Sport
«MYu» kuchli o‘ynab yutqazdi, «Chelsi» durang bilan boshladi. Kun o‘yinlari
Modrich «Milan»da debyut qildi, «Atletiko» 15 yildan buyon ilk bor 1-turda yutqazdi. Yakshanba oqshomida Yevropa chempionatlarida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: «Arsenal» «Old Trafford»dan 3 ochko bilan qaytdi
APL. 1-tur
«Manchester Yunayted» — «Arsenal» 0:1
Gol: Kalafiori (13).
«Manchester Yunayted» — Bayindir, Dalot (Diallo, 55), Yoro, Le Ligt, Shou (Maguayr, 80), Dorgu, Kazemiro (Ugarte, 65), Fernandesh, Maunt (Sheshko, 65), Mbeumo, Kunya.
«Arsenal» — Rayya, Uayt (Timber, 72), Gabriel, Saliba, Kalafiori (Lyuis-Skelli, 72), Rays (Merino, 83), Subimendi, Edegor, Saka, Martinellli (Madueke, 60), Gokeresh (Haverts, 60).
Ogohlantirishlar: Kalafiori (42), Dorgu (85), Rayya (85), Timber (90+1), Lyuis-Skelli (90+3).
Angliya premer ligasida 2025/26 yillar mavsumining birinchi turi futbol muxlislariga birdaniga ikki top uchrashuvni taqdim etdi. Juma oqshomida hujum chizig‘ini yangilagan «Liverpul» «Bornmut»ga qarshi o‘yinda iroda ko‘rsatib, 4:2 hisobida g‘alaba qozongandi. Yakshanba kuni esa ingliz klassikasi bo‘lib o‘tdi — «Manchester Yunayted» «Old Trafford»da «Arsenal»ni qabul qildi.
Bu jamoalar yozgi transferlarni faol o‘tkazdi, ayniqsa, o‘tgan mavsumni 15-o‘rinda yakunlagan «MYu» 230 million yevro sarflab, hujum chizig‘iga Kunya, Mbemo va Sheshko kabi to‘purar futbolchilarni sotib oldi va bu mavsumda o‘z oldiga katta maqsadlarni qo‘ygan. Qatorasiga uch mavsumda chempionlik poygasini boy bergan «Arsenal» uchun esa yangi mavsumni g‘alaba bilan boshlash juda muhim edi.
«Arsenal» ham transferlar uchun 200 million yevroga yaqin xarajat qildi va tarkibini yarimhimoyachilar Martin Subimendi va Kristian Norgar, hujumchilar Noni Madueke va Viktor Gyokeresh, himoyachi Moskera va darvozabon Kepani o‘z safiga qo‘shib oldi.
Murabbiylar o‘z ixtiyoridagi eng kuchli tarkibni maydonga tashladi. Amorim faqat jamoaga qo‘shilganiga ko‘p bo‘lmagan Sheshkoni zaxirada qoldirdi — Mbemo va Kunya ilk daqiqalardan harakat qildi. Arteta esa yangi xaridlardan Gyokeresh va Subimendini boshlang‘ich tarkibga kiritdi.
Bayindirning xatosi va Kunyaning magiyasi
«Yunayted» o‘yinni tetik boshladi — mezbonlar darhol to‘pni o‘z nazoratiga oldi va bir necha bor turli qanotlardan raqib jarima maydoniga kirib borishga urindi. Ayniqsa Kunya va chap qanot himoyachisi Patrik Dorgu jonbozlik ko‘rsatishdi — ular dastlabki 10 daqiqalikda bir necha xavfli vaziyatlar yaratishdi.
«Arsenal»dan esa kuchli bosimga dosh berish talab etildi va ular buni uddalashdi. 10-daqiqadan keyin esa mezbonlar bosimni susaytirdi va buning uchun to‘lov qilishdi. 13-daqiqada «kanonirlar» hujumga o‘tishdi va burchak to‘pi ishlashdi — «Arsenal» sardori Martin Edegorning qanotdan uzatmasidan keyin Mateys de Ligt to‘pni maydon tashqarisiga chiqarib yubordi. Standart vaziyatlar esa hamon mankunianlar uchun nozik nuqta ekani ayon bo‘ldi.
Arteta jamoasi esa aksincha bunday vaziyatlarda maksimal xavfli harakat qiladi va o‘tgan mavsumda shunday vaziyatlardan eng ko‘p gol urgan jamoalar qatorida bo‘lgandi. «Arsenal» yana burchak zarbasidan gol urdi. Bu holatda mezbonlar juda sust harakat qilishdi. Deklan Rays oddiy uzatma berdi, ammo darvozabon Altay Bayindir to‘pga chiqishda xatoga yo‘l qo‘ydi va to‘pni ortida bo‘sh turgan Rikkardo Kalafioriga o‘tkazib yubordi. Italiyalik himoyachi hech qanday qarshilikka uchramasdan bir necha santimetrdan bo‘sh darvozani ishg‘ol etdi.
O‘tkazib yuborilgan gol «qizil iblislar»ning o‘yiniga ta’sir ko‘rsata olmadi — ular o‘yinni oldingi sur’atda davom ettirib, «Arsenal» himoyasini turli qanotlardan buzib o‘tishga urinishdi. Bunday urinishlar o‘tgan mavsumdagi bilan solishtirganda ancha yaxshi chiqdi, ayniqsa Kunya ancha yaxshi taassurot qoldirdi — braziliyalik hujumchi ikki bor «Messi rejimi»ni yoqdi va driblingi bilan bir necha raqibni ortda qoldiri. Mbemo ham ancha foydali harakat qildi. Lekin birinchi bo‘lim yakunlariga ko‘ra mezbonlar zarbalar bo‘yicha ikki barobar ustunlikka (10:5) erishganiga qaramay, gol ura olishmadi. «Arsenal» amalda hisobga qarab o‘ynadi va tanaffusga g‘olib holda yo‘l oldi.
«MYu»da yana bir sifatli bo‘lim
Ikkinchi bo‘limda Arteta oldingi chiziqda o‘yinga umuman qo‘shila olmagan Gyokeresh va Martinellini zaxiraga oldi (shvetsiyalik hujumchi biror marta zarba berolmadi, biror marta aldab o‘tolmadi va to‘qqiz pasdan beshtasi xato chiqdi). Ularning o‘rniga Madueke va Havers tushirildi. Ammo «Arsenal» ikkinchi raqamda o‘ynashda davom etti va Bayindir darvozasi qarshisida xavfli vaziyatlar deyarli yaratmadi.
«MYu» esa, aksincha, to‘xtovsiz hujum uyushtirdi. 65-daqiqada Amorim Meyson Maunt o‘rniga Sheshkoni ham jangga tashladi, ammo baribir to‘p darvozaga kirmadi.
O‘yin oxiriga borib «qizil iblislar» o‘yinni soddalashtirib, uzun uzatmalar bilan o‘ynashga o‘tdi. Mehmonlar esa vaqt cho‘zishga va qo‘pollik bilan raqibni to‘xtatishdan tortinmadi. 85-daqiqadan keyin londonlik futbolchilar uchta sariq kartochka olishdi. Shundan ikkitasi — ochiqchasiga vaqt cho‘zgani uchun darvozabon David Rayya va himoyachi Yurriyen Timberga ko‘rsatildi.
