Siyosat
“O‘zbekistonga doir va’damizni amalda bajardik”
Bugun, 24-oktyabr kuni Bryussel shahrida O‘zbekiston prezidenti Shavkat Mirziyoyev, Yevropa kengashi prezidenti Antoniu Koshta va Yevropa komissiyasi prezidenti Ursula fon der Lyayen ishtirokida O‘zbekiston Respublikasi bilan Yevropa Ittifoqi o‘rtasida Kengaytirilgan sheriklik va hamkorlik to‘g‘risidagi bitimni (EPCA – Enhanced Partnership and Cooperation Agreement) imzolashga bag‘ishlangan tantanali marosim bo‘lib o‘tdi.
Hujjatga Yevropa Ittifoqining tashqi ishlar va xavfsizlik siyosati bo‘yicha oliy vakili / Yevropa komissiyasi vitse-prezidenti Kaya Kallas hamda O‘zbekiston tashqi ishlar vaziri Baxtiyor Saidov imzo chekdi.
Yevropa komissiyasi matbuot xizmati xabariga ko‘ra, ushbu hodisa 2025-yil 4-aprel kuni Samarqandda bo‘lib o‘tgan Yevropa Ittifoqi – Markaziy Osiyo sammitidan so‘ng mintaqaviy aloqalarning yangi strategik hamkorlik darajasiga ko‘tarilgani va ularning yanada chuqurlashganining ifodasidir.
YeI rahbariyati yangi bitim ikki tomonlama munosabatlarda muhim o‘rin tutishini ta’kidlamoqda.
“Samarqandda biz Markaziy Osiyo mamlakatlari bilan aloqalarni chuqurlashtirishga va’da bergandik. Bugun esa biz O‘zbekiston bilan uzoq yillik hamkorligimizni yanada mustahkamlab ushbu va’dani amalda bajarmoqdamiz. Kengaytirilgan hamkorlik va sheriklik to‘g‘risidagi bitim O‘zbekiston va Yevropa Ittifoqiga o‘rtasida fuqarolarimizning o‘zaro manfaatlari uchun birgalikda ishlashga asos yaratadi. Bu allaqachon mustahkam bo‘lgan sheriklikni yanada mustahkamlash onidir”, – deydi Yevropa komissiyasi prezidenti Ursula fon der Lyayen.
“Biz O‘zbekistonni Markaziy Osiyodagi strategik hamkorlarimiz qatorida ko‘rishdan mamnunmiz. Kengaytirilgan hamkorlik va sheriklik to‘g‘risidagi bitim bizning umumiy qadriyatlar va manfaatlarga asoslangan munosabatlarni chuqurlashtirishga, murakkab geosiyosiy sharoit va iqtisodiy haqiqatlarga moslashishga bo‘lgan qo‘shma intilishimizni namoyon etadi. Biz O‘zbekiston bilan inson huquqlari va asosiy erkinliklarni himoya qilishni ilgari surish, fuqarolik jamiyati ishtirokini va ochiq demokratik jamiyatni qo‘llab-quvvatlashni sherikligimizning asosiy unsurlari sifatida targ‘ib etish yo‘lida hamkorlikni davom ettiramiz”, – deydi YeIning tashqi ishlar va xavfsizlik siyosati bo‘yicha oliy vakili Kaya Kallas.
“Kengaytirilgan hamkorlik va sheriklik to‘g‘risidagi ushbu bitim Yevropa Ittifoqi – O‘zbekiston o‘rtasidagi iqtisodiy va savdo aloqalarida yangi davrni boshlab beradi. Savdo va barqaror rivojlanish bo‘yicha keng qamrovli yo‘nalish orqali biz yanada barqaror savdoni rivojlantirish, shuningdek, Yevropa va O‘zbekiston iste’molchilari, kichik va o‘rta korxonalar hamda biznesni qo‘llab-quvvatlashni maqsad qilganmiz. Ikki tomonlama savdo va investitsiyalar hajmini kengaytirish va diversifikatsiya qilish orqali Kengaytirilgan hamkorlik va sheriklik to‘g‘risidagi bitim o‘sish, bandlik va iqtisodiy barqarorlik uchun yangi imkoniyatlar yaratadi hamda har ikki mintaqaning iqtisodiy farovonligiga hissa qo‘shadi”, – deydi YeIning savdo bo‘yicha komissari Marosh Shefchovich.
