Sport
Abbos Fayzullayev Rossiyadagi ilk sovrinini qo‘lga kiritdi
O‘zbekistonlik futbolchi o‘yindan keyingi intervyusida muxlislarga o‘zbek tilida minnatdorchilik bildirib, BAAga qarshi o‘yinda jahon chempionati yo‘llanmasi qo‘lga kiritilishiga umid bildirdi.
Rossiya kubogi. Superfinal
1 iyun, «Lujniki»
«Rostov» — «TsSKA» 0:0
Penaltilar seriyasi — 3:4.
«Rostov» — Yatimov, Ronaldo, Melexin, Sako, Osipenko, Vaxaniya (Langovich, 88), Shetinin (Bayramyan, 88), Shantaliy, Kuchayev (Komarov, 73), Komlichenko, Golenkov (Sutormin, 79).
TsSKA — Akinfeyev, Gayich, Diveyev, Villian Rosha, Moyses, Oblyakov, Kislyak, Bistrovich (Fayzullayev, 73), Pyanich, Koyta (Musayev, 67), Guarirapa (Glebov, 87).
Ogohlantirishlar: Melexin (45+5), Sako (58), Shetinin (82).
Moskvadagi «Lujniki» stadionida bo‘lib o‘tgan Rossiya Kubogi–2024/25 superfinalida TsSKA jamoasi «Rostov» ustidan g‘alaba qozonib, kubokni o‘ziniki qildi.
Birinchi bo‘limda armiyachilar futbolchisi Ivan Oblyakov uzoq masofadan darvozani ishg‘ol etgandi, biroq gol ofsayd tufayli inobatga olinmadi.
O‘yinning qolgan qismida ham 0:0 hisobi o‘zgarmay qoldi. Natijada jamoalar barcha masalaga penaltilar seriyasida oydinlik kiritadigan bo‘ldi.
Futbol lotereyasida esa tajribali Igor Akinfeyevning seyvi Moskva klubiga g‘alaba taqdim etdi.
Shu tariqa, TsSKA o‘z tarixida 9-bor mamlakat kubogini qo‘lga kiritdi. Jamoa bu borada Moskvaning yana bir klubi — «Lokomotiv» bilan tenglashdi.
Chempionlar safida o‘zbekistonlik yarimhimoyachi Abbos Fayzullayev 73-daqiqada zaxiradan tushirildi.
Penaltilar seriyasida ungacha navbat yetib kelmadi.
Rossiyadagi faoliyati davomida ilk sovrinini qo‘lga kiritgan Abbos Fayzullev o‘yindan keyin «Match TV» muxbiri savoliga o‘zbek tilida javob qaytardi.
«O‘zbekcha gapirmoqchiman. Qo‘llab-quvvatlagan barchaga katta rahmat. Butun O‘zbekiston xalqini g‘alaba bilan tabriklayman. Xudo xohlasa, 5 iyun kuni yana bir g‘alabaga erishib, jahon chempionati yo‘llanmasini qo‘lga kiritamiz», – degan 21 yoshli yarimhimoyachi.
Futbolchi Sport24’ga bergan intervyusida o‘z jamoasi g‘alabaga haqliroq bo‘lganini aytib o‘tgan.
«Bu klubim safidagi birinchi sovrinim, tabiiyki, shaxsan men uchun ko‘p narsani anglatadi. Finalga qadar ancha qiyinchiliklarni boshdan kechirdik, oson bo‘lmagan o‘yinlarni o‘tkazdik, ayniqsa, «Zenit»ga qarshi penaltilar seriyasida ajoyib tarzda g‘alaba qozondik. O‘ylaymanki, biz sovringa loyiq edik.
Yakunlangan mavsumni avvalgisiga nisbatan yomon o‘tdi degan bo‘lardim. O‘tgan yili shaxsiy ko‘rsatkichlarim 5 gol va 14 assist edi. Bu yil esa 3+8 bilan yakunlandi.
Buni ikkinchi davrada maydonda pozitsiyamni o‘zgartirganim bilan bog‘layman. Bu shaxsiy ko‘rsatkichlarimga ta’sir qildi. Mavsumni yaxshi boshlagandim, keyin maydondagi pozitsiyamni o‘zgartirishimga to‘g‘ri keldi. To‘g‘ri, statistik ko‘rsatkichlarim o‘zim kutganchalik chiqmadi. Ammo yangi pozitsiyada ham samarali o‘yin ko‘rsatishga harakat qildim», – dedi Fayzullayev.
FIDEning reyting jadvali may oyiga ko‘ra yangilandi. Unga ko‘ra, Nodirbek Abdusattorov va Javohir Sindorov dunyoning TOP-5 shaxmatchilari qatoridan joy olishdi.
