Jamiyat
xavfsizlik va odamlar taqdiri oxirgi o‘rindami?
Tumanning Tirsakobod mahallasidagi qurilish obektida minorali kran qulashi oqibatida 1 kishi vafot etdi. Mahalliy aholi o‘lganlar ko‘proq bo‘lishi mumkinligini aytmoqda. Ularning so‘zlariga ko‘ra, Tirsakobod mahallasidagi qurilish obektida oldin ham baxtsiz hodisalar yuz bergan. Odamlar bu qurilish jarayonlaridan, xususan, minorali kranlar ularning uylari yaqinida tiklanayotganidan norozi.
{Yii::t(}
O’tkazib yuborish 6s
O’tkazib yuborish
Chilonzor tumani Tirsakobod mahallasida “Omega agro stroy” MChJ qurayotgan turar joy majmuasida minorali kran qulab tushdi. Hodisa oqibatida bir kishi halok bo‘lgani ma’lum qilindi. Kun.uz muxbiri voqea tafsilotlarini o‘rganish uchun manzilga bordi.
Guvohlarning aytishicha, 25 yoshli yigitdan tashqari tez yordam mashinasi olib ketgan boshqa bir fuqaro ham vafot etgan bo‘lishi mumkin.
“Bir kishi shu yerda o‘ldi, boshqasi boshidan og‘ir jarohat oldi, yana biri esa yengilroq jarohatlandi. Kranning og‘irligini qarang, ag‘darilganda suv o‘tadigan quvurni teshib yuborgan. Ertalabdan beri xo‘jayinlarning bittasi ham kelgani yo‘q. Mening fikrimcha, kranni har doim ko‘cha tomonga emas, uyning orqa tomoniga qo‘yish kerak. Umumiy hisoblasangiz, shu paytgacha 4 yoki 5 nafar kishi halok bo‘ldi”, deydi fuqarolardan biri.
Mahallada yashovchi yana bir fuqaroga ko‘ra, shifoxonaga olib ketilgan fuqaro ham yo‘lda jon bergan.
“Kranning tagida yashaymiz. U nosozmasmi, umuman texnika xavfsizlik qoidalariga javob beradimi-yo‘qmi, bilmaymiz. Bu tag‘in ham 6-qavatda bo‘lgan, hozirgisi esa 14-qavatini qilyapti. Boshida bizga 50 metr uzoqlikda 4 qavat bo‘ladi deb aytishgan. Hozir bu yerda 50 metr ham chiqmaydi. 16 qavat qurishyapti. Hech bo‘lmasa kranini bizdan uzoqroq tomonga olib o‘tsin. Bizning ham uyda bolalar bor, har kuni maktab o‘quvchilari o‘tadi”, deydi uyi qurilish obektiga yaqin ayol.
Uning qo‘shimcha qilishicha, qurilish ishlari davomida yuzaga keladigan chang ham aholining e’tirozlariga sabab bo‘lmoqda.
“Oldin bu yerlar harbiy qism bo‘lgan, daraxtzor edi. Toza havo kelib turardi. Hozir tinchimiz buzilgan. Mana, tepamizda kran aylanadi. Tahlikada yashayapmiz. Shu voqeadan keyin uy sotib olganlar kelib, “otmen” qilib ketishdi”, deydi ayol.
Mahallada yashovchilar tun-u kun qurilish ishlari olib borilayotganidan ham norozi ekanliklarini bildirishdi.
“Bular 16 qavatli quramiz deb aytishmagan. Mahallaning yig‘ilishida 5 qavat deyishgan. Odamlar qo‘l qo‘ygan deydi, masalan, mening oilam qo‘l qo‘ymagan. Lekin biz shu qurilishni qilishayotganidan norozimiz. Juda bo‘lmaganda 9 qavat qilganda ham bo‘lardi. Havo yo‘q. Soat 22:00dan keyin ishlamasin. Bular kechasi bilan ishlaydi”, deydi suhbatdosh.
Mahalla vakillari ushbu qurilish obektida oldin ham baxtsiz hodisalar bo‘lganini aytmoqda.
“Ko‘zimiz bilan ko‘rmadigu, yosh-yosh yigitlar halokatga uchrab, jon berganini eshitdik. Mana shu “moyka”da ham, odamni tok urib ketgan. Mahallamizda notinchlik, mana shu “zabor”ga yaqin qilib qurilyapti. Mahalladan ruxsat olinmagan. Buni mahalla raiis hal qilgandir balki. «Dom»larning ichida (qurilish obektida) itlar ko‘payib ketgan, odamlarga tashlanyapti. Kran mana shunday turibdi, ko‘chada odamlar, mashinalar yuribdi. Mumkinmi shunaqa ishlash? Bu yerda texnika xavfsizlik qoidalariga amal qilinayotganini ko‘rayotganimiz yo‘q. O‘shaning uchun ham odamlar o‘lyapti. Bu qon bilan qurilayotgan dom”, deydi mahalla faoli.
Uning ta’kidlashicha, hodisa yuz bermasidan 10 soniya oldin ona-bola ko‘chadan o‘tib ketgan.
Holat yuzasidan buyurtmachi “BM group construction” MChJ rahbari Dilshod Komilov bilan bog‘landik.
“Biz quruvchi kompaniyamiz, minorali kranlarni montaj qilishga litsenziyamiz yo‘q. U 3-tashkilotning vazifasi. Bu ish bilan IIO xodimlari shug‘ullanyapti. Xulosani ular beradi”, deydi u.
Shuningdek, Dilshod Komilov aynan ularning qurilish obektida oldin bu kabi baxtsiz hodisa va o‘lim bo‘lmaganini, odamlarning uyiga yaqin joylashgan kranlar joyi almashtirilishini, mutaxassislar o‘rganib xulosasini berishini ma’lum qildi. U kranni montaj qiluvchi tashkilot nomini ochiqlamadi hamda hodisada necha kishi vafot etgani haqidagi savolni javobsiz qoldirdi.
Hozirda minorali kran qulagan obektda qurilish ishlari to‘xtatilgan.
Eslatib o‘tamiz, 2025 yil 8 sentabr kuni Chilonzordagi qurilish obektida minorali kranning qulab tushgan va buning oqibatida 1 kishi vafot etgandi. Toshkent shahar IIBB holat yuzasidan Jinoyat kodeksining 257-moddasi 2-qismi “a, b” bandlari bilan jinoyat ishi qo‘zg‘atilganini bildirgan.
Sanoat, radiatsiya va yadro xavfsizligi qo‘mitasiga ko‘ra, montaj ishlari olib borilayotganda kranning tayanch oyoqlarini asosga o‘rnatib ushlab turuvchi qismi mustahkam qotirilmagan. Shu sababli kranning keyingi qismini qo‘yish uchun harakatlanish davrida kran bir tomonga og‘ib ketgan va uning asosga qotirilmagan 2 ta oyog‘i ko‘tarilib ketishi oqibatida yerga qulagan.
Yakshanba kuni «Bog‘ishamol» dam olish majmuasida ichida odamlar bo‘lgan attraksion qulab tushdi. Guvohlar kamida 7 kishi jarohatlanganini aytmoqda. Andijon viloyat FVB hodisani tasdiqladi va 2 kishiga yordam ko‘rsatilganini ma’lum qildi.
Andijon viloyatida joylashgan Z.M.Bobur nomidagi istirohat bog‘ida (“Bog‘ishamol“) zanjir uzilib ketishi natijasida, ichida odamlar bo‘lgan attraksion qulab tushdi.
Ijtimoiy tarmoqlar hodisadan keyin attraksionni qismlari yerda sochilib yotgani aks etgan videolar tarqaldi. Guvohlarning Kun.uzʼga xabar qilishicha, baxtsiz hodisa natijasida kamida 7 kishi jarohatlangan.
Shuningdek, tarmoqlarda «attraksionlarga chiqishda hushyorlikka chaqirib, ularning ko‘plari tekshiruvdan o‘tkazilmagani» aytiladi.
Andijon viloyati Favqulodda vaziyatlar boshqarmasi 26 aprel kuni ushbu bog‘ hududida attraksionlarning birining temir konstruksiyasi singanini tasdiqladi. Rasmiylarga ko‘ra, hodisa oqibatida «2 fuqaro yengil tan jarohati olgan va malakali tibbiy yordam ko‘rsatilgan».
Andijon viloyati FVB baxtsiz hodisa sabablari haqida ma’lumot bermagan.
Toshkent viloyatida favqulodda vaziyatlar tizimida faoliyat yurituvchi mansabdor shaxs tadbirkordan katta miqdorda pul talab qilgani aniqlandi. U tuman hududidan oqib o‘tuvchi uchta soy qirg‘oqlarini mustahkamlash va beton plitali yo‘l o‘tkazgichlari qurishga oid umumiy qiymati 5,04 mlrd so‘mlik shartnomalarni olib berganini ro‘kach qilgan.
Mazkur shartnomalarni go‘yoki vazirlikdagi hamkasblari orqali mahalliy mas’uliyati cheklangan jamiyatga rasmiylashtirib berganini aytgan mansabdor, korxona rahbaridan 63 ming AQSh dollari miqdorida «ulush» talab qilgan.
2026-yilning mart-aprel oylarida u ushbu mablag‘ning 24 ming dollarini olgani ham ma’lum bo‘ldi. Keyinchalik esa tadbirkordan qolgan 39 ming dollarni ham berishni talab qilishda davom etgan.
Davlat xavfsizlik xizmati xodimlari tomonidan Bosh prokuratura huzuridagi Departamentning Toshkent viloyati boshqarmasi hamda Favqulodda vaziyatlar vazirligining Shaxsiy xavfsizlik boshqarmasi bilan hamkorlikda tezkor tadbir o‘tkazildi.
Unda mansabdor talab qilingan pulning navbatdagi qismi — 25 ming AQSh dollarini olayotgan vaqtida qo‘lga olindi. Holat uning «Tracker» rusumli xizmat avtomashinasida sodir bo‘lgani qayd etildi.
Tezkor tadbir davomida u ashyoviy dalillar bilan ushlangani rasman tasdiqlandi. Bu holatda pul mablag‘larining aynan talab qilingani va olingani hujjatlashtirildi.
Hozirda mansabdor shaxsga nisbatan jinoyat ishi qo‘zg‘atilgan. Tergov organlari tomonidan barcha holatlar yuzasidan surishtiruv ishlari olib borilmoqda.
Unga nisbatan «qamoq» ehtiyot chorasi qo‘llanilgani ma’lum qilindi.
Ijtimoiy tarmoqlarda tarqalgan video ortidan Samarqandda ikki nafar qizga nisbatan zo‘ravonlik holati fosh etildi. Voqea Bolalar ombudsmani nazoratiga olindi.
Samarqand viloyatining Toyloq tumanida voyaga yetmagan ikki nafar qizga nisbatan jismoniy va ruhiy zo‘ravonlik holati aniqlandi. Bu haqda Bolalar ombudsmani ma’lum qildi.
Ma’lum bo‘lishicha, joriy yilning 21-aprel kuni fuqaro M.S. o‘zining vaqtincha vasiyligida bo‘lgan 2019-yilda tug‘ilgan B.D. va 2017-yilda tug‘ilgan B.M.ga nisbatan turli shaklda tazyiq o‘tkazgan. U bolalarning xorijda bo‘lgan onasi D.M.dan pul undirish maqsadida zo‘ravonlik qilgani va bu holatni videoga olgani qayd etilgan.
Holat ijtimoiy tarmoqlarda tarqalgach, bolalar ombudsmani tomonidan nazoratga olindi. Samarqand viloyatidagi mintaqaviy vakil joyiga chiqib, vaziyatni o‘rgandi va bolalarni himoya qilish bo‘yicha zarur choralarni ko‘rdi.
Hozirda mazkur holat yuzasidan tuman ichki ishlar bo‘limi tomonidan tergovga qadar tekshiruv ishlari olib borilmoqda.
Tuman vasiylik organi — «Inson» markazi mas’ullari tomonidan M.S. vasiylik vazifasidan chetlatildi. Bu qaror bolalar manfaatlarini himoya qilish maqsadida qabul qilingan.
Shuningdek, bolalarga yetkazilgan tan jarohatlari darajasini aniqlash uchun sud-tibbiy ekspertiza tayinlangan. Bu jarayonda barcha holatlarga huquqiy baho berilishi kutilmoqda.
Zo‘ravonlikdan jabrlangan qizlarning ruhiy holatini barqarorlashtirish maqsadida psixolog jalb qilingan. Hozirda ular tumandagi oilaviy bolalar uyiga joylashtirildi. Shu bilan birga, yashash hududiga yaqin maktab va maktabgacha ta’lim muassasalariga rasmiylashtirilib, ta’lim olish huquqlari tiklandi.
Ayni paytda xorijda bo‘lgan onaning o‘z ota-onalik majburiyatlarini qay darajada bajarayotgani ham o‘rganilmoqda. Bolalar ombudsmani mazkur ish bo‘yicha kuzatuvni davom ettirmoqda.
O‘zbekistonda aholini uy-joy bilan ta’minlashni rag‘batlantirish maqsadida ipoteka bozorida yangi mexanizm — «maqsadli ipoteka omonati» amaliyotini joriy etish rejalashtirilmoqda.