Shunga qaramay, «Arsenal»ning taktikasi o‘z maydonida doim kuchli o‘yin ko‘rsatadigan «Manchester Yunayted»ga qarshi ish berdi. Barcha parametrlar bo‘yicha ortda qolganiga qaramay (XG bo‘yicha 1.59 ga 1.05 va zarbalar bo‘yicha 22-9 mezbonlar foydasiga), Arteta shogirdlari safardan uch ochko olib qaytishdi. Ammo «Manchester Yunayted» o‘zining yaxshi o‘yini bilan ko‘pchilikni ajablantirdi, yangi futbolchilar ham jamoaga yaxshi qo‘shilib ketishgani ko‘rindi. Agar Amorim jamoasi shu ruhda o‘ynashda davom etadigan bo‘lsa, g‘alabalar ham keladi. Arteta esa chempionlikka erishmoqchi bo‘lsa, hali ko‘p ish qilishi kerak.
«Chelsi» — «Kristal Pelas» 0:0
«Chelsi» — Sanches, Jyeyms (Gyusto, 79), Achimpong, Chaloba, Kukurelya, Kaysedo, Fernandes (Santos, 79), Netu, Palmer, Gittens (Estevao, 54), Pedro (Delap, 73).
«Kristal Pelas» — Henderson, Richards, Lakrua, Gehi, Munyos, Uorton, Hyuz (Lerma, 70), Mitchell, Sarr, Eze (Devenni, 84), Mateta.
Ogohlantirishlar: Jyeyms (24), Munyos (28), Mateta (33), Hyuz (49), Estevao (74).
«Chelsi» hujum chizig‘i «Kristal Pelas» mudofaasini yorib o‘tolmadi. Yaqinda klub muzeyiga Angliya Superkubogini ham qo‘shib qo‘ygan va keyingi mavsumda yevrokubokdagi ishtirokini boshlaydigan mehmonlar esa o‘yin debyutida darvozani ishg‘ol etishdi. Ammo Eze jarima zarbasidan urgan gol xursandchiligi uzoqqa cho‘zilmadi: videohakamlar arbitrni monitor qarshisiga taklif etishdi va bu gol bekor qilinishiga olib keldi. Hakamlar zarba beruvchi tomon himoyachisi Gehi qoidani buzib, «jonli devor»ga bir metrdan kam masofada yaqinlashganiga e’tibor qaratishdi. O‘yin davomida jamoalar jami 31 bor zarba berishdi, lekin hisob ochilmay qoldi. Oxirgi bor birinchi turda bunday hujumkor o‘tgan o‘yinda golsiz durang qayd etilishi2018 yilda «Byornli» va «Sauthempton» o‘rtasidagi o‘yinda (34 zarba) qayd etilgandi.
«Nottinghem Forest» — «Brentford» 3:1
Gollar: Vud (5, 45+2), Ndoyye (42) — Igor (78, penalti).
«Nottinghem Forest» — Zels, Ayna, Milenkovich, Murillo, Uilyams, Sangare, Anderson, Ndoyye (Jota Silva, 79), Gibbs-Uayt (Yyeyts, 84), Hadson-Odoi, Vud (Igor Jyesus, 79).
«Brentford» — Kelleher, Kayode, Kollinz, van den Berg, Genri (Hiki, 88), Yyensen (Henderson, 69), Yarmolyuk, Lyuis-Potter (Oniyeka, 69), Milambo (Shade, 46), Karvalyu, Igor Tiago.
Ogohlantirishlar: Kollinz (52), Uilyams (53), Hiki (90).
O‘tgan mavsumda shov-shuv ko‘targan «Nottinghem» yangi chempionatni ham kuchli boshladi, «Brentford» esa «Tottenhem»ga ketgan bosh murabbiyi Tomas Franksiz hamda hujum chizig‘i yetakchilarisiz (Mbemo, Norgar va Vissa) bu mavsumda ligada qolish uchun kurashishi ko‘rinib qoldi. Masalan, «asalarilar» birinchi burchak zarbasidayoq gol o‘tkazib yuborishdi, o‘tgan mavsumda esa jamoa faqat 18-turga kelib standart vaziyatdan gol o‘tkazgandi. Vud esa beshinchi daqiqadagi goli bilan «o‘rmonchilar»ning APL birinchi tur o‘yinlaridagi eng tezkor goli muallifiga aylandi. Bo‘lim oxirida yangi zelandiyalik hujumchi Andersonning himoyachilar orasidan o‘tib kelgan uzun pasini golga aylantirib, dublini nishonladi. Bu orada Ndoya debyut golini urgandi. Yozda «Bolonya»dan xarid qilingan shveysariyalik vinger Gibbs-Uaytning uzatmasidan keyin boshi bilan olis burchakni aniq nishonga oldi.
Ispaniya: Niko benefisi va Simeonening qoqilishi
La Liga. 1-tur. 17 avgust
«Atletik» — «Sevilya» 3:2
Gollar: N.Uilyams (36, penalti), Sannadi (43), Navarro (81) — Lukebakio (60), Agume (72).
«Atletik» — Simon, Areso (Gorosabel, 83), Vivian, Paredes, Berchich, de Galarreta (Vesga, 78), Xauregisar, I.Uilyams, Berenger (Navarro, 67), N.Uilyams (Rego, 83), Sannadi (Guruseta, 67).
«Sevilya» — Nyuland, Sanches, Kastrin (Yanuzay, 61), Salas, Karmona, Agume, Gudel (Markan, 82), Lukebakio, Sou (Romero, 87), Idumbo (Ejuke, 46), Adams.
Yozda Niko Uilyamsning «Barselona»ga o‘tishi bo‘yicha saga uning «Atletik» bilan o‘n yillik shartnoma imzolashi bilan yakunlandi. Bu amalda umrbod shu klubda qolish degani, ammo bilbaoliklar uchun bu odatiy amaliyot. Bu jamoada faqat mahalliy futbolchilar o‘ynaydi. Aka-uka Uilyamslarning kichigi esa — «San-Mames»ning haqiqiy javohiri va qiroli. Yakshanba kuni Niko penalti ishladi va uni o‘zi aniq ijro etdi. Keyin finti bilan himoyachini dog‘da qoldirib, to‘pni bo‘sh darvoza qarshisiga chiqib kelgan Sannadiga yetkazib berdi. Ikkinchi bo‘limda Ernesto Valverde jamoasi xotirjamlikka berilganda «Sevilya» ikki gol bilan javob qaytardi, ammo o‘yin masalasini baribir Nikoning harakatlari hal qildi. U akasi Inyakining kesib o‘tuvchi pasiga yetib bordi va Navarroni golli pas bilan ta’minladi. «Atletik» futbolchisi la liganing bir o‘yinida penalti ishlashi, gol urishi va golli paslar berishi afsonaviy to‘purar Aduris zamonidan buyon kuzatilmagandi.
«Espanyol» — «Atletiko» 2:1
Gollar: Rubio (73), Milya (84) — Alvares (37).
«Espanyol» — Dmitrovich, Al Hiloli, Kalero (Rubio, 66), Kabrera Romero, Eksposito, Losano, Xofre (Dolan, 46), Terrats (Garsiya, 46), Puado (Salinyas, 88), Fernandes (Milya, 74).
