Jamiyat
Yil boshidan buyon chiqindi bilan bog‘liq 2,1 mingta qoidabuzarlik aniqlangan
2026-yilning dastlabki 3 oyida respublikada chiqindi bilan bog‘liq jami 2 107 ta qoidabuzarlik holati aniqlangan.
Chiqindilarni boshqarish va sirkulyar iqtisodiyotni rivojlantirish agentligining ma’lum qilishcha, shundan 322 ta huquqbuzarlik bo‘yicha ma’muriy javobgarlik qo‘llanilib, jarimalar undirilgan. Qolgan 1 785 ta qoidabuzarlikka qonunchilikda belgilangan tartibda choralar belgilanmoqda.
Ma’lumot uchun, respublikaning deyarli barcha hududlarida jami 700 ga yaqin onlayn kuzatuv kamerasi o‘rnatilgan bo‘lib, ular nafaqat chiqindi tashlash, balki boshqa turdagi ekologik huquqbuzarliklarni ham aniqlash va chora ko‘rish imkonini beradi.