Jamiyat
«To‘yga tayyorlagan qizim edi» – Ohangaron suv omborida yuz bergan fojia haqida reportaj
Ikki dugona suratga tushish va cho‘milish uchun Ohangaron suv ombori chekkasiga tushib, qaytib chiqmagan. Uchinchi qizni qutqarib qolgan o‘tkinchi yigit voqea tafsilotlarini aytib berdi.
{Yii::t(}
O’tkazib yuborish 6s
O’tkazib yuborish
28 iyul kuni Ohangaron suv omborida ikki qiz cho‘kib ketdi, ularni qutqarishga uringan yana uchinchi qiz ham halok bo‘lishiga oz qolgan. Kun.uz muxbiri voqea joyiga borib, fojia tafsilotlarini o‘rgandi.
Qizlardan birini qutqarib qolgan yigit agar bir necha daqiqa oldin ko‘rishganida, qolganlarni ham qutqarib qolish mumkin bo‘lgani haqida gapirdi.
«Qizlar ancha vaqt yordam so‘rab baqirgan. Lekin na qorovul, na boshqasi eshitgan», – deydi u.
Uning so‘zlariga ko‘ra, ushbu fojia soat 12:40 larda ro‘y bergan.
«Mana shu joyga tomosha qilgani kelgandik, bir qiz suvda baqirayotganini eshitib qoldik. Keyin men u yoqdan yugurib suvga tushdim-da, qizni olib chiqdim. Yarim soatdan keyin tez yordam mashinalari keldi, xizmatlarini ko‘rsatishdi. Agar 3-4 daqiqa oldin kelganimizda, qolganlarini ham qutqarib qolish mumkin edi. Afsus, u qizning opasi va dugonasi suvga g‘arq bo‘lgan ekan. Agar bu yerda qorovullar bo‘lganida, qizlar bu ahvolga tushmas edi. Biz kelganimizda hech qanaqa qorovul ham, qutqaruv xizmati xodimlari ham yo‘q edi», – deydi suhbatdosh.
Uning so‘zlariga ko‘ra, suv tubi botqoqlik bo‘lgan.
«Men ham birinchi qadamni bosganimda tizzadan balandroq joyga kirib ketdim. O‘zimni o‘nglab oldim. Shundan keyin u qizga qarab suzib borib, olib chiqdim.
Osti 4-5 metr botqoqlik bo‘lgan. Bu qizlar o‘sha botqoqqa kirib ketavergan menimcha. Bularni botqoq tortib ketgan. Suv o‘zan hosil qilgan. Shunda qizlarni tortib ketgan.
U qiz ham opalarini qutqaraman deb suvga tushgan. Biz kelgan mahal u ham suvda edi. Qutqarish uchun o‘zini tashlagan. Oqim qizni qirg‘oqdan 20-25 metr ichkariga olib ketgan», – deydi u.
Holat yuzasidan mazkur gidrotexnik inshootlarga mas’ul bo‘lgan «Suvxo‘jaliknazorat» inspeksiyasi vakili izoh berdi. U qizlar suv omborining nazorat qilinmaydigan qismidan suvga tushganini aytadi.
«Suv omborining damba tomonlarini Milliy gvardiya qo‘riqlaydi, kameralar qo‘yilgan. U qizlar qirdan tushib kelgan. U joylarni biz nazorat qila olmaymiz», deydi inspeksiya vakili.
Inpeksiya xodimi xavfsizlik choralari bilan bog‘liq boshqa savollarga Ohangaron suv ombori boshlig‘i Botir Turdiyev javob berishini bildirdi.
Ohangaron suv ombori boshlig‘i Botir Turdiyev
Turdiyev hodisaga munosabat bildirarkan, ombor qirg‘og‘ida bunday tuproqli to‘g‘onlar bo‘lishi noqonuniy ekanini ma’lum qildi.
«Bu voqeani o‘sha kuni taxminan soat 15:00 larda eshitdim. Ayanchli voqea bo‘libdi. Aslida bu yerda cho‘milish mumkin emas. Oxirgi 2-3 yilda tadbirkorlik faoliyati boshlanib, bu yerga odamlar cho‘milish uchun kelyapti. Ular tadbirkorlar tomonidan qayiqda suzish, sayr qilishga jalb etilyapti. Shuning uchun odamlar bu yerga keladigan bo‘lib qoldi.
Oldin bu yerga hech kim cho‘milishga kelmasdi. Hozir bu joylar tadbirkorlarga o‘tib ketdi. Men ularni ayblamayman, lekin hozir cho‘milishga odamlar kelyapti»,– deydi suv ombori boshlig‘i.
U suv omborining muhofaza zonasi borligi, bu qirg‘oqdan 150 metrgacha bo‘lgan hudud ekanini aytadi. Lekin shunga qaramay, tadbirkorlar faoliyatini amalga oshirmoqda.
«Men ularga ishlama deya olmayman. Lekin baribir shu yerda tadbirkorlik faoliyatini yuritgandan keyin qandaydir nazorat bo‘lishi kerak-da. Men shunday deb o‘ylayman.
Bizda o‘zimizning qo‘riqlanadigan hududlarimiz bor. Masalan, to‘g‘ondan 400 metrgacha bo‘lgan hudud qo‘riqlanadi. Qolganlariga biz javob bermaymiz. Bu hudud juda katta. Qo‘riqlashga jismonan qurbimiz yetmaydi», – deydi u.
Botir Turdiyev fojia sodir bo‘lgan joylarga cho‘milishni taqiqlovchi belgilar o‘rnatilishi, lekin nazorat qilishga vaqt yo‘qligini ta’kidlaydi.
«Biz tadbirkorlarga kelib aytganmiz. Masalan, mana bu to‘g‘oncha bor-ku, aslida, suv omborining muhofaza zonasida bunaqa ishlar qilinishi mumkin emas. O‘zboshimchalik bilan qilingan ishlar hammasi. Bu yerda umuman qazish ishlari mumkin emas», – deydi u.
Noqonuniy qurilmalarni buzish masalasi haqidagi savolga javoban u tadbirkorlarga biror nima deyishga ilojsiz ekanini tan oldi. Shu bilan birga, yuqori turuvchi tashkilotlarga murojaat qilishini aytdi.
Shundan keyin qutqarib qolingan qizning xonadoniga bordik. Ma’lum bo‘lishicha, angrenlik qiz marhuma opasi bilan birga Ohangaronga mehmonga borgan.
«19 yosh edi, to‘yga tayyorgarlik ko‘rayotgandik. Uyda nevaram kechki ovqatga harakat qilib turgan edi. Dugonasi bilan yonimizdagi do‘konda ishlardi. Keyin dugonasi “biznikiga toqqa jo‘nating, xolajon, ertaga ertalab 10 gacha yetib kelamiz” dedi. Men bormasin, kech bo‘lib qoldi dedim. Lekin keyin qanday jo‘natganimni bilmayman.
Endi kuni bitib turgan ekan. Ko‘chaga chiqmagan qizlar edi, besh vaqt namozi bor edi. Tikuvchilik kollejini bitirib, arab tili kurslariga borardi.
Shundan keyin ertalab 06:00 da telefon qildim, javob bermadi. Keyin bilsam, rasmga tushamiz deb borib cho‘kib ketibdi. 16 yoshli qizimni qutqarishdi, rahmat. Lekin 19 yoshli qizim qaytib chiqmadi, murdasi chiqdi. Bir-birini yetaklab ketdi…», – deydi qizlarning buvisi.
Jurnalist: Shahzod O‘roqboyev
Videotasvirchi: Boymirza Halilov
Andijon va Sirdaryo viloyatlarida hokim yordamchilari ishtirokida imtiyozli mablag‘larni firibgarlik yo‘li bilan o‘zlashtirish holatlari aniqlandi. Holatlar yuzasidan jinoyat ishlari qo‘zg‘atilib, tergov harakatlari olib borilmoqda.
Bosh prokuratura huzuridagi departament tomonidan o‘tkazilgan tergovga qadar tekshiruvlar davomida bir nechta hududda imtiyozli mablag‘larni talon-toroj qilish bilan bog‘liq holatlar fosh etildi.
