Sport
Elit OChL. «Nasaf» safarda amaldagi chempionga alamli tarzda yutqazdi
Qarshiliklar birinchi bo‘limdagi ikki gol ustunligini boy berishdi.
Foto: Nasaf matbuot xizmati
Elit Osiyo Chempionlar Ligasi, 1-tur
15 sentabr, dushanba
«Al-Ahli» – «Nasaf» 4:2
Gollar: Enso (65, 68), Mahrez (90+4), Sulaymon (90+15) – Norchayev (34, 41).
«Al Ahli»: Mendi, al-Buraykan (Sulaymon, 46), al-Johani (al-Shamat, 62), Dams, Merih Demiral (Gonsalvesh, 46), Ibanes, Mahrez, Majrashi (Atangana, 62), Kessi, Enso Miyo (Abdulrahmon, 84), Ayven Touni.
«Nasaf»: Ne’matov, Davronov, G‘aybullayev, Rahmatov (Cheran, 65), Norchayev (Yusuf Otubanjo, 84), Cholovich (Abdirahmatov, 65), Golban, Bahromov, Nasrullayev, Bozorov (Muhitdinov, 75), Eshmurodov (Siddiqov, 84).
15 sentabr kuni Qarshining «Nasaf» klubi Elit Osiyo Chempionlar Ligasidagi ishtirokini boshladi. 1-tur doirasida turnirning amaldagi chempioni «Al-Ahli»ga qarshi o‘yin Jiddadagi «King Abdulla Sport Siti» stadionida bo‘lib o‘tdi va unda mezbonlar 4:2 hisobidagi irodali g‘alabani qo‘lga kiritdi.
O‘yinning 34-daqiqasida Husayn Norchayev mezbonlar himoyasidagi qo‘pol xatodan foydalanib, hisobni ochdi, tanaffus arafasida esa dublni rasmiylashtirdi.
Saudiyaliklar ustozi almashtirishlar amalga oshirdi va bu o‘z foydasini berdi. Ikkinchi bo‘lim mezbonlar ustunligida boshlandi. 65-daqiqada Abduvohid Ne’matov to‘pga chiqishda qo‘pol xatoga yo‘l qo‘ydi va Enso Miyo uzoq masofadan bo‘sh qolgan darvozani ishg‘ol etdi. Oradan 3 daqiqa o‘tib, Enso ikkinchi golini urib, hisobni tenglashtirdi.
O‘zbekiston jamoasi durang hisobni ham ushlab qololmadi. O‘yinning qo‘shimcha daqiqalarida dastlab Riyoz Mahrez o‘ng qanotdan «Nasaf» jarima maydoniga kirib borib, o‘z uslubida gol urdi — 3:2. 90+13-daqiqada esa Alibek Davronov so‘nggi umid foli uchun qizil kartochka olib, maydonni erta tark etdi. Bir kishi ko‘p bo‘lib harakat qilgan «Al-Ahli» 90+15-daqiqada «Nasaf» darvozasiga to‘rtinchi golni ham urdi.
Endi «Nasaf» OChL doirasidagi navbatdagi o‘yinini o‘z maydonida Saudiya Arabistonining boshqa bir jamoasi — «Al-Hilol»ga qarshi o‘tkazadi. Mazkur bellashuv 29 sentabrga belgilangan.
Sport
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
Niderlandiyaning Amsterdam shahrida akademik eshkak eshish bo‘yicha jahon chempionati bo‘lib o‘tmoqda. Unda O‘zbekiston terma jamoasi musobaqadagi tarixiy medalga sazovor bo‘ldi.
Yengil vaznli sportchilar o‘rtasidagi juftlik dasturida (LM2x) Shahzod Nurmatov va Sobir Safaraliyev dueti oltin medal sohibi bo‘ldi. Bu o‘zbekistonlik akademik eshkak eshuvchilarning kattalar o‘rtasidagi jahon chempionatida qo‘lga kiritgan birinchi oltin medalidir.
Musobaqada kumush medal Germaniya, bronza medali esa AQSh sportchilariga nasib etdi.
UEFA Chempionlar ligasi 2026/2027-yilgi mavsumi umumiy bosqichi to‘liq taqvimni e’lon qildi.
Bu bosqichda har bir jamoa 8 ta o‘yin o‘tkazadi: 4 tasi o‘z maydonida, 4 tasi safarda.
Joriy mavsumdan e’tiboran bir jamoa bir raqib bilan ketma-ket uch mavsum davomida o‘z maydonida o‘ynashiga yo‘l qo‘yilmaydi.
Umumiy bosqichning 1-turi uch kun — seshanba, chorshanba va payshanba (8-9-10-sentyabr) kunlariga taqsimlanadi. Qolgan turlar ikki kun davomida o‘tkaziladi. So‘nggi turda esa barcha uchrashuvlar bir vaqtda boshlanadi.
