Iqtisodiyot
Rossiya ichki bozorni qo‘llab-quvvatlashga tayyorlanmoqda
«Kommersant» gazetasining yozishicha, reja Xitoy, Janubiy Koreya va Singapurdan import qilinadigan benzin uchun 5 foizlik bojxona to‘lovlarini bekor qilishdan iborat. Rasmiylar, shuningdek, oktan miqdorini oshiradigan benzin qo‘shimchalaridan foydalanishga ruxsat berishni rejalashtirmoqda.
Bir qator mintaqalarda ishlab chiqarishning pasayishi va benzin taqchilligi fonida Rossiya hukumati ichki yonilg‘i bozorini qo‘llab-quvvatlash uchun bir qator chora-tadbirlarni tayyorlamoqda. Bu bosh vazir o‘rinbosari Aleksandr Novakning 24 sentabr kuni bosh vazir Mixail Mishustinga qilgan murojaatidan kelib chiqadi, undan parchalar «Kommersant» nashri tomonidan 1 oktyabr, chorshanba kuni chop etilgan.
Shu tariqa, Uzoq Sharqdagi bir nechta nazorat-o‘tkazish punktlari orqali Xitoy, Janubiy Koreya va Singapurdan olib kelingan benzinga 5 foizlik bojxona to‘lovidan voz kechish taklif qilinmoqda. Faqat ba’zi tashkilotlar — “Rosneft”, “OA NNK” va “Promsyreimport”ga yonilg‘i bilan ta’minlashga ruxsat beriladi.
Bundan tashqari, hukumat olti oy davomida benzin ishlab chiqarishda oktan miqdorini oshiruvchi benzin qo‘shimchasi bo‘lgan monometilanilindan foydalanishga ruxsat berish niyatida. Bu past oktanli yonilg‘iga qo‘shimchani qo‘shish orqali yuqori oktanli 5-sinf benzin ishlab chiqarishni oshiradi. Yuqori toksikligi va saraton xavfi tufayli monometilanilin ko‘pchilik mamlakatlarda taqiqlangan, ammo Rossiyada 2016 yilgacha ishlatilgan.
Bu chora-tadbirlar amalga oshirilsa, har oyda ichki bozorga kamida 350 ming tonna benzin va 100 ming tonna dizel yonilg‘isi qo‘shimcha ravishda yetkazib berilishi kutilmoqda.
Hukumat avvalroq benzin eksporti embargosini 2025 yil oxirigacha uzaytirgan va dizel yonilg‘isi eksportiga cheklovlar qo‘ygan edi. Neftni qayta ishlash zavodlaridan to‘g‘ridan to‘g‘ri yetkazib berish istisno sanaladi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Milliy statistika qo‘mitasi ma’lumotlariga ko‘ra, 2026-yil yanvar–iyul oylarida O‘zbekistonga 46 davlatdan qariyb 28,5 ming tonna shokolad mahsulotlari olib kirilgan.
Import qilingan mahsulotlarning umumiy qiymati 123,7 mln AQSh dollarini tashkil etgan. Bu o‘tgan yilning mos davriga nisbatan 1,6 ming tonnaga yoki 6 foizga ko‘p.
Import hajmi bo‘yicha Rossiya keskin ustunlik qilgan. Yilning dastlabki yetti oyida Rossiyadan O‘zbekistonga 19,5 ming tonna shokolad mahsulotlari yetkazib berilgan.
Rossiyadan kelgan shokolad mahsulotlari umumiy importning qariyb 70 foizini tashkil etgan. Keyingi o‘rinda Ukraina bo‘lib, undan 2,2 ming tonna mahsulot import qilingan.
Qozog‘istondan 914 tonna, Belarusdan 805,2 tonna shokolad mahsulotlari olib kirilgan. Litvadan import 746,2 tonnani tashkil etgan.
Turkmaniston 715,2 tonna, Turkiya esa 569,5 tonna ko‘rsatkich bilan keyingi o‘rinlarda qayd etilgan. Qolgan davlatlar hisobiga 3 ming tonna mahsulot to‘g‘ri kelgan.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi