Iqtisodiyot
O‘zbekistonda oltin narxi yil boshidan buyon qariyb 40 foizga oshdi
Banklarda sotilayotgan oltin quymalar narxi yana bir tarixiy maksimumni qayd etib, 5 gramm uchun 7 mln 860 ming so‘mga yetdi. Narx rekordi yil boshidan beri 36 marta yangilandi. Oltin quymalar oxirgi bir yilda 40 foizga, yil boshidan beri 38 foizga qimmatlashdi.
6 oktyabr kuni O‘zbekiston Markaziy banki o‘lchovli oltin quymalarning yangilangan narxini e’lon qildi. 1 gramm oltinning qiymati 1 mln 572 ming 600 so‘mga yetib, tarixdagi eng yuqori ko‘rsatkichni qayd etdi.
Joriy narxlar:
5 grammli quyma — 7 mln 860 ming so‘m,
10 grammli quyma — 15 mln 721 ming so‘m,
20 grammli quyma — 31 mln 441 ming so‘m,
50 grammli quyma — 78 mln 603 ming so‘m,
100 grammli quyma — 157 mln 206 ming so‘mdan sotilmoqda.
Oltin bozori rekordni 36 marta yangiladi
Markaziy bank ma’lumotlariga ko‘ra, yil boshidan buyon o‘lchovli oltin narxi 36 marta yangi rekord o‘rnatgan. Shu davrda oltin 38,8 foizga qimmatlashgan.
O‘tgan yilning shu davriga nisbatan esa narx 40,2 foizga oshgan.
Jahon bozorida ham o‘sish kuzatilmoqda
Dunyo bo‘yicha ham oltin kotirovkalari yuqorilamoqda. 6 oktyabr holatiga ko‘ra, jahon bozorida oltinning troya unsiyasi ilk bor 3939 dollar (ya’ni gramm uchun 126,65 dollar) qiymatga yetdi. Bu o‘sish AQSh Federal zaxira tizimining pul-kredit siyosatini yumshatish ehtimoli va mamlakatda 1 oktyabrdan boshlangan shatdaun (hukumat faoliyatining vaqtincha to‘xtashi) bilan izohlanmoqda.
Goldman Sachs tahlilchilarining fikricha, agar FED mustaqilligiga bosim kuchaysa, oltin narxi bir troya unsiyasi uchun 5 ming dollargacha yetishi mumkin. Shuningdek, hatto AQSh g‘aznachilik obligatsiyalaridan oltinga o‘tkaziladigan aktivlarning kichik ulushi ham global narxlarning keskin oshishiga olib kelishi mumkin.
Eslatib o‘tamiz, 1 sentabr holatiga O‘zbekistonning oltin-valuta zaxiralari birinchi marta 50 mlrd dollardan oshdi. Bunda oltin zaxiralari hajmi 40,06 milliard dollarga yetib, qiymat jihatidan ham rekord natijani qayd etgan. Jahon oltin kengashi ma’lumotiga ko‘ra, O‘zbekiston avgust oyida 2 tonna oltin xarid qilgan.
Markaziy bank 2026-yil 26-iyundan valyutalarning yangi kursini belgiladi.
AQSh dollari 10,88 so‘mga tushib, 12 013,52 so‘m etib belgilandi.
Yevro kursi 6,88 so‘mga oshdi va 13 649,76 so‘m bo‘ldi. Funt-sterling 15 841,03 so‘m bo‘ldi (-2,32).
Rossiya rubli 159,95 so‘m etib belgilandi (-0,46).
Moody’s xalqaro agentligi O‘zbekistonning kredit reytingini bir pog‘ona yuqoriga ko‘tarib, barqaror prognozi bilan Ba2 darajasida belgiladi.
Bu Prezidentimiz rahbarligida mamlakat iqtisodiy salohiyatini mustahkamlash borasida olib borilayotgan tizimli harakatlar natijasidir, deya ma’lum qildi Prezident Administratsiyasi rahbari Saida Mirziyoyeva.
Mazkur ko‘rsatkich amalda nimani anglatadi? Bu — yanada qulay shartlardagi investitsiyalar, arzon moliyaviy resurslar, yangi korxonalar hamda qo‘shimcha ish o‘rinlari demak.
Oldinda hali qiladigan ishlarimiz ko‘p. Bosh maqsadimiz O‘zbekiston fuqarolari uchun munosib kelajakni ta’minlovchi kuchli, ochiq hamda raqobatbardosh iqtisodiyotni barpo etishdir, deya xulosa qiladi Saida Shavkatovna.
Narziyev Yigitali Shodmonovich Soliq oliy maktabi rektori vazifasini bajaruvchi etib tayinlandi. U ayni vaqtda Soliq qo‘mitasi rais maslahatchisi lavozimida ham faoliyat olib boradi.
Soliq oliy maktabi 2026/2027 o‘quv yili uchun bakalavriat bosqichiga hujjatlarni qabul qilmoqda. Hozirda quyidagi 2 ta yo‘nalish mavjud:
Soliqlar va soliqqa tortish;
Buxgalteriya hisobi.
Kelgusida «Raqamli soliq ma’murchiligi» hamda «Soliq huquqi va moliyaviy nazorat» yo‘nalishlari ham ochilishi kutilmoqda.
Joriy o‘quv yili uchun 50 ta davlat granti ajratilgan.