«Atletiko» — Oblak, Lorente, Le Norman, Hansko, Rujyeri, Gallaher (Barrios, 46), Kardoso (Koke, 46), Simeone, Baena (Grizmann, 68), Almada (Raspadori, 68), Alvares (Syorlot, 82).
Ogohlantirishlar: Kardoso (42), Kalero (54), Le Norman (67), Lorente (72), Al Hiloli (74), Salinyas (90+3).
Boshlang‘ich tarkibda birdaniga besh nafar yangi futbolchi tushirish — konservator sifatida nom qozongan Diyego Simeonega xos kartina emas. «Espanyol» esa raqibning yangi futbolchini qiyin sinovdan o‘tkazdi va madridliklar himoyasiga qattiq bosim uyushtirdi. Mehmonlar bu bosimga dosh berishdi, birinchi bo‘lim oxirida esa Xulian Alvares jarima zarbasini a’lo darajada ijro etib, jamoani hisobda oldinga olib chiqdi. Agar o‘tgan mavsum startidan hisoblansa, bu ushbu argentinalik hujumchi uchinchi bor standart vaziyatdan gol urishi bo‘ldi. Top-5 ligalarda bu — Brunu Fernandesh («MYu») va Marmush («Manchester Siti» va «Ayntraxt») bilan bir qatorda eng yaxshi ko‘rsatkich.
Lekin «matraschilar»ga pragmatik o‘yin yetishmadi va kataloniyaliklar bundan foydalanib, kambek amalga oshirishdi. Jarima zarbasi ijro etilganida Rubio mehmon jamoa himoyachilari ortiga ochildi va hisobni tenglashtirdi. Ko‘p o‘tmay Milya boshda olis to‘qqizlik tomon chiroyli zarba berdi va g‘alaba golini nishonladi. «Atletiko» 15 yildan buyon ilk bor birinchi turda yutqazdi.
Fransiya: chempionlar foydasiga rikoshet
Liga 1. 1-tur. 17 avgust
«Nant» — «PSJ» 0:1
Gol: Vitinya (67).
«Nant» — Antoni Lopesh, Avazem, Tati, Kozza, Amyan, Xok Kyu Kvon (Koklen, 79), Lepeno, Leru (Assumani, 86), Benattab (Xyun Sok Xong, 59), Girassi (Ablen, 59), Mustafo Muhammad (Kamara, 79)
«PSJ» — Shevale, Zair-Emeri, Zabarniy, Beraldo, Ernandes (Mendesh, 61), Li Kang (Due, 55), Vitinya, Ruis (Hakimi, 61), Mbayye (Dembele, 61), Barkolya, Ramush (Kvaratsxeliya, 78).
Ogohlantirishlar: Amyan, 45 – Hakimi, 80
«PSJ» o‘tgan mavsumdagi ikki o‘yinda ham doimgidek ligada qolish uchun kurashgan «Nant»ni yenga olmagandi (ikki o‘yinda ham 1:1). Bu safar ham chempionlar «kanareykalar» maydonida qiynalishdi. Klublar mundialidagi ishtiroki tufayli shusiz ham ta’til muddati qisqargan jamoa bir haftalik mashg‘ulotlardan keyin qahramonlik ko‘rsatib, Yevropa Superkubogini qo‘lga kiritgandi. Shu tufayli Luis Enrike finaldan to‘rt kun o‘tib o‘tkazilgan o‘yinda aralash tarkibni tushirdi va yetakchilarning katta qismini — Markinos, Kvaratsxeliya, Dembele, Hakimi, Nunu Mendesh va Dueni zaxira o‘rindig‘ida qoldirdi.
Ancha vaqtgacha hisob ochilmagach, murabbiy baribir zaxiradagi futbolchilarni maydonga tashladi. Yangi futbolchilar bosimni kuchaytirishdi va Mendeshning uzatmasidan keyin Vitinya (u sardorlik bog‘ichida maydonga tushgandi) uzoq masofadan zarba berdi, to‘p rikoshet bo‘lib darvoza to‘riga borib tushdi. Bu gol o‘yin taqdirini hal qildi, Gonsalu Ramushning goli ofsayd tufayli bekor qilindi. Shundan keyin superkubok o‘yini qahramoni o‘z o‘rnini Xvichaga bo‘shatib berdi va parijliklar xotirjamlik bilan g‘alabali hisobni ushlab qolishdi.
Italiya: Modrichda omadli debyut
Italiya kubogi. 1/32 final
«Milan» — «Bari» 2:0
Gollar: Leau (14), Pulishich (48).
«Milan» — Menyan, Tomori, Gabbia, Pavlovich, Salemakers (Ofakor, 82), Loftus-Chik (Yashari, 65), Richchi (Modrich, 65), Fofana, Estupinyan, Pulishich (Musa, 65), Leau (Ximenes, 17).
«Bari» — Cherofolini, Dikmann, Vikari, Nikolau, Dorval (Tripaldelli, 82), Bellomo (Verret, 51), Braunoder, Pagano (Partipilo, 68), Pereyro (Rao, 51), Sibilli, Monchini.
Italiya chempionatining o‘tgan mavsumidagi kamtarona natija (8-o‘rin) «Milan» kubokdagi ishtirokini 1/32 finaldan boshlashiga sabab bo‘ldi. Boshqa tomondan, «San-Siro»ga qaytgan Massimiliano Allegri uchun aynan shunday start foydali bo‘lishi mumkin. Rossonerilar bilan 15 yil oldin skudettoni qo‘lga kiritgan mutaxassis zaxira o‘rindig‘idan joy ololmasdi. U «Yuventus»dagi diskvalifikatsiyani o‘tashi kerak edi.
«Milan»da gollarni doimgi yetakchilar urishdi, hisobni ochgan Rafael Leau yetti yil ichida ilk bor mavsumning ochilish o‘yinida gol muallifi bo‘ldi. Ikkinchi bo‘limda esa Pulishich va Santyago Ximenes uyushtirgan kombinatsiyadan keyin amalda o‘yin taqdiri hal bo‘ldi, biroz o‘tib Modrich maydonga tushirilishi tribunalarni junbishga keltirdi. Xorvatiyalik futbolchi debyutida gol urishi mumkin edi, u fint bilan ikki himoyachini ortda qoldirdi, ammo zarbaga aniqlik yetishmadi. Umuman olganda, faxriy futbolchi mavsum davomida gollari bilan muxlislarni xursand qilish imkoniyatiga ega bo‘ladi, hozircha uning debyuti g‘alabali bo‘ldi.
Sport
«Real» «Bavariya»ga qarshi, «Barsa» yana «Atletiko» bilan o‘ynaydi. YeChLda chorakfinal juftliklari
Turnirda 8 jamoa qoldi.
Chorshanba oqshomida Chempionlar ligasi 2025/26 yillar mavsumi 1/8 finali doirasida yana to‘rt uchrashuv o‘tkazildi: «Arsenal», «Real», «PSJ» va «Sporting» ortidan «Barselona», «Atletiko», «Bavariya» va «Liverpul» jamoalari ham keyingi bosqichga yo‘llanma olishdi.
