Iqtisodiyot
Yaqin Sharqdagi vaziyat munosabati bilan eksportchilarga favqulodda yordam mexanizmi joriy qilindi
Yaqin Sharq mintaqasidagi hozirgi keskinlik Yaqin Sharq orqali tranzit va eksport operatsiyalarini amalga oshirayotgan mahalliy tadbirkorlar uchun jiddiy muammolarni yuzaga keltirmoqda.
Investitsiyalar, sanoat va savdo vazirligining Telegram-botida (@miit_tashqisavdo_bot) «Yaqin Sharq mamlakatlariga eksport bilan bog‘liq muammolar» deb nomlangan maxsus bo‘lim ochildi.
Ushbu bo‘lim orqali eksportchilar va tadbirkorlar logistika, bojxona rasmiylashtiruvi, tranzit, to‘lovlar va boshqa tashkiliy qiyinchiliklar bo‘yicha onlayn tarzda murojaat yuborishlari mumkin.
Bundan tashqari, respublika eksport shtabi huzurida tun-u kun ishlaydigan Call-markaz tashkil etilgan. Quyidagi raqam orqali bevosita murojaat qilish mumkin: +998 71 238 52 52.