FIDE reytingi. Kuchli beshlik:
1-o‘rin — Magnus Karlsen (2840)
2-o‘rin — Hikaru Nakamura (2792)
3-o‘rin — Fabiano Karuana (2788)
4-o‘rin — Nodirbek Abdusattorov (2780)
5-o‘rin — Javohir Sindorov (2776)
Ma’lumot uchun, Javohir Sindorov Nomzodlar turniridagi chempionlikdan so‘ng kuchli beshtalikdan joy oldi.
2026-yilgi FIDE World Chess Championship 2026 shaxmat olamining yangi qirolini aniqlaydi. Amaldagi jahon chempioni Gukesh Dommaraju (Hindiston)ga da’vogar sifatida O‘zbekiston vakili Javohir Sindorov qarshi chiqadi. Ushbu bahs tarixdagi eng yosh final sifatida qayd etiladi — har ikki shaxmatchi musobaqa boshlanishida 20 yoshda bo‘ladi.
Musobaqa 2026-yil 23-noyabrdan 17 dekabrgacha o‘tkazilishi rejalashtirilgan. Hozirda FIDE turnirni qabul qilish uchun mezbonlik tanlovini e’lon qilgan.
Musobaqaning umumiy budjeti taxminan 8,5 mln dollar bo‘lib, shaxmatchilar o‘rtasida taqsimlanadigan pulning minimal miqdori 2,5 mln dollarni tashkil etadi. Musobaqani nazorat qilish va tashkil etish xarajatlari uchun FIDE to‘lovi 1,1 mln dollar.
14 ta klassik o‘yin partiyalar, dam olish kunlari hamda ehtimoliy tay-breyklar (tenglik bo‘lsa) uchun o‘yin davomiyligi o‘rtacha 25 kun etib belgilangan.
Bu to‘qnashuv nafaqat shaxmat tarixi uchun, balki yangi avlod yetakchilari shakllanayotganini ko‘rsatadi. Sindorovning finalga chiqishi O‘zbekiston shaxmat maktabi nufuzini yanada oshirsa, Gukesh o‘z mavqeini saqlab qolishga harakat qiladi.
Ammo bu urinish muvaffaqiyatsizlikka uchradi.
29 aprel kuni Kanadaning Vankuver shahrida bo‘lib o‘tgan FIFA kongressida kichik diplomatik mojaro ro‘y berdi. Tashkilot prezidenti Janni Infantino tinchlikparvar vazifasini bajarishga qaror qilib, sahnaga Isroil va Falastin futbol federatsiyalari vakillarini chaqirdi va ularni birgalikda suratga tushishga hamda bir-biriga qo‘l berishga undadi. Ammo bu urinish muvaffaqiyatsizlikka uchradi.
«Biz azob chekyapmiz»
Mojaro delegatlarning chiqishlari yakunlanganidan keyin, Infantino Isroil futbol assotsiatsiyasi vitse-prezidenti Basim Shayx Sulaymon hamda Falastin futbol assotsiatsiyasi rahbari Jabroyil Rajubni sahnaga chiqishga chaqirganida ro‘y berdi.
Sulaymon bunga rozi bo‘lgan, Rajub esa e’tiroz bildirgan va Infantino bilan keskin muhokamaga kirishgan. FIFA prezidenti bir necha bor tomonlarni kelishtirishga uringan. U Jabroyilning qo‘lidan ushlab olgan va uni ko‘ndirishga uringan, ammo maqsadiga erisha olmagan – falastinlik rasmiy isroillik hamkasbiga qo‘l berishdan bosh tortib, shunday degan: «Biz azob chekyapmiz». Yakunda «tinchlikparvar» ularni navbatma-navbat quchib qo‘ygan, shundan keyin ular sahnani tark etishgan. Infantinoning o‘zi minbarga qaytib, xalqaro bolalar turniri o‘tkazilishi haqida e’lon qilgan.
«Bir xil huquq va majburiyatlarga ega bo‘lgan hamda FIFA a’zosi hisoblangan Isroil va Falastinning ikki vakiliga minnatdorchilik bildirishga ijozat bergaysiz. Biz birgalikda ishlaymiz, keling, bolalarga umid berish uchun shunday qilaylik… Tez orada 15 yoshgacha bo‘lgan futbolchilar o‘rtasida ajoyib turnir o‘tkazamiz, unga barcha 211 mamlakatni taklif qilamiz. Keling, bolalar uchun birgalikda harakat qilaylik», – degan futbol mulozimi.
