Sport
Muhammad Ali uchun o‘ch: Taysonning tarixiy jangi haqida
1980 yil oktyabr. Mashhur bokschi Muhammad Ali va Larri Xolms o‘rtasida jang ketmoqda. Raqibi Parkinson kasali bilan og‘rib yurgan Alini ayamayapti. Mashhur bokschi amallab 10 raund jang qilgach, Alining sekundantlari ringga sochiq uloqtirishadi. Bu mag‘lubiyat edi. O‘shanda 14 yoshli Mayk Tayson mazkur jangni televizorda ko‘zda yosh bilan kuzatadi va kelajakda Ali uchun Xolmsdan o‘ch olishga qaror qiladi.
{Yii::t(}
O’tkazib yuborish 6s
O’tkazib yuborish
Mashhur bokschi Mayk Taysonning hayotida zafarli onlar bilan birga alamli kunlar ham bo‘lgan. Avvaliga barchani yengib, og‘ir vazn bo‘yicha jahonning mutlaq chempioniga aylangan Mayk keyinchalik mag‘lubiyatga ham uchragan.
Uning baxtiyor onlaridan biri 1988 yil yanvarda kechgan. O‘shanda u Larri Xolmsni yengib, jahonning mutlaq chempioniga aylangandi.
Keyinchalik u bir paytlar Muhammad Aliga Larri Xolmsni yengaman deb so‘z berganini va o‘sha va’dasining ustidan chiqish uchun bu kunni intiqlik bilan kutganini aytgandi. Xo‘sh, Mayk Tayson Muhammad Aliga qachon, nima deb va’da bergandi?
Ko‘cha bezorisidan boksga
1966 yilda tug‘ilgan Mayk Tayson yoshligida avvaliga ko‘cha bezorilari, so‘ng jinoiy guruh safiga qo‘shiladi. 12 yoshida uni voyaga yetmagan jinoyatchilar saqlanadigan maxsus maktabga jo‘natishadi.
Maktabda boks to‘garagi bo‘lib, unda sobiq professional bokschi Bobbi Styuart mashg‘ulot olib borardi. Mayk to‘garakda shug‘ullanayotgan bolalarni ko‘rib, o‘zini boksda sinab ko‘rishga qaror qiladi.
Mayk Tayson 1-murabbiyi Bobbi Styuart bilan
Styuart bir qancha shartlar evaziga uni shug‘ullantirishga rozi bo‘ladi. Bu uchun Mayk maktab qoidalarini umuman buzmasligi va o‘zini yaxshi tutishi kerak edi. Shuningdek, Mayk fanlarni yaxshiroq o‘zlashtirsa, Styuart u bilan ko‘proq mashg‘ulot o‘tishi haqida va’da beradi.
Styuart Maykni ikki yil – 1978-1980 yillar oralig‘ida shug‘ullantiradi. Bu davr mobaynida Mayk ancha tajriba orttirib, yaxshi natijalarga erishadi.
Mayk 14 yoshga yetganida Styuart undagi iste’dodni yanada sayqallash uchun mashhur murabbiy Konstantin D’Amatoning oldiga olib boradi. Bu murabbiy Maykning jang qilishini ko‘rib, agar u shu maromda mashqni davom ettirsa, jahon chempioni bo‘lishini aytadi.
Mayk Tayson va Konstantin D’Amato
Muhammad Aliga va’da bergan Mayk
Mayk Tayson boks bilan jiddiy shug‘ullanishni boshlaganda dunyoga mashhur bokschilar anchagina edi. Biroq yosh bokschi ular orasidan faqat Muhammad Alini o‘z kumiri deb bilardi.
Afsuski, o‘sha paytda 36 yoshga yaqinlashgan Ali ancha charchab qolgan, buning ustiga u Parkinson kasaliga chalingan edi. Shu sababli u boksdagi faoliyatini tugatganini e’lon qiladi.
Biroq ikki yillik tanaffusdan so‘ng, 1980 yilda u salmoqli gonorar evaziga 31 yoshli, ayni kuch-quvvatga to‘lgan Larri Xolms bilan jang o‘tkazishga rozi bo‘ladi.
Jang 1980 yil 2 oktyabr kuni o‘tkaziladi. 14 yoshli Mayk bu jangni televizor orqali tomosha qiladi. O‘shanda Muhammad Ali yosh raqibining kuchli zarbalariga 10 raund chidab beradi.
10-raundda uning sekundantlari jangni to‘xtatishadi. Shu tariqa Muhammad Ali faoliyati davomida birinchi marta muddatidan avval mag‘lub bo‘ladi. Operatorlar mashhur bokschining horigan va zarbalar tufayli momataloq bo‘lgan yuzini ko‘rsatar ekan, Mayk Tayson kun kelib Larri Xolmsdan qasos olishga qaror qiladi.
Muhammad Ali va Larri Xolms
O‘shanda Mayk bu qarori haqida mashhur bokschining o‘ziga aytishni juda ham xohlaydi va Ali bilan do‘stona aloqalarda bo‘lgan murabbiyidan u bilan gaplashtirishni iltimos qiladi.
Jang tugagandan so‘ng bir muddat o‘tgach murabbiy D’Amato Muhammad Aliga qo‘ng‘iroq qiladi va undan ko‘ngil so‘raydi. So‘ng go‘shakni Maykka beradi. Yosh bokschi Muhammad Aliga bir kun kelib Larri Xolmsdan qasos olishini aytadi. Ali unga omad tilaydi.
Oradan bir yil o‘tgach, Muhammad Ali kanadalik bokschi Trevor Berbikka qarshi ringga chiqadi. Dastlabki besh raundda Muhammad Ali ustunlik qilgan bo‘lsa ham, jang yakunida hakamlar g‘alabani Trevor Berbikka berishadi.
Bu jangni ham tomosha qilgan Mayk Tayson kelajakda Trevor bilan ham jang qilib, uni yengishni o‘z oldiga maqsad qilib qo‘yadi.
Qasosning olinishi
1985 yilda professional boksda o‘z faoliyatini boshlagan Mayk Tayson birinchi qasosni Trevor Berbikdan oladi. Bu ish 1986 yil noyabrda sodir bo‘ladi. Berbik o‘sha yili og‘ir vaznlilar o‘rtasida jahon chempioni bo‘lgandi. Mayk bilan bellashuv chempionlikka erishgandan so‘ng uning birinchi jangi edi.
Larri Xolmsni nokautga uchratayotgan Tayson
Jangning ikkinchi raundida Mayk Berbikni avvaliga nokdaunga, so‘ng nokautga tushiradi va g‘alaba qozonadi. Bu g‘alaba bilan Mayk Tayson ikkita rekord o‘rnatadi. Birinchi rekord – Mayk o‘ta og‘ir vaznda eng yosh jahon chempioni bo‘lgan edi.
Ikkinchi rekord – o‘shanda Maykning kuchli zarbasidan so‘ng nokautga tushgan Berbik uch marta oyoqqa turadi va qayta yiqiladi. Ana shu ish ham boks tarixida faqat Maykning zarbasidan so‘ng sodir bo‘lgan va boshqa bokschilarda qaytarilmagan.
Maykning Larri Xolms bilan jangi keyinroq, 1988 yil yanvarda bo‘lib o‘tadi. Maykl Larrini ham nokautga uchratadi. O‘shangacha bu bokschi bironta jangida nokautga tushmagandi. Bu ish Maykning kuchli zarbasidan so‘ng sodir bo‘ladi.
Keyinchalik, Mayk Tayson turli nashrlarga bergan intervyularida o‘smirlik paytida Muhammad Aliga uni yenggan Larri Xolms va Trevor Berbikdan qasos olishga so‘z berganini, 1986 va 1988 yillarda va’dasini bajarganini aytib o‘tgan.
“Muhammad Ali Larri Xolmsdan mag‘lubiyatga uchraganda men yig‘lagandim. O‘shanda qachon bo‘lsa ham Ali uchun Xolmsdan qasos olaman deb o‘zimga so‘z berdim. 1988 yilda Xolmsni nokautga uchratib, bu va’damni bajardim”, degan edi bokschi keyinchalik.
Tayson va Muhammad Ali
Aytgancha, Mayk Muhammad Ali uchun qasos olgan Larri Xolms o‘sha mag‘lubiyatdan so‘ng bir necha marta boksdan ketganini e’lon qiladi va yana ringga qaytaveradi.
Shu tariqa u 2002 yil, 52 yoshigacha janglar o‘tkazdi va keyin qo‘lqoplarini mixga ildi. 29 yillik faoliyati davomida Larri jami 75 ta jang o‘tkazgan va ularning 69 tasida g‘alaba qozongan, 6 ta jangda yengilgan.
Larri Mayk Tayson bilan o‘tkazilgan janggacha biron marta yengilmagan va birinchi mag‘lubiyatni Muhammad Ali uchun qasos olishga qaror qilgan 22 yoshli bokschidan qabul qilib olgandi.
Taysonning keyingi faoliyati
Mayk Tayson Larri Xolmsni yengib og‘ir vazn bo‘yicha jahonning mutlaq chempioni bo‘lgach xarakteri va hayot tarzi o‘zgara boshlaydi. Sayoq yurishlari ko‘payadi.
1989 yilda bokschi mashg‘ulotlarda qatnashmay qo‘yadi va vaqtini tungi klublarda o‘tkaza boshlaydi. Oqibatda 1990 yil fevralda Baster Duglas bilan bo‘lgan jangda nokautga uchrab, yutqazadi.
1992 yilda u o‘ziga keladi va bir nechta jang o‘tkazib, ularda g‘alaba qozonadi. Biroq uning hayoti izdan chiqib bo‘lgandi. 1992 yilda bokschi zo‘rlash bilan ayblanib, 6 yilga qamaladi. Uch yil qamoqda o‘tirgach, 1995 yilda u ozod qilinadi.
1996 yil martda u Frenk Brunoni yengib, WBC, sentabrda Bryus Seldonni yengib, WBA yo‘nalishlarida chempion bo‘ladi.
1996 yil noyabrda Mayk Evander Xolifild bilan jang qiladi. Jangning 11-raundida Mayk texnik nokaut bilan mag‘lub bo‘ladi va WBA chempionlik kamarini Xolifildga topshiradi. Bu uning ikkinchi mag‘lubiyati edi.
Tayson Xolifildning qulog‘ini tishlagan payt
1997 yil iyunda Mayk Tayson va Evander Xolifild o‘rtasida revansh jang o‘tkaziladi. Bu jangda Mayk Xolifildning qulog‘ini tishlaydi va mag‘lubiyatga uchraydi.
Shundan so‘ng Maykning bokschilik litsenziyasi olib qo‘yiladi. Uni 1998 yil oktyabrda qaytarib berishadi. Biroq u mashg‘ulotlar o‘tkazmaydi, faqatgina reyting janglarda qatnashib yuradi.
2000 yilda Mayk polshalik Anjyey Duda bilan jang o‘tkazadi va uni birinchi raundda nokautga uchratadi. Biroq jangdan so‘ng Maykning qonidan olingan tahlillar uning doping qabul qilganini ko‘rsatadi. Shundan so‘ng jang natijasi bekor qilinadi.
2002 yilda Mayk Tayson Lennoks Lyuis bilan jang o‘tkazadi. Bu jang boks tarixida eng ko‘p kassa yig‘gan bellashuv sifatida qolgan. O‘shanda tashkilotchilar Mayk va Lennoksning jangidan qariyb 107 mln dollar ishlab olishadi.
Tayson Lennoks Luis bilan jangda
Jangda Mayk mag‘lubiyatga uchraydi. Bellashuvgacha barcha yo‘nalishlarda chempion bo‘lib turgan Lennoks uni 8-raundda nokautga uchratadi. O‘shanda har ikki bokschiga 35 mln dollardan gonorar beriladi.
2005 yil iyun oyida Kevin Makbraydga qarshi ringga chiqqan Mayk 6-raunddan so‘ng jang qilishni to‘xtatadi. So‘ng bokschilik faoliyatini tugatganini e’lon qiladi. O‘shandan keyin u bir necha marta ko‘rgazmali janglarda ishtirok etadi xolos.
Umumiy hisobda Mayk Tayson jami 59 ta jang o‘tkazgan va ularning 50 tasida g‘alaba qozongan. G‘alabalarning 44 tasida u raqibini nokautga uchratib, g‘olib bo‘lgan. 7 ta jangda mag‘lubiyatga uchragan. Ikkita jang natijasi bekor qilingan.
Mayk Taysonning rekordlari
· og‘ir vaznli bokschilar o‘rtasida jahonning eng yosh chempioni (20 yosh 144 kunligida chempion bo‘lgan);
· og‘ir vaznli bokschilar o‘rtasida jahonning eng yosh mutlaq chempioni (21 yoshda chempion bo‘lgan);
· professional faoliyatini boshlagandan so‘ng eng qisqa vaqtda jahon chempioni bo‘lgan bokschi (jahon chempioni bo‘lgunicha 1 yil 8 oy, mutlaq jahon chempioni bo‘lgunicha 2 yil 5 oy vaqt o‘tgan);
· boks tarixida uchta asosiy yo‘nalish kamarini ketma-ket yutgan birinchi va yagona bokschi;
· boks tarixidagi eng ko‘p gonorar olgan og‘ir vaznli bokschi;
· mutlaq chempionlikni 6 marta himoya qilgan yagona bokschi;
· eng ko‘p qisqa muddatda nokautni amalga oshirgan bokschi (9 marta raqiblarini 1 daqiqaga yetmasdan nokautga uchratgan);
· boks tarixidagi 6 ta eng ko‘p gonorar berilgan janglarning barchasida ishtirok etgan bokschi;
· uch marta birinchi raundning o‘zidayoq raqibini nokautga uchratib, chempionlik kamarini yutgan yagona bokschi;
· o‘smirlar o‘rtasida o‘tkazilgan olimpiadada eng tezkor nokaut (raqibini 8-soniyada nokautga uchratgan);
· boks tarixida og‘ir vaznlilar orasida eng ko‘p gonorar olgan bokschi.
Tayson va Muhammad Ali
Yuqoridagi rekordlardan ikkitasi – eng yosh jahon chempioni va eng ko‘p tezkor nokautlar uchun u ikki marta Ginnesning rekordlar kitobiga kiritilgan.
Aktyorga aylangan bokschi
Mayk Tayson bokschilik faoliyatini tugatgandan keyin turli ko‘rgazmali janglarda qatnashdi. Shuningdek, ko‘plab filmlarda rol o‘ynadi. Bundan tashqari turli kompaniyalarning reklama roliklarida suratga tushib kelmoqda.
Umumiy hisobda Mayk 55 ta turli filmlar, shoular va seriallarda suratga tushgan. U ishtirok etgan birinchi film 1993 yilda suratga olingan bo‘lib, unda bokschining hayoti hikoya qilingan.
So‘nggi marta u 2023 yilda “Bir paytlar” nomli filmda suratga tushgan va unda sobiq bokschi bosh rolini ijro etgan.
Tayson Ip Man3 filmining suratga olish jarayonida
Mayk suratga tushgan filmlarning bir nechtasi bokschining o‘z hayoti haqida. Shuningdek, u xitoyliklar suratga olgan “Ip Man-3” filmida bosh rollardan birini ijro etgan.
Mayk Tayson uch marta uylangan va ulardan sakkiz nafar farzand ko‘rgan. 2009 yilda uning 4 yoshli qizi fojiali tarzda halok bo‘lgan. Bokschi Islom dinini qabul qilgan va Malik Abdul Aziz ismini olgan.
G‘ayrat Yo‘ldosh tayyorladi.
«Arsenal» turnir jadvalida «Siti» bilan oradagi farqni 6 ochkoga yetkazdi, Ispaniyada esa bugun «Real» Kataloniyaning «Espanyol» jamoasiga qarshi o‘yinda ochko yo‘qotadigan bo‘lsa, bu turda navbatdagi g‘alabaga erishgan «Barselona» muddatidan oldin chempionlikni nishonlashi mumkin.
Angliya: Tiago Holand bilan poygalashmoqda
«Brentford» – «Vest Hem» 3:0
Gollar: Mavropanos, 15 – avtogol (1:0). Tiago, 54 – penalti (2:0). Damsgor, 82 (3:0)
«Brentford»: Kelleher, van der Berg, Kollinz, Lyuis-Potter (Hiki, 90+1), Kayode, Yyensen, Yarmolyuk, Damsgor (Dasilva, 90+1), Shade (Ayyer, 80), Uattara (Furo, 90), Tiago
«Vest Hem»: Hermansen, Disasi, Mavropanos, Diuf (Traore, 74), Uoker-Piters (Van-Bissaka, 65), Fernandesh, Souchek, Sammervill (Skarlz, 88), Bouen (Magassa, 88), Pablo, Kastelyanos (Uilson, 65)
Ogohlantirishlar: Kayode, 73 – Kastelyanos, 59. Sammervill, 62. Skarlz, 90
Bu mavsumda APLda qolish uchun kurash chempionlik tituli uchun kurashdagi kabi qizg‘in kechmayapti. «Vulverhempton» va «Byornli» chempionshipga tushib ketishi allaqachon aniq bo‘lgan, mavsumning uchinchi omadsiz jamoasi esa katta ehtimol bilan «Vest Hem» klubi bo‘ladi. Shanba kuni ushbu jamoa «Brentford» maydonida ilojsiz ahvolda qoldi va hozirda 18-o‘rinda turgan «Tottenhem»da turnir jadvalining quyi qismini tark etish uchun yaxshi imkoniyat hosil bo‘ldi. «Bolg‘achilar» darvozasiga uchta javobsiz gol urgan «asalarilar» yevrokuboklar yo‘llanmasi uchun kurash olib bormoqda, jamoa to‘purari Igor Tiago mavsumdagi sakkizinchi penaltini aniq ijro etib, to‘purarlar poygasida Holandni quyishda ta’qib etmoqda. Hozircha bu poygada norvegiyalik hujumchi ikkita gol oldinda (24:22), ammo braziliyalik hujumchi hozir pik formasida – u gollarining yarmini 2026 yilda urgan va bu borada hech bir hujumchi unga teng kelolmaydi.
«Arsenal» – «Fulhem» 3:0
Gollar: Yokeresh, 9 (1:0). Saka, 40 (2:0). Yokeresh, 45+4 (3:0)
«Arsenal»: Rayya, Saliba, Gabriel Magalyayns, Kalafiori, Uayt (Moskera, 83), Rays (Subimendi, 64), Lyuis-Skelli, Eze (Douman, 78), Trossar, Saka (Madueke, 46), Yokeresh (Gabriel Jyezus, 64)
«Fulhem»: Leno, Bassi, Andersen, Robinson, Kastan, Rid (Kerni, 63), Lukich, Smit-Rou (Kusi-Asare, 78), Chukvueze (King, 64), Uilson (Bobb, 64), Ximenes (Rodrigu Munis, 73)
Ogohlantirish: Lukich, 23
Chempionlik poygasida qatnashayotgan «Arsenal» esa bu oqshom raqibni yirik hisobda mag‘lub etish uchun maydonga tushgandi va buni birinchi bo‘limdayoq uddaladi. Arteta shu kuni boshlang‘ich tarkibdagi tanlovlari bilan ko‘pchilikni ajablantirdi. Birinchidan, so‘nggi vaqtlarda muntazam ravishda ilk daqiqalardan o‘ynab kelgan Inkapiye zaxirada qoldirildi va uning o‘rnini hujumkorligi bilan farq qiladigan Kalafiori egalladi. Ikkinchidan, bu mavsumda top-5 ligalarda eng ko‘p o‘ynagan yarimhimoyachi bo‘lib turgan Martin Subimendiga dam berildi. Uchinchidan, uning o‘rniga tayanch yarimhimoyasiga Rays o‘tkazildi, Deklanning o‘rniga esa chap qanot himoyachisi Lyuis-Skelli tushirildi. Shu bilan birga, hujumning o‘ng qanotida ancha vaqtdan buyon jarohatini davolagan Saka paydo bo‘ldi. Aynan Saka va Skellining harakatlari o‘yin taqdirini hal qildi. Bukayo o‘z qanotida istagan ishini qildi va uning uzatmasidan keyin Yokeresh tezkor gol bilan hisobni ochdi.
Keyin esa Sakaning o‘zi shvetsiyalik hujumchining uzatmasini golga aylantirdi. Arteta uni seshanba oqshomida YeChL yarimfinalida «Atletiko»ga qarshi kechadigan javob o‘yini uchun asrashga qaror qilib, tanaffusda zaxiraga oldi. Ammo u unga 45 daqiqa ham uchta yubiley natijaga erishish uchun yetarli bo‘ldi – 80 gol, 70 assist va 150 ball. Uning maydonga tushishi Yokereshning ham o‘yinini ochib yubordi, u bo‘lim oxirlarida Trossarning uzatmasi orqali dubl qayd etdi. Bu uning uchun «Arsenal» safida ilk bor bir o‘yinda 2+1 ko‘rsatkich qayd etishi bo‘ldi. Shuningdek, Viktor Aleksis Sanches davridan buyon «Arsenal»dagi ilk mavsumida yigirmadan ortiq gol urgan (21) ilk futbolchiga aylandi.
Bu o‘yin mezbonlarning to‘liq ustunligida o‘tgani quyidagi suratda yaqqol aks etgan: «Arsenal» himoya chizig‘i shu qadar yuqori joylashganki, darvozabon David Rayya maydonning ikkinchi qismiga kelib podkat amalga oshirmoqda.
Bu o‘yindagi yirik hisobdagi g‘alaba chempionlik poygasida qo‘l kelishi mumkin, agar mavsum yakunida «Arsenal» va «Manchester Siti»ning ochkolari teng kelib qolsa, birinchi navbatda to‘plar nisbatiga qaraladi. Hozirda «kanonirlar» +4 ko‘rsatkichiga ega va keyingi raqiblar ham nisbatan osonroq: «Vest Hem» (18-o‘rin), «Byornli» (19-o‘rin) va «Kristal Pelas» (14-o‘rin). «Siti»ning qolgan 5 raqibidan 3 tasi yevrokuboklar uchun kurashmoqda: «Everton» (11-o‘rin), «Brentford» (6-o‘rin), «Bornmut» (8-o‘rin), «Kristal Pelas» (14-o‘rin) va «Aston Villa» (5-o‘rin).
Ispaniya: Simeonening 1000-o‘yini va YeChLga chiqqan «Vilyarreal»
«Vilyarreal» – «Levante» 2:1
Gol: Mikautadze, 38 (1:0). Espi, 51 (1:1). Moleyro, 62 (2:1). Mikautadze, 68 (3:1). Byukenen, 87 (4:1). Pepe, 90 (5:1)
«Vilyarreal»: Tenas, Veyga, Navarro (Kambvala, 81), Pedrasa (Kardona, 74), Frimen, Parexo (Parti, 74), Komesanya, Moleyro, Pepe, J. Moreno (Byukenen, 84), Mikautadze, Peres
«Levante»: Rayan, M. Moreno, Matturro, Pampin, Tolyan, Arriaga (Ragube, 68), Olasagasti, Pablo Martines (Bruge, 77), Romero (Tunde, 46, Etta Eyong, 68), Alvares (Losada, 30), Espi
Ogohlantirishlar: Parexo, 45. Veyga, 55 – Arriaga, 45
Mavsumning katta qismida uchinchi o‘rinni o‘zida saqlab turgan «Vilyarreal» bu turda «Levante»ni yirik hisobda tor-mor etib, valensiyaliklarning ligada qolish imkoniyatlarini amalda nolga tenglashtirdi. O‘z navbatida, «submarinalar» bu g‘alaba orqali qatorasiga ikkinchi mavsumda Chempionlar ligasi umumiy guruh bosqichida ishtirok etishini kafolatladi. Marselino shogirdlarida yevrokubokning bu mavsumidagi muvaffaqiyatsizlikni to‘g‘rilash imkoni bo‘ladi. Shanba oqshomidagi o‘yinni Mikautadzening dubli hal qildi, u avvaliga raqib himoyasidagi qo‘pol xatodan foydalandi, keyin esa Pepening qanotdan uzatmasini darvoza to‘riga to‘g‘rilab yubordi. O‘tgan yozda «Lion»dan Ispaniyaga ko‘chib o‘tgan ushbu gurjistonlik hujumchi ilk mavsumida barcha turnirlar doirasida 13 gol urishga erishdi.
«Valensiya» – Atletiko» 0:2
Gollar: Luke, 74 (0:1). Kubo, 82 (0:2)
«Valensiya»: Dimitriyevski, Tarrega, Pepelu, Xose Gayya (Vaskes, 73), Saraviya (Raba, 82), Rodriges, Gerra, Ugrinich (Duro, 59), Rioxa (Diyego Lopes, 59), Sodiq, Ramazani (Gruneveld, 73)
«Atletiko»: Musso, Langle, Le Norman, Dias, Bonyar (Purich, 90+7), Mendosa (Koke, 73), Vargas, Morsilio (Luke, 63), Almada (Grizmann, 73), Molina, Belaid (Kubo, 63)
Ogohlantirishlar: Tarrega, 67 – Almada, 29. Mendosa, 52. Vargas, 61
«Atletiko» «Valensiya» uchun noqulay raqib sifatidagi maqomini mustahkamlab, qatorasiga beshinchi o‘zaro o‘yinda g‘alaba qozondi. Qolaversa, «matraschilar» o‘yinning birinchi bo‘limida mezbonlarga darvoza sohasi tomon birorta zarba berishga imkon qoldirmadi, ikkinchi bo‘lim oxirida esa shu kuni la ligada debyut qilgan ikki yosh futbolchi «ko‘rshapalaklar» jamoasini nokautga uchratdi. Diyego Simeone YeChL yarimfinali doirasida Londonga safar oldidan asosiy tarkib futbolchilariga dam bergandi va yosh futbolchilar taqdim etilgan imkoniyatdan foydalanishdi.
Avvaliga 20 yoshli forvard Luke o‘z debyutini gol bilan nishonladi, keyin esa 18 yoshli Migel Kubo bu darajadagi ilk o‘yinini madridliklar afsonasi Grizmanning uzatmasi orqali urgan goli bilan eslab qoladigan bo‘ldi. Fransuz hujumchi klublar darajasidagi 800-o‘yinida navbatdagi golli harakatini amalga oshirdi. Bu o‘yin Simeone uchun ham yubiley edi, argentinalik mutaxassis shu kuni murabbiylik faoliyatidagi 1000-o‘yinini o‘tkazdi. Shunday o‘yinda jamoa tarixida 1984 yildan buyon kuzatilmagan holat qayd etildi: 42 yildan buyon «Atletiko» ikki debyutantning ikki goli bilan g‘alaba qozonmagandi.
«Osasuna» – «Barselona» 1:2
Gollar: Levandovski, 81 (0:1). Torres, 86 (0:2). Raul Garsiya, 88 (1:2)
«Osasuna»: Errera, Boyomo, Katena, Galan, Roze, Torro (Osambela, 85), Monkayola (Barxa, 85), Moyses Gomes (Oros, 70), Moro, R. Garsiya (Bretones, 86), Budimir (Raul Garsiya, 70)
«Barselona»: X. Garsiya, Kubarsi, Martin, Joau Kanselu, E. Garsiya (Arauxo, 82), Gavi (de Yong, 62), Pedri (Bernal, 88), Olmo (Torres, 62), Fermin Lopes, Barji (Reshford, 62), Levandovski
Ogohlantirishlar: Monkayola, 74. Krus, 90 – Gavi, 24. E. Garsiya, 60
«Barselona»ning vaziyati juda oddiy – kataloniyaliklar shu turdayoq maydondan tashqarida turib chempion bo‘lishi mumkin. Buning uchun «Real» yakshanba kuni «Espanyol»ga qarshi o‘yinda ochko yo‘qotishi talab etiladi.
Ammo jamoa birinchi navbatda shanba kuni Pamplonada kechadigan o‘yinda g‘alaba qozonishi talab etilardi va bu har qanday raqib uchun oson ish emas. O‘yinning birinchi bo‘limi «Osasuna» nafaqat peshqadamning hujumlarini qaytarib turdi, balki o‘zi ham xavfli qarshi hujumlar uyushtirdi.
O‘yin kartinasi ikkinchi bo‘limda o‘zgara boshladi va Rafinya va Yamal kabi yetakchilar yo‘q sharoitda Reshford ko‘p ishni o‘z gardaniga oldi. Zaxiradan o‘yinga qo‘shilgan ingliz hujumchisi avvaliga o‘zi xavfli zarba berdi, keyinroq qanotdan Levandovskining boshiga ajoyib uzatma berdi. O‘tkazib yuborilgan goldan keyin mezbonlar to‘liq kuch bilan oldinga o‘tib ketishdi va ikkinchi golni o‘tkazib yuborishdi – Fermin Lopes chiziqlar orasidan o‘tkazilgan pas bilan Ferran Torresning goliga assistentlik qildi.
Ikki gol ustunligidan keyin «Barsa» futbolchilari biroz bo‘shashdi va 88-daqiqada jarima maydonida yolg‘iz qoldirilgan Raul Garsiya mezbonlarning hisobni qisqartiruvchi golini urdi.
Shunga qaramay, «Barselona» la ligada qatorasiga 10-g‘alabasini nishonladi va endi bugun «Real» va «Osasuna» o‘yini qanday natijada yakunlanishini kutmoqda. Madridliklar bugun safardan g‘alaba bilan qaytadigan bo‘lsa, «Barselona» keyingi haftada bo‘lib o‘tadigan klasikoda chempionlikni rasmiylashtirishi mumkin.
U ko‘p yillar Farg‘onaning «Neftchi» klubi safida to‘p surgan, O‘zbekiston milliy jamoasi bilan 1994 yilgi Osiyo o‘yinlarida chempion bo‘lgandi.
O‘zbekiston milliy jamoasi sobiq futbolchisi, O‘zbekistonda xizmat ko‘rsatgan sportchi va murabbiy, futbol faxriysi Abdusamad Do‘rmonov 60 yoshda vafot etdi.
Abdusamad Do‘rmonov 1965 yil Termiz shahrida tug‘ilgan. Futbolchilik faoliyati davomida «Paxtakor» (1987-1989), «Surxon» (1990-1991) va «Neftchi» (1992-2002) kabi klublarda to‘p surgan, Farg‘ona klubi jamoasi bilan besh marta O‘zbekiston chempioni bo‘lgan.
Shuningdek, 1992-1994 yillarda O‘zbekiston milliy jamoasiga chaqirilgan, 1994 yil Yaponiyada o‘tkazilgan Osiyo o‘yinlarida g‘olib bo‘lgan.
U futbolchilar oilasi vakili bo‘lib, ukasi Rustam Do‘rmonov ham u bilan birga «Neftchi» klubi sharafini himoya qilgan, yana bir ukasi Ravshan Do‘rmonov esa Termizning «Surxon» klubida o‘ynagan.
Abdusamad Do‘rmonov 2002 yilda futbolchilik faoliyatini yakunlagach, «Neftchi», «Yozyovon lochinlari» va «Istiqlol» kabi klublarda murabbiy sifatida ishlagan, hozirga qadar «Neftchi» klubi murabbiylar shtabida ishlayotgandi.
«Barselona» hujumchisi Robert Levandovski faoliyatini «Yuventus»da davom ettirishi mumkin deb xabar berdi Tuttosport.
Turinliklar va polshalik forvardning agenti muzokara o‘tkazgan.
Xabarga ko‘ra, «Yuventus» kelasi mavsum uchun YChL yo‘llanmasini qo‘lga kiritsa, 37 yoshli futbolchi klubga o‘tish taklifini ko‘rib chiqishga tayyor.
Levandovskining «Barselona» bilan amaldagi shartnomasi 2026-yil yozigacha mo‘ljallangan. Kataloniyaliklar futbolchiga yangi shartnoma taklif qilgan, ammo unda maosh keskin kamaytirilishi ko‘zda tutilgan va bu hujumchiga ma’qul kelmagan.
AQSh soliq boshqarmasi afsonaviy bokschi Floyd Meyvezer (Kichik)ni ogohlantirdi — agar soliqdan qarzlarini uzmasa fuqarolik pasporti bekor qilinishi mumkin. Bu haqda The Ring nashri xabar tarqatdi.
Manbaga ko‘ra, sportchining zafarli faoliyati ortida ulkan muammo — 7,25 million dollardan ortiq soliq qarzdorligi mavjud.
O‘zining beqiyos janglari bilan mashhur Floyd Meyvezer so‘nggi paytlarda moliyaviy mojarolar girdobida qoldi. Boks va reklama shartnomalaridan kelgan behisob daromadlariga qaramay, sobiq chempion harakatlanish erkinligini cheklashi mumkin bo‘lgan to‘siqqa duch keldi. Davlat soliq idorasi agar Meyvezer majburiyatlarini bajarmasa yoki to‘lovni bo‘lib to‘lash borasida kelishuvga erishmasa, uning xorijga chiqish hujjati amaldan to‘xtatilishini ta’kidladi.
2017-yilda katta sportni tark etgan bokschi o‘z vaqtida: «Pul topish boshqa, uni oqilona sarflash mutlaqo boshqa narsa», degan edi.
Pasporti bekor qilinishining oldini olish uchun sportchida bir nechta yo‘l bor. U qarzini to‘liq yopishi yoki to‘lov muddatini uzaytirish bo‘yicha kelishib olishi zarur. Shuningdek, bankrotlik to‘g‘risida ariza topshirish ham imkoniyatlardan biri sifatida ko‘rilmoqda.
FIDEning reyting jadvali may oyiga ko‘ra yangilandi. Unga ko‘ra, Nodirbek Abdusattorov va Javohir Sindorov dunyoning TOP-5 shaxmatchilari qatoridan joy olishdi.
FIDE reytingi. Kuchli beshlik:
1-o‘rin — Magnus Karlsen (2840)
2-o‘rin — Hikaru Nakamura (2792)
3-o‘rin — Fabiano Karuana (2788)
4-o‘rin — Nodirbek Abdusattorov (2780)
5-o‘rin — Javohir Sindorov (2776)
Ma’lumot uchun, Javohir Sindorov Nomzodlar turniridagi chempionlikdan so‘ng kuchli beshtalikdan joy oldi.
Toshkentdagi ayrim ko‘chalar 11-maygacha yopildi
Toshkent metrosida yo‘lovchi poyezd yo‘liga tushib ketdi
«Arsenal»da yirik g‘alaba, «Barsa» bugun chempion bo‘lishi mumkin
-
Siyosat4 days agoOʻzbekistonda yashirin forumda davlat xizmatchilariga oid maʼlumotlarning sizib chiqib ketishini tekshirmoqda
-
Siyosat4 days agoOʻzbekiston Davlat investitsiya jamgʻarmasi Toshkent va Londonda ikki tomonlama IPO oʻtkazdi
-
Mahalliy5 days ago
Gulga shaydo onaxon, kitob “ovchisi” va chemodansiz sayyoh…
-
Jamiyat4 days agoMashina olib berish va’dasida yuzlab odamni chuv tushirgan “Umid avto”chilarga hukm o‘qildi
-
Siyosat3 days agoPrezident Mirziyoyev energiya tejash vositasi sifatida kommunal xizmatlarni oʻchirishni taqiqlovchi farmonni imzoladi
-
Dunyodan4 days ago
Jarrohlar Apple Vision Pro foydasiga monitorlardan voz kechishmoqda
-
Turk dunyosi3 days agoKurd jangari rasmiysining aytishicha, Turkiya islohotlarning yoʻqligi tufayli tinchlik muzokaralarini toʻxtatib qoʻymoqda
-
Iqtisodiyot4 days ago«Kursga sun’iy ta’sir o‘tkazish tarafdori emasmiz»