Sport
Paulu Bentu O‘zbekiston milliy jamoasini boshqarish taklifini rad etdi – OAV
56 yoshli portugaliyalik mutaxassisga taklif qilingan shartlar «yetarli darajada jozibador bo‘lmagani» ta’kidlanmoqda.
Portugaliyalik murabbiy Paulu Bentu O‘zbekiston milliy jamoasini boshqarish haqida taklif oldi, ammo hozir loyihaga rahbarlik qilishning mavridi emasligini tushundi. Bu haqda Portugaliya nashrlari xabar berdi.
«O‘zbekiston milliy jamoasi 2026 yilda bo‘lib o‘tadigan navbatdagi jahon chempionatiga yo‘llanmani qo‘lga kiritdi va final bosqichida Paulu Bentu jamoani boshqarishini kutgan edi. Biroq, portugaliyalik mutaxassis uchun taklif qilingan shartlar yetarli darajada jozibador emas edi», deb yozdi O Jogo.
«56 yoshli portugaliyalik murabbiy loyihada ishtirok etish uchun zarur deb hisoblagan shartlar bajarilmaganini tushunib yetgan va shu sababli taklifni rad etgan», deb yozdi Record.
Portugaliya nashrlari aynan qaysi shartlar Paulu Bentuni qoniqtirmagani haqida batafsil ma’lumot bermadi.
Qayd qilinishicha, turli jamoalar 2026 yilgi jahon chempionati yo‘llanmasi uchun kurashayotgan bir paytda, Paulu Bentu ishga qaytish uchun zarur shart-sharoitlarni ta’minlaydigan imkoniyatni kutish maqsadida yangi takliflarga ochiq qolmoqda.
Paulu Bentu murabbiylik faoliyatini 2005 yil vatanida, «Sporting» klubida boshlagan. Keyinroq, Braziliyaning «Kruzeyro», Gretsiyaning «Olimpiakos» va Xitoyning «Chunsin Lifan» klublarida ishlagan.
2010 va 2014 yillar oralig‘ida Portugaliya milliy jamoasini boshqarib, Yevro-2012 yarimfinaliga olib chiqdi. Keyinchalik Janubiy Koreyani Qatarda bo‘lib o‘tgan JCh-2022 final bosqichiga olib chiqib, Osiyoda ham hurmatga sazovor bo‘ldi. So‘nggi yillarda BAA milliy jamoasida ishladi.
Ayni paytda O‘zbekiston milliy jamoasini Temur Kapadze boshqarib turibdi. O‘FA Paulu Bentu bilan muzokara o‘tkazgani haqida hech qachon xabar bermagan.
Londondagi «Uembli» stadionida Angliya Liga Kubogining final uchrashuvi bo‘lib o‘tdi. Bosh sovrin uchun bahsda «Manchester Siti» va «Arsenal» jamoalari o‘zaro to‘qnash kelishdi.
Uchrashuv «Manchester Siti» ning 2:0 hisobidagi g‘alabasi bilan yakunlandi. O‘yin taqdirini ikkinchi bo‘limda Niko O‘Rayli tomonidan kiritilgan ikkita gol (60 va 64-daqiqalar) hal qildi. Ushbu muvaffaqiyat evaziga «Manchester Siti» o‘z tarixida 9-marta Angliya Liga Kubogi sohibiga aylandi. Endilikda ular mazkur turnirda eng ko‘p zafar quchgan «Liverpul» (10 ta sovrin) rekordiga yaqinlashib oldi — ular orasidagi farq atigi bitta kubokni tashkil etmoqda.
O‘zbekiston milliy terma jamoasi himoyachisi Abduqodir Husanov «Manchester Siti» tarkibida maydonga tushib, to‘liq 90 daqiqa harakat qildi. U uchrashuvning 32-daqiqasida Viktor Dyokereshga ishlatilgan qo‘pollik uchun sariq kartochka oldi.
Ushbu g‘alaba orqali Husanov Angliya Liga Kubogini qo‘lga kiritgan ilk o‘zbekistonlik futbolchi sifatida tarixga kirdi. Bu sovrin himoyachi uchun Angliyadagi birinchi oltin medal hisoblanadi.
Kecha, 22 mart kuni Ispaniya La Ligasida bir qator markaziy uchrashuvlar bo‘lib o‘tdi. Turning eng asosiy bahsi Madrid derbisiga to‘g‘ri keldi. Unda “Real Madrid” prinsipial raqibi “Atletiko Madrid”ni 3:2 hisobida mag‘lub etdi. “Barselona” esa “Rayo Valekano” ustidan 1:0 hisobida g‘alaba qozondi.
Ispaniya chempionatining kechagi turi qiziqarli va kurashlarga boy o‘yinlarga boy bo‘ldi.
Turning markaziy uchrashuvida “Real Madrid” o‘z maydonida “Atletiko Madrid”ni qabul qildi. Shiddatli va murosasiz kechgan bahsda mezbonlar 3:2 hisobida g‘alaba qozondi. Uchrashuv davomida har ikki jamoa ham faol hujumlar tashkil etdi, ammo yakunlovchi daqiqalarda “Real” ustunroq harakat qildi.
Yana bir muhim o‘yinda “Barselona” o‘z maydonida “Rayo Valekano”ni 1:0 hisobida mag‘lub etdi. Kataloniya klubi qiyin kechgan bahsda muhim uch ochkoni qo‘lga kiritib, turnir jadvalidagi pozitsiyasini mustahkamlashga harakat qildi.
Shuningdek, qiziqarli o‘yinlardan birida “Alaves” mehmonda “Selta”ni 4:3 hisobida yengdi. Bu bahs turning eng dramatik to‘qnashuvlaridan biriga aylandi. “Atletik Bilbao” esa o‘z uyida “Betis”ni 2:1 hisobida mag‘lub etib, navbatdagi muhim g‘alabani rasmiylashtirdi.