Keyinroq Rajub jurnalistlarga intervyu chog‘ida o‘z pozitsiyasi yuzasidan izoh berdi: «Men uchun sport bu sport. Va bu men hurmat qilishim kerak bo‘lgan axloq kodeksi. Ammo agar ikkinchi tomon Isroil bosh vaziri Binyamin Netanyahudek jinoyatchining vakili bo‘lsa va mohiyatan FIFA kongressida uning nomidan gapirsa… Men bunday odam bilan qanday qilib birgalikda suratga tushishim yoki unga qo‘l berishim mumkin?»
Bundan tashqari, Rajub falastinliklar Isroil klublariga nisbatan sanksiya qo‘llanishiga erishmoqchi ekanini qo‘shimcha qilgan: «Bangkokdagi 74-kongressda biz yana bir bor FIFAga Isroil futbol assotsiatsiyasiga a’zo bo‘lgan, ammo Falastin hududida joylashgan klublarning Falastin futbol assotsiatsiyasi roziligisiz ishtirok etishi masalasini ko‘rib chiqishni so‘rab murojaat qildik. Shuningdek, biz FIFAdan Isroil futboli tuzilmasida davom etayotgan kamsitish va irqchilikka qarshi kurashish choralarini ko‘rishni so‘radik».
Sulaymon esa bo‘lib o‘tgan hodisa yuzasidan munosabat bildirmagan. Ammo o‘z chiqishida birgalikda totuv yashashga chaqirib, Isroil federatsiyasi «Falastin futbol assotsiatsiyasiga qo‘l berayotgani»ni ta’kidlagan.
Tramp ham bunga qarshi emas.
Futbol bo‘yicha Eron milliy jamoasi AQSh va Isroil bilan harbiy mojaroga qaramay, 2026 yilgi jahon chempionatida ishtirok etadi. Bu haqda Xalqaro futbol federatsiyasi (FIFA) prezidenti Janni Infantino tashkilot yig‘ilishida ma’lum qildi.
U o‘z nutqida FIFA «dunyoni birlashtirishi» haqida gapirgan.
«Albatta, Eron milliy jamoasi jahon chempionatida ishtirok etadi. Jamoa AQShda o‘ynaydi. Sababi oddiy: biz birlashishimiz, odamlarni birlashtirishimiz kerak. Bizning mas’uliyatimiz aynan shundan iborat. Dunyoni futbol birlashtiradi», – deya Infantinoning so‘zlarini keltirgan Mundo Deportivo.
Eron futbol olamidagi asosiy turnir hisoblangan mundialni boykot qilishi mumkinligi haqidagi gaplar 28 fevral kuniyoq, Yaqin Sharqda harbiy harakatlar boshlanishi bilan paydo bo‘lgandi. Xususan, Eron sport vaziri Ahmad Dunyomoli «AQShga safar uchun sharoit mavjud emasligi»ni qayd etgandi.
«Bu korrupsiyalashgan hukumat rahbarimizni o‘ldirganidan kelib chiqib, hech qanday holatda bu turnirda ishtirok eta olmaymiz. Bolalarimiz xavf ostida. Mohiyatan jahon chempionatida ishtirok etishimizga imkon beradigan hech qanday sharoit qolmadi. Amerikaliklar to‘qqiz oy ichida bizga qarshi ikki marta urush ochdi va minglab eronliklarni azobli o‘limga mahkum etdi. Biz Shtatlarga bora olmaymiz», – degandi u mahalliy telekanal efirida.
Keyinroq eronliklar jahon chempionatida ishtirok etishning muqobil yo‘llarini qidira boshladi. Qaysidir pallada o‘yinlarni AQShdan Meksikaga ko‘chirish haqida ham gap bordi, ammo bu g‘oya amalga oshmadi.
«FIFA yakunda o‘yinlarni asl joyidan ko‘chirish imkonsiz degan qarorga keldi. Bunday qadam tashkilotdan ulkan logistik sa’y-harakatlarni talab qilardi», – degan Goal nashriga Meksika prezidenti Klaudiya Sheynbaum.
Bunday sharoitda Eronning o‘rnini egallashi mumkin bo‘lgan jamoalar haqida ham gapira boshlashgandi. Xususan, ko‘pchilik bu o‘rinni Yevropa saralashi o‘tish bosqichida Bosniya va Hersegovinadan mag‘lub bo‘lgan (1:1, penaltilar seriyasida – 1:4) Italiyaga berishni taklif qildi.
The Athletic esa FIFA bu o‘rin uchun qit’alararo pley-off tashkil etib, unda Osiyo va Yevropadan turnirga yo‘llanma ololmagan ikkitadan jamoa ishtirok etishini nazarda tutuvchi versiyani o‘rtaga tashlagandi.
«Mayli, qatnashaversin»
AQSh prezidenti Donald Tramp ham Eron turnirda ishtirok etishiga qarshi emas.
«Agar Janni shunday degan bo‘lsa, unda men qarshi emasman. Bilasizmi nima, mayli, o‘ynayverishsin. Janni – fantastik yigit, u mening do‘stim. Men unga aytdim: «Istaganingni qil. Xohlasang, ruxsat ber, xohlamasang, ruxsat berma». Ularning jamoasi yaxshimi? To‘g‘risini aytsam, bunga ishonish qiyin», – deya qayd etgan Amerika rahbari jurnalistlar bilan muloqotda.
JM-2026 turniri 11 iyundan 19 iyulga qadar davom etadi. Turnir taqvimiga ko‘ra, Eronning guruh bosqichdagi uchta o‘yini ham Qo‘shma Shtatlarda o‘tkazilishi belgilangan: ikkitasi Los-Anjyelesda va bittasi Sietlda. Ularga guruhd Belgiya, Yangi Zelandiya va Misr jamoalari raqib bo‘lgan.
Jahon shaxmat toji uchun amaldagi chempion Gukesh Dommaraju (Hindiston) va da’vogar Javohir Sindorov (O‘zbekiston) o‘rtasidagi o‘yin 2026 yil 23 noyabrdan 17 dekabrgacha bo‘lib o‘tadi, deb xabar beradi Xalqaro shaxmat federatsiyasi (FIDE) sayti.
Ushbu bahs shaxmat bo‘yicha jahon chempioni unvoni uchun tarixdagi eng «yosh o‘yin» bo‘lishi kutilmoqda – bellashuv boshlanishida ikkala sportchi ham 20 yoshda bo‘ladi.
O‘yinning minimal sovrin jamg‘armasi 2,5 million dollarni tashkil etadi, tadbirning umumiy budjeti esa 8,5 million dollarga baholanmoqda.
Amaldagi jahon chempioni Dommaraju 2024 yil dekabr oyida Singapurda bo‘lib o‘tgan jahon shaxmat toji uchun o‘yinning 14-turida xitoylik Din Lijenni mag‘lub etib, chempionlikni qo‘lga kiritgan edi. U 18 yoshida FIDE tarixidagi eng yosh jahon chempioni bo‘ldi va 1985 yilda 22 yoshida Anatoliy Karpovni mag‘lub etgan Garri Kasparovning rekordini ortda qoldirdi.
Uning raqibi o‘zbekistonlik grossmeyster Sindorov Kiprning Pafos shahrida bo‘lib o‘tgan 2026 yilgi da’vogarlar turnirida muddatidan oldin g‘alabaga erishdi. U turnirda 14 ochkodan 10 ochko bilan g‘alaba qozondi, bir marta ham mag‘lub bo‘lmadi: oltita g‘alaba va sakkizta durang.
O‘yin reglamenti 2026 yil 1 iyulgacha tasdiqlanishi kerak. Odatda o‘yin 14 ta partiyadan iborat bo‘ladi. G‘olib chiqish uchun 7,5 ochko jamg‘arish kifoya – kimdir bu marraga oldinroq erishsa, match muddatidan oldin tugaydi. 7:7 hisobi bo‘lganda – tay-breyk o‘ynaladi.
Tadbir mezbonligi uchun arizalarni qabul qilish 31 mayda yakunlanadi.
Biznesni bezdirayotgan QQS va markirovka muammolari. Ekspertlar sharhi
Tadbirkorlik imtiyozlarini qo‘llamagan mansabdor shaxslar javobgarlikka tortildi
1-may sanasidan O‘zbekistonda kutilayotgan o‘zgarishlar e’lon qilindi
-
Siyosat3 days agoOʻzbekistonda yashirin forumda davlat xizmatchilariga oid maʼlumotlarning sizib chiqib ketishini tekshirmoqda
-
Siyosat5 days agoFransiya va Oʻzbekiston taʼlim va madaniyat yoʻli bilan aloqalarni chuqurlashtirmoqda – Elchi Valid Xouk
-
Siyosat3 days agoOʻzbekiston Davlat investitsiya jamgʻarmasi Toshkent va Londonda ikki tomonlama IPO oʻtkazdi
-
Siyosat5 days agoToshkentda yirik hududlarda issiq suv taʼminoti 5 kunga toʻxtatilganini maʼlum qildi
-
Jamiyat3 days agoMashina olib berish va’dasida yuzlab odamni chuv tushirgan “Umid avto”chilarga hukm o‘qildi
-
Mahalliy4 days ago
Gulga shaydo onaxon, kitob “ovchisi” va chemodansiz sayyoh…
-
Dunyodan3 days ago
Ukraina va Yevropa Ittifoqi Isroilga qarshi sanksiyalar kiritmoqchi
-
Iqtisodiyot3 days ago«Kursga sun’iy ta’sir o‘tkazish tarafdori emasmiz»