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
«Arsenal» va «Bavariya» – asosiy favoritlar
Har bir bosqichdan keyin Opta superkompyuteri Chempionlar ligasida kim g‘olib bo‘lishi bo‘yicha prognozlarini yangilab bormoqda. Turnir startidan oldin «Liverpul»ning imkoniyatlari eng yuqori baholangandi, o‘tgan mavsum Angliya chempioni bo‘lgan va yozgi transferlarda eng faol bo‘lgan jamoaga 20,6 foiz berilgandi, ammo vaqt o‘tib bu jamoaning imkoniyatlari uch baravar pasaytirildi – 7 foizgacha.
Turnir avvalida ikkinchi asosiy da’vogar «Arsenal» bo‘lib turgandi (15,3 foiz), ammo londonliklarning imkoniyatlari vaqt sayin o‘sib bordi va endi ikki baravar yuqori baholanmoqda.
Setkaning ikkinchi tomonidagi asosiy favorit – «Bavariya». Opta Angliya va Germaniya grandlari Budapeshtdagi finalga yetib kelishini bashorat qilmoqda. «Barselona» va «PSJ»da ham yarimfinalga chiqish imkoniyati yuqori baholangan.
Opta versiyasiga ko‘ra, jamoalarning Chempionlar ligasi g‘olibligi uchun imkoniyatlari:
«Arsenal»da startdan oldin 15,3 foiz, chorakfinal arafasida 30 foiz;
«Bavariya»da startdan oldin 4,5 foiz, chorakfinal arafasida 18 foiz;
«Barselona»da startdan oldin 8,8 foiz, chorakfinal arafasida 14,7 foiz;
«PSJ»da startdan oldin 12 foiz, chorakfinal arafasida 12,1 foiz;
«Real»da startdan oldin 5,8 foiz, chorakfinal arafasida 7 foiz;
«Liverpul»da startdan oldin 20,6 foiz, chorakfinal arafasida 30 foiz;
«Atletiko»da startdan oldin 0,8 foiz, chorakfinal arafasida 4,7 foiz;
«Sporting»da startdan oldin 0,8 foiz, chorakfinal arafasida 3,3 foiz.
1993 yil, aprel. Milliy basketbol assotsiatsiyasi muntazam ligasidagi navbatdagi o‘yini bo‘lib o‘tmoqda. Tanaffus paytida qiziqarli tanlov o‘tkazadi. Unga ko‘ra, xohlovchilar maydon chetidan to‘p irg‘itib, narigi tomondagi savatchaga tushirishi kerak edi. Bir yigit shu ishni uddalaydi. Biroq yutuqni to‘lashi lozim bo‘lgan sug‘urta kompaniyasi g‘irromlik qiladi va pullarini berishdan bosh tortadi. Oxir oqibat yigitga yutuqni “Chicago bulls” jamoasi to‘lab beradi.
Bugun AQSh sportini basketbol o‘yinisiz tasavvur qilib bo‘lmaydi. Bu sport turi muxlislar tashrifi bo‘yicha Amerika futboli va beysboldan so‘ng uchinchi o‘rinda turadi.
Basketbol AQShda eng ko‘p o‘ynaladigan o‘yin hisoblanadi va bilan mamlakatda 26 milliondan ortiq odam shug‘ullanadi.
Shuningdek, AQSh va Kanada jamoalari ishtirok etadian Milliy basketbol assotsiatsiyasi ligasi dunyo miqyosida eng ko‘p tomosha qilinadigan turnir hisoblanadi.
Jamoaviy o‘ynaladigan boshqa sport turlarida bo‘lgani kabi AQShda bo‘lib o‘tadigan basketbol o‘yinlari juda qiziqarli va keskin kurashlar ostida kechadi.
Shu bilan birga tanaffus paytlarida zaldagi muxlislar uchun turli tanlovlar o‘tkaziladi va o‘yinlar qiziqarli shouga aylanadi.
1993 yilda ana shunday tanlovlarning biri mojaro bilan yakun topadi. “Chicago bulls” jamoasiga homiylik qiluvchi kompaniya mukofot uchun va’da qilingan 1 mln dollarni g‘olib yigit Don Kelhunga to‘lab berishdan bosh tortadi.
Foto: spors.qq.com
Million dollarlik aniq zarba
1993 yil 14 aprel. Chikago shahridagi arenada MBA muntazam ligasida ishtirok etuvchi “Chicago bulls” va “Miami Heat” jamoalari bellashmoqda.
O‘sha paytda AQShlik jahonga mashhur basketbolchi Maykl Jordan “Chicago bulls” jamoasi sharafini himoya qilar va u ham maydonda edi.
O‘yinga tanaffus berilgan paytda “Chicago bulls” jamoasi, “Koka-kola” kompaniyasi Lettuce Entertain You restoranlar tarmog‘idan iborat tashkilotchilar yutuqli tanlov o‘tkazadi.
Tanlovga ko‘ra, avval muxlislar orasidan tasodifiy yo‘l bilan bir necha kishi tanlab olinadi. So‘ng ular navbati bilan basketbol maydonining bir chetidan, ikkinchi chetidagi savatchaga to‘pni uloqtirishi kerak edi.
Qoida aniq: 23 metr uzoqlikdan savatchaga to‘pni aniq tushirgan qatnashchi g‘olib bo‘ladi va u 1 mln dollarga ega chiqadi. Agar bu ishni bir necha kishi bajarsa mukofot puli ular orasida teng taqsimlanadi.
Yutuqni “Chicago bulls” jamoasiga homiylik qilayotgan “American Hole ‘N One” sug‘urta kompanisi to‘lab berishi lozim edi.
Tanlov boshlangach bir necha kishi to‘pni uloqtiradi, biroq savatchaga tushira olmaydi. Aslida bu ish juda qiyin bo‘lib, shu sababli ham tashkilotchilar tanlovga yutuq sifatida katta mablag‘ qo‘ygandi.
Navbat kanselariya do‘koni sotuvchisi bo‘lib ishlovchi Don Kelhunga keladi. Yigit uloqtirgan to‘p to‘g‘ri borib savatchaga tushadi. Shunda arenada o‘tirgan muxlislar yigitni olqishlay boshlaydi.
Foto: Videodan kadr
O‘sha paytda tanaffus olgan basketbolchilar tanlovni kuzatishayotgandi. Ular ham navbati bilan yigitni quchoqlab, tabriklashadi. Jumladan, maydonda bo‘lgan Maykl Jordan ham.
Don Kelhunning qo‘liga 1 dollarlik yutuqqa ega chiqqani haqidagi banner-sertifikat topshiriladi. Yigit o‘sha kuni xursand holda sevimli jamoasining arenasidan chiqib ketadi. Ertasi kuni esa muammo boshlanadi…
G‘irromlik
Don Kelhun ancha-muncha basketbolchilar ham amalga oshirolmaydigan ishni uddalab, mukofot puliga ega chiqqandi. Biroq 23 metrdan to‘pni savatchaga hech kim tushira olmasligiga ishonib pul tikkan sug‘urta kompaniyasi yutuqni to‘lashga kelganda g‘irromlik qilardi.