Talabalar uchun zamonaviy o‘quv binolari, Axborot-resurs markazi, sport inshootlari va 1000 o‘rinli talabalar turar joyi ham mavjud.
Oliy maktab davlat oliygohi bo‘lgani uchun hujjatlar my.uzbmb.uz platformasi orqali qabul qilinadi.
Ular soxta xarid chekini «Soliq» mobil ilovasi orqali ro‘yxatdan o‘tkazganlikda gumon qilinmoqda.
May oyida ijtimoiy tarmoqlar orqali ma’lum bir haq evaziga uchinchi shaxslardan soxta xarid cheki olgan, haqiqatda kirim qilinmagan yoki xarid qilinmagan tovar uchun xarid chekini ro‘yxatdan o‘tkazgan 123 mingdan ortiq fuqaro shubhali xaridorlar reyestriga kiritildi. Bu haqda Soliq qo‘mitasi xabar berdi.
Ta’kidlanishicha, bunday soxta xarid chekini «Soliq» mobil ilovasi orqali ro‘yxatdan o‘tkazish qonunga xilof hisoblanadi va javobgarlikka sabab bo‘lishi mumkin.
Xabarga ko‘ra, agar tovar yoki xizmat sotib olingan tadbirkor soliq hisobotini taqdim etmasa yoki unda kamchiliklar mavjud bo‘lsa yoxud soliq qarzi to‘lanmagan bo‘lsa, keshbek shu kamchiliklar bartaraf etilganidan keyin avtomatik ravishda tasdiqlanadi.
Keshbek quyidagi hollarda hisoblanmaydi:
agar chek berilganiga 10 kundan ortiq vaqt o‘tgan bo‘lsa;
avtomobil, havo va temir yo‘l chiptalari, shuningdek, aloqa va kommunal xizmatlar uchun;
o‘zini o‘zi band qilgan shaxslar xizmat ko‘rsatganda;
yakka tartibdagi tadbirkor hamda o‘zini o‘zi band qilgan shaxs tomonidan raqamli platforma (Xolis Paynet) orqali berilgan xarid chekiga;
jismoniy shaxslar shubhali xaridorlar reyestriga kiritilgan bo‘lsa.
Milliy statistika qo‘mitasi ma’lumotlariga ko‘ra, 2026-yilning yanvar–aprel oylarida O‘zbekiston sanoatida ishlab chiqarish hajmi o‘sishda davom etdi. Bu davrda sanoat ishlab chiqarishi tarkibida eng katta ulush ishlab chiqarish sanoati hissasiga to‘g‘ri keldi.
Qayd etilishicha, ishlab chiqarish sanoati hajmi 338,5 trillion so‘mni tashkil etib, o‘tgan yilning mos davriga nisbatan 8,5 foizga o‘sgan. Bu ko‘rsatkich mamlakat sanoatidagi asosiy drayver aynan qayta ishlash va tayyor mahsulot ishlab chiqarish sohalari bo‘lib qolayotganini ko‘rsatadi.
Shu bilan birga, tog‘-kon sanoati va ochiq konlarni ishlash sohasida ham ijobiy dinamika saqlanib qoldi. Tarmoq hajmi 27,5 trillion so‘mga yetgan va yillik o‘sish 6,4 foizni tashkil qilgan.
Ma’lumotlarga ko‘ra, elektr energiyasi, gaz, bug‘ bilan ta’minlash va havoni konditsiyalash sohasida ishlab chiqarish hajmi 26,6 trillion so‘mni tashkil etdi. Mazkur yo‘nalishdagi o‘sish sur’ati 3,3 foiz bo‘lgan.
Suv bilan ta’minlash, kanalizatsiya tizimi, chiqindilarni yig‘ish va qayta ishlash sohasida esa 2,1 trillion so‘mlik xizmat va mahsulotlar ishlab chiqarildi. Bu tarmoqda ham 6,4 foizlik o‘sish qayd etildi.
JChda 15-kun. Kyurasao ertagi tugadi, Germaniya o‘yinida sensatsiya, Turkiya eshikni qattiq yopib ketdi
Ertaga dollar tushib, yevro biroz ko‘tariladi
Xorazmda avtobus uchun to‘lovlar to‘liq elektron shaklga o‘tkaziladi
-
Jamiyat5 days ago
Bugun ayrim hududlarda havo harorati 44 darajaga yetishi mumkin
-
Siyosat5 days ago
«Endigi vazifa erishilgan kelishuvlarni real loyihalarga aylantirish»
-
Iqtisodiyot4 days agoO‘zbekiston qaysi mamlakatlarga ko‘proq mahsulot sotmoqda?
-
Siyosat4 days agoPrezident Mirziyoyev Ozarbayjon elchisini oʻz nihoyasiga yetgan “Mehnat Shufrati” ordeni bilan taqdirladi
-
Iqtisodiyot4 days ago
O‘zbekistonda qurilish ishlari hajmi 35 yilda 12 barobar oshdi
-
Siyosat5 days ago
Shavkat Mirziyoyev YeTTB bilan hamkorlikning ustuvor yo‘nalishlarini belgiladi
-
Iqtisodiyot5 days ago
Jahon banki O‘zbekiston qishloqlari uchun 150 mln dollar ajratadi
-
Jamiyat5 days agoInterpol o‘ta yirik miqdordagi firibgarlik uchun qidiruvda bo‘lgan shaxslarni O‘zbekistonga ekstraditsiya qildi