bu bir tomondan yozda jamoani qabul qilib oladigan Habi Alonso uchun ayni muddao. U«Stemford Brij»da o‘z o‘yinini qurish uchun ideal sharoitga ega bo‘ladi.
«Tottenhem» APLda qoldi
«Tottenhem Hotspur» – «Everton» 1:0
Gol: Palinya, 43 (1:0)
«Tottenhem Hotspur»: Kinski, Danso, van de Ven, Udodji (Dregushin, 90), Porro, Palinya, Bentankur (Meddison, 82), Gallaher (Grey, 82), Tel (Sarr, 73), Spens, Risharlison (Kolo Muani, 73)
«Everton»: Pikford, Kin, Tarkovski, Mikolenko, O`Brayyen (Armstrong, 62), Garner, Iroegbunam (Koulman, 84), Ndiay, Dyusberi-Holl (Alkaras, 84), Rel (Jorj, 62), Barri (Betu, 84)
Ogohlantirishlar: Sarr, 80. Palinya, 87 – O`Brayyen, 13. Tarkovski, 89
«Vest Hem» – «Lids» 3:0
Gollar: Kastelyanos, 67 (1:0). Bouen, 79 (2:0). Uilson, 90 (3:0)
«Vest Hem»: Hermansen, Disasi, Mavropanos, Diuf, Uoker-Piters, Fernandesh, Souchek, Pablo (Uilson, 46), Sammervill, Bouen, Kastelyanos (Kante, 88)
«Lids»: Darlou, Biyol (Jyeyms, 70), Streyk, Rodon, Ampadu, Aaronson (Bornau, 90), Tanaka (Buonanotte, 78), Jastin, Bogl (Piru, 78), Kalvert-Lyuin (Nionto, 69), Nmecha
Ogohlantirishlar: Biyol, 10. Aaronson, 25. Ampadu, 88
Bir yil muqaddam ham chempionatni muvaffaqiyatsiz o‘tkazgan «Tottenhem» Yevropa Ligasida g‘olib chiqqan va YeChLga yo‘llanma olgandi. Bu safar so‘nggi turda Joau Palinyaning yagona goli «shporlar» joniga ora kirdi. Roberto De Dzerbi qatorasiga ikkinchi mavsumda turnir jadvalida 17-o‘rinni egalladi va ligada jon saqlab qoldi. «Vest Hem» esa so‘nggi turda «Lids» ustidan yirik hisobda g‘alaba qozonganiga qaramay, «Byornli» va «Vulverhempton» bilan birga chempionshipga tushib ketdi. «Bolg‘achilar» 39 ochko jamg‘arishdi, bu esa so‘nggi 15 yillikda 18-o‘rin egalari uchun maksimal ko‘rsatkichdir. Oxirgi bor bu qadar ko‘p ochko jamg‘arib ham ligani tark etgan jamoalar «Birminghem» va «Blekpul» bo‘lgandi.
Yakuniy turnir jadvali
Sport
O‘zbekiston milliy terma jamoasining jahon chempionatida ishtirok etuvchi tarkibi e’lon qilindi
Milliy terma jamoa 26 may kuni AQShga yo‘l oladi.
Futbol bo‘yicha O‘zbekiston milliy terma jamoasi bosh murabbiyi Fabio Kannavaro Jahon chempionatida ishtirok etuvchi 30 nafardan iborat futbolchilarning ro‘yxatini e’lon qildi.
Tarkib quyidagicha ko‘rinish oldi:
Darvozabonlar: O‘tkir Yusupov (“Navbahor”), Botirali Ergashev (“Neftchi”), Abduvohid Ne’matov (“Nasaf”).
Himoyachilar: Avazbek O‘lmasaliyev (OKMK), Jahongir O‘rozov (“Dinamo”), Rustam Ashurmatov (“Istiqlol”, Eron), Umar Eshmurodov (“Nasaf”), Abduqodir Husanov (“Manchester Siti”, Angliya), Abdulla Abdullayev (“Dibba”, BAA), Farruh Sayfiyev (“Neftchi”), Hojiakbar Alijonov (“Paxtakor”), Sherzod Nasrullayev (“Paxtakor”), Behruz Karimov (“Surxon”)
Yarim himoyachilar: Sherzod Esanov (“Buxoro”), Odil Hamrobekov (“Traktor”, Eron), Akmal Mozgovoy (“Paxtakor”), Otabek Shukurov (“Baniyas”, BAA), Jamshid Iskanderov (“Neftchi”), Jasur Jaloliddinov (“So‘g‘diyona”), Aziz G‘aniyev (“Al Batayeh”, BAA), Umarali Rahmonaliyev (Sabah, Ozarbayjon)
Hujumchilar: Abbos Fayzullayev (“Istanbul Boshoqshehir”, Turkiya), Jaloliddin Masharipov (“Istiqlol”, Eron), Doston Hamdamov (“Paxtakor”), Oston O‘runov (“Persepolis”, Eron), Ruslan Jiyanov (“Navbahor”), Aziz Amonov (“Dinamo”), Sherzod Temirov (“Erbil”, Iroq), Igor Sergeyev (“Persepolis”, Eron), Eldor Shomurodov (“Istanbul Boshoqshehir”, Turkiya)
Jamoamiz 26 may kuni tongda Toshkent – Nyu-York yo‘nalishi bo‘yicha Amerika Qo‘shma Shtatlariga yo‘l oladi.
turk tadbirkorining Shveytsariya bankiga qarshi moliyaviy urushi
Namanganda YPX inspektorini urib ketib, o‘limiga sababchi bo‘lgan haydovchi 6 yilga qamaldi
Gaz va elektr energiyasi uchun oldindan to‘lov qilinganda 2 oy eski tariflar amal qiladi
-
Mahalliy4 days ago
Yoshlar umrini sotgan jinoyatchilar qo‘lga olindi
-
Mahalliy4 days ago
Prezident davlat boshqaruvidagi eng yaxshi kadrlarni e’tirof etdi
-
Siyosat5 days ago
Shavkat Mirziyoyev YeXHT bosh kotibini qabul qildi
-
Jamiyat5 days ago
Kontent markazida «Yurt qayg‘usida 365 kun» nomli kitob taqdimoti bo‘lib o‘tdi
-
Mahalliy2 days agoSizni maktabda aldashgan! So‘nggi qo‘ng‘iroq haqida siz bilmagan haqiqat
-
Dunyodan3 days agoPrezident Trampning Gʻazo boʻyicha 15 banddan iborat rejasi eʼlon qilindi
-
Iqtisodiyot4 days ago
O‘zbekistonda har 100 ta uyga nechta kompyuter to‘g‘ri kelishi ma’lum bo‘ldi
-
Iqtisodiyot5 days ago
O‘zbekistonda IPO investorlari huquqini himoya qilish bo‘yicha qonun ishlab chiqilmoqda