Kompaniya Don Kelhunga mukofot puli berilmasligini e’lon qilib, buning ikkita sababini keltiradi. Birinchi sababga ko‘ra Don Kelhun to‘pni uloqtirayotganda chiziqni bosgan.
Ikkinchisi, u avvalroq bir muddat kollejdagi jamoa safida basketbol o‘ynagan. Kompaniya tanlov oddiy muxlislar o‘rtasida o‘tkazilganini va unda Donning ishtiroki xato bo‘lganini aytadi.
Ya’ni, sug‘urta kopaniyasi tanlov ishtirokchilari so‘ngi 5 yilda basketbol bilan muntazam shug‘ullanmagan bo‘lishi kerak edi, deb turib oladi.
Foto: Videodan kadr
Shundan so‘ng sug‘urta kopaniyasining vajlari bo‘yicha tekshiruv o‘tkaziladi. Eng avval Don Kelhun to‘pni uloqtirayotgan paytda chiziqni bosganmi yoki yo‘q, shu tekshiriladi.
Jarayon tasvirga tushirilgandi. Video sinchiklab ko‘rilganda Donning chiziqni bosmagani ma’lum bo‘ladi. Ikkinchi sabab bo‘yicha ham komissiya yigitni haq deb topadi.
Chunki shartga ko‘ra, tanlovda professional sportchi, hatto faoliyatini tugatgan bo‘lsa ham qatnashishi mumkin emasdi. Don Kelhun esa hech qachon basketbol bilan professional tarzda shug‘ullanmagan, shunchaki kollejdagi havaskor jamoada o‘ynagandi.
Sug‘urta kopaniyasining ikkita vaji ham o‘rinli emas, deb topiladi. Biroq ular baribir 1 mln dollarni to‘lashni xohlamaydi.
O‘sha paytda Don Kelhun bilan sodir bo‘lgan hodisa va sug‘urta kompaniyasining g‘irromliq qilayotgani AQSh OAV lari e’tiboriga tushadi va ular birin ketin hodisa haqida yoza boshlaydi. Ammo bu ham sug‘urta kopaniyasining fikrini o‘zgartira olmaydi.
Hodisaga “Chicago bulls” jamoasining aralashuvi
Don Kelhunga qilingan g‘irromlik ommaga oshkor bo‘lgach muxlislar “Chicago bulls” jamoasini ham ayblay boshlaydi. Chunki tanlov jamoaning uy arenasida, uning o‘yini paytida tashkillashtirilgandi.
Qolaversa gazetalar va turli telekanallar har kuni Don Kelhunga qilingan g‘irromlik haqida maqola hamda ko‘rsatuvlar berib, muxlislarni yanada junbushga keltiradi.
Foto: alamy.com
Bu orada bir yilcha vaqt o‘tib ketadi va Don Kelhun sug‘urta kompaniyasidan o‘z yutug‘ini ololmaydi. Kunlarning birida “Chicago bulls” jamoasi rahbariyati 1 mln dollarlik yutuq bo‘yicha matbuot anjuani o‘tkazishi haqida e’lon beradi.
Matbuot anjumanida jamoa rahbariyati sug‘urta kompaniyasidan farqli ravishda Don Kelhun 1 mln dollarni haqqoniy yutganini tan oladi. So‘ng sug‘urta kompaniyasi to‘lashdan bosh tortgan pullarni jamoa to‘lab berishini ma’lum qiladi.
Faqat jamoa rahbariyati Donga pullarni birdaniga emas, har yili 50 ming dollardan 20 yil davomida to‘lab borilishini aytadi. Yigitning bunga ko‘nishdan o‘zga chorasi qolmaydi.
O‘shandan keyin Don Kelhun 2013 yilgacha 20 yil davomida har yili “Chicago bulls” jamoasidan 38 ming dollardan olib turadi. Qolgan 12 ming dollar daromad solig‘i uchun ushlab qolinadi. Shu tariqa yigit o‘zi yutgan mukofot pullarini to‘liq oladi.
Garchi bir urinishda million dollarni yutgan bo‘lsa-da Don Kelhun millionerga aylana olmaydi – u kanselariya mahsulotlari sotiladigan magazindagi ishini davom ettiradi.
Mashmashaga Maykl Jordanning aralashuvi
Don Kelhun to‘pni savatchaga tushirgan kuni afsonaviy basketbolchi Maykl Jordan ham maydonda edi. Boshqalar kabi u ham g‘olibni tabriklaydi.
Foto: Videodan kadr
O‘yin so‘ngida “Chicago bulls” jamoasining barcha o‘yinchilari Don Kelhun savatchaga tushirgan to‘pga dastxat qo‘yib berishlari lozim edi. O‘shanda faqat bir kishi – Maykl Jordan bu ishni qilmaydi. Jamoadoshlari dastxat qo‘yayotganda u indamay kiyinish xonasiga kirib ketadi.
Mayklning dastxat qo‘ymagani sababi bor edi. 1992 yilda u Upper Deck kompaniyasi bilan shartnoma imzolagandi.
Ushbu kelishuvga ko‘ra, Upper Deck Jordanning dastxati tushirilgan turli mahsulotlarni ishlab chiqaruvchi yagona kompaniya hisoblanardi.
Sportchi va kompaniya o‘rtasida tuzilgan shartnomada Jordanning futbolka, to‘plar va boshqa narsalarga dastxat qo‘yishi cheklangandi. Jordan faqat xayriya tadbirida yoki kasal bolalar uchun dastxat qo‘yishi mumkin edi.
Don Kelhun nima qilib bo‘lsa ham Jordanning dastxatini olishni maqsad qiladi va “Chicago bulls” jamoasining o‘yinlariga muntazam tusha boshlaydi. Biroq mashhur o‘yinchining dastxatini ololmaydi.
Oradan bir yilcha vaqt o‘tadi. Sug‘urta kompaniyasi hamon mukofot pulini to‘lab berishni kechiktirib kelar, Don esa da’vogar sifatida yurgandi. Bir kuni yigit Maykl Jordan o‘g‘lining o‘yinlarini ko‘rish uchun u o‘qiydigan maktabga borib turishini eshitadi va o‘sha yoqqa otlanadi.
Foto: memedeportes.com
Biroq tan soqchilar uni Mayklning oldiga qo‘ymaydi. Ular sportchi baribir dastxat bermasligini ta’kidlaydi. Don u yerdan chiqib ketayotganida tan soqchilardan biri uni quvib yetadi va Maykl chaqirayotganini aytadi.
Yigit Jordan bilan uchrashganda sportchi Donni taniydi va “Pulingizni oldingizmi?” deb so‘raydi. Yigit olmaganini bildiradi.
Shundan so‘ng Jordan “Chicago bulls” rahbariyatiga bosim o‘tkazadi va yigitga yutuqni to‘lab berishni talab qiladi. Avvaliga jamoa rahbariyati ko‘nmaydi.
Biroq bir muddat o‘tgach klub rahbariyati o‘zining eng yaxshi o‘yinchisi qo‘ygan talabga ko‘nishga majbur bo‘ladi.
Angliyaning olti jamoasidan to‘rttasi turnirni tark etdi. Chorakfinalning barcha juftliklari aniq bo‘ldi.