Mazkur bitim siyosiy muloqotni kuchaytirish va o‘zaro manfaatli bo‘lgan ko‘plab sohalarda hamkorlikni chuqurlashtirish uchun yangi huquqiy asos yaratadi. Bular jumlasiga savdo va investitsiyalar, barqaror rivojlanish va transport aloqalari, intellektual mulk, ilmiy tadqiqotlar va innovatsiyalar, ta’lim, atrof-muhit va iqlim o‘zgarishi, shuningdek, qonun ustuvorligi, inson huquqlari va fuqarolik jamiyati kiradi. Shu bilan birga, ushbu bitim tashqi siyosat va xavfsizlik siyosati sohasidagi hamkorlikni mustahkamlaydi, u mojarolarning oldini olish va inqirozlarni boshqarish, xatarlarni kamaytirish, kiberxavfsizlik, mintaqaviy barqarorlik, qurolsizlanish, ommaviy qirg‘in qurollarining tarqalishiga yo‘l qo‘ymaslik, qurol nazorati va eksport nazoratini ham qamrab oladi.
Bitim 2024-yilda Yevropa Ittifoqi va O‘zbekiston o‘rtasida imzolangan Anglashuv memorandumi asosida, yashil va raqamli o‘tish jarayonlari uchun zarur bo‘lgan muhim xomashyolar sohasida yangi hamkorlik yo‘nalishlarini ochadi. “Global darvoza” tashabbusi va Trans-Kaspiy transport koridori orqali mintaqaviy aloqadorlikni yanada mustahkamlashga xizmat qiladi.
Avval xabar berganimizdek, O‘zbekiston 2021-yil aprel oyidan boshlab Yevropa Ittifoqining Bosh imtiyozlar tizimi (GSP+) doirasida barqaror rivojlanish uchun maxsus imtiyozli rejim orqali Yevropa Ittifoqi bozoriga bir tomonlama preferensial kirish huquqidan foydalanib kelmoqda.
2023-yil 22-noyabr kuni O‘zbekistonning GSP+ bo‘yicha benefitsiar maqomi yana to‘rt yilga, ya’ni 2027-yil 31-dekabrga qadar uzaytirilgandi.
Kengaytirilgan hamkorlik va sheriklik to‘g‘risidagi bitim doirasidagi savdo va iqtisodiy qoidalar GSP+ imtiyozlarini to‘ldiradi, xususan, O‘zbekistonning GSP+ ishtirokchisi sifatida barqarorlik bo‘yicha majburiyatlarini mustahkamlaydi.
O‘zbekiston Markaziy Osiyoda Yevropa Ittifoqining ikkinchi yirik savdo hamkori hisoblanadi. GSP+ dasturi Yevropa Ittifoqi va O‘zbekiston o‘rtasidagi tovar ayirboshlash hajmini sezilarli darajada oshirdi 2024-yilda ikki tomonlama savdo hajmi qariyb 4,8 milliard yevroga yetdi. Bu esa 2020 yilga nisbatan deyarli ikki baravar o‘sishni anglatadi.
Kengaytirilgan hamkorlik va sheriklik to‘g‘risidagi bitim 1996-yilda imzolangan Sheriklik va hamkorlik to‘g‘risidagi bitim o‘rnini egallaydi.
Eslatib o‘tamiz, yangi bitim loyihasi bo‘yicha muzokaralar 2019-yil fevral oyida boshlanib, 2022- yil iyul oyida yakunlangan. Hujjat 2022-yil 6-iyul kuni Bryussel shahrida parafirlangan.
9 ta bo‘lim, 356 ta modda va 14 ta ilovadan iborat bitim ikki tomonlama munosabatlarning deyarli barcha sohalarini qamraydi.
Yig‘ilishda Prezident Shavkat Mirziyoyev jahondagi geosiyosiy vaziyat tobora keskinlashayotganini ta’kidlab, rahbarlarni hushyorlikka chaqirdi.
Davlat rahbariga ko‘ra, «Birinchi chorak ko‘rsatkichi yaxshi bo‘ldi, yil oxirigacha ham shunday davom etadi», degan qarash xato bo‘ladi. U global ziddiyatlar va yetakchilik uchun kurash kuchayib borayotganini qayd etdi.
