Dunyodan
Yaqin Sharqda o’t ochishni to’xtatish haqidagi xabarlar tufayli neft narxi keskin tushib ketdi
Neft narxi AQSh va Eron o’rtasida ikki haftalik otashkesim imzolanishi mumkinligi haqidagi xabarlar ortidan tushib ketdi.
8 aprel holatiga ko‘ra, Brent markali neft narxi bir kunda taxminan 110 dollardan 95 dollarga tushdi. Umuman olganda, neft narxi 14 foizga tushdi.
Shu bilan birga, neft mahsulotlari ham arzonlashdi.
Yoqilg’i moyi narxi 17 foizga tushdi. Benzin deyarli 10 foizga arzonlashdi.
Mutaxassislar bu holatni Hormuz bo‘g‘ozining ochilishiga oid taxminlar bilan bog‘lashmoqda. Dunyo neftining katta qismi ushbu strategik koridor orqali tashiladi.
Eslatib o‘tamiz, avvalroq AQSh prezidenti Donald Tramp agar Eron hujumlarni to‘xtatsa, ularni vaqtincha to‘xtatishga tayyorligini bildirgan edi. Eron tashqi ishlar vaziri Abbos Arakchi ham xuddi shunday bayonot berib, ikki hafta ichida yuk tashish harakati tiklanishi mumkinligini aytdi.
Ayni paytda Isroil ham o‘t ochishni to‘xtatish imkoniyatini qo‘llab-quvvatlayotgani xabar qilingan.
Mutaxassislarning fikricha, Hormuz bo‘g‘ozining ochilishi neft bozoridagi bosimni yanada kamaytirishi mumkin.