1-turni Abduqodir Husanov va «Manchester Siti» safarda «Portu»ga qarshi o‘tkazadi. Boshlanishi: bizning vaqt bilan 9 sentyabrga o‘tar kechasi soat 00:01 da.
Umarali Rahmonaliyev va «Sabah» esa Chempionlar ligasi umumiy bosqichidagi debyutida «Manchester Yunayted» maydonida sinovdan o‘tadi. Boshlanishi: bizning vaqt bilan 11-sentyabrga o‘tar kechasi soat 00:00 da.
Manba: UEFA
Xalqaro shaxmat federatsiyasi (FIDE) Prezident kengashi rossiyalik shaxmatchilarni Butunjahon shaxmat Olimpiadasida ishtirok etishiga ruxsat bermadi. Bu haqda Rossiya shaxmat federatsiyasi ijrochi direktori Aleksandr Tkachyov TASS agentligiga ma’lum qildi.
«Jahon shaxmat Olimpiadasida terma jamoalarimiz qatnashmaydi. Kengash ushbu qarorni FIDE prezidenti vazifasini bajaruvchi janob Vishvanatan Anandning tashabbusi bilan qabul qildi», — dedi Tkachyov.
Butunjahon shaxmat Olimpiadasi 16–27 sentyabr kunlari Samarqand shahrida bo‘lib o‘tadi.
2025 yilning dekabrida Xalqaro shaxmat federatsiyasi Bosh assambleyasi rossiyalik sportchilarga nisbatan cheklovlarni to‘liq va qisman bekor qilish uchun ovoz bergan edi. Rossiyalik shaxmatchilarning qaytishiga 61 delegat ovoz bergan, 51 delegat qarshi chiqqan.
Biroq 2026 yil yanvarda Buyuk Britaniya, Germaniya, Norvegiya, Estoniya va Ukraina shaxmat federatsiyalari FIDEning rossiyalik shaxmatchilarga nisbatan sanksiyalarni to‘liq bekor qilish haqidagi qaroriga e’tiroz bildirish niyatida ekani xabar qilindi. Shundan so‘ng, 2026 yil iyun oyida sanksiyalar qayta joriy etildi.
Avvalroq mazkur Olimpiadani Magnus Karlsen va yana bir qator shaxmat yulduzlari ham o‘tkazib yuborishi ma’lum bo‘lgandi.
Krishtianu Ronaldu joriy mavsum nihoyasida professional futboldagi faoliyatiga yakun yasashi mumkin. Bu haqda u Vogue jurnaliga intervyusida ma’lum qildi.
«Ehtimol, bu futboldagi so‘nggi yilim bo‘lishi mumkin, o‘zimdan ulkan meros qoldirishni istayman», — dedi Ronaldu.
Besh karra «Oltin to‘p» egasi ta’kidlashicha, bo‘sh vaqtini hordiq va sayohatlarga ajratmoqchi.
Krishtianu Ronaldu professional futbolga kirib kelganiga 25 yil bo‘ldi. Birinchi katta o‘yinini 2002-yil 14-avgustda Lissabonning «Sporting» klubi safida Milanning «Inter»iga qarshi o‘tkazgan.
Londonning «Arsenal» klubi o‘z tarixida 18-marta Angliya superkubogini qo‘lga kiritdi. Jamoa Kardiffda «Manchester Siti»ni 3:0 hisobida mag‘lub etdi.
O‘yinning 23-soniyasida Rikkardo Kalafiori hisobni ochdi. One Football nashrining ma’lumotlariga ko‘ra, bu 1968 yildan beri superkubok o‘yinining birinchi daqiqasida urilgan birinchi va kubok tarixidagi eng tezkor gol bo‘ldi.
London jamoasi safida yana Kay Xaverts (28) va Martin Edegor (48) gol urishdi.
O‘tgan mavsumda «Arsenal» Premer ligada g‘olib bo‘lgan bo‘lsa, manchesterliklar Angliya kubogini qo‘lga kiritdi.
«Shaharliklar» safida Abduqodir Husanov to‘liq harakat qildi.
Saida Mirziyoyeva Pekinda Va I bilan muloqot o‘tkazdi
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi
-
Iqtisodiyot5 days ago
Oziq-ovqat ishlab chiqarishda qaysi hududlar yetakchi?
-
Siyosat2 days ago
Prezidentning Mustaqillik bayrami tabrigidan o‘rin olgan asosiy fikrlari
-
Jamiyat13 hours ago
Ko‘ksaroyda O‘zbekiston va Hindiston yetakchilariningg tarixiy muzokaralari bo‘lib o‘tdi
-
Sport23 hours ago
EChL 2026/2027. Umumiy guruh bosqichi taqvimi e’lon qilindi
-
Sport13 hours ago
Akademik eshkak eshish bo‘yicha O‘zbekiston terma jamoasi tarixda ilk bor jahon chempioni bo‘ldi