Dunyodan
Xitoy Boeingdan 200 ta samolyot sotib oladi: Prezident Tramp
Donald Tramp Si Szinpin bilan uchrashuvdan so‘ng Xitoy Boeing’dan 200 ta samolyot sotib olishga rozi bo‘lganini ma’lum qildi.
Prezident Trampning aytishicha, Boeing avvalroq 150 ta samolyot sotishni rejalashtirgan, biroq shartnoma kutilganidan kattaroq bo‘lgan.
Shu bilan birga, tahlilchilar prezident Trampning Pekinga tashrifi yakuniga qadar 500 ta samolyotga buyurtma berilishini kutishgan. Reuters xabariga ko‘ra, aynan shu sababli Boeing aksiyalari 14-may kuni 4,1 foizga arzonlashgan.
Boeing Xitoydan deyarli o’n yil ichida katta buyurtma olmadi. Bu davrda Pekin asosan Airbus samolyotlarini sotib oldi.