Iqtisodiyot
«O‘zbekinvest» sug‘urta kompaniyasi 2025 yilning 9 oyi davri ichidagi faoliyati yakunlarini sarhisob qildi
Sug‘urta bozorining jadal rivojlanishi va barqaror o‘sish tamoyillarini amalga oshirish sharoitida «O‘zbekinvest» kompaniyasi O‘zbekiston sug‘urta sohasining yetakchi ishtirokchilaridan biri sifatidagi maqomini tasdiqlab kelmoqda hamda faoliyatning barcha asosiy yo‘nalishlarida ijobiy dinamikani namoyon etmoqda.
2025 yilning 9 oy yakunlariga ko‘ra kompaniyaning jami sug‘urta mukofotlari yig‘imi 1 178,3 milliard so‘mni tashkil etdi, bu esa o‘tgan yilning shu davriga nisbatan 145 foiz o‘sishni ko‘rsatadi.
Qayta sug‘urta mukofotlari hajmi 50,5 million AQSh dollariga yetdi, shu bilan birga kompaniya portfelining 53 foizi xalqaro qayta sug‘urta ulushiga to‘g‘ri keldi.
Hisobot davrida milliy tovar va xizmat eksportchilariga 2,4 milliard AQSh dollari miqdorida sug‘urta himoyasi taqdim etildi.
Korporativ segmentda sug‘urta mukofotlari yig‘imi 297,9 milliard so‘mga yetdi (2024 yilning shu davriga nisbatan 151 foiz o‘sish), shulardan 51,1 milliard so‘m investitsiya loyihalarini sug‘urta qilishga to‘g‘ri keladi.
Jismoniy shaxslarni sug‘urta qilish segmentida mukofotlar yig‘imi 95,7 milliard so‘mni tashkil etdi, bu o‘tgan yil ko‘rsatkichlaridan 107 foizga ko‘pdir.
Kompaniyaning mijozlar bazasi 583 399 nafardan 749 243 nafargacha o‘sdi (128 foiz o‘sish). Jumladan, yuridik shaxslar bilan 66 362 ta, jismoniy shaxslar bilan esa 898 752 ta shartnoma tuzilgan bo‘lib, bu 2024 yilning shu davriga nisbatan 132 foizga ko‘pdir.
Kompaniya transport vositalari egalari fuqarolik javobgarligini majburiy sug‘urta qilish (OSGOVs) bozorida ham yetakchi hisoblanadi. 2025 yilning 9 oyi mobaynida raqamli platformalar orqali 780 mingdan ortiq onlayn-polislar rasmiylashtirildi.
Hisobot davri davomida «O‘zbekinvest» kompaniyasi tomonidan jismoniy va yuridik shaxslarga 3 740 ta sug‘urta holati bo‘yicha jami 97 milliard so‘m miqdorida sug‘urta to‘lovlari amalga oshirildi.
Xalqaro e’tirof va hamkorliklar
Joriy yilning aprel oyida «O‘zbekinvest» kompaniyasi 90 dan ortiq davlatdan 500 dan ziyod yetakchi sug‘urta kompaniyalarini birlashtiruvchi International Insurance Society (IIS) a’zosi bo‘ldi.
May oyida kompaniya London sug‘urta bozorida faoliyat yurituvchi eng yirik sug‘urta va qayta sug‘urta kompaniyalarini birlashtiruvchi professional uyushmalardan biri — The International Underwriting Association of London (IUA) tashkilotiga a’zo bo‘ldi.
Ushbu voqealar O‘zbekiston sug‘urta sohasining xalqaro integratsiyasi yo‘lida muhim qadam bo‘lib, uning jahon miqyosidagi o‘rni va nufuzi e’tirof etilganini yana bir bor tasdiqladi.
Bundan tashqari, hisobot davrida «O‘zbekinvest» qator yetakchi xalqaro institutlar bilan hamkorlik to‘g‘risida kelishuvlar imzoladi, jumladan:
-Ispaniyaning eksport-kredit agentligi CESCE,
-Italiyaning eksport sug‘urtasi kompaniyasi SACE,
-qator ispan va italiya sug‘urta hamda brokerlik kompaniyalari,
-Slovakiyaning Eksport-import banki Eximbanka SR bilan.
Shuningdek, may oyida «O‘zbekinvest» AJ rahbar xodimlari va viloyat filial direktorlari Germaniyaning Gannover, Leypsig, Myunxen va Frankfurt-na-Mayn shaharlariga xizmat safari uyushtirdilar. Safar doirasida yirik xorijiy sug‘urta, qayta sug‘urta va brokerlik kompaniyalari tomonidan tashkil etilgan maxsus o‘quv dasturida ishtirok etilib, malakani oshirishga qaratilgan tajriba almashinuvi amalga oshirildi.
Shu bilan birga, sentabr oyida kompaniyaning tuman bo‘limlarining eng yaxshi 30 nafar rahbari va yetakchi mutaxassislari Chexiyaning Praga shahrida joylashgan G‘arbiy Bogemiya universitetida ta’lim oldilar.
Xalqaro reytinglar
2025 yil may oyida xalqaro reyting agentligi A.M. Best Company «O‘zbekinvest» kompaniyasining reytinglarini «B» va «bb» darajasida, «Barqaror» prognozi bilan tasdiqladi.
Iyun oyida Moody’s Ratings agentligi kompaniyaning moliyaviy barqarorlik reytingi bo‘yicha prognozini «Ba2 (Barqaror)» darajasidan «Ba2 (Ijobiy)» darajasiga oshirdi. Bu ko‘rsatkich O‘zbekistonning bank-moliya sektoridagi tashkilotlar orasida eng yuqori baholardan biri hisoblanadi.
«O‘zbekinvest» kompaniyasi barqaror rivojlanish strategiyasiga amal qilgan holda, xalqaro hamkorlikni kengaytirish, raqamlashtirish darajasini oshirish hamda ichki va xalqaro bozorlarda mijozlar ishonchini mustahkamlashni davom ettirmoqda.
Koll-markaz: (+998) 71−207−60−00, 1160
Sayt | Facebook | Instagram | Telegram | YouTube
Reklama huquqi asosida
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi