Jamiyat
xizmat ularni yangi shaharlarga yetkazishda yordam beradi
Endi Korzinka mahsulotlarini Market Yandex Go orqali buyurtma qilish mumkin. Ushbu hamkorlik doirasida riteyler tovarlari Korzinkaning o‘z yetkazib berish xizmati hali ishlamayotgan O‘zbekiston shaharlariga yetkazib beriladi. Market Yandex Go tarmoq mahsulotlari namoyish etilgan birinchi onlayn maydonga aylandi.
Endilikda foydalanuvchilar Korzinka mahsulotlarini, shu jumladan, “365 kun” va “Iz Korzinki” xususiy savdo belgilari ostidagi tovarlarni Market Yandex Go platformasining alohida do‘konidan topishlari mumkin. Ayni paytda xaridorlarga oziq-ovqat, maishiy kimyo, gigiyena vositalari va boshqa kundalik ehtiyoj tovarlari taqdim etilgan. Kelgusida assortiment kengayib boradi va xaridorlar uchun birlamchi ehtiyoj tovarlari, masalan, shakar, un, yog‘, yormalar, makaron mahsulotlari ham mavjud bo‘ladi.
Korzinka mahsulotlarini Market Yandex Go platformasidagi boshqa mahsulotlarga qo‘shib sotib olish mumkin – hammasi bitta buyurtmada rasmiylashtiriladi. Xaridorlar uni eng yaqin buyurtmalarni topshirish punktidan mustaqil ravishda olib ketishi yoki to‘g‘ridan to‘g‘ri eshikkacha kurer orqali yetkazma rasmiylashtirishi mumkin.
Hamkorlik riteylerning o‘z onlayn savdosini oshirishga yordam berib, Korzinka tarmog‘iga Market Yandex Go logistika infratuzilmasidan foydalangan holda auditoriya qamrovini kengaytirish, yangi elektron tijorat formatlarini sinovdan o‘tkazish va butun mamlakat bo‘ylab tovarlarni yetkazib berish imkoniyatini taqdim etadi.
“Market Yandex Go bilan hamkorlikni yo‘lga qo‘ygan holda, biz hali Korzinka tarmog‘ining o‘z yetkazib berish xizmati faoliyat yuritmaydigan hududlardagi xaridorlarga mahsulotlarimizdan foydalanish imkoniyatini yaratamiz. Biz butun mamlakat bo‘ylab mijozlarga yaqinroq bo‘lishga va ularga sevimli mahsulotlarini o‘zlari uchun qulay formatda sotib olish imkoniyatini taqdim etishga intilamiz”, — deb ta’kidladi Korzinka biznes loyiha menejeri Sherzod Hoshimov.
Hozirda Market Yandex Go O‘zbekistonning barcha hududlarini qamrab olgan bo‘lib, butun mamlakat bo‘ylab 350 ta BTP ish yuritmoqda, kurer orqali yetkazib berish xizmatidan esa har kuni millionlab kishilar foydalanib kelmoqda.
“Ayni paytda Market Yandex Go nafaqat shunchaki onlayn platforma, balki O‘zbekistonning eng yirik brendlari uchun texnologik hamkor hamdir. Biz bizneslarga butun mamlakat bo‘ylab onlayn savdo kanallarini rivojlantirish va o‘zini tanitishga yordam beramiz. Ilk tashqi onlayn maydoncha sifatida Korzinka aynan bizni tanlaganidan g‘oyatda mamnunmiz”, — deya izoh berdi Market Yandex Go tijorat direktori Dmitriy Sergeyev.
Reklama huquqi asosida