«Takror aytyapman: global ziddiyatlar, qarama-qarshiliklar, yetakchilik uchun kurash avj olayotgan hozirgi sharoitda dunyo oldingidek ’sokin’ bo‘lmaydi», – dedi Prezident.
Yig‘ilishda iqtisodiy faollik va bandlik masalalari ham tahlil qilindi. Jumladan, 2026 yilda banklar orqali kichik va o‘rta biznesni rivojlantirish uchun 140 trillion so‘m ajratilayotgani ma’lum qilindi.
Ayrim hududlarda bu mablag‘lar samarali ishlayotgani qayd etildi. Masalan, Shirin shahrida har 1 milliard so‘m kredit hisobiga 20 ta ish o‘rni yaratilgan bo‘lsa, Uchquduqda 17 ta, Xonobod va So‘xda 14 tadan ish o‘rni tashkil etilgan.
Biroq Uchko‘prik, Piskent, Bo‘stonliq, Karmana va Qo‘rg‘ontepa tumanlarida bu ko‘rsatkich atigi 3 ta ish o‘rnini tashkil etmoqda.
Prezident samaradorlikdagi farqlarni tanqid qilib, resurslar to‘g‘ri yo‘naltirilmayotganini ta’kidladi. Uning so‘zlariga ko‘ra, agar barcha hududlarda kreditlar samarali loyihalarga yo‘naltirilganida, qo‘shimcha 36 ming ish o‘rni yaratish mumkin edi.
Shuningdek, 60 mingga yaqin norasmiy ishlayotgan aholini rasmiy sektorga chiqarish imkoniyati borligi qayd etildi.
Shu munosabat bilan bank tizimida sun’iy intellektdan faol foydalanish vazifasi qo‘yildi. Hududiy bank xodimlarini ushbu texnologiyaga o‘qitish va «Sun’iy intellekt maslahatchisi» platformasini ishga tushirish topshirildi.
Siyosat
Prezident «aravasini torta olmayotgan» hokimlar bugunning o‘zida lavozimiga loyiqligi ko‘rib chiqilishini aytdi
Shavkat Mirziyoyev yig‘ilishda ayrim rahbarlar tadbirkorning masalasini hal qilishi o‘rniga o‘zini chetga olayotgani, muammo respublika darajasiga chiqsa, aybini berkitish uchun o‘zini oqlab yurgani tanqid qilindi.
Davlat rahbari Nurafshon shahar hokimi byurokratiya sababli ikki yildan beri qurilishni boshlay olmagan tadbirkorga yordam berish o‘rniga qayerdan bu ma’lumot Prezident darajasigacha yetib borganini qidirish bilan ovora ekanligini ta’kidladi.
Qayd etilishicha, G‘uzor, Narpay, Urganch, Yangiyo‘l, Chinoz (Salixov) tumanlari hokimlari tadbirkorlik infratuzilmasi uchun berilgan tayyor pulga haligacha loyiha boshlamagani ko‘rsatib o‘tildi. Vaholanki, biznes infratuzilmasini yaxshilash uchun ushbu tumanlarga bu yil respublikadan qo‘shimcha 262 milliard so‘m berilgan.
Yig‘ilishda tegishli viloyatlar hokimlariga nomi aytilgan tuman hokimlari «aravasini torta olmayotgan bo‘lsa», bugunning o‘zida lavozimiga loyiqligini ko‘rib chiqish topshirildi.
Siyosat
Prezident bu yil 5 mlrd kilovatt elektr va 3,5 mlrd metr kub gaz tejalishi shartligini ta’kidladi
Videoselektor yig‘ilishida Shavkat Mirziyoyev energiya samaradorlik masalalariga alohida to‘xtaldi. Bu haqda Prezident matbuot xizmati xabar berdi.
Qayd etilishicha, elektr yo‘qotishi 20 foizdan ko‘p bo‘lgan 44 ta tuman elektr tarmoqlari korxonalaridagi ahvol tanqid qilindi. Ularning xulosa qilmagan rahbarlarini bugunoq ishdan olish, o‘rniga yosh kadrlarni qo‘yib, yo‘qotishlarni 2 karra kamaytirish bo‘yicha KPI belgilab berish zarurligi aytib o‘tildi.
