Jamiyat
Onamga atalgan guldasta
O‘shanda 8-mart edi. Sovg‘a tanlashim kerak. Qiz nafaqat universitetning, balki shaharning eng go‘zali. Unga ancha avvaldan fikran ko‘plab sovg‘alar taqdim etaman. Biroq ko‘nglim to‘lmaydi. Nihoyat, tushliksiz o‘tgan va o‘tadigan bir necha kunim, oshqozonning zaxmi badaliga gul do‘konidagi eng chiroyli, katta bir guldastani sotib oldim. Kunda ko‘z oldimda gavdalanadigan uning tabassumli va sirli sumbati, tug‘ma instinkt — ochlikdan ancha ustun edi.
Tanlangan gul ko‘rki tarovati bilan tevarakdagi barchani maftun etayotgandek edi. Hammaning e’tibori shu guldastada edi.
Qosh qorayganda uyga keldim, ko‘zdan xoli joy deb, guldastani garajga berkitib qo‘ydim. Uyda onam tez orada mehmonlar kelishini bildirib, qolishimga shuncha undashiga qaramay, ketishimni qat’iy aytdim. Uchrashuv vaqti yaqinlashar, men judayam betoqat edim. O‘sha paytlar onam cho‘ntaklarimga sedana va qalampirmunchoqdan solib qo‘yardi. Ular o‘zgacha ifor taratib tursa-da, shu kuni cho‘ntagimni ulardan bo‘shatdim, o‘rniga eng so‘nggi urfdagi atirdan sepdim.
So‘ng dunyodagi eng go‘zal qizga atalgan gulni olish uchun garajga kirdim. Sekin garaj orqali uydan chiqib ketayotganimda ortimdan onam chaqirib qoldi. Qayrilib qarasam, qo‘llarida kurtkamni ushlab olgan. Orzumand bo‘lib, bir nigoh tashlab, «Kurtkangni kiyib ol, yomg‘ir yog‘yapti», dedi. Meni xijolatda qoldirmaslik uchunmi, ataymi o‘zini guldastani ko‘rmaslikka soldi. Men esa kurtkani kiymasligimni aytib, shoshib yo‘lda davom etdim. Onam ortimdan qarab qolaverdi. Bu ilhaq nigohlarni qayrilmasdan ham aniq ilg‘ar edim.
Entikib shoshardim, go‘yo borliqning inoyati, necha oylaru, bedor kechalar xatlar yozib, qalbiga zo‘rg‘a yo‘l topganim — sohibjamol meni kutar edi. U shahardagi eng badavlat oila farzandi, men esa oddiy o‘rtahol oiladan edim. Bu tafovut hozircha «ko‘zi ko‘r sevgi»ning soyasida sezilmas, ammo tez orada unga erishish uchun to‘qilgan yolg‘onlar qalqib chiqishi tayin edi. Buni hozircha bildirmaslik uchun o‘zimni serhasham ko‘rsatar, unga eng muhtasham onlarimni hadya etardim.
Nihoyat, uchrashuv joyidaman. Belgilangan vaqt o‘tib boryapti, ammo sohibjamoldan darak yo‘q. Aksiga olib, telefoni ham o‘chiq. Yomg‘ir esa shovullab quyardi. Bir soat o‘tdi, kutyapman. Ikki soat. Yarim tunga qadar kutdim. Nihoyat, umidimni uzib, alam bilan guldastani uloqtirdimu, uyga qaytdim. Uyda onam bedor kutib o‘tirgan ekan. O‘sha kecha yomg‘irda ivib ketib, shamollab, isitmalab chiqdim. Onam bechora tongga qadar uxlamay qarab chiqdi.
Holim juda xarob edi. O‘sha kecha alamzadalik va notavonlik, cheksiz aybdorlik hissi bilan o‘zimni koyib chiqdim. O‘ylab ko‘rsam, biror marta 8 mart bayramida onamga gul bermagan ekanman. Onamni mehrli ko‘zlariga zimdan qarab, kelgusi yil bayramda va undan keyin ham endi, albatta, onajonimga eng chiroyli guldastani hadya etaman deb ahd qildim.
Vaqt o‘tmay qolmas ekan. Bir zumda yana 8 mart ham keldi. Gul do‘kondan eng serhasham, eng katta va chiroyli guldastani oldim. Yana yomg‘ir yog‘ardi. O‘sha onam kiyishimni istagan chiroyli kurtkamni kiyib olganman, ammo cho‘ntaklari bo‘sh, endi qancha istasam ham ulardan sedanayu, qalampirmunchoqning yoqimli ifori kelmasdi.
Yo‘l-yo‘lakay ko‘pchilik havas bilan qaragan «Onajonim»ga yozuvi bilan bezalgan bu gullarni, afsus, onamga taqdim eta olmadim… Ularni ming bir iztirob bilan qabri poyiga qo‘ydim…
Qissadan hissa-ki: O‘ylamang, onalar boqiy, ona abadiy. Anglamoq ekan lozim va dushvor. Ehtimol oxirgisi, bugungi diydor.
Buxoro viloyati hokimiga birinchi o‘rinbosar tayinlandi.
Jamshid Sharopov Buxoro viloyati hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – viloyat iqtisodiyot va moliya boshqarmasi boshlig‘i lavozimiga tayinlandi.
Jamshid Sharopov 1984-yil 27-yanvarda G‘ijduvon tumanida tug‘ilgan. 2005-yilda Buxoro davlat universiteti, 2009 yilda Toshkent davlat iqtisodiyot universitetini tamomlagan. Ma’lumoti bo‘yicha mutaxassisligi-iqtisodchi.
Mehnat faoliyatini 2002-yilda AT “Paxta Bank”ning Buxoro viloyati boshqarmasi bank jarayonlari bo‘limi iqtisodiy bo‘linmasi mutaxassisi sifatida boshlab, ATB “Agrobank” Buxoro viloyati boshqarmasi boshlig‘i (2014-2020), O‘zbekiston Respublikasi Markaziy banki Buxoro viloyati bosh boshqarmasi boshlig‘i (2020-2021), Shofirkon tumani hokimi (2021-2023), ATB “Agrobank” agrosanoat majmuasi korxonalarini moliyalashtirish departamenti direktori o‘rinbosari (2023-2026) lavozimlarida faoliyat yuritgan.
Ayni paytga qadar u ATB “Agrobank” muammoli kreditlar bilan ishlash departamenti direktori vazifasida ishlab kelayotgan edi.
«O‘zbekiston Respublikasi mustaqilligining o‘ttiz besh yilligi munosabati bilan chet el fuqarolari va xorijda istiqomat qilayotgan vatandoshlarimizni mukofotlash to‘g‘risida»gi Prezident farmoni e’lon qilindi.
Mukofotlanganlar ro‘yxati:
“Do‘stlik” ordeni bilan
Ivan Sao – “BYD Auto” kompaniyasining Yevropa sotuv bo‘limi bosh direktori o‘rinbosari
Klod Imoven – Fransiyaning “MEDEF International” harakatining O‘zbekiston-Fransiya ishbilarmonlar kengashi raisi
Masayoshi Fujimoto – “Sojitz” kompaniyasi direktori
Sabine Maxl – BMTning O‘zbekistondagi doimiy koordinatori
Turaman Sinan – Shayxontohur tumanidagi “Outdoor Factory Toshkent” mas’uliyati cheklangan jamiyati kuzatuv kengashi raisi, Toshkent shahri
II darajali “Salomatlik” ordeni bilan
Qahorova Nilufar Hamroyevna – AQShning Garvard universiteti huzuridagi Boston bolalar shifoxonasi loyiha menejeri
Yuldasheva Nodira Muxamedovna – Kanadaning Toronto shahridagi Kanadadagi o‘zbekistonliklar uyushmasi asoschisi, “Sog‘lom yo‘l” tibbiy va diagnostik markazi rahbari
“Shuhrat” medali bilan
Abdullayeva Shahlo Abdirashidovna – Koreya Respublikasining Kvangju shahridagi Migrant ayollar huquqlarini himoya qilish va ta’lim berish markazi rahbari.
Podpolkovnik Baxtiyor Inoqov Surxondaryo viloyati ichki ishlar boshqarmasi boshlig‘i etib tayinlandi. U bunga qadar Ichki ishlar vazirligi Akademiyasi magistratura bosqichida tahsil olgan.
Tayinlov Xalq deputatlari Surxondaryo viloyati Kengashining jamoat xavfsizligi va kriminogen vaziyatga bag‘ishlangan navbatdan tashqari sessiyasida ma’lum qilindi.
Sessiyada viloyatdagi jinoyatchilik holati ham tahlil qilindi. Joriy yilning hisobot davrida hududdagi 723 ta mahallaning 528 tasida (73 foiz) bironta ham jinoyat sodir etilmagan. Ichki ishlar xodimlarining tashabbusi bilan aniqlanadigan jinoyatlar soni 40 foizga yaxshilangan.
Shu bilan birga, 28 ta mahalla «qizil» toifada qolayotgani qayd etildi.
Yangi IIB boshlig‘iga jinoyatchilikka qarshi kurashish samaradorligini oshirish, har bir mahallada xavfsizlikni ta’minlash, aholi bilan yaqin muloqotni yo‘lga qo‘yish va fuqarolarning ichki ishlar organlariga ishonchini mustahkamlash vazifalari yuklatildi.
Yangi o‘quv yili arafasida O‘zbekiston hududidagi umumta’lim maktablari, dehqon bozorlari va savdo majmualarida mavsumiy «Maktab bozorlari» tashkil etilmoqda.
Raqobat qo‘mitasi mavsumiy savdo jarayonlarida iste’molchilarning huquq va manfaatlarini himoya qilish, raqobat muhitini ta’minlash hamda aholini sifatli va hamyonbop mahsulotlar bilan ta’minlash muhimligini ta’kidladi.
Qo‘mita ota-onalar va o‘quvchilarga xarid vaqtida mahsulotning sifati, ishlab chiqaruvchisi, narxi va boshqa muhim ma’lumotlarga e’tibor qaratishni tavsiya qildi.
Tadbirkorlarga esa «Maktab bozorlari»da sotilayotgan mahsulotlar sifati va narxlarining asosliligini ta’minlash, iste’molchilarga zarur axborotlarni taqdim etish hamda ularning huquqlariga rioya qilish majburiyati eslatildi.
Raqobat qo‘mitasi maktab bozorlarida faoliyat yuritayotgan tadbirkorlarni darsliklar, maktab formalari, o‘quv-yozuv qurollari va boshqa anjomlar narxlarini asossiz oshirmaslikka hamda qonunchilik talablariga qat’iy amal qilishga chaqirdi.
Fuqarolar «Maktab bozorlari»da narxlarni asossiz oshirish holatlariga duch kelsa, Raqobat qo‘mitasining 1159 ishonch telefoni orqali murojaat qilishi mumkin.
Qo‘mita tomonidan maktab bozorlarida narxlar barqarorligini ta’minlash maqsadida monitoring ishlari olib borilishi ma’lum qilindi.
Prezidentning 2026-yil 14-avgustdagi PQ–294-son qarori bilan 2027-yil 1-yanvardan muddatli to‘lov xizmati operatorlari faoliyati tartibga solinadi.
Ma’lum qilinishicha, muddatli to‘lov xizmatini ko‘rsatuvchi yuridik shaxslar operator hisoblanadi. Ular iste’molchiga tovar yoki xizmatni muddatli to‘lov asosida olish imkoniyatini vositachi sifatida taqdim etadi.
Qarorning 3-bandi «d» kichik bandiga ko‘ra, ko‘chmas mulk operator ko‘rsatadigan muddatli to‘lov xizmatining obyekti bo‘la olmaydi. Shu sababli vositachi operator orqali uy-joyni «rassrochka»ga olish imkoniyati nazarda tutilmagan.
Biroq bu qoida uy-joyni bo‘lib-bo‘lib to‘lash asosida sotishni umumiy tarzda taqiqlamaydi.
Qarorning 3-bandi «a» kichik bandida sotuvchi tomonidan iste’molchiga tovarni to‘g‘ridan-to‘g‘ri sotish holatlari muddatli to‘lov xizmati tushunchasidan mustasno qilingan.
Shunga ko‘ra, quruvchi o‘zining qurgan uy-joyini xaridorga bevosita bo‘lib-bo‘lib to‘lash sharti bilan sotishi mumkin. Ya’ni yangi tartib quruvchi va xaridor o‘rtasidagi to‘g‘ridan-to‘g‘ri savdoni taqiqlamayapti.
Demak, ijtimoiy tarmoqlarda tarqalayotgan «endi uyni rassrochkaga olib bo‘lmaydi» degan talqin to‘liq to‘g‘ri emas. Cheklov aynan muddatli to‘lov operatorlari orqali ko‘chmas mulkni moliyalashtirishga taalluqli.
Yangi tartibga ko‘ra, muddatli to‘lov operatorlari maxsus reyestrga kiritiladi va ularning faoliyati Markaziy bank nazorati ostida bo‘ladi. Shuningdek, operatorlar bilan tuziladigan shartnomalar, ustama va komissiyalarga nisbatan aniq talablar belgilanadi.
Shunday qilib, 2027-yildan operator orqali uy-joyni «rassrochka»ga olish cheklanadi, ammo quruvchining xaridorga uyni bevosita bo‘lib-bo‘lib to‘lash sharti bilan sotishi saqlanib qoladi.
Shavkat Mirziyoyev AQSh kongressmenlari delegatsiyasini qabul qildi
O‘zbek tilini o‘qitish bo‘yicha muhim tadbir tashkil etildi
Buxoro viloyati hokimiga birinchi o‘rinbosar tayinlandi
-
Iqtisodiyot5 days ago
O‘zbekiston qaysi davlatlarga ko‘proq eksport qilmoqda?
-
Siyosat17 hours ago
Илҳом Алиев Тошкентда тантанали кутиб олинди
-
Iqtisodiyot5 days ago
Mikro GESlarni loyihalash va qurish tartibi soddalashtiriladi
-
Mahalliy2 days ago
O‘zbekistonda 10-sinf o‘quvchilari o‘qishini texnikumga ko‘chirishi mumkin bo‘ladi
-
Iqtisodiyot4 days ago
Yangi boshlayotgan tadbirkorlar 5 mlrd so‘mgacha kreditni onlayn rasmiylashtirishi mumkin
-
Jamiyat3 days ago
O‘zbekistonda endi uylarni «rassrochka»ga olib bo‘lmaydimi?
-
Iqtisodiyot5 days agoO‘zbekistonning kuzatilmaydigan iqtisodiyoti 245,5 trln so‘mga yetdi
-
Mahalliy5 days ago
Talabalar uchun o‘quv yili qachon boshlanishi aniq bo‘ldi