Sport
«Paxtakor» va «Buxoro» o‘yinidagi bahsli vaziyatlar yuzasidan izoh berildi
O‘zbekiston futbol hakamlari markazi ekspertlari o‘yinni boshqargan hakam 75-daqiqada «Paxtakor» futbolchisiga qizil kartochka ko‘rsatmay, xato qilganini qayd etdi, o‘yin oxirida buxoroliklar urgan gol ofsayd tufayli bekor qilinganini to‘g‘ri qaror deb topdi.
29 oktyabr kuni O‘zbekiston kubogi uchun «Paxtakor» va «Buxoro» jamoalari o‘rtasida kechgan bahs mojaro bilan tugadi. O‘yinda toshkenliklar klubi futbolchisi Hojimat Erkinov 63-daqiqada urgan gol yagonaligini saqlab qoldi va «Paxtakor» o‘z tarixida 14-marta O‘zbekiston kubogini qo‘lga kiritdi.
Ijtimoiy tarmoqlarda ko‘pchilik hakamlar o‘yinni Toshkent klubi foydasiga noxolis boshqargani haqida yozishdi, «Buxoro» klubi hujumchisi Toma Tabatadze esa finaldan so‘ng hakamlarga «pul» ishorasini qilib, ularni o‘yinni sotganlikda aybladi.
O‘yindagi ikki epizod bahslarga sabab bo‘ldi.
O‘yinning 75-daqiqasida, hisob Toshkent jamoasi foydasiga 1:0 bo‘lib turganida ushbu jamoa futbolchisi Bashar Resan raqibining oyog‘iga butsasining ostki qismi bilan zarba berdi, o‘yinni boshqargan hakam Naim Qosimov esa bu holat uchun sariq kartochka ko‘rsatish bilan kifoyalandi.
VAR’dagi hakamlar uni vaziyatni qaytadan ko‘rib chiqish uchun monitor qarshisiga chaqirishgan, u esa videotakrordan keyin ham qarorini o‘zgartirmagan.
O‘yinga qo‘shib berilgan daqiqalarda esa buxoroliklar hisobni tenglashtirishdi, bosh hakam avvaliga golni inobatga olib, maydon markazini ko‘rsatdi. Ammo VAR xonasidagilar uni yana bir bor monitor qarshisiga chaqirishdi, u esa bu safar dastlabki qarorini o‘zgartirib, ofsayd holatini qayd etdi va gol bekor qilindi.
Natijada «Paxtakor» g‘alabali hisobni saqlab qoldi.
O‘zbekiston futbol hakamlarini markazi (O‘zFHM) uchrashuv yakunlangach, bahsli epizodlar bo‘yicha xulosa berdi.
Unga ko‘ra, Naim Qosimov birinchi epizod bo‘yicha xatoga yo‘l qo‘ygan, referi 75-daqiqada «Paxtakor» futbolchisi Bashar Resanni jiddiy qo‘pollik uchun to‘g‘ridan to‘g‘ri qizil kartochka ko‘rsatgan holda maydondan chetlatishi kerak edi.
O‘z navbatida, VAR aralashuvidan keyin «Buxoro»ning 90+3-daqiqada urgan goli inobatga olinmagani to‘g‘ri qaror deb topilgan. Qayd etilishicha, ushbu holatda «Buxoro»ning birto‘la ikki futbolchisi o‘yindan tashqari holatda bo‘lgan.
«VAR tekshiruvi natijasiga ko‘ra, birinchi holatda „Buxoro“ning 93-raqamli futbolchisi (Marko Kolakovich) ofsayd holatida bo‘lgan, ikkinchi vaziyatda esa 22-raqamli futbolchi (Toma Tabatadze) ham o‘yindan tashqari holatda bo‘lgan. Shu sababli ushbu futbolchilar hujum epizodida faol ishtirok etgani sababli golni inobatga olmadi.
Quyidagi suratda vaziyatning ofsayd chizig‘i aniq ko‘rinmoqda – „Buxoro“ futbolchisi himoyachidan oldinda joylashgan», – deyiladi xabarda.
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Portugaliyalik hujumchi Krishtianu Ronaldu otasi vafot etgan argentinalik futbolchi Lionel Messini qo‘llab-quvvatladi. U Messining Instagram sahifasidagi posti ostida izoh qoldirdi.
«Bu qiyin damlarda siz va yaqinlaringizni mahkam quchgan holda chuqur hamdardlik bildiraman, Leo. Bardoshli bo‘ling», deb yozgan Ronaldu.
Avval Messi «Inter Mayami»dagi o‘yinchilik faoliyatini to‘xtatgani e’lon qilingan edi. U oilasi va do‘stlarini qo‘llab-quvvatlash uchun Argentinada qoldi.
Xorxe Messi 8-avgust kuni 68 yoshida vafot etdi. U uzoq davom etgan og‘ir kasallikdan so‘ng olamdan o‘tdi. Ko‘p yillar davomida argentinalik futbolchining otasi o‘z o‘g‘lining faoliyatida muhim o‘rin tutardi.
Amazon asoschisi Jeff Bezos professional sportga sarmoya kiritish niyatida. The Guardian nashrining xabar berishicha, tadbirkor boshqa investorlar bilan birgalikda Angliyaning «Liverpul» futbol klubining kamida 30 foiz ulushini sotib olishni ko‘rib chiqmoqda. Kelishuv 1,35 milliard funt sterling yoki taxminan 1,8 milliard dollarga teng bo‘lishi mumkin.
«Liverpul» taxminan 6 milliard dollarga baholanadi va dunyodagi eng taniqli sport brendlaridan biri bo‘lib qolmoqda. Bezosning qiziqishi kengroq tendensiyaga mos keladi: badavlat amerikalik investorlar Angliya futbol klublarida faol ravishda ulushlarni sotib olmoqdalar. Amerikalik aksiyadorlar allaqachon «Chelsi», «Kristal Pelas», «Everton» va «Bornmut» kabi 20 ta Premer-liga jamoalaridan 13 tasiga egalik qilishadi.
Agar kelishuv amalga oshsa, Bezos ingliz futboliga faol ravishda sarmoya kiriyotgan amerikalik milliarderlar safiga qo‘shiladi.
Investorlar uchun ingliz futbolining jozibadorligi qisman sportning Qo‘shma Shtatlarda tobora ommalashib borayotgani bilan bog‘liq. Shu bilan birga, yetakchi Amerika sport franshizalari ko‘pincha yangi investorlar uchun juda qimmat yoki cheklangan, ingliz klubidagi ulush esa global auditoriyaga va eng tijorat jihatidan jozibador sport bozorlaridan biriga kirish imkonini beradi.
Rossiyalik shaxmatchilar O‘zbekistonda o‘tkaziladigan Olimpiadada qatnashmaydi
Ўзбекистон ва Озарбайжон раҳбарлари Бухоронинг машҳур обидаларини зиёрат қилдилар (фото)
Shavkat Mirziyoyev AQSh kongressmenlari delegatsiyasini qabul qildi
-
Iqtisodiyot5 days ago
O‘zbekiston qaysi davlatlarga ko‘proq eksport qilmoqda?
-
Siyosat23 hours ago
Илҳом Алиев Тошкентда тантанали кутиб олинди
-
Mahalliy3 days ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Iqtisodiyot2 days ago
O‘zbekistonda kiyim ishlab chiqarish bo‘yicha qaysi hududlar yetakchi?
-
Siyosat2 days ago
To‘qayev prezidentlikka qayta nomzod qo‘yishi haqidagi savolga javob berdi
-
Iqtisodiyot4 days ago
Yangi boshlayotgan tadbirkorlar 5 mlrd so‘mgacha kreditni onlayn rasmiylashtirishi mumkin
-
Jamiyat3 days ago
O‘zbekistonda endi uylarni «rassrochka»ga olib bo‘lmaydimi?
-
Siyosat4 days ago
Ilhom Aliyev davlat tashrifi bilan O‘zbekistonga keladi