Dunyodan
Yaponiya rekord darajadagi mudofaa byudjetini tasdiqladi. nega?
Associated Press agentligining xabar berishicha, Yaponiya hukumati 2026-moliya yili uchun mudofaa byudjyetini tasdiqlagan. Bu summa 9 trillion iyendan (taxminan 58 milliard dollar) oshadi.
Yaponiya mudofaa byudjetining qariyb 970 milliard iyen (6,2 milliard dollar) uzoq masofali raketalarga sarflanadi. Bu mablag‘dan 177 milliard iyen (1,13 milliard dollar) qariyb 1000 kilometr masofaga uchadigan “yer-kema” raketalariga ajratiladi. Sohil mudofaasi uchun Yaponiya yer usti va suv osti dronlariga 100 milliard iyen (640 million dollar) sarflashni rejalashtirmoqda.
Yaponiya bosh vaziri Sanae Takaichi Tayvan inqirozi mamlakat uchun “ekzistensial tahdid” keltirib chiqarishi mumkinligini aytdi. Agar vaziyat yomonlashsa, Tokio o’zining “jamoaviy mudofaa huquqidan” foydalanadi. Xitoy rasmiylari Yaponiya bosh vazirining so‘zlarini Xitoyning ichki ishlariga bevosita aralashuv sifatida baholadi.
Dekabr oyi boshida Yaponiya qiruvchi samolyotlari Miyako bo‘g‘ozida Xitoy aviatashuvchisi guruhining mashg‘ulotlarini buzishga uringan edi.