Bugungi kunda texnika oliygohlarida energetika yo‘nalishida 10 mingdan ziyod 3- va 4-kurs talabalari ta’lim olmoqda. Ularni texnika xavfsizligiga o‘qitib, dual ta’lim asosida tumanga tushirish muhim ekani ko‘rsatib o‘tildi.
«Marhamat, ustozlari shogirdini tumanga olib borsin, ishni o‘rgatsin, yo‘qotishni kamaytirish bo‘yicha yaxshi yechimlar taklif qilsa, tejalgan mablag‘ni ustoz va talabaga bonus qilib beraylik», – dedi Prezident.
Mazkur yig‘ilishda tarmoq rahbarlari va hokimlar bu yil 5 milliard kilovatt elektr va 3,5 milliard kub metr gazni tejashi shartligi qayd etildi.
Prezident 13 ta tuman hokimiga intizomiy jazo chora ko‘rishni topshirdi
Source link
Yig‘ilishda Prezident Shavkat Mirziyoyev eksport ko‘rsatkichlari pasaygan hududlar faoliyatini keskin tanqid qildi.
Qayd etilishicha, so‘nggi olti oyda 908 ta tadbirkor 3 milliard 600 million dollarlik shartnomalar tuzgan. Biroq hamkor davlatlardagi vaziyat o‘zgargani sababli ular hali eksportni boshlay olmagan.
Shu bilan birga, ayrim hokimlar tadbirkorlarga amaliy yordam ko‘rsatish o‘rniga vaziyatni o‘z holicha qoldirgani ta’kidlandi. Bu esa eksport ko‘rsatkichlariga salbiy ta’sir ko‘rsatgan.
Birinchi chorak yakunlari bo‘yicha bir qator hududlarda eksport keskin kamaygan. Xususan, Norin, Kasbi, Sherobod, Yozyovon va Denov tumanlarida eksport hajmi ikki barobardan ziyodga qisqargan.
Shuningdek, Shahrisabz, Uchquduq, Parkent, Toshkent tumani, Jizzax, Navoiy, Namangan, Angren, Bekobod va Nurafshon shaharlarida eksport rejalari 70 foizga ham yetmagan.
Prezident mazkur hududlar rahbarlarini ogohlantirib, birinchi yarim yillikda o‘sish ta’minlanmasa, qat’iy xulosa qilinishi bildirildi.
Davlat rahbari hozirgi sharoitda eksportchilarni har tomonlama qo‘llab-quvvatlash muhimligini ta’kidladi. Uning so‘zlariga ko‘ra, tadbirkorlar yangi bozor topish, aylanma mablag‘, sertifikatlash va logistika kabi muammolarni mustaqil hal qila olmayapti.
Shu bois, ushbu yo‘nalishda yagona va samarali tizim yaratish zarurligi qayd etildi. Mas’ullarga eksportni rivojlantirish bo‘yicha natijaga yo‘naltirilgan kompleks yondashuv ishlab chiqish va tegishli takliflar kiritish topshirildi.
Yevropa Ittifoqi Rossiyaga qarshi sanksiyalarning 20-raundini maʼqulladi (batafsil maʼlumot)
Saida Mirziyoyeva Urgutning chekka hududidagi poliklinikani borib ko‘rdi
Pora olgan elektr muhandislari ushlandi
-
Dunyodan5 days agoEron Hurmuz boʻgʻozini bloklagani sababli muzokaralarni rad etmoqda
-
Siyosat3 days agoSaida Mirziyoyeva xalqaro forumda Prezident murojaatini o‘qib eshittirdi
-
Siyosat5 days ago“Oʻzbekneftgaz” va Xitoyning CNPC hamkori uglevodorodlarning oʻta chuqur zahiralarini oʻrganish boʻyicha
-
Siyosat5 days agoSamarqandda narkotiklarning transmilliy tahdidlariga qarshi kurash bo‘yicha xalqaro forum bo‘lib o‘tmoqda
-
Siyosat3 days agoPrezident Shavkat Mirziyoyev JSST bosh direktorini qabul qildi
-
Siyosat5 days agoGiyohvand moddalar savdosini moliyaviy tomirlarni kesish orqali to’xtatish mumkin.
-
Siyosat4 days agoHukumat mehnat muhojirlariga til oʻrgatish va malaka olish xarajatlari uchun kompensatsiya toʻlashi kerak
-
Siyosat3 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi