Jamiyat
Yog‘ va hayvon oqsili qarishga ta’sir ko‘rsatishi ma’lum bo‘ldi
Hatto ovqatlanishdagi qisqa muddatli o‘zgarishlar ham odamlarning biologik yoshiga ijobiy ta’sir ko‘rsatishi mumkin. Bu haqda Sidney universiteti olimlari tomonidan Aging Sell jurnalida e’lon qilingan xulosada aytiladi.
Tadqiqotda 65 yoshdan 75 yoshgacha bo‘lgan 104 kishi ishtirok etdi. Ko‘ngillilar yog‘, uglevod va hayvon oqsilini turli xil miqdorda iste’mol qildilar. Tajriba to‘rt hafta davom etdi.
O‘zgarishlarni baholash uchun olimlar xolesterin, insulin va C-reaktiv oqsil darajasi kabi 20 dan ortiq biomarkerlardan foydalanganlar. Ushbu ko‘rsatkichlar asosida tadqiqotchilar biologik yosh deb nomlanuvchi narsani – tananing holatini va qarish tezligini aks ettiruvchi ko‘rsatkichni hisoblab chiqdilar.
Yog‘ yoki hayvon oqsili iste’molini kamaytirish biologik yoshning pasayishi bilan bog‘liqligi aniqlandi. Eng sezilarli ta’sir yuqori uglevodli, o‘rtacha yog‘li parhez iste’mol qilgan ishtirokchilarda kuzatildi.
Mualliflar natijalar hali ham dastlabki deb hisoblanishini ta’kidlaydilar, ammo tadqiqot shuni ko‘rsatadiki, ovqatlanishdagi kichik o‘zgarishlar ham qarish va umumiy sog‘liq bilan bog‘liq ko‘rsatkichlarga tezda ta’sir qilishi mumkin.