Jumladan, departamentning Oltinko‘l tumani bo‘limi aniqlagan holatga ko‘ra, «U.T.» va «Q.A.» MChJning mas’ul shaxslari, Qayirma mahallasi hokim yordamchisi hamda boshqa shaxslar o‘zaro til biriktirib, fuqarolarga issiqxona faoliyatini kengaytirish uchun ajratilgan 442,3 million so‘m imtiyozli kredit mablag‘larini firibgarlik yo‘li bilan qo‘lga kiritgan. Tergov ma’lumotlariga ko‘ra, xizmat ko‘rsatuvchi korxonalar amalda bajarmagan ishlar hujjatlarda bajarilgan deb rasmiylashtirilgan.
Yana bir holat Sirdaryo viloyatining Mirzaobod tumanida aniqlangan. Unda Toshkent mahallasi sobiq hokim yordamchisi va boshqa shaxslar ushbu mahallada yashovchi sakkiz nafar fuqaroga ajratilgan 248 million so‘m imtiyozli kredit mablag‘larini ta’minotchi korxonalar orqali talon-toroj qilganlikda gumon qilinmoqda.
Shuningdek, Departamentning Andijon shahri bo‘limi tomonidan o‘tkazilgan tekshiruvda «L.A.» MChJ rahbari va Farobiy mahallasi sobiq hokim yordamchisi fuqarolarga ajratilgan 163 million so‘m imtiyozli kredit mablag‘larini firibgarlik yo‘li bilan o‘zlashtirganlikda gumon qilinmoqda.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilgan. Ayni paytda huquqni muhofaza qiluvchi organlar tomonidan tergov harakatlari davom ettirilmoqda.
O‘zbekistonda qurilishi tugallanmagan va belgilangan tartibda foydalanishga qabul qilinmagan ko‘p kvartirali uylarga fuqarolarni ko‘chirish holatlarining oldini olish maqsadida qonunchilik kuchaytirilmoqda. Buning uchun mas’ul shaxslarga jinoiy javobgarlik belgilash taklif etilmoqda.
Foto: Oliy Majlis Qonunchilik palatasi
Qonunchilik palatasi majlisida mazkur masalaga oid qonun loyihasi ko‘rib chiqilib, deputatlar tomonidan qabul qilindi va Senatga yuborildi.
Qayd etilishicha, so‘nggi yillarda mamlakatda shaharsozlik sohasini takomillashtirish bo‘yicha izchil islohotlar amalga oshirilayotgan bo‘lsa-da, ayrim hollarda qurilishi tugallanmagan hamda rasman foydalanishga topshirilmagan ko‘p kvartirali uylarga fuqarolarning noqonuniy ko‘chib kirishiga yo‘l qo‘yilmoqda.
Mutasaddilarning ta’kidlashicha, bunday holatlar aholi xavfsizligiga jiddiy tahdid tug‘dirishi mumkin. Shu bois sohada faoliyat yuritayotgan sub’yektlar mas’uliyatini oshirish va huquqbuzarliklarning oldini olishga qaratilgan huquqiy mexanizmlarni kuchaytirish zarur.
Qonun loyihasiga muvofiq, Jinoyat kodeksiga ko‘p kvartirali uylar qurilishi uchun mas’ul shaxslar yoki mansabdor shaxslar tomonidan foydalanishga qabul qilinmagan uylarga fuqarolarning ko‘chib kirishiga yo‘l qo‘yganlik uchun to‘g‘ridan to‘g‘ri jinoiy javobgarlik belgilash taklif etilmoqda.
Shuningdek, Shaharsozlik kodeksiga buyurtmachilar va pudratchilar zimmasiga belgilangan tartibda foydalanishga qabul qilinmagan ko‘p kvartirali uylarga fuqarolarning ko‘chib kirishiga yo‘l qo‘ymaslik choralarini ko‘rish majburiyatini yuklovchi normalar kiritilishi nazarda tutilgan.
Muhokamalar davomida deputatlar qonun loyihasining dolzarbligi va ahamiyatini ta’kidlab, uni yanada takomillashtirish yuzasidan qator taklif va tavsiyalar bildirdi. Yakunda qonun loyihasi Qonunchilik palatasi deputatlari tomonidan qabul qilinib, Senatga yuborildi.
Toshkent shahrida o‘tkazilgan tezkor tadbirlar davomida noqonuniy muomalada bo‘lgan qariyb 3,2 kilogramm giyohvandlik vositalari musodara qilindi. Holatlar yuzasidan bir necha nafar gumonlanuvchi qo‘lga olinib, ularga nisbatan jinoyat ishlari qo‘zg‘atildi.
