Mahalliy
Yurtimizda “Tojikiston madaniyati va kinosi kunlari” boshlandi
23–29 mart kunlari O‘zbekistonda “Tojikiston madaniyati va kinosi kunlari” bo‘lib o‘tadi. Bu haqda O‘zbekiston Respublikasi Madaniyat vazirligi matbuot xizmati xabar berdi.
Qayd etilishicha, mazkur tadbirning asosiy maqsadi ikki mamlakatning boy madaniyati va ma’naviy merosini keng namoyish etishdan iborat. Ayni damda “Tojikiston madaniyati va kinosi kunlari” tadbirlari doirasida “Navro‘zi olam” nomli uch avlod uchrashi bo‘lib o‘tmoqda.
Shuningdek kelgusida tomoshabinlar uchun “Qarmoqqa baliq”, “Haqiqat izlab”, “Hayot go‘zal”, hamda “Jo‘ra Sargor” kabi filmlar namoyish etiladi.
Bayram tadbirlari va keng ko‘lamli madaniy dasturlar Toshkent va Samarqand shaharlarida tashkil etilishi rejalashtirilgan.