«Kamp Nou»da rekordlar va antirekord
«Barselona» – «Nyukasl» 7:2
Gollar: Rafinya, 6 (1:0). Elanga, 15 (1:1). Bernal, 18 (2:1). Elanga, 28 (2:2). Yamal, 45+7 – penalti (3:2). Fermin Lopes, 51 (4:2). Levandovski, 56 (5:2). Levandovski, 61 (6:2). Rafinya, 72 (7:2)
«Barselona»: X. Garsiya (Shchensni, 82), Kubarsi, Martin, Joau Kanselu (Espart, 66), E. Garsiya (Arauxo, 21), Pedri, Bernal, Fermin Lopes (Olmo, 66), Rafinya, Yamal, Levandovski (Torres, 66)
«Nyukasl Yunayted»: Ramsdeyl, Tiau, Byorn, Holl, Trippiyer (Livramento, 46), Joelinton (Botman, 64), Tonali (Uillok, 55), Remsi, Barns, Elanga (Myorfi, 64), Gordon (Osula, 81)
Ogohlantirishlar: Kubarsi, 44 – Joelinton, 17. Trippiyer, 45. Uillok, 60
Birinchi o‘yin: 1:1
«Kamp Nou»dagi o‘yin turli-tuman rekordlar jamlanmasiga aylandi. Birinchidan, Angliyaning hech bir klubi bungacha Chempionlar ligasi pley-offidagi bir o‘yinda 7 gol o‘tkazib yubormagandi. «Nyukasl» esa shunday imkonsiz ko‘ringan ishni uddaladi. O‘z maydonida to‘liq ustunlik qilgan va so‘nggi daqiqalarda penalti tufayli g‘alabani qo‘ldan chiqargan APL vakili javob o‘yinining birinchi bo‘limida ham munosib qarshilik ko‘rsatdi. Mehmonlar uchta gol o‘tkazib yuborgan bo‘lsa-da, o‘zi ham raqib mudofaasidagi qo‘pol xatolardan foydalanib, ikkita gol urdi.
Ammo Kiran Trippiyer birinchi bo‘limga qo‘shib berilgan daqiqalarda penaltiga sababchi bo‘ldi va Lamin Yamal uchinchi bor jamoasini hisobda oldinga olib chiqdi. Tanaffusdan keyin esa «Nyukasl»ni tanib bo‘lmay qoldi. Eddi Hau jamoasi shunchaki sochilib ketdi va 10 daqiqa ichida uchta gol qo‘yib yubordi. Bunday himoya chizig‘i bilan ko‘p narsadan umid qilib bo‘lmasdi. Ayniqsa Jyeykob Remsining xatosi yilning eng kulgili holatlari kolleksiyasidan o‘rin olishi tayin. Uning qo‘pol xatosi yettinchi gol o‘tkazilishiga olib keldi.
Rafinya bu o‘yinda «gol+pas» tizimida 4 (2+2) ochko ishladi, Robert Levandovski dublni rasmiylashtirdi. Polyak hujumchisi birdaniga bir necha rekordni urdi. U Chempionlar ligasida urgan gollari sonini 41 taga yetkazib, bu borada Lionel Messining rekordini yangiladi. Bundan tashqari, Robert endi Chempionlar ligasida dubl qayd etgan eng katta yoshli futbolchi hisoblanadi – u hozir 37 yoshda. «Barsa» uchun yagona minus – darvozabon Joan Garsiya jarohat olishi bo‘ldi. Chorakfinalda jamoa usiz qiynalishi mumkin.
Salohning benefisi
«Liverpul» – «Galatasaroy»
Gollar: Soboslai, 25 (1:0). Ekitike, 51 (2:0). Gravenberh, 53 (3:0). Saloh, 62 (4:0)
Aniq ijro etilmagan penalti: Saloh, 45+4’
«Liverpul»: Alisson, van Deyk, Konate, Kerkez, Frimpong (Jons, 67), Gravenberh (Nioni, 89), Virs (Kiyeza, 89), Soboslai, Makallister, Saloh (Gakpo, 74), Ekitike (Ngumoha, 89)
«Galatasaroy»: Ugurjan Chaqir, Abdulkarim Bardakchi (Eren Elmali, 73), Singo, Yakobs, Boe (Sane, 46), Torreyra (Yunus Oqgun, 60), Lemina, Sara, Barish Yilmaz, Sholloi, Osimhen (Lang, 46, Ikardi, 80)
Birinchi o‘yin: 0:1
Chorshanba kungi o‘yinlarda chinakamiga intriga saqlanib qolgan yagona o‘yin «Enfild»da edi, bu yerda mezbonlar minimal farqni yo‘qqa chiqarishi talab etilardi. Mezbonlar birinchi bo‘lim o‘rtalaridayoq bu vazifani uddalashdi. Mak Allister burchak zarbasini ijro etishda raqiblarni dog‘da qoldirib, to‘pni yerlatib jarima maydoni chizig‘i hududiga yetkazib berdi, u yerda ortdan kelgan Soboslaini esa hech kim kutib olmadi.
«Liverpul»ning bu mavsumdagi eng yaxshi futbolchisi bo‘lib turgan vengriyalik yarimhimoyachi jamoasi tanaffusga ikki gol farqi bilan chiqib ketishi uchun barcha ishni qildi. Ammo u ishlagan penaltini Saloh aniq ijro eta olmadi.
Misrlik hujumchi o‘z vaziyatlaridan foydalana olmagan bo‘lsa-da, ikkinchi bo‘lim boshida ikki daqiqa ichida urilgan ikki golda ham ishtirok etdi. Avvaliga tezkor qarshi hujumda u Ekitikega ideal uzatma berdi, biroz o‘tib uning zarbasidan keyin darvozabondan qaytgan to‘pni Gravenberh darvozaga kiritib yubordi va «Galatasaroy» amalda chorakfinalga chiqishdan umid uzdi. Salohning o‘zi ham yakunda o‘z nomini tabloga yozdirib qo‘ydi – Virs tovonida uzatgan pasdan keyin o‘zining eng yaxshi yillarida bo‘lgani kabi aylanma zarba yo‘lladi.
Biroz o‘tib «Enfild»da yig‘ilganlar zaxiraga olinayotgan o‘z kumirini olqishlar ostida kuzatib qo‘ydi. Bu oqshomdagi gol uning uchun YeChLdagi 50-goli edi. U shundan 47 tasini «Liverpul» safida urgan («Bazel»da 2 va «Chelsi»da 1). Saloh – bunday ko‘rsatkichga erishgan ilk afrikalik futbolchi bo‘ldi. Oldinda esa Arne Slot jamoasini chorakfinalda «PSJ»ga qarshi o‘yinlar kutmoqda. Mersisaydliklar uchun bu o‘tgan mavsumdagi mag‘lubiyat uchun revansh olish imkoniyatidir.