«Xavfsiz va sog‘lom yurt» keng qamrovli tezkor-profilaktik tadbirlari doirasida Davlat xavfsizlik xizmati Toshkent shahar boshqarmasi hamda poytaxt IIBB xodimlari hamkorligida giyohvandlik vositalarining noqonuniy aylanmasiga qarshi qator tezkor tadbirlar o‘tkazildi.
Dastlabki holatda Bektemir tumani hududida harakatlanayotgan Gentra rusumli avtomashina to‘xtatilib tekshirildi. Avtomashinada Yashnobod tumanida yashovchi, 1998 yilda tug‘ilgan ikki nafar fuqaro bo‘lgan. Tekshiruv chog‘ida transport vositasi salonidan bir nechta zip-paketlarga qadoqlangan och sariq rangli kukunsimon moddalar topildi.
Tezkor tadbir davomida gumonlanuvchilar avvaldan yashirib qo‘ygan xufiya joy hamda ijaraga olgan xonadon ko‘zdan kechirildi. U yerdan ham kukunsimon moddalar, elektron tarozilar va giyohvandlik vositalarini qadoqlashda foydalaniladigan anjomlar aniqlandi.
Ekspertiza xulosasiga ko‘ra, musodara qilingan moddalar 1,2 kilogramm geroin va 100 gramm mefedron ekani tasdiqlangan. Ma’lum qilinishicha, mazkur ikki shaxs ham muqaddam giyohvandlik vositalari bilan bog‘liq jinoyatlari uchun sudlangan.
Yana bir tezkor tadbirda Shayxontohur tumanida yashovchi, 1982 yilda tug‘ilgan, muqaddam sudlangan fuqaroning yashash xonadonidan 47 gramm gashish va 34 gramm opiy musodara qilindi.
Tergov harakatlari davomida uni narkotik moddalar bilan ta’minlab kelgani gumon qilinayotgan Olmazor tumanida yashovchi 1980 va 1985 yillarda tug‘ilgan ikki nafar fuqaro ham ushlandi. Ularning avtomashinalari va yashash xonalari tekshirilganda, 1,8 kilogramm gashish hamda 12 gramm opiy aniqlanib, protsessual tartibda rasmiylashtirib olindi.
Har ikki holat yuzasidan gumonlanuvchilarga nisbatan jinoyat ishlari qo‘zg‘atilgan. Ayni paytda tergov harakatlari davom etmoqda.
Reklama qo‘ng‘iroqlari va xabarnomalariga oid huquqlar himoyasi kuchaytiriladi.
«Aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratish chora-tadbirlari to‘g‘risida»gi Prezident qarori (PQ-265-son, 15.07.2026-y.) qabul qilindi.
Qarorga ko‘ra, voyaga yetmagan shaxslar o‘z huquqlarini mustaqil ravishda amalga oshirish yuzasidan sudlarga murojaat qilishda davlat bojidan ozod qilinishi belgilandi.
2026-yil 1-oktyabrdan jismoniy shaxsning familiyasi, ismi va otasining ismi, tug‘ilgan sanasi kabi birlamchi ma’lumotlari o‘zgarganda o‘zida ushbu ma’lumotlarni aks ettiruvchi davlat organlariga tegishli axborot tizimlaridagi ma’lumotlarga avtomatik tarzda idoralararo elektron hamkorlik yo‘li bilan o‘zgartirishlar kiritish amaliyoti yo‘lga qo‘yiladi.
2026-yil 1-noyabrdan boshlab:
– mobil aloqa vositalari orqali SMS-xabarnomalar yo‘li bilan tovar (ish, xizmat)larni taklif (reklama) qiluvchi har qanday yuridik va jismoniy shaxslar faqat shaxsning yozma yoki elektron roziligini olgandan so‘ng ushbu harakatlarni (reklamani) amalga oshiradi;
– mobil aloqa vositalariga reklama qo‘ng‘iroqlari va SMS-xabarnomalarni jo‘natish xizmatini ko‘rsatuvchi yuridik shaxslar o‘zlarining axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyin tegishli xizmatlarni ko‘rsatishiga yo‘l qo‘yiladi;
– reklama qo‘ng‘iroqlari va xabarnomalarini telekommunikatsiya tarmoqlari (mobil aloqa) orqali soat 18.00 dan 09.00 gacha tarqatish taqiqlanadi;
– mobil aloqa operatorlariga o‘zlari tomonidan tarqatiladigan reklama qo‘ng‘iroqlari va xabarnomalarini abonent so‘roviga ko‘ra to‘liq yoki qisman bloklash majburiyati yuklatiladi;
– mazkur belgilangan talablarga rioya etmaslik reklama hamda shaxsga doir ma’lumotlar to‘g‘risidagi qonunchilikni buzish hisoblanadi va tegishli choralar ko‘rish uchun asos bo‘ladi.
Kino, teatr, muzey va konsertlarga muntazam tashrif buyurish fiziologik qarishning sekinlashishi bilan bog‘liq bo‘lishi mumkin.
Bu ikki mingga yaqin keksa odamlarning ma’lumotlarini tahlil qilgan yapon olimlari tomonidan chiqarilgan xulosadir. Tadqiqot natijalari Epidemiologiya va Jamiyat Salomatligi jurnalida (JECH) chop etildi.
Tadqiqotchilar qarish bo‘yicha uzoq muddatli tadqiqotda ishtirok etgan 50 yoshdan oshgan 1899 nafar ingliz fuqarosining ma’lumotlarini o‘rganib chiqdilar.
Ishtirokchilar kinoteatrlar, muzeylar, san’at galereyalari, teatrlar, konsertlar va operalarga qanchalik tez-tez tashrif buyurganliklarini xabar qilishdi. Keyin bu ma’lumot ularning fiziologik yoshi bilan taqqoslandi – bu qon bosimi, o‘pka funksiyasi, gemoglobin va xolesterin darajasi, tana massasi indeksi, ushlash kuchi va yurish tezligi kabi o‘nta parametr asosida tananing haqiqiy sog‘lig‘ini aks ettiruvchi ko‘rsatkich.
Ma’lum bo‘lishicha, madaniy tadbirlarga kamida bir necha oyda bir marta tashrif buyurgan odamlarning o‘rtacha fiziologik yoshi 66,9 yoshni tashkil etgan. Deyarli faqat madaniy hayotda ishtirok etganlar orasida bu ko‘rsatkich 69,9 yoshga yetdi – bu taxminan uch yillik farq.
Daromad, bandlik, surunkali kasalliklar va boshqa omillarni hisobga olgan holda ham, madaniy faoliyat shkalasidagi har bir qo‘shimcha birlik fiziologik yoshni taxminan 31 kunga qisqartirish bilan bog‘liq edi.
Mualliflarning fikriga ko‘ra, bu ta’sir madaniy dam olish ijtimoiy muloqotni rivojlantirishi, aqliy farovonlikni yaxshilashi va sog‘lom turmush tarzini rag‘batlantirishi bilan izohlanishi mumkin.
Olimlar madaniy faoliyatning fiziologik qarishga ta’siri muntazam jismoniy faollikning ta’siriga o‘xshashligini va qo‘shimcha tadqiqotlarga loyiqligini ta’kidlamoqdalar.
Hokim yordamchilariga oid yana bir korrupsiyaviy holat fosh etildi
Qurilishi tugallanmagan uylarga ko‘chirish holatlariga chek qo‘yiladi
Daniya “do’zax qurti” hujumida – hukumat navbatdan tashqari yig’ilish o’tkazdi
-
Sport5 days agoIspaniya Belgiyani yengib, yarimfinalga chiqdi
-
Jamiyat4 days agoBektemir tumanida «zakladchik»lar qo‘lga olindi
-
Sport5 days agoAngliya-Norvegiya bahsi boshlanish vaqti kechiktirilishi mumkin
-
Dunyodan4 days ago
Frantsiyada ko’pchilik qo’rqqan narsa yuz berdi.
-
Sport4 days agoInfantino yana JCh ishtirokchilari sonini oshirish g‘oyasi haqida gapirdi
-
Jamiyat5 days agoDori narxini sun’iy oshirgan yuzlab dorixonalar aniqlandi
-
Jamiyat3 days agoToshkent metrosiga yana 3 ta zamonaviy poyezd qo‘shildi
-
Jamiyat4 days ago
Bugun ayrim hududlarda chang-to‘zon kuzatiladi, havo 43 darajagacha isiydi