Ushbu tashabbus Prezidentning 2026-yil 24-fevraldagi PF–29-son farmoni ijrosi doirasida ishlab chiqilgan bo‘lib, 2026-yil 1-iyuldan boshlab tajriba-sinov tarzida amalga oshirilishi ko‘zda tutilgan.
Yangi tizimning asosiy g‘oyasi — aholining vaqtincha bo‘sh mablag‘larini uy-joy xaridiga yo‘naltirish. Fuqarolar ipoteka krediti olishdan oldin maxsus omonat hisobvarag‘ida mablag‘ jamg‘aradi. Bu mablag‘lar keyinchalik dastlabki badalni shakllantirishda ishlatiladi.
Bunda:
– tijorat banklarida maxsus omonat hisoblari ochiladi;
– omonatlarga bozor stavkalarida foiz hisoblanadi;
– davlat tomonidan subsidiyalar ajratiladi;
– jamg‘arilgan mablag‘lar ipoteka krediti uchun maqsadli yo‘naltiriladi.
Yangi mexanizm ikki tomonlama samara beradi. Birinchidan, fuqarolar uchun uy-joy sotib olish imkoniyati kengayadi – chunki ular oldindan mablag‘ jamg‘arib, kredit yukini kamaytiradi. Ikkinchidan, banklar uchun uzoq muddatli moliyaviy resurslar bazasi shakllanadi.
Dastlabki badalning bir qismi davlat subsidiyasi hisobidan qoplab berilishi, ipoteka foizlarining ma’lum qismiga ham kompensatsiya berilishi (5 yilgacha) hamda fuqaro uy olmasa, omonat mablag‘lari foizlari bilan qaytarilishi kabi shartlar qo‘shimcha imkoniyatlar sifatida taqdim qilinmoqda.
«Maqsadli ipoteka omonati» tizimi ipoteka bozorida yangi bosqichni boshlab berishi mumkin. U nafaqat aholining uy-joyga bo‘lgan ehtiyojini qondirishga xizmat qiladi, balki ichki moliyaviy resurslarni iqtisodiyotga jalb qilish orqali umumiy iqtisodiy barqarorlikni ham mustahkamlaydi.
U Samarqand tumanida istiqomat qiluvchi fuqaroning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Samarqand shahrida yer uchastkasini noqonuniy sotishga uringan shaxs qo‘lga olindi.
Davlat xavfsizlik xizmati xabariga ko‘ra, u Samarqand tumanida istiqomat qiluvchi fuqaro bilan til biriktirib, uning turmush o‘rtog‘iga issiqxona tashkil qilish uchun ajratib berilgan 2 gektar yer maydonini sotishni rejalashtirgan.
Shaxs xaridorga ushbu yerni 490 ming AQSh dollariga sotishini, shuningdek mansabdor tanishlari orqali hujjatlarni rasmiylashtirib berishini aytib, oldindan 50 ming dollar talab qilgan.
U Davlat xavfsizlik xizmati, Iqtisodiy jinoyatlarga qarshi kurashish departamenti va ichki ishlar organlari hamkorligida o‘tkazilgan tezkor tadbirda 50 ming AQSh dollarini olgan vaqtida ashyoviy dalillar bilan ushlandi.
Hozirda mazkur fuqarolarga nisbatan jinoyat ishi qo‘zg‘atilgan bo‘lib, tergov harakatlari olib borilmoqda.
Andijonda attraksion quladi: kamida 7 kishi jarohatlangan
Isroil Hizbullohga qarshi kuchli hujum tayyorlamoqda
Prezident Tramp delegatsiya parvozini bekor qildi
-
Siyosat5 days agoPrezident Shavkat Mirziyoyev JSST bosh direktorini qabul qildi
-
Siyosat4 days agoPrezident Mirziyoyev mintaqaviy sammitda yashil savdo yoʻlaklari va yagona iqlim investitsiya strategiyasini taklif qildi
-
Jamiyat4 days ago
Giyohvand moddalar aylanmasini nazorat qilishning milliy tizimi takomillashtiriladi
-
Jamiyat5 days agoShavkat Mirziyoyev Ostonaga yetib bordi
-
Iqtisodiyot3 days ago“QQSni oson qaytarib olish ta’minlanmasa, stavkani 6 foizga tushirishni taklif qilamiz” – Davron Vahobov
-
Siyosat5 days ago
Prezident Shavkat Mirziyoyev iyul oyida Belarusga rasmiy tashrif bilan boradi
-
Iqtisodiyot4 days ago
Markaziy bank: 24-aprelda dollar pasayadi
-
Dunyodan3 days ago
Buyuk Britaniyada “chekmaydigan avlod” dunyoga keldi