22 mart kungi o‘yinlardan so‘ng La Liga jadvalida “Barselona” 73 ochko bilan peshqadam bo‘lib turibdi. “Real Madrid” 69 ochko bilan ikkinchi, “Vilyarreal” 58 ochko bilan uchinchi, “Atletiko Madrid” 57 ochko bilan to‘rtinchi o‘rinda bormoqda. Keyingi pog‘onalarda “Betis” 44 ochko, “Selta” 41 ochko bilan joylashgan. Shu tariqa, chempionlik uchun asosiy kurash hozircha “Barselona” va “Real Madrid” o‘rtasida kechmoqda, Yevropa kuboklari yo‘llanmalari uchun raqobat esa yanada keskinlashgan.
Rossiyalik hokkeychi liga tarixida Ueyn Gretskidan keyin bu marrani zabt etgan ikkinchi o‘yinchi bo‘ldi.
«Vashington Kepitalz»ning rossiyalik hujumchisi Aleksandr Ovechkin MHL muntazam chempionatining «Kolorado Evelansh»ga qarshi uchrashuvida gol urdi va pley-offlarni ham hisobga olgan holda liga tarixida 1000 ta gollik ko‘rsatkichga erishdi.
40 yoshli Ovechkin hisobida muntazam chempionatlarda 923 ta va pley-offda 77 ta gol bo‘ldi. U jami 1723 ta o‘yin o‘tkazgan (muntazam chempionatda 1562 ta va pley-offda 161 ta).
Bu borada MHL rekordchisi kanadalik Ueyn Gretski hisoblanadi — u 1694 ta (1487+207) o‘yinda 1016 ta (894+122) gol urgan.
Aleksandr Ovechkin muntazam chempionatlarda urilgan gollar soni bo‘yicha MHL rekordchisi bo‘lib, o‘tgan mavsumda Gretskining rekordini yangilagan edi.
«Kolorado»ga qarshi o‘yindan so‘ng «Vashington»da muntazam chempionatda yana 11 ta o‘yin qoladi. Hozir jamoa Sharqiy konferensiyada 12-o‘rinda bormoqda va pley-off hududidan tashqarida joylashgan.
“Manchester Siti” to‘qqizinchi bor Angliya Liga kubogi sohibi bo‘ldi. O’Rayli “Arsenal” darvozasiga to‘rt daqiqa ichida ikkita gol kiritib, dubl muallifiga aylandi.
Londondagi “Uembli” stadionida “Arsenal” va “Manchester Siti” jamoalari Angliya Liga kubogi final bahsi bo‘lib o‘tdi.
Uchrashuvning birinchi bo‘limida hisob ochilmadi.
O’Rayli 60-daqiqada “Manchester Siti”ni hisobda oldinga olib chiqqan bo‘lsa, 64-daqiqada “Arsenal” darvozasiga ikkinchi golini kiritdi.
“Shaharliklar”ning o‘zbekistonlik himoyachisi Abduqodir Husanov uchrashuvni asosiy tarkibda boshladi va to‘liq harakat qildi. U 32-daqiqada Yokeresga nisbatan ishlatgan qo‘polligi uchun sariq kartochka oldi.
“Arsenal”ni 2:0 hisobida mag‘lub etgan “Manchester Siti” to‘qqizinchi bor Angliya Liga kubogi sohibi bo‘ldi.
O‘zbekiston milliy terma jamoasi 22-martdan Toshkentda o‘quv-mashg‘ulot yig‘inlarini boshlaydi.
Fabio Kannavaro FIFA Series uchun jalb etilgan futbolchilar ro‘yxatini e’lon qildi.
Kengaytirilgan ro‘yxatdan o‘rin olgan futbolchilarimiz — Jaloliddin Masharipov, Husniddin Aliqulov, Abbosbek Fayzullayev, Dilshod Komilov, Ibrohimhalil Yo‘ldoshev, Abdulla Abdullayev, Alibek Davronov va Husayn Norchayev jarohati tufayli yig‘inni o‘tkazib yuborishi ma’lum bo‘ldi.
Eslatib o‘tamiz, milliy jamoa FIFA Series doirasida 27 mart kuni Gabon, 30 mart kuni esa Venesuyealaga qarshi maydonga tushadi. O‘yinlar «Bunyodkor» stadionida soat 19:00 da start oladi.
ETB O‘zbekistonning siyosat foiz stavkasi 2026-yil oxirigacha 13 foizga tushishini kutmoqda
Prezident qo‘shaloq bayram munosabati bilan 392 nafar mahkumni afv etdi
Islom bank ishi anʼanaviy foizlarga asoslangan modellardan nimasi bilan farq qiladi?
-
Dunyodan5 days ago
Eron Hormuz boʻgʻozi orqali cheklangan oʻtishga ruxsat beradi
-
Siyosat4 days agoSoʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
-
Iqtisodiyot5 days agopayme Tez QR orqali to‘lovni 3% keshbek bilan ishga tushirmoqda
-
Jamiyat5 days ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Dunyodan4 days ago
Istanbulda yetti yil avval sodir etilgan qotillik ishi fosh etildi. O’zbek ayoli vafot etdi
-
Dunyodan4 days ago
Isroil mintaqaviy tuzilmani qayta tiklamoqchi
-
Iqtisodiyot5 days agoQashqadaryo viloyati ijtimoiy-iqtisodiy rivojlantiriladi
-
Dunyodan4 days ago
Eron Hindistondan qo’lga olingan tankerni ozod qilishni talab qildi