Jamiyat
Xitoydagi shifokor O‘zbekistondagi bemorni robot yordamida operatsiya qildi
O‘zbekistonda ilk bor masofadan robot jarrohlik amaliyoti muvaffaqiyatli bajarildi.
Ushbu murakkab va yuqori texnologiyali operatsiyani akademik V.Vohidov nomidagi Respublika ixtisoslashtirilgan xirurgiya ilmiy-amaliy tibbiyot markazining malakali mutaxassisi Abdurashid Abdukarimov Xitoy davlatidan turib amalga oshirdi.
Robot jarrohlik tizimi shifokorga eng nozik harakatlarni ham yuqori aniqlikda bajarishga ko‘maklashadi. Bu esa bemorning kamroq jarohat olishi va qisqa muddatda tiklanishini ta’minlaydi.