Inglizlarning yana bir jamoasini ispanlar chiqarib yubordi
«Tottenhem» – «Atletiko» 3:2
Gollar: Kolo Muani, 30 (1:0). Alvares, 47 (1:1). Simons, 52 (2:1). Gansko, 75 (2:2). Simons, 90+1 – penalti (3:2)
«Tottenhem Hotspur»: Vikario, Romero (Danso, 81), van de Ven, Spens, Dregushin (Udoji, 66), Grey (Gallaher, 81), Sarr, Simons, Tel (Olusesi, 81), Porro (Bergvall, 74), Kolo Muani
«Atletiko»: Musso, Gansko, Le Norman, Rudjyeri, Molina (Koke, 64), Kardozo, Liorente, Lukman (Syorlot, 64), Simeone (Ximenes, 87), Grizmann (Baena, 84), Alvares (Gonsales, 84)
Ogohlantirishlar: Porro, 57. Vikario, 58. Romero, 70. Udoji, 72 – Rudjyeri, 28. Lukman, 56. Syorlot, 90
Birinchi o‘yin: 2:5
Yaqinda «Atletiko» Ispaniya kubogi yarimfinalida «Barselona»ga qarshi birinchi uchrashuvda yirik g‘alabaga (4:0) erishgach, «Kamp Nou»dagi javob o‘yinida bu ustunlikni saqlab qolish uchun to‘liq himoyaviy o‘yin uslubini tanlagandi. Londonda esa barchasi butunlay boshqacha kechdi va dastlabki 45 daqiqalikda mehmonlar sakkizta zarba berishdi, Lukman esa darvozani ishg‘ol etishga ham muvaffaq bo‘ldi. Ammo – ofsayddan. Yana bir necha xavfli hujumlar uyushtirildi, ammo yakunda Diyego Simeone jamoasi yo‘q joydan «Tottenhem»ga o‘yinga qaytish imkonini berdi. Autdan to‘p tashlanishi, Telning jarima maydoni markaziga uzatmasi, u yerda esa yolg‘iz qoldirilgan Kolo Muani.
Mezbonlar ikkinchi golni ham urishganida ispanlar og‘ir vaziyatga tushib qolgan bo‘lardi, faqat darvozabon Musso jamoa joniga ora kirdi. Argentinalik posbon Telning burchakka yo‘naltirilgan zarbasini oyoqlari bilan to‘sib qoldi. Birinchi bo‘limdan keyin baribir intriga saqlanib qoldi va buning uchun mezbonlar Vikarioga minnatdorchilik bildirishi kerak bo‘ladi. Juliano Simeone uzoq masofadan zarba yo‘llaganida to‘p Romeroga tekkan holda o‘z trayektoriyasini o‘zgartirdi, ammo allaqachon to‘p yo‘liga yotgan italiyalik darvozabon o‘rnidan turib, xavfni bartaraf etishga ulgurdi.
Ammo ikkinchi bo‘lim boshida «Atletiko» baribir intrigani o‘ldirdi. Avvaliga Xulian Alvares Simons gol urishiga to‘sqinlik qildi (mezbonlar uning harakatini fol deb e’tiroz bildirishdi) va qarshi hujumni o‘zi gol bilan yakunlandi. U jarima maydonida Lukmandan pas qabul qilib oldi va to‘pni yuqori burchakka aniq yo‘lladi.
Hakamdan va raqiblardan ranjigan Simons bir necha daqiqa o‘tib baribir o‘z maqsadiga erishdi va jamoasini yana oldinga olib chiqdi. Bir necha daqiqa o‘tib Musso yana madridliklarni qutqarib qoldi – u Porroning shvedka uslubida olis burchakka yo‘llagan zarbasiga qo‘llarining uchi bilan yetib bordi. «Matraschilar» muxlislari Alvaresning burchakdan oshirgan to‘pi Hansko tomonidan darvozaga kiritilganidan keyingina yengil tin olishdi. O‘yin oxirida Simons o‘zi ishlagan penaltini aniq ijro etishi esa umumiy natijani o‘zgartirmadi.
Madriddagi birinchi o‘yinda londonliklar bosh murabbiyi Igor Tyudor darvozabon bo‘yicha muvaffaqiyatsiz tajriba o‘tkazmaganida «Tottenhem» «Atletiko» bilan tengma-teng kurashishi mumkin edi, ammo murabbiyning o‘sha qarori birinchi o‘yinda «shporlar»ning imkoniyatlarini keskin pasaytirib yuborgandi. Natijada ikki o‘yinda xuddi «Chelsi» kabi sakkiz gol o‘tkazib yuborgan «Tottenhem» turnirni tark etdi, «Atletiko» esa «Barselona» bilan o‘yinlarga tayyorgarlikni boshlaydi.
«Atalanta» tarixga kirdi
«Bavariya» – «Atalanta» 4:1
Gollar: Keyn, 25 – penalti (1:0). Keyn, 54 (2:0). Karl, 56 (3:0). Dias, 70 (4:0). Samarjich, 85 (4:1)
«Bavariya»: Urbig, Kim Min Je, Ta, Bishof (Pavich, 72), Stanishich (Gnabri, 72), Goretska, Pavlovich (Ofli, 55), Rafael Gerreyru (Ito, 83), Dias, Karl, Keyn (Jyekson, 72)
«Atalanta»: Sportello, Hin, Skalvini (Axanor, 83), Kossunu, Pashalich, Ederson (Samarjich, 57), Bernaskoni, Bellanova, Sulemana (Raspadori, 71), De Ketelare (de Ron, 57), Skamakka (Krstovich, 71)
Birinchi o‘yin: 6:1
Bergamodagi tennischa hisobdan (6:1) keyin ham «Bavariya» muxlislarida darvozabon pozitsiyasi tufayli xavotir saqlanib qolgandi. Zayavkadagi to‘rt darvozabon – Noyyer, Ulrayh, Klanats va Urbig – barchasi jarohat tufayli safdan chiqqandi. Faqat ularning to‘rtinchisi so‘nggi kunlarda safga qaytdi va Vensan Kompani darvozaga o‘smirlardan birini qo‘yishiga to‘g‘ri kelmadi.
Umuman olganda, xavotirlar o‘rinsiz edi. Baribir darvozabonga amalda ish topilmadi. Bergamoliklar ham bu o‘yinda darvozabonni almashtirgandi va bu mavsumda deyarli o‘ynamagan 33 yoshli Sportello Keyn ijrosidagi penaltini qaytardi. Ammo u darvoza chizig‘idan ertaroq oldinga chiqib ketgani ma’lum bo‘ldi, Harri esa takroriy zarbada adashmadi.
Ikkinchi bo‘limda esa myunxenliklarni to‘xtatib bo‘lmadi. Avvaliga Keyn o‘yindan ham gol urdi, keyin esa Dias va Karl tandemi bittadan gol urdi (ular bir-biriga golli uzatma berishdi). Bergamoliklar esa bu o‘yinda ham bitta javob goli urishga erishdi, ammo Italiyaning yevrokuboklar pley-off bosqichida ikki o‘yinda 10 gol o‘tkazgan ilk jamoasi sifatida tarixga kirdi. «Bavariya»ni esa navbatdagi bosqichda «Real»ga qarshi janglar kutmoqda.
YeChLda 8 jamoa qoldi
Chempionlar ligasi 1/8 final natijalari
«Real» – «Manchester Siti» – 5:1 (birinchi o‘yin – 3:0, javob o‘yini – 2:1).
«PSJ» – «Chelsi» – 8:2 (5:2, 3:0).
«Sporting» – «Budyo-Glimt» – 5:3 (0:3, 5:0).
«Arsenal» – «Bayyer» – 3:1 (1:1, 2:0).
«Atletiko» – «Tottenhem» – 7:5 (5:2, 2:3).
«Barselona» – «Nyukasl» – 8:3 (1:1, 7:2).
«Liverpul» – «Galatasaroy» – 4:1 (0:1, 4:0).
«Bavariya» – «Atalanta» – 10:2 (6:1, 4:1).
Pley-offning to‘liq setkasi oldindan ma’lum edi, bundan keyin boshqa qur’a tashlanmaydi. Chorakfinalga chiqqan jamoalar o‘zlarining navbatdagi raqiblarini allaqachon bilishadi.
1/4 final juftliklari
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
Birinchi bo‘lib ko‘rsatilgan jamoalar birinchi o‘yinni o‘z uyida o‘tkazadi.
1/4 final o‘yinlari taqvimi
Keyingi bosqich deyarli uch haftadan keyin, mart oyidagi FIFA kunlari ortidan boshlanadi. Chorakfinaldagi uy va safar uchrashuvlari orasi bir haftani tashkil etadi.
Mart oyi oxirida Yevropa yozgi vaqtga o‘tadi, shuning uchun Chempionlar ligasi yana Toshkent vaqti bilan soat 23:59 dan boshlanadi.
7–8 aprel. Birinchi o‘yinlar
«Real» – «Bavariya»
«PSJ» – «Liverpul»
«Sporting» – «Arsenal»
«Barselona» – «Atletiko»
14–15 aprel. Javob o‘yinlari
«Bavariya» – «Real»
«Liverpul» – «PSJ»
«Arsenal» – «Sporting»
«Atletiko» – «Barselona»
Birinchi va ikkinchi juftliklar g‘oliblari hamda uchinchi va to‘rtinchi juftliklar g‘oliblari yarimfinalda o‘zaro to‘qnashadi.
Yarimfinal bahslari 28-29 aprel va 5-6 may kunlariga belgilangan.
Final 30 may kuni Budapeshtda bo‘lib o‘tadi.
Stadion suriluvchi tom va maydonga ega bo‘ladi. Uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. 45000 tomoshabinga mo‘ljallangan arena “Al Hilol” va “Al Nassr” klublari uchun uy maydoni bo‘lishi kutilmoqda.
Saudiya Arabistonida qurilayotgan shahzoda Muhammad bin Salmon nomidagi ko‘p funksiyali stadionning yangi suratlari e’lon qilindi. U 2034 yilgi futbol bo‘yicha jahon chempionatini o‘tkazish uchun ehtimoliy arenalardan biri sifatida ko‘rilmoqda.
Qurilish ishlari Ar-Riyod shahri g‘arbidagi Qiddiya ko‘ngilochar hududida olib borilmoqda.
Foto: SaudiProject
Stadion suriluvchi tom va maydonga ega bo‘ladi, uning bir tomoni ulkan suriluvchi LED devordan iborat bo‘lib, devorda jonli translatsiyalar, filmlar va lazer shou namoyish etiladi. Devor ochilganida, maydon atrofidagi tribunalar va Tuvayk qoyasi manzarasi namoyon bo‘ladi. Bu dunyodagi birinchi to‘liq integratsiyalashgan majmua bo‘lib, stadionni bir necha soat ichida turli tadbirlar uchun moslashtirish imkonini beradi.
Geometrik shakldagi binolarning tashqi qismi raqamli ekranlar bilan qoplanadi va ular qoyadan o‘sib chiqqandek ko‘rinadi.
Foto: SaudiProject
Stadion atrofida sport va ko‘ngilochar hududlarga ega bo‘lgan baland binolar quriladi. Ular ichki ko‘chalar orqali bog‘lanadi va bu ko‘chalar ham LED ekranlar bilan qoplanadi. Ushbu yo‘laklar tashrif buyuruvchilarni qoya chetidagi kuzatuv maydonchalariga olib boradi.
Loyihasi Populous arxitektura byurosi tomonidan ishlab chiqilgan ushbu arena 45000 tomoshabinga mo‘ljallangan.
Foto: SaudiProject
Stadion Saudiya Arabistoni professional ligasining “Al Hilol” va “Al Nassr” klublari uchun uy maydoni bo‘ladi. Shu bilan birga, bu yerda boks, kibersport, konsertlar va teatr tomoshalari kabi turli sport va madaniy tadbirlar ham o‘tkaziladi.
O‘zbekistonlik futbolchi Abduqodir Husanov The Atlantic nashrining dunyoning eng kam qadrlangan futbolchilari ro‘yxatiga kiritildi.
Mualliflar o‘zbek himoyachisi bu mavsumda yanada yaxshilanganini ta’kidladilar.
Angliyaning «Manchester Siti» klubining o‘zbek himoyachisi Abduqodir Xusanov The Atlantic nashrining dunyoning eng kam baholangan futbolchilari ro‘yxatiga kiritildi. Husanov bu mavsumda yanada yaxshilangani ta’kidlanmoqda.
Uning tezligi, o‘yinni himoyada o‘qish va to‘pni agressiv ravishda ta’qib qilish qobiliyati ham ta’sirchan. U ba’zan biroz haddan tashqari tajovuzkor bo‘lishi mumkin, ammo bular bartaraf etish mumkin bo‘lgan qo‘polliklar sanaladi. U shuningdek, to‘p bilan yaxshi harakat qiladi. Maqolada Xusanov chindan ham juda istiqbolli o‘yinchi ekanligi aytiladi.
Ro‘yxatga shuningdek, Federiko Valverde (Real Madrid), Harri Maguayr (Manchester Yunayted), Bernardo Silva (Manchester Siti) va boshqa o‘yinchilar ham kiritilgan.
Soʻnggi savdo maʼlumotlariga koʻra, Oʻzbekiston temir yoʻllari importi eksportdan 2,5 barobar koʻp
Qozog‘istonda 5 nafar o‘zbekistonlikning ish haqi va pasportlari qaytarildi
Janubiy Koreyada O‘zbekiston fuqarosi vafot etdi
-
Turk dunyosi3 days agoTurkiyaning Baykal K2 bir tomonlama hujumga uchragan uchuvchisiz samolyotining toʻda harakatini sinovdan oʻtkazdi
-
Jamiyat13 hours ago
Tadbirkor boshpanasiz bo‘lgan 5 ta oilani uy-joy bilan ta’minladi
-
Iqtisodiyot15 hours agopayme Tez QR orqali to‘lovni 3% keshbek bilan ishga tushirmoqda
-
Iqtisodiyot3 days ago«Yomg‘ir va qorda ham foydalanishga tayyor bo‘ladi» – Toshkent-Andijon pulli yo‘li haqida nimalar ma’lum?
-
Dunyodan14 hours ago
Eron Hormuz boʻgʻozi orqali cheklangan oʻtishga ruxsat beradi
-
Sport5 days agoFutbol bo‘yicha O‘zbekiston ayollar terma jamoasi Osiyo kubogi chorak finalida yirik hisobda mag‘lub bo‘ldi
-
Dunyodan4 days ago
Iroq g‘arbida AQShning yonilg‘i quyuvchi samolyoti urib tushirildi
-
Jamiyat5 days agoorzularni umringiz evaziga sotib olasiz / 5 daqiqa