Iqtisodiyot
2025 yil o‘zbek so‘mi uchun qanday o‘tdi?
Joriy yilda so‘m dollarga nisbatan qariyb 6,8 foizga mustahkamlandi. Iqtisodchi Mirkomil Xolboyev milliy valutaning mustahkamlanishiga qanday omillar ta’sir qilganini tahlil qildi. Uning qayd etishicha, so‘m bilan kuzatilgan yana bir o‘ziga xos o‘zgarish so‘m-dollar juftligida koridorning sezilarli kengaygani bo‘ldi.
2025 yilda so‘m dollarga nisbatan 6,8 foizga mustahkamlangan. Taqqoslash uchun, bu davrda tenge 3,9 foizga, rubl esa 23,8 foizga mustahkamlangan bo‘lsa, qirg‘iz somi 0,5 foizga qadrsizlangan. Shuningdek, yirik valutalardan frank 13,5 foizga, yevro 12,4 foizga, funt 7,9 foizga, iyena esa 0,8 foizga AQSh valutasiga nisbatan o‘z qadrini oshirgan. Iqtisodchi Mirkomil Xolboyevning yozishicha, bu holat Tramp tomonidan qaror qabul qilishdagi noaniqliklarning ortishi va savdo urushi bilan bog‘liq.
Manba: Mirkonomika Telegram kanali
«Joriy yilda so‘mning tarixiy mustahkamlanishida dollarning global qadrsizlanishi (dollar indeksi yil davomida 9,4 foizga qadrsizlandi) va asosiy eksport tovarimiz hisoblagan oltin narxining yuqori o‘sishi (2025 yilda 70 foiz) natijasida oltin eksportidan tushumlarning tarixiy ko‘rsatkichga yetishi (11 oyda 9,9 mlrd dollar) rol o‘ynadi.
Shuningdek, asosiy mehnat bozorlarida valuta kursi sezilarli mustahkamlanishi natijasida (rubl) pul o‘tkazmalarining kutilmalarga nisbatan yuqori o‘sishi (11 oyda 17,3 mlrd dollar) hamda investitsiya oqimining yuqori o‘sayotganligi (asosiy kapitalga investitsiyalarda xorijiy investitsiya va kreditlar hajmi 9 oyda 24 foizga o‘sgan) milliy valutamiz mustahkamlanishini qo‘llab-quvvatlagan», deya yozdi iqtisodchi.
Mirkomil Xolboyevning qo‘shimcha qilishicha, so‘m jami sessiyalarning 53,4 foizi davomida mustahkamlangan.
«2025 yil davomida so‘m 134 ta sessiya davomida mustahkamlangan. Bu jami sessiyalarning 53,4 foizini tashkil etadi. Taqqoslash uchun, 2024 yilda so‘m 108 kun, 2023 yilda esa 102 kun (sessiya) mustahkamlangan.
Joriy yilga eng yaqin ko‘rsatkich 2022 yilda qayd etilib, o‘sha yilda so‘m 127 ta sessiyada mustahkamlangandi. Lekin 2022 yilda so‘m dollarga nisbatan 3,7 foizga qadrsizlangan bo‘lsa, joriy yilda qariyb 7 foizga mustahkamlandi», deya qayd etgan iqtisodchi.
Manba: Mirkonomika Telegram kanali
So‘m bilan kuzatilgan yana bir o‘ziga xos o‘zgarish so‘m-dollar juftligida koridorning sezilarli kengaygani bo‘lgan. Joriy yilda so‘m-dollar juftligida o‘rtacha kunlik o‘zgarish 34,7 so‘mni (maydan keyingi davrda 45,2 so‘m) tashkil etdi. Taqqoslash uchun, 2024 yilda kunlik o‘zgarish 15,1 so‘mni, 2023 yilda 17,3 so‘mni tashkil etgan. Sentyabrdan keyingi davrda koridor biroz qisqargan bo‘lsa-da, yil boshiga nisbatan sezilarli yuqoriligicha qolgan.
Manba: Mirkonomika Telegram kanali
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat1 day ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat1 day ago
O‘zbekiston do‘konlarida 73 turdagi mahsulot